Uncategorized

ಮೈಸೂರು,ಕುಡ್ಲ ದಸರಾ ಮಾದರಿಡ್ ಉಚ್ಚಿಲ ದಸರಾ 2022 : ನಾಡೋಜ ಡಾ. ಜಿ.ಶಂಕರ್

ಕಾಪುದ ಕಡಲ್ ಡ್ ಶಾರದೆ, ನವದುರ್ಗೆಯೆರೆಗ್ ಗಂಗಾರತಿ, 30 ಬೋಟುಡು ದೀಪಾಲಂಕಾರ, ಮೂರ್ತಿಲೆನ ಜಲಸ್ತಂಭನ

ಉಚ್ಚಿಲ : ಮೈಸೂರು ದಸರಾ, ಮಂಗಳೂರು ದಸರಾ, ಮಡಿಕೇರಿ ದಸರಾ ಇತ್ತಿಲೆಕನೆ ಒಡಿಪು ಜಿಲ್ಲೆಡ್ ಉಂದುವೇ ಸೂರೂತ್ತ ಸರ್ತಿ ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ದೇವಸ್ಥಾನ ದ ವಠಾರೊಡು “ಉಚ್ಚಿಲ ದಸರಾ 2022 ” ಭಾರಿ ಗೌಜಿಡ್ ಆಚರಣೆ ಮಲ್ಪರೆ ದ.ಕ. ಮೊಗವೀರ ಮಹಾಸಭಾ ಅಟ್ಟಣೆ ಮಲ್ದ್ಂಡ್ ಪಂದ್ ನಾಡೋಜ ಡಾ.ಜಿ.ಶಂಕರ್ ತೆರಿಪಾಯೆರ್.

ಆರ್ ಉಚ್ಚಿಲದ ಶ್ರೀ ಮಹಾಲಕ್ಷ್ಮಿ ದೇವಸ್ಥಾನದ ಕಚೇರಿಡ್ ಬುಧಾರ ನಡತಿನ ಸುದ್ದಿಗೋಷ್ಠಿಡ್ ಪಾತೆರಿಯೆರ್.

ಉಚ್ಚಿಲ ದೇವಸ್ಥಾನದ ಕೈತಲ್ ಪೊಸತ್ತಾದ್ ನಿರ್ಮಾಣವಾಯಿನ “ಶ್ರೀಮತಿ ಶಾಲಿನಿ ನಾಡೋಜ ಡಾ.ಜಿ.ಶಂಕರ್ ಸಭಾಂಗಣ”ಡ್ ಸೆಪ್ಟೆಂಬರ್ 26 ತಾರೀಕ್ ರ್ದ್ ಅಕ್ಟೋಬರ್ 10 ತಾರೀಕ್ ಮುಟ್ಟ ಶಾರದಾ ದೇವಿ, ನವ ದುರ್ಗೆಯೆರ್ ನ ಮೂರ್ತಿಲೆನ ಪ್ರತಿಷ್ಠಾಪನೆ ಆದ್ ನಿತ್ಯಲ ಪೂಜೆ, ಭಜನೆ, ಚಂಡಿಕಾಯಾಗ, ಅನ್ನಸಂತರ್ಪಣೆ, ಸಾಂಸ್ಕೃತಿಕ ಕಾರ್ಯಕ್ರಮ ನಡಪರೆ ಉಂಡು ಪಂಡೆರ್.

ಉಚ್ಚಿಲ ದಸರಾಗ್ ಅಂದಾಜಿ 3 ಕೋಟಿ ರೂ.ದ ಕರ್ಚಿ ಉಂಡು. ದಾನಿಲೆನ ಸಾಕಾರ ಬೊಕ್ಕ ಸರಕಾರದ ಅನುದಾನದ ಮುಕೇನ ಉಚ್ಚಿಲ ದಸರಾ ಅದ್ಧೂರಿಯಾದ್ ನಡಪರೆ ಉಂಡು ಪಂಡೆರ್.

ಸೆ.24 ರಾತ್ರೆ 7 ಗಂಟೆಗ್ ಉಚ್ಚಿಲ ಪರಿಸರ ಬೊಕ್ಕ ಪೆಜಮಾಡಿರ್ದ್ ಕಾಪು ದೀಪಸ್ತಂಭ ಮುಟ್ಟದ ವಿದ್ಯುತ್ ದೀಪಾಲಂಕಾರದ ಉದಿಪನ ಆವರೆ ಉಂಡು.
ಸೆ.26 ಕಾಂಡೆ 1.70 ಕೋಟಿ ರೂ. ಕರ್ಚಿದ ಶ್ರೀಮತಿ ಶಾಲಿನಿ ಜಿ.ಶಂಕರ್ ಸಭಾಂಗಣದ ಉದಿಪನ, ಶಾರದೆ ನವದುರ್ಗೆಯೆರೆನ ಮೂರ್ತಿ ಪ್ರತಿಷ್ಠಾಪನೆ ಆವರೆ ಉಂಡು ಪಂದ್ ಜಿ.ಶಂಕರ್ ತೆರಿಪಾಯೆರ್.

ಪ್ರತಿದಿನ ಕಾಂಡೆರ್ದ್ ಬಯ್ಯ ಮುಟ್ಟ ಭಜನಾ ಸೇವೆ, ಚಂಡಿಕಾ ಹೋಮ, ತ್ರಿಕಾಲಪೂಜೆ ಅನ್ನಸಂತರ್ಪಣೆ, ಮಹಾಲಕ್ಷ್ಮಿ ದೇವಸ್ಥಾನ ಡ್ ಬಯ್ಯಡ್ ಕಲ್ಪೋಕ್ತ ಪೂಜೆ, ಇಸ್ಕಾನ್ ರ್ದ್ ಪ್ರಸಾದ ವಿತರಣೆ ನಡಪರೆ ಉಂಡು ಪಂಡೆರ್.

ಶೋಭಾಯತ್ರೆದ ಮೆರವಣಿಗೆ ಒಟ್ಟು 24 ಕಿ.ಮೀ. ಪೋವರೆ ಉಂಡು. ಅಯಿಟ್ಟ್ 4 ಕಿ.ಮೀ. ನಡತೊಂದೇ ಪೋವರೆ ಉಂಡು. ಶಾರದೆ ಬೊಕ್ಕ ನವದುರ್ಗೆನ ಪ್ರತಿಷ್ಠಾಪನೆ ಗ್ ಮಂಟಪ ತಯಾರಾತ್ಂಡ್. ಶಿವಮೊಗ್ಗದ ಕಲಾವಿದೆರ್ ಮೂರ್ತಿ ರಚನೆದ ಬೇಲೆ ಮಲ್ತೊಂದುಲ್ಲೆರ್ ಪಂದ್ ಆರ್ ತೆರಿಪಾಯೆರ್.
ಸುದ್ಧಿಗೋಷ್ಠಿಡ್ ದ.ಕ.ಮೊಗವೀರ ಮಹಾಜನ ಸಂಘದ ಅಧ್ಯಕ್ಷೆರ್ ಜಯ ಸಿ.ಕೋಟ್ಯಾನ್ ಬೆಳ್ಳಂಪಳ್ಳಿ, ಪ್ರಧಾನ ಕಾರ್ಯದರ್ಶಿ ಸುಧಾಕರ ಕುಂದರ್, ಉಪಾಧ್ಯಕ್ಷೆರ್ ಸುಭಾಷ್ಚಂದ್ರ ಕಾಂಚನ್, ಕ್ಷೇತ್ರಾಡಳಿತ ಸಮಿತಿದ ಅಧ್ಯಕ್ಷೆರ್ ವಾಸುದೇವ ಸಾಲ್ಯಾನ್, ದ.ಕ.ಮೊಗವೀರ ಮಹಿಳಾ ಸಂಘ ಉಚ್ಚಿಲದ ಅಧ್ಯಕ್ಷೆರ್ ಅಪ್ಪಿ ಎಸ್.ಸಾಲ್ಯಾನ್ ಇತ್ತೆರ್.

ಅ.5 ಬುಧಾರ ವಿಜಯದಶಮಿದ ದಿನ ಮಧ್ಯಾಹ್ನ 3 ಗಂಟೆಗ್ ಭಾರಿ ಗೌಜಿದ ಶೋಭಾಯಾತ್ರೆದ ಮೆರವಣಿಗೆ ನಡಪರೆ ಉಂಡು. ಶೋಭಾಯಾತ್ರೆ ಉಚ್ಚಿಲ ದೇವಲ್ಯರ್ದ್ ಪಿದಾಡ್ದ್ ಹೈವೇಡ್ ಎರ್ಮಾಳ್, ಪಡ್ಡೆದ್ರ,ಪೆಜಮಾಡಿ ಟೋಲ್ ಮುಟ್ಟ ಪೋದು ಪಿರ ಪಡ್ಡೆದ್ರ, ಎರ್ಮಾಳ್,ಉಚ್ಚಿಲ, ಮೂಳೂರು, ಕೊಪ್ಪಲಂಗಡಿರ್ದ್ ಕಾಪು ದೀಪಸ್ತಂಭ ಮುಟ್ಟ ಪೋವರೆ ಉಂಡು. ನಲಿಕೆದ ಭಜನಾ ತಂಡ , ಪಿಲಿ ವೇಷ, ಬೇತೆ ಬೇತೆ ವೇಷಲು ಸೇರ್ದ್ 50 ರ್ದ್ ಲ ಎಚ್ಚ ಟ್ಯಾಬ್ಲೋ ಸಮೇತ ಶೋಭಾಯಾತ್ರೆ ನಡಪರೆ ಉಂಡು ಪಂದ್ ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ದೇವಸ್ಥಾನದ ಕ್ಷೇತ್ರಾಡಳಿತ ಸಮಿತಿದ ಅಧ್ಯಕ್ಷೆರ್ ವಾಸುದೇವ ಸಾಲ್ಯಾನ್ ತೆರಿಪಾಯೆರ್.

ಕಾಪು ಕಡಲ್ ಡ್ ವಿಶೇಷ ರೀತಿಡ್ ಜಲಸ್ಥಂಭನ
ಅ.5 ತಾರೀಕ್ ಗ್ ರಾತ್ರೆ 11 ಗಂಟೆಗ್ ಶಾರದೆ ಬೊಕ್ಕ ನವದುರ್ಗೆಯೆರೆನ ಮೂರ್ತಿಲೆನ ವಿಸರ್ಜನೆ ವಿಶೇಷ ರೀತಿಡ್ ನಡಪರೆ ಉಂಡು ಪಂದ್ ಡಾ.ಜಿ.ಶಂಕರ್ ತೆರಿಪಾಯೆರ್.

ಕಾಪು ದೀಪಸ್ತಂಭದಲ್ಪ ಕಾಶಿಡ್ ಆಪಿನ ಗಂಗಾರತಿದ ಲೆಕ 10 ಕಡೆಟ್ಟ್ ಗಂಗಾರತಿ ನಡಪರೆ ಉಂಡು.ಅವೆರ್ದ್ ಬೊಕ್ಕ10 ಸಾರ ಪೊಂಜೊವುಲೆರ್ದ್ ಶಾರದೆ ಬೊಕ್ಕ ದುರ್ಗೆಯೆರೆಗ್ ಸಾಮೂಹಿಕ ಮಂಗಳಾರತಿ ನಡಪರೆ ಉಂಡು. ಅವತ್ತಾಂದೆ ಮಲ್ಪೆದ ಸೈಂಟ್ ಮೇರೀಸ್ ಬೀಚ್ ಗ್ ಪೋಪಿನ 30 ಬೋಟುಲೆನ್ ಕಾಪುಗು ಕನತ್ ದ್ ಸುತ್ತ ಉಂತಾದ್ ಲೈಟಿಂಗ್ ದ ವ್ಯವಸ್ಥೆ ಮಲ್ತ್ ದ್ ಅವೆತ್ತ ನಡುಟ್ಟು ಓಡದ ಮುಕೇನ ಒಂಜೊಂಜೇ ಮೂರ್ತಿಲೆನ್ ಗೌರವಪೂರ್ವಕವಾದ್ ವಿಧಿ ಪ್ರಕಾರ ವಿಸರ್ಜನೆ ಮಲ್ಪರೆ ಉಂಡು ಪಂದ್ ಆರ್ ಪಂಡೆರ್.

ಅ.5 ವಿಜಯದಶಮಿದ ದಿನ ಶೋಭಾಯಾತ್ರೆಡ್ 25,000 ಜನ ಸೇರುನ ನಿರೀಕ್ಷೆ ಉಂಡು. ಒಟ್ಟಾರೆ 10 ದಿನತ್ತ ದಸರಾ ಉಚ್ಚಯೊಡು ಸುಮಾರ್ 5 ಲಕ್ಷ ಭಕ್ತೆರ್ ಶ್ರೀ ಕ್ಷೇತ್ರೊಗು ಭೇಟಿ ಕೊರ್ಪಿನ ಸಾಧ್ಯತೆ ಉಂಡು.
– ನಾಡೋಜ ಡಾ.ಜಿ.ಶಂಕರ್,
ಗೌರವ ಸಲಹೆಗಾರೆರ್

Ucchila Dasshara:To be on scale with Mysore, Mangalore Dasshara — Nadoja Dr G Shankar

Sharada mata, Navadurga to have Gangarathi on the seashore
Ucchila: The Dasshara celebrations at Ucchila Mahalakshmi temple in Udupi district is being planned in a grand manner for the first time this year by the DK district Mogaveera Mahasabha informed Dr G Shankar .

The festivities will start from the 26th of September and will go on till October 10th.
Bajans,holy customs , pooja rituals cultural programs with Mahaprasad to follow will be provided on all days.

ಗೋವಾಡ್ ಕಾಂಗ್ರೆಸ್ ರ್ದ್ ಬಿಜೆಪಿಗ್ ಸೇರಿನ 8 ಶಾಸಕೆರ್

ಪಣಜಿ: ಗೋವಾದ 8 ಕಾಂಗ್ರೆಸ್ ಶಾಸಕೆರ್ ಬುಧಾರದಾನಿ ಬಿಜೆಪಿಗ್ ಸೇರ್‌ದೆರ್ ಪಂದ್ ಮಾಧ್ಯಮಲು ವರದಿ ಮಲ್ತ್‌ದ್ಂಡ್.

ದಿಗಂಬರ್ ಕಾಮತ್, ಮೈಕಲ್ ಲೋಬೋ, ದೇಲಿಲಾ ಲೋಬೋ, ರಾಜೇಶ್ ಫಾಲ್ದೇಸಾಯಿ, ಕೇದಾರ್ ನಾಯ್ಕ್, ಸಂಕಲ್ಪ್ ಅಮೋನ್ಕರ್, ಅಲೆಕ್ಸೋ ಸಿಕ್ವೇರಾ ಬೊಕ್ಕ ರುಡಾಲ್ಫ್ ಫೆನಾಂಡಿಸ್ ಮುಕುಲು ಬಿಜೆಪಿಗ್ ಸೇರಿನ ಪ್ರಮುಖೆರ್ ಆತೆರ್.

ಈ ಬಗೆಟ್ ಸುದ್ದಿಗಾರೆರ್‍ನೊಟ್ಟುಗ್ ಪಾತೆರಿನ ಕಾಂಗ್ರೆಸ್‌ದ ಮಾಜಿ ಶಾಸಕೆರ್ ಮೈಕಲ್ ಲೋಬೋ, ಪ್ರಧಾನಿ ಮೋದಿ ಬೊಕ್ಕ ಗೋವಾದ ಮುಖ್ಯಮಂತ್ರಿ ಪ್ರಮೋದ್ ಸಾವಂತ್ ಮೊಕುಲೆನ ಕೈನ್ ನನಾತ್ ಗಟ್ಟಿ ಮಲ್ಪರೆ ನಮ ಬಿಜೆಪಿಗ್ ಸೇರ್‍ದ. ಕಾಂಗ್ರೆಸ್ ಛೋಡೋ, ಬಿಜೆಪಿ ಕೋ ಜೋಡೋ ಪಂದ್ ತೆರಿಪಾಯೆರ್.

ತುಳುನಾಡ್ ಡ್ ಸೆ.26-ಅ.10 ಮುಟ್ಟ ದಸರಾ ರಜೆ; ಶಿಕ್ಷಣ ಸಚಿವೆರ್ ಬಿ.ಸಿ ನಾಗೇಶ್ ಸೂಚನೆ

ಕುಡ್ಲ: ಕುಡ್ಲಡ್ ನವರಾತ್ರಿ ಆಚರಣೆ ಭಾರೀ ಗೌಜಿಡ್ ಈ ಸರ್ತಿ ನಡಪರೆ ಇತ್ತಿನೆಡ್ದಾವರ ಸೆಪ್ಟೆಂಬರ್ 26 ಜೆಡ್ದ್ ಅಕ್ಟೋಬರ್ 10 ಮುಟ್ಟ ಶಾಲೆದ ಜೋಕುಲೆಗ್ ದಸರಾ ರಜೆ ಉಂಡು ಪಂದ್ ಶಿಕ್ಷಣ ಸಚಿವೆರ್ ಬಿ.ಸಿ. ನಾಗೇಶ್ ಇಲಾಖಾಧಿಕಾರಿಲೆಗ್ ಸೂಚನೆ ಕೊರ್ತೆರ್.

ತುಳುನಾಡ್ ಡ್ ಕುಡ್ಲ ದಸರಾ, ಕಾರ್ ಶಿಟ್ ಶಾರದಾ ಉತ್ಸವ, ಮಂಗಳಾದೇವಿ ದೇವಲ್ಯಡ್ ದಸರಾ ಆಚರಣೆ ಸೇರಿನಂಚನೆ ಪೇoಟೆದ ಮಸ್ತ್ ಕಡೆಟ್ ದಸರಾ ಪರ್ಬನ್ ಆಚರಣೆ ಮಲ್ತೊಂದು ಉಲ್ಲೆರ್. ಆಂಡ ಅಕ್ಟೋಬರ್ 2 ಕ್ ಗಾಂಧಿ ಜಯಂತಿ ಶಾಲೆಡ್ ಆಚರಣೆ ಮಲ್ಪೊಡು ಪಂದ್ ಶಿಕ್ಷಣ ಸಚಿವೆರ್ ಷರತ್ತ್ ಪಾಡ್ದೆರ್.

ಸುಬ್ರಮಣ್ಯ: ರೋವರ್ ರೇಂಜರ್ ಘಟಕರ್ದ್ ನಡತಿನ ವಿಶ್ವ ಆತ್ಮಹತ್ಯೆ ತಡೆ ದಿನಾಚರಣೆ

ಸುಬ್ರಮಣ್ಯದ ಎಸ್.ಎಸ್.ಪಿ.ಯು ಕಾಲೇಜ್ ದ ರೋವರ್ ರೇಂಜರ್ ಘಟಕರ್ದ್ ವಿಶ್ವ ಆತ್ಮಹತ್ಯೆ ತಡೆ ದಿನಾಚರಣೆ ನಡತ್oಡ್. ಎಸ್.ಎಸ್.ಪಿ.ಯು ಕಾಲೇಜ್ ದ ಪ್ರಾಂಶುಪಾಲೆರ್ ಆಯಿನ ಸೋಮಶೇಖರ್ ನಾಯಕ್ ವಿಶ್ವ ಆತ್ಮಹತ್ಯೆ ತಡೆ ದಿನಾಚರಣೆದ ಬಗೆಟ್ ಸಂಪನ್ಮೂಲ ಭಾಷಣ ಮಲ್ತೆರ್. ಲೇಸ್ ಡ್ ರೋವರ್ ರೇಂಜರ್ ಘಟಕದ ಕಲ್ಪಾರ್ಥಿಲು, ಕಾಲೇಜ್ ದ ಶಿಕ್ಷಕೆರ್ ಇತ್ತೆರ್.

ವರದಿ: ಚಂದನ್ ಕೆ.ಎಸ್

Subramanya: Rover Rangers unit – World Suicide Prevention day

Subramanya SSPU college Rover Rangers unit arranged for a program on World Suicide prevention day .The principal of SSPU college Somashekar Nayak gave the resource speech on World Suicide prevention day. The students of Rovers Rangers unit and college lecturers participated in the program