ದೆಲ್ಲಿ: ಹರಿಯಾಣಡ್ ಗಣಪತಿ ಮೂರ್ತಿ ವಿಸರ್ಜನೆದ ಪೊರ್ತುಡು ಸೋನಿಪತ್ ಅಂಚನೆ ಮಹೇಂದ್ರಗಢ ಜಿಲ್ಲೆಲೆಡ್ ರಡ್ಡ್ ಪ್ರತ್ಯೇಕ ಘಟನೆ ಆದಿತ್ತ್‌ದ್ ಘಟನೆಡ್ ಒಟ್ಟು 7 ಜನ ತೀರ್ ಪೋತೆರ್.
ಮಹೇಂದ್ರಗಢ ಜಿಲ್ಲೆದ ಮೊಹಲ್ಲಾ ಧಾನಿಯಡ್ ಗಣಪತಿ ವಿಸರ್ಜನೆ ಮಲ್ಪುನ ಪೊರ್ತುಡು ಬೊಲ್ಲಡ್ ಬತ್ತ್‌ದ್ ಮಸ್ತ್ ಜನ ತೀರ್ ಡ್ ಪೋತೆರ್. ಉಂದೆಟ್ 4 ಜನ ತೀರ್ ಪೋತೆರ್ 5 ಜನನ್ ರಕ್ಷಣೆ ಮಲ್ತ್‌ದೆರ್. ನನ ಸೋನಿಪತ್‌ದ ಮಿಮಾರ್‌ಪುರ ಘಾಟ್‌ಡ್ ಗಣಪತಿನ್ ವಿಸರ್ಜನೆ ಮಲ್ಪುನ ಪೊರ್ತುಡು 3 ಜನ ಯಮುನಾ ತುದೆಟ್ ಮುರ್ಕ್‌ದ್ ತೀರ್ ಪೋತೆರ್.
ಕುಡ್ಲ: ಗಣೇಶ್‌ಪುರ ಪಂಪ್‌ವೆಲ್ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಸುವರ್ಣ ಮಹೋತ್ಸವದ ಗೌಜಿದ ಅಂಗವಾದ್ ನಡತಿನ ಗಣೇಶೋತ್ಸವ ಭಾರೀ ಗೌಜಿಡ್ ಮುಗಿತಲದ ಲೇಸ್ ನಡತ್ಂಡ್.
3 ದಿನ ನಡತಿನ ಗಣೇಶೋತ್ಸವ 2 ತಾರೀಕ್ ಗ್ ಮುಗ್ಗಿಂಡ್. ಪ್ರತಿ ದಿನಲ ಬೇತೆ ಬೇತೆ ರೀತಿದ ಧಾರ್ಮಿಕ, ಸಾಂಸ್ಕೃತಿಕ ಅಂಚನೆ ವೈದಿಕ ಕಾರ್ಯಕ್ರಮಲು ನಡತ್ಂಡ್. ವೇದಮೂರ್ತಿ ವಿವೇಕಾನಂದ ನಿಡ್ಲೆ ಮೆರೆನ ಮುತಾಲಿಕೆಡ್ ಗಣಪತಿ ದೇವೆರೆಗ್ ಮಹಾಪೂಜೆ ನಡತ್ಂಡ್.
ದೇವೆರೆನ ಶೋಭಾಯಾತ್ರೆ ಪಂಪ್‌ವೆಲ್-ಕಂಕನಾಡಿ-ಗರೋಡಿ ಸಾದಿಯಾದ್ ಬೈರಾಡಿ ಕೆರೆಟ್ ವಿಸರ್ಜನೆ ಮಲ್ತೆರ್. ಶೋಭಾಯಾತ್ರೆಡ್ ಬೇತೆ ಬೇತೆ ರೀತಿದ ಟ್ಯಾಬ್ಲೊಲು ಇತ್ತ್ಂಡ್. ಲೇಸ್ ಡ್ ಶಾಸಕೆರ್ ವೇದವ್ಯಾಸ್ ಕಾಮತ್ ಸೇರಿನಂಚನೆ ಮಸ್ತ್ ಬಿನ್ನೆರ್ ಪಾಲ್ ಪಡೆದಿತ್ತೆರ್.
ಒಂಜಿ ಜನನ್ ಸಮಾಜಡ್ ಎಡ್ಡೆ ಜನ ಆದ್ ಮಲ್ಪುನೆಟ್ಟ್ ವಿದ್ಯೆ, ಬುದ್ದಿ ಕಲ್ಪಾಯಿನ ಗುರುಕುಲೆನ ಪಾತ್ರ ಮಹತ್ವವಾಯಿನವ್. ಒಂಜಿ ದೇಶನ್ ಕಟ್ಟೆರಲ ಅಯಿಟ್ ಶಿಕ್ಷಕೆರ್‍ನ ಪಾತ್ರ ಉಂಡು. ನಮಕ್ ಪಾಠ ಕಲ್ಪಾದ್ ಕೊರ್ಪುನ ಶಿಕ್ಷಕೆರೆಗ್ ಸೊಲ್ಮೆ ಸಂದೈತ ಮಲ್ಪರೆ ಪ್ರತಿ ವರ್ಷಲ ಶಿಕ್ಷಕೆರ್‍ನ ದಿನಾಚರಣೆನ್ ಆಚರಣೆ ಮಲ್ಪುವ ಪಂದ್ ಸರಕಾರಿ ಪ್ರಥಮದರ್ಜೆ ಮಹಿಳಾ ಕಾಲೇಜು ಬಲ್ಮಠ, ಕುಡ್ಲದ ಪ್ರಾಂಶುಪಾಲೆರಾಯಿನ ಡಾ. ಜಗದೀಶ ಬಾಳ ಪಂಡೆರ್.
ಪುನರೂರು ಪ್ರತಿಷ್ಠಾನದ ಮುತಾಲಿಕೆಡ್ ಜನವಿಕಾಸ ಸಮಿತಿ ಮೂಲ್ಕಿ ಮೊಕ್ಲೆನ ಒಟ್ಟು ಸೇರಿಗೆಡ್ ಪುನರೂರು ಟೂರಿಸ್ಟ್ ಹೋಂ ಚಾವಡಿಡ್ ನಡತಿನ ಶಿಕ್ಷಕ ಸಪರ್ಯಾ-2022 ಲೇಸ್ ಡ್ ಮೂಲ್ಕಿ ಹೋಬಳಿದ ರಾಷ್ಟ್ರೀಯ ಸೇವಾಯೋಜನಾ ಘಟಕದ ಯೋಜನಾಧಿಕಾರಿಲೆನ್ ಮಾನಾದಿಗೆ ಮಲ್ತ್‌ದ್ ಪಾತೆರಿಯೆರ್.
ಈ ಪೊರ್ತುಡು ಮೂಲ್ಕಿ ಹೋಬಳಿದ ರಾಷ್ಟ್ರೀಯ ಸೇವಾ ಯೋಜನಾ ಘಟಕದ ಯೋಜನಾಧಿಕಾರಿ, ವಿಜಯ ಕಾಲೇಜು ಮೂಲ್ಕಿದ ಜಿತೇಂದ್ರ ವಿ ರಾವ್ ಹೆಜಮಾಡಿ, ಕಟೀಲು ದುರ್ಗಾಪಮೇಶ್ವರಿ ದೇವಳ ಪ್ರಥಮ ದರ್ಜೆ ಕಾಲೇಜ್‌ದ ಪರಮೇಶ್ವರ ಬೊಕ್ಕ ಸಂತೋಷ್ ಆಳ್ವ, ಪಾಂಪೈ ಕಾಲೇಜು ಐಕಳದ ನೇಮಿಚಂದ್ರ ಗೌಡ, ಸರಕಾರಿ ಪ್ರಥಮ ದರ್ಜೆ ಕಾಲೇಜು ಹಳೆಯಂಗಡಿದ ಶರತ್ ಕುಮಾರ್ ಹಾರಾಡಿ, ಸರಕಾರಿ ಪದವಿಪೂರ್ವ ಕಾಲೇಜು ಮೂಲ್ಕಿದ ರಮಾನಂದ ಕೆ ಅಂಚೆನೆ ಶ್ರೀ ನಾರಾಯಣ ಸನಿಲ್ ಸರಕಾರಿ ಪದವಿ ಪೂರ್ವ ಕಾಲೇಜು ಹಳೆಯಂಗಡಿದ ಪ್ರೇಮನಾಥ ಶೆಟ್ಟಿಗಾರ್ ಮೊಕ್ಲೆನ್ ಮಾನಾದಿಗೆ ಮಲ್ತೆರ್.
ಲೇಸ್ ದ ಅಧ್ಯಕ್ಷತೆನ್ ಪುನರೂರು ಪ್ರತಿಷ್ಠಾನದ ಗೌರವ ಅಧ್ಯಕ್ಷೆರಾಯಿನ ಧರ್ಮದರ್ಶಿ ಡಾ.ಹರಿಕೃಷ್ಣ ಪುನರೂರು ವಹಿಸ್ ದ್ ಇತ್ತೆರ್. ಮಲ್ಲ ಬಿನ್ನೆರಾದ್ ಕರಾವಳಿ ಯುವತಿ ವೃಂದ, ಪೆಜಮಾಡಿ ಅಧಕ್ಷೆರಾಯಿನ ಪವಿತ್ರಾ ಗಿರೀಶ್, ಪುನರೂರು ಪ್ರತಿಷ್ಠಾನದ ಗೌರವ ಅಧ್ಯಕ್ಷೆರಾಯಿನ ಎಚ್. ಕೆ.ಉಷಾರಾಣಿ, ಪ್ರಧಾನ ಕಾರ್ಯದರ್ಶಿ ಶ್ರೇಯಾ ಪುನರೂರು, ಜನವಿಕಾಸ ಸಮಿತಿ ಮುಲ್ಕಿದ ಅಧ್ಯಕ್ಷೆರಾಯಿನ ದಾಮೋದರ ಶೆಟ್ಟಿ ಕೊಡೆತ್ತೂರು ಅಂಚನೆ ಸಮಿತಿದ ಸದಸ್ಯೆರ್ ಲೇಸ್‌ಡ್ ಇತ್ತೆರ್.
ಪುನರೂರು ಪ್ರತಿಷ್ಠಾನದ ಅಧ್ಯಕ್ಷೆರಾಯಿನ ದೇವಪ್ರಸಾದ್ ಪುನರೂರು ಮೇರ್ ಪ್ರಾಸ್ತಾವಿಕವಾದ್ ಪಾತೆರ್‍ದ್ ಬತ್ತಿನ ಬಿನ್ನೆರೆನ್ ಎದ್ಕೊನಿಯೆರ್. ಪ್ರಾಣೇಶ್ ಭಟ್ ಸೊಲ್ಮೆ ಸಂದೈತ ಮಲ್ತೆರ್. ಹಿತಾ ಉಮೇಶ್ ಲೇಸ್ ಸುದಾರಿಕೆ ಮಲ್ತೆರ್.
Only teachers have the capability to build life of their students.- Dr Jagdish Bala
To make man a responsible person of the society the role of teachers is immense.A teacher is a person who builds the society and the nation.To pay tribute to teachers we celebrate teachers day every year said Dr Jagdish Bala of government women’s College,Balmatta, Mangalore.
He was speaking at a program ” Shikshaka Samarpaya -2022″ organised at Punaroor tourist home by Punaroor Patistana and Janavikasa Samiti.NSS unit officers were honoured on the occasion.
The program was presided by Dr Harikrishna Punaroor.The guests of honour were Pavitra Girish, H.K Usha Rani, Shreya Punaroor and Damodar Shetty from Janavikasa Samiti.
ಮೇರ್ನ ಪುದರ್ ಸ್ವಪ್ನ.
ಪ್ರಾಯ 42. ಮೇರ್
ಬ್ರೈನ್ ಟ್ಯೂಮರ್ ಸೀಕ್ ಡ್ ಜೀವನ್ಮರಣ ಸ್ಥಿತಿಟ್ಟ್ ಉಲ್ಲೆರ್. ಮೇರ್ ಇತ್ತೆ
ದೇರ್ಲಕಟ್ಟೆದ ಯೆನೆಪೋಯ ಆಸ್ಪತ್ರೆ ಅಡ್ಮಿಟ್ ಆತೆರ್. ಅರೆಗ್ ಆಪರೇಶನ್ ಮಲ್ಪರೆ ಲಕ್ಷಾಂತರ ರೂಪಾಯಿ ಕರ್ಚಿ ಉಂಡು. ಅಕ್ಲೆನ ಕುಟುಂಬದ ಆರ್ಥಿಕ ಸ್ಥಿತಿ ದಾಲ ಎಡ್ಡೆ ಇಜ್ಜಿ. ಅಂಚಾದ್ ಎಡ್ಡೆ ಮನಸ್ ದ ದಾನಿಲೆಡ ಪಣವುದ ಸಕಾಯದ ನಿರೀಕ್ಷೆಡ್ ಉಲ್ಲೆರ್. ನಮ ಒಯಿಕ್ ಒಯಿಕ್ಕಾ ಕರ್ಚಿ ಮಲ್ಪುವ. ನಮಲ ನಮ್ಮ ಕೈಟ್ಟ್ ಆಪಿನ ಪಣವುದ ಸಕಾಯ ಕೊರ್ದು ಇಂಚಿನ ಒಂಜಿ ಕುಟುಂಬದ ಬೊಲ್ಪುನು ಒರಿಪಾವರೆ ಪ್ರಯತ್ನ ಮಲ್ಪುಗ. ಅಕ್ಲೆಗ್ ಸಕಾಯ ಮಲ್ಪರೆ ಎಂಕ್ಲೆನ ಒಂಜಿ ಎಲ್ಯ ಪ್ರಯತ್ನ.
ನಿಕುಲು ಪಣವುದ ಸಕಾಯ ಮಲ್ಪರೆ ಅರೆನ ಮೆಗ್ದಿನ ಬ್ಯಾಂಕ್ ಅಕೌಂಟ್
ನಂಬರ್
SOUBHAGYA
Bank of Baroda
A/c no: 68720100007999
IFSC CODE: BARB0VJMULI
MICR CODE: 671012016
BRANCH : MULINJE
ಗೂಗಲ್ ಪೇ ನಂಬರ್
Google pay/ Phone pay 9746974458
ಹಿಜಾಬ್ ಲಡಾಯಿ : 14 ಪೊಸ ಕಾಲೇಜ್ ಕಟ್ಟೆರೆ ಅರ್ಜಿ ಪಾಡಿನ ಮುಸ್ಲಿಂ ಶಿಕ್ಷಣ ಸಂಸ್ಥೆ
ಕುಡ್ಲ ,: ಕುಡ್ಲಡ್ ಹಿಜಾಬ್ ಲಡಾಯಿ ನನಾತ್ ಜಾಸ್ತಿ ಆವೊಂದು ಉಂಡು . ಸಿಎಫ್‌ಐ ಗರ್ಲ್ಸ್ ಕಾನ್ಫರೆನ್ಸ್ ಪುದರ್ ಡ್ ಹಿಜಾಬ್ ಬಗ್ಗೆ ಕುಡೊಂಜಿ ಸುತ್ತುದ ಲಡಾಯಿಗ್ ಮುಸ್ಲಿಂ ಕಲ್ಪಾರ್ಥಿಲು ಲಡಾಯಿ ಮಲ್ದೆರ್ . ಇಂಚಿಡ್ ಮುಸ್ಲಿಮ್ ಸಮುದಾಯ ಪಿಯು ಕಾಲೇಜು ಕಟ್ಟೆರೆ ದುಂಬು ಬೈದುಂಡು.
ಕುಡ್ಲಡ್ ಪಿಯು ಕಾಲೇಜು ಸುರು ಮಲ್ಪರೆ ಮುಸ್ಲಿಂ ಶಿಕ್ಷಣ ಸಂಸ್ಥೆ ದುಂಬು ಬೈದುಂಡು ಕುಡ್ಲಡ್ 14 ಪಿಯು ಕಾಲೇಜು ಸುರು ಮಲ್ಪೆರೆ ಮುಸ್ಲಿಂ ಶಿಕ್ಷಣ ಸಂಸ್ಥೆ ರಾಜ್ಯ ಸರ್ಕಾರಗ್ ಬಿನ್ನಾಪು ಮಲ್ದುಂಡು.
ಬೆಂಗ್ಳೂರು ರಾಜ್ಯ ಸಭಾ ಸದಸ್ಯೆಯಾದ್ ಪ್ರಮಾಣ ವಚನ ಸ್ವೀಕಾರ ಮಲ್ತಿನ ಪಿಟಿ ಉಷಾ
ಬೆಂಗ್ಳೂರು: ರಾಜ್ಯಸಭಾ ಸದಸ್ಯೆಯಾದ್ ಭಾರತದ ಪುಗಾರ್ತೆದ ಕ್ರೀಡಾಪಟು ಪಿಟಿ ಉಷಾ ಇನಿ ಪ್ರಮಾಣ ವಚನ ಸ್ವೀಕಾರ ಮಲ್ದೆರ್ . ಕೇರಳದ ಕೋಝಿಕ್ಕೋಡ್ ಜಿಲ್ಲೆದ ಹಳ್ಳಿಡ್ ಪುಟ್ಟಿನ ಉಷಾ, ಕ್ರೀಡಾ ಕ್ಷೇತ್ರಡ್ ಬಾರಿ ಪುಗಾರ್ತೆ ಪಡೆತಿನಾರ್.
ವಿಶ್ವ ಜೂನಿಯರ್ ಇನ್ವಿಟೇಶನಲ್ ಮೀಟ್, ಏಷ್ಯನ್ ಚಾಂಪಿಯನ್‌ಶಿಪ್ ಬೊಕ್ಕ ಏಷ್ಯನ್ ಗೇಮ್ಸ್ ಸೇರಿನಂಚ ಬೇತೆ ಬೇತೆ ಅಂತಾರಾಷ್ಟ್ರೀಯ ಕ್ರೀಡಾಕೂಟಡ್ ದೇಶನ್ ಪ್ರತಿನಿಧಿಸಾದ್ ಪದಕ ಪಡೆಯಿನ ಮೇರ್ ಪಯ್ಯೋಲಿ ಎಕ್ಸ್‌ಪ್ರೆಸ್ ಪಂದ್ ಪುದರ್ ಪಡೆತೆರ್.
ಧರ್ಮಸ್ಥಳದ ಧರ್ಮಾಧಿಕಾರಿ ವೀರೇಂದ್ರ ಹೆಗ್ಗಡೆ, ಖ್ಯಾತ ಸಂಯೋಜಕ ಇಳಯರಾಜ, ಚಿತ್ರಕಥೆಗಾರೆ ವಿ. ವಿಜಯೇಂದ್ರ ಪ್ರಸಾದ್ ಒಟ್ಟುಗು ಮೆರ್ಲ ಮೇಲ್ಮನೆಗ್ ನಾಮ ನಿರ್ದೇಶನ ಆದ್ ಇತ್ತೆರ್ .
ಕುಡ್ಲ: ಪಸಂತ್ರದ ಒರಿಪು, ಪಸಂತ್ರನ್ ಸೊಚ್ಚ ದೀವೊನುನ ಲೇಸ್‌ಲ್ ಇನಿಕ್ಕ್ ಅಗತ್ಯ. ಅಂಚನೇ ಬಡವೆರೆನ ಸೇವೆದ ಒಟ್ಟುಡು ಪಸಂತ್ರದ ಜಾಗೃತೆ ಮಲ್ತೊಂದುಪ್ಪುನ ಗುರುಬೆಳದಿಂಗಳು ಫೌಂಡೇಶನ್‌ದ ಬೇಲೆ ಪುಗರೊಡಾಯಿನವು ಪಂದ್ ಉಳ್ಳಾಲದ ಶಾಸಕೆರ್ ಯು ಟಿ ಖಾದರ್ ಪುಗರಿಯೆರ್.
ಆರ್ ಕುದ್ರೋಳಿದ ಗುರುಬೆಳದಿಂಗಳು ಫೌಂಡೇಶನ್‌ದ ಮುತಾಲಿಕೆಡ್ ಕುಡ್ಲ ವಲಯ ಅರಣ್ಯ ಇಲಾಖೆ ಬೊಕ್ಕ ಪರಿಸರ ಪ್ರೇಮಿ ಮಾಧವ ಉಳ್ಳಾಲ್ ಒತ್ತುಸೇರಿಗೆಡ್ ನಡತಿನ ಉಳ್ಳಾಲ ಅಬ್ಬಕ್ಕನ ಪಾಪೆದಲ್ತ್ ಉಳ್ಳಾಲಬೈಲ್ ಮುಟ್ಟದ ‘ಅಬ್ಬಕ್ಕ ಸಾಲ್ ಮರ ಯೋಜನೆ’ದ ದಯಿ ನಡ್ಪಿನ ಲೇಸ್ ಉದಿಪನ ಮಲ್ತ್ ಪಾತೆರೊಂದು ಪಂಡೆರ್.
ಲೇಸ್‌ಡ್ ಉಳ್ಳಾಲ ಸಯ್ಯದ್ ಮದನಿ ದರ್ಗಾದ ಗುರ್ಕಾರ್ರ್ ಅಬ್ದುಲ್ ರಶೀದ್, ಗುರು ಬೆಳದಿಂಗಳು ಫೌಂಡೇಶನ್‌ದ ಗುರ್ಕಾರ್ರ್ ಪದ್ಮರಾಜ್ ಆರ್, ವಲಯ ಅರಣ್ಯಾಧಿಕಾರಿ ಮಹಾಬಲ, ಸೌಮ್ಯ, ಉಳ್ಳಾಲ ನಗರ ಸಭೆತ್ತ ಪೌರಾಯುಕ್ತೆರ್ ವಿದ್ಯಾ, ಗುರ್ಕಾರ್ದಿ ಚಿತ್ರಕಲಾ ಚಂದ್ರಕಾಂತ್, ಧರ್ಮರಾಜ್ ಅಮ್ಮುಂಜೆ, ಸತೀಶ್ ಕುಮಾರ್ ಬಜಾಲ್, ಯುವವಾಹಿನಿ ಕೊಲ್ಯ ಎಗ್ಗೆದ ಗುರ್ಕಾರ್ರ್ ಮೋಹನ್ ಮಾಡೂರು, ಯು. ಎ ಪ್ರೇಮನಾಥ್, ಉದಯ ಆರ್ ಕೆ, ಮನೋಜ್ ಸಾಲ್ಯಾನ್, ರಾಜಲಕ್ಷ್ಮೀ ಸುವರ್ಣ,ಕುಡ್ಲ ಕಾರ್ಪೊರೇಟರ್ ಅನಿಲ್ ಪೂಜಾರಿ, ನಾರಾಯಣಗುರು ಅಧ್ಯಯನ ಪೀಠದ ಸದಸ್ಯೆ ನಮಿತಾ ಶ್ಯಾಮ್, ಬಿಲ್ಲವ ಸಂಘದ ಪ್ರಶಾಂತ್ ಬಂಡಿಕೊಟ್ಯ, ಮಮತಾ, ವೇಣುಗೋಪಾಲ್ ಕೊಲ್ಯ, ಭಾಸ್ಕರ್ ಮಡ್ಯಾರ್, ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಜಯಂತಿ, ಲೋಹಿತ್ ಪಾಲ್ ಪಡೆಯೆರ್. ಕುಸುಮಾಕರ್ ಕುಂಪಲ ಲೇಸ್ ಸುದಾರಿತೆರ್. ಫೌಂಡೇಶನ್‌ದ ಕಾರ್ಯಂತೆರ್ ರಾಜೇಶ್ ಸುವರ್ಣ ಸೊಲ್ಮೆ ಸಂದಾಯೆರ್.
Guru Beladingalu foundation has proposed Abbakka Salumara Yojana at Ullal
Mangalore: The Guru Beladingalu foundation has proposed an Abbakka Salumara Yojana in which trees ar to be planted along the roadside from Abbakka circle to Ullal town.This project will be implemented with the assistance of the Forest department Mangalore division and environmentalist Madav Ullal.
Ullal MLA UT Kadhar inaugurated this project and said that Guru Beladingalu foundation was doing a good job of helping the needy and creating awareness of saving the environment.
The president of Sayed Madani Darga of ullal,Abdul Rashid, Padmaraj R of Guru Beladingalu foundation, Range forest officer Mahabala and others participated in the program.
ಕಾರ್ಲ ಹಿರಿಯಂಗಡಿ ಎಸ್.ಎನ್.ವಿ ಪದವಿಪೂರ್ವ ಕಾಲೇಜು : 592 ಅಂಕೊ ಪಡೆಯಿನ ಕಲ್ಪಾರ್ಥಿ ಪವನ್ ಗೋರೆ
ಕಾರ್ಲ :2021-22 ನೇ ಸಾಲ್ ದ ದ್ವಿತೀಯ ಪಿಯುಸಿ ವಾರ್ಷಿಕ ಪರೀಕ್ಷೆಯಲ್ಲಿ ಕಾರ್ಲ ಹಿರಿಯಂಗಡಿದ ಎಸ್.ಎನ್.ವಿ ಪದವಿಪೂರ್ವ ಕಾಲೇಜು ಶೇ. 99 ಫಲಿತಾಂಶ ಪಡೆತುಂಡು .
ಈ ಸಲ ಒಟ್ಟು 99 ಕಲ್ಪಾರ್ಥಿಲು ಪರೀಕ್ಷೆ ಬರೆತೆರ್ 98 ಕಲ್ಪಾರ್ಥಿಲು ಉತ್ತೀರ್ಣರಾತೆರ್ . 58 ಕಲ್ಪಾರ್ಥಿಲು ಎಡ್ಡೆ ಶ್ರೇಣಿಡ್ ಬೊಕ್ಕ 38 ಕಲ್ಪಾರ್ಥಿಲು ಸುರುತ ಶ್ರೇಣಿಡ್ ತೇರ್ಗಡೆ ಆತೆರ್ . ಕಲ್ಪಾರ್ಥಿ ಪವನ್ ಗೋರೆ 592 ( ಲೆಕ್ಕಶಾಸ್ತ್ರ ಬೊಕ್ಕ ಸಂಖ್ಯಾಶಾಸ್ತ್ರ 100, ವ್ಯವಹಾರ ಅಧ್ಯಯನ ಬೊಕ್ಕ ಅರ್ಥಶಾಸ್ತ್ರ 99 ಹಿಂದಿ 98 ಬೊಕ್ಕ ಇಂಗ್ಲೀಷ್ 96) ಅಂಕೊ ಪಡೆದ್ ಕಾಲೇಜಿಗ್ ಸುರುತ ತಾನೊ ಪಡೆತೆರ್.ಕಲ್ಪಾರ್ಥಿ ಕಾರ್ತಿಕ್ ಇಂದ್ರ 589 ಬೊಕ್ಕ ವಿದ್ಯಾರ್ಥಿನಿ ಸುರಕ್ಷಿ ಶೆಟ್ಟಿ 586 ಅಂಕೊ ಪಡೆದ್ ರಡ್ಡನೇ ಬೊಕ್ಕ ಮೂಜನೆ ತಾನೊ ಪಡೆತೆರ್.
Karkala Hiriangadi S N V Pre University College: Pavan Gore bags 592 marks.
Karkala: In the second PUC examination conducted for the year 2021-22 Karkala S N V college has achieved 99% results.
Of the 99 students who appeared for the exams ,98 have passed.58 students have passed with distinction .38 students has scored first class.
Pavan Gore has scored 592 marks and stood first in the college.Kartik Indra has bagged second place by scoring 589 marks and Surakshi Shetty scored third place by getting 586 marks.
ಒಡಿಪು ಕೋ-ಆಪರೇಟಿವ್ ಟೌನ್ ಬ್ಯಾಂಕ್ ಲಿ. ಶಾಖಾ ವ್ಯವಸ್ಥಾಪಕೆರ್ನ ಬುಡುಗಡೆದ ಲೇಸ್
ಒಡಿಪು : ಒಡಿಪು ಕೋ-ಆಪರೇಟಿವ್ ಟೌನ್ ಬ್ಯಾಂಕ್‌ಡ್ 33 ವರ್ಷ ಸೇವೆ ಮಲ್ತಿನ ಶ್ರೀ ಸಿ.ಪ್ರಕಾಶ್ ಮೇರ್ ಇಂಚೋಗು ಶಾಖಾ
ವ್ಯವಸ್ಥಾಪಕೇರಾದ್ ನಿವೃತ್ತಿ ಆಯಿಬೊಕ್ಕ ಬುಡುಗಡೆದ ಲೇಸ್ ಅಟ್ಟನೆ ಮಲ್ತಿತ್ತೆರ್ .
ಬ್ಯಾಂಕ್ ದ ಗುರ್ಕಾರ್ಲಾಯಿನ ಶ್ರೀ ಎಚ್. ಜಯಪ್ರಕಾಶ್, ಕೆದ್ಲಾಯೆರ್ ಶ್ರೀ ಸಿ.ಪ್ರಕಾಶ್ ಬೊಕ್ಕ ಶ್ರೀಮತಿ ಚಿತ್ರಲೇಖ ದಂಪತಿಲೆಗ್ ಮಾನದಿಗೆ ಮಲ್ತೆರ್ .ಒತ್ತು ಗುರ್ಕಾರ್ಲಾಯಿನ ಶ್ರೀ ಪಿ. ರಾಘವೇಂದ್ರ ಭಟ್,ನಿರ್ದೇಶಕೇರಾಯಿನ ಶ್ರೀ ಭಾಸ್ಕರ್ ರಾವ್ ಕಿದಿಯೂರು, ಶ್ರೀ ಎನ್. ಸೂರ್ಯಪ್ರಕಾಶ್, , ಶ್ರೀ ಎನ್. ಸೂರ್ಯಪ್ರಕಾಶ್ ರಾವ್, ಶ್ರೀ ಎನ್. ಪ್ರಹ್ಲಾದ್ ಬಲ್ಲಾಳ್, ಶ್ರೀಮತಿ ಮನೋರಮಾ ಎಸ್., ಬ್ಯಾಂಕಿನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಶ್ರೀ ಎಸ್. ಕುಮಾರಸ್ವಾಮಿ ಉಡುಪ, ಸಹಾಯಕ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಶ್ರೀ ಪಿ. ವಿಷ್ಣುಮೂರ್ತಿ ಆಚಾರ್ಯ, ಶಾಖಾ ವ್ಯವಸ್ಥಾಪಕೇರಾಯಿನ ಶ್ರೀ ಎ. ರಾಘವೇಂದ್ರ ಹೆಬ್ಬಾರ್ ಬೊಕ್ಕ ಸಿಬ್ಬಂದಿ ವರ್ಗದಕುಲು ಪಾಲ್ ಪಡೆದಿತ್ತೆರ್ .
ದೆಲ್ಲಿ: ಭಾರತದ ಚುನಾವಣೆ ಆಯೋಗ ಇತ್ತೆ ರಾಷ್ಟ್ರಪತಿ ಚುನಾವಣೆದ ತಾರೀಕ್ ನ್ ಪ್ರಕಟ ಮಲ್ತ್ ದಿತ್ತ್ ದ್, ಜುಲೈ-18 ಗ್ ರಾಷ್ಟ್ರಪತಿ ಚುನಾವಣೆ ನಡಪರೆ ಉಂಡು.
ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಮೇರ್ನ ಅಧಿಕಾರದ ಸಮಯ ಜುಲೈ 24 ಕ್ಕ್ ಕಡೆ ಆವರೆ ಉಂಡು. ಆಯಿಕ್ಕ್ ದುಂಬೇ ಜುಲೈ-18 ಗ್ ಚುನಾವಣೆ ನಡಪರೆ ಉಂಡು.
ಮುಖ್ಯ ಚುನಾವಣೆ ಆಯುಕ್ತೆರ್ ರಾಜೀವ್ ಕುಮಾರ್ ಪತ್ರಿಕಾಗೋಷ್ಠಿ ಮಲ್ತ್ ದ್, ಈ ಬಗೆಟ್ಟ್ ಸರಿಯಾಯಿನ ಮಾಹಿತಿ ಕೊರ್ತೆರ್. 2022ತ್ತ ಅಧ್ಯಕ್ಷೀಯ ಚುನಾವಣೆಡ್ ಒಟ್ಟು 4,809 ಮತದಾರೆರ್ ಓಟು ಪಾಡ್ದಿತ್ತ್ ದ್, ಒವ್ವೆ ಪಕ್ಷಲ ತನ್ನ ಸದಸ್ಯೆರೆಗ್ ವಿಪ್ ಜಾರಿ ಮಲ್ಪುಲೆಕ್ಕ ಇಜ್ಜಿ ಪಂದ್ ರಾಜೀವ್ ಕುಮಾರ್ ತೆರಿಪಾದೆರ್.
Rastrapati election on July 18th: results on 21st
Delhi: The Election commission has announced the date of election of the President of India.The election for the President of India will be on July 18th.
At a press conference the chief election commissioner said that ,at the 2022 presidential election 4,809 voters will cast votes. Political parties cannot issue whip to its members he added.
