ತುಳು ಸುದ್ದಿ

ಬಾಲೆದ ಚಿಕಿತ್ಸೆಗಾದ್ ಪನವುದ ಸಕಾಯ

ಹುಷಾರ್ ದಾಂತಿನ ಒಂಜಿ ಬಾಲೆದ ಚಿಕಿತ್ಸೆಗಾದ್ ಬಾಲೆದ ಚಿಕಿತ್ಸೆಗಾದ್ ಪನವುದ ಸಕಾಯನ್ ಕೇನೊಂದೆರ್.

ಚಾರ್ವಿ 3 ವರ್ಷದ ಪೊಣ್ಣು ಬಾಲೆ ಇಂಚಿಪ್ಪ ಕೆ.ಎಮ್ ಸಿ ಅತ್ತಾವರಡ್ ಹುಷಾರ್ ದಾಂತೆ ದಾಖಲಾತ್ಂಡ್.

ಈ ಬಾಲೆಗ್ ವೈದ್ಯೆರೆನ ಪ್ರಕಾರ ಬೊಲ್ದು ನೆತ್ತೆರ್ ದ ಕೊರತೆ, ನೆತ್ತೆರ್ ದ ಸೋಂಕು, ಅನಿಯಂತ್ರಿತ ನೆತ್ತೆರ್ ದ ಹರಿವು, ಪ್ಲೇಟ್ಲೆಟ್ ದ ಕೊರತೆ, ಬಾಲೆದ ಬೋನ್ ಮ್ಯಾರೋ ಅಸ್ಥಿ ಮಜ್ಜೆ ಕೆಲಸ ಮಲ್ತೊಂದು ಇಜ್ಜಿ. ನೇರ್ದ್ ನೆತ್ತೆರ್ ದ ಕಣನ್ ಉತ್ಪತ್ತಿ ಮಲ್ಪೆರೆ ಆವೊಂದು ಇಜ್ಜಿ ಪಂದ್ ಪಂತೆರ್.

ಈ ಬಾಲೆಗ್ ಪ್ರತಿದಿನೊಲ ನೆತ್ತೆ ರ್ ದ ಉತ್ಪತ್ತಿನ್ ಕೊರೊಡು ಪಂದ್ ಪಂತೆರ್. ಅಂಚಾದ್ ಕೂಡ್ಲೆ ಬಾಲೆಗ್ immunosuppressive Treatment ದ ಭಾಗವಾದ್ 5 ದಿನ ಇಂಜೆಕ್ಷನ್‌ ಕೊರೊಡಾಪುಂಡು. ನೆಕ್ಕ್ ಸುಮಾರ್ 4 ಲಕ್ಷ ಬೋಡಾಪುಂಡು. ಅತ್ತಂದೆ ನನ ಅಸ್ಥಿಮಜ್ಜೆದ ವರ್ಗಾವಣೆ ಮಲ್ಪೊಡಾಯಿರ್ನೆದಾವೆರ ಸುಮಾರ್ 30 ಲಕ್ಷದಾತ್ ಕರ್ಚಾಪುಂಡು.

ಅಂಚಾದ್ ಈ ಬಾಲೆಗ್ ನಿಕ್ಲೆನ ಕೈಟ್ ಆಯಿನಾತ್ ಸಕಾಯ ಮಲ್ಪೊಲಿ.
Phone pay : 7975454733 (Praveen)
A/c No: 6052500101837101 SBA
IFSC code: KARB0000605

ರೇಡಿಯೊ ಮಣಿಪಾಲ್ ಡ್ ವಿದ್ಯಾರ್ಥಿನಿ ಅನುಷಾ ನೂರಾಳಬೆಟ್ಟು

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 ಮೆಗಾಹರ್ಟ್ಝ್ ದ ಸಮುದಾಯ ಬಾನುಲಿ ಕೇಂದ್ರಡ್ ಒಡಿಪುದ ಡಾ.ಜಿ.ಶಂಕರ್ ಸರಕಾರಿ ಮಹಿಳಾ ಪ್ರಥಮ ದರ್ಜೆ ಕಾಲೇಜ್ ವಿದ್ಯಾರ್ಥಿನಿ ಅನುಷಾ ನೂರಾಳಬೆಟ್ಟು ದೈನಂದಿನ ಜಂಜಾಟ ಪನ್ಪುನ ಇಸಯದ ಬಗೆಟ್ಟ್ ಪಾತೆರಿಯೆರ್.

ಈ ಲೇಸ್ ಎ.4 ಕ್ಕ್ ಬಯ್ಯಗ್ 5.15 ಕ್ಕ್ ಪ್ರಸಾರ ಆಂಡ್. ಎ.5 ಕ್ಕ್ ಮಧ್ಯಾಹ್ನ 1.15 ಕ್ಕ್ ಕುಡೊರ ಪ್ರಸಾರ ಆಪುಂಡು‌.

ಈ ಲೇಸ್ ನ್ ರೇಡಿಯೊ ಮಾತ್ರ ಅತ್ತಂದೆ ಆಂಡ್ರಾಯ್ಡ್ ಫೋನ್ ಬೊಕ್ಕ ಐಫೋನ್ ಡ್ ರೇಡಿಯೊ ಮಣಿಪಾಲ್ ಆಪ್ ಡೌನ್‌ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದ್ಂಡ್.

ನೇಜಾರ್ ಶ್ರೀ ಭಗವತೀ ತೀಯಾ ಸಮಾಜ ಮಹಿಳಾ ಘಟಕದ ಮುತಾಲಿಕೆಡ್ ಮಹಿಳಾ ದಿನಾಚರಣೆ

ಕಲ್ಯಾಣಪುರ: ನೇಜಾರ್ ಶ್ರೀ ಭಗವತೀ ತೀಯಾ ಸಮಾಜ ಮಹಿಳಾ ಘಟಕ ಬೊಕ್ಕ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃಧಿ ಯೋಜನೆ (ಬಿ. ಸಿ. ಟ್ರಸ್ಟ್ ) (ರಿ.) ಒಡಿಪು ತಾಲೂಕ್ ದ ಚಿಂತನ ಜ್ಞಾನ ವಿಕಾಸ ಕೇಂದ್ರ ನಿಡಂಬಳ್ಳಿ, ಅಂಬಾಗಿಲು ವಲಯದ ಒಟ್ಟುಸೇರಿಗೆಡ್ “ಮಹಿಳಾ ದಿನಾಚರಣೆ” ಮಾ.31 ಐತಾರ ಮಧ್ಯಾಹ್ನ ಶ್ರೀ ಭಗವತೀ ತೀಯಾ ಸಮಾಜದ ಸಭಾಂಗಣಡ್ ನಡತ್ಂಡ್.

ಈ ಲೇಸ್ ದ ಗುರ್ಕಾರ್ಮೆನ್ ಶ್ರೀ ಭಗವತೀ ತೀಯಾ ಮಹಿಳಾ ಘಟಕದ ಅಧ್ಯಕ್ಷೆರ್ ಶಕುಂತಳ. ಟಿ. ಒಯಿಸ್ ದಿತ್ತೆರ್. ಲೇಸ್ ದ ಉದಿಪನನ್ ಮಹಿಳಾ ಘಟಕದ ಗೌರವ ಸಲಹೆಗಾರೆರ್ ಲಕ್ಷ್ಮೀದೇವಿ ಲಕ್ಷ್ಮಿಕಾಂತ ಕುತ್ಪಡಿ ಮಲ್ತೆರ್.

ಚಾವಡಿಡ್ ಬಿನ್ನೆರಾದ್ ಒಡಿಪು ಶ್ರೀ ಕ್ಷೇತ್ರ ಧ.ಗ್ರಾ. ಯೋಜನೆದ ಯೋಜನಾಧಿಕಾರಿ ರಾಮ ಎಂ, ಕಂಗನಬೆಟ್ಟು ಶ್ರೀ ಭಗವತೀ ಭಕ್ತ ವೃಂದದ ಮಹಿಳಾ ಘಟಕದ ಅಧ್ಯಕ್ಷೆರ್ ಅರುಣಾ ವಿಶ್ವನಾಥ್, ಮಹಿಳಾ ಘಟಕದ ಗೌರವಾಧ್ಯಕ್ಷೆರ್ ಕಲ್ಯಾಣಿ ಟೀಚರ್, ಉಪಾಧ್ಯಕ್ಷೆರ್ ವನಜ ಪಾಲನ್, ಶ್ರೀ ಕ್ಷೇತ್ರ ಧ.ಗ್ರಾ.ಯೋ. ಒಕ್ಕೂಟದ ಅಧ್ಯಕ್ಷೆರ್ ಉಮೇಶ್ ನಾಯಕ್, ನಿಡಂಬಳ್ಳಿ ಚಿಂತನ ಜ್ಞಾನ ವಿಕಾಸ ಕೇಂದ್ರದ ಸಂಯೋಜಕಿ ಶಕುಂತಳ, ಶ್ರೀ ಭಗವತೀ ತೀಯಾ ಸಮಾಜದ ಅಧ್ಯಕ್ಷೆರ್ ಪ್ರಶಾಂತ್ ಸಾಲ್ಯಾನ್, ಗೌರವಾಧ್ಯಕ್ಷೆರ್ ಲಂಬೋದರ ತೋನ್ಸೆ ಪಾಲ್ ಪಡೆದಿತ್ತೆರ್.

ಕಲ್ಯಾಣಪುರ ಡಾ. ಟಿ. ಎಂ. ಎ. ಪೈ ಹೈಸ್ಕೂಲ್ ದ ಪ್ರಾಧ್ಯಾಪಕೆರ್ ಸುರೇಖಾ ಡಿ. ಶೆಟ್ಟಿ ಮಹಿಳಾ ದಿನಾಚರಣೆದ ಬಗೆಟ್ಟ್ ಮುಖ್ಯ ಭಾಷಣಗಾರೆರಾದ್ ಪಾತೆರಿಯೆರ್.

ಈ ಲೇಸ್ ಡ್ ರಡ್ಡ್ ಮಹಿಳಾ ಸಾಧಕೆರೆಗ್ ಸನ್ಮಾನ ನಡತ್ಂಡ್. ಶಾರದಾ ಸಾಲ್ಯಾನ್ ಮೆರೆನ ಪ್ರಾರ್ತನೆದೊಟ್ಟುಗೆ ಲೇಸ್ ಸುರು ಆಂಡ್. ಸೌಮ್ಯ ರವೀಂದ್ರ ಎದ್ಕೊನಿಯೆರ್. ನಿರ್ಮಲ ವಿಶ್ವನಾಥ್ ಸೊಲ್ಮೆ ಸಂದಾಯೆರ್. ಸೀಮಾ ಸುರೇಶ್ ಲೇಸ್ ದ ಸುಧಾರಿಕೆ ಮಲ್ತೆರ್. ಅಕೇರಿಡ್ ಪೊಂಜೋವುಲೆನ ಬೊಕ್ಕ ಜೋಕ್ಲೆನ ಸಾಂಸ್ಕೃತಿಕ ಲೇಸ್ ದೊಟ್ಟಿಗೆ ಸಭೆ ಮುಗಿತಲ ಆಂಡ್.

ಎ.11: ಸಂತೆಕಟ್ಟೆ ಬಿಲ್ಲವರ ಸೇವಾ ಸಂಘದ ಪ್ರತಿಷ್ಠಾ ವರ್ಧಂತಿ ಉಚ್ಚಯ

ಕಲ್ಯಾಣಪುರ: ಸಂತೆಕಟ್ಟೆ ಬಿಲ್ಲವರ ಸೇವಾ ಸಂಘದ ಪ್ರತಿಷ್ಠಾ ವರ್ಧಂತಿ ಉಚ್ಚಯ ಎ.11 ಗುರುವಾರ ಗೌಜಿಡ್ ನಡಪರೆ ಉಂಡು.

ಈ ಲೇಸ್ ವೇ.ಮೂ. ಬನ್ನಂಜೆ ಕೇಶವ ಶಾಂತಿಲೆನ ಪೌರೋಹಿತ್ಯಡ್ ನಡಪರೆ ಉಂಡು.

ಎ.10 ಬುದಾರ ಬೊಲ್ಪುಗು ಗಣಹೋಮ, ಬಯ್ಯಗ್ ಭಜನೆ, ರಾತ್ರೆ ಮಹಾಪೂಜೆ, ಪ್ರಸಾದ ವಿತರಣೆ ನಡಪರೆ ಉಂಡು.

ಎ.11 ಗುರುವಾರ ಬೊಲ್ಪುಗು ಸತ್ಯನಾರಾಯಣ ಪೂಜೆ, ಕಲಾ ಸಾರಥಿ ತೋನ್ಸೆ ಪುಷ್ಕಳ ಕುಮಾರ್ ಮೆರೆರ್ದ್ ಬ್ರಹ್ಮಶ್ರೀ ನಾರಾಯಣ ಗುರು ಚರಿತ್ರೆ ತುಳು ಕಥಾ ಕೀರ್ತನ, ಮಧ್ಯಾಹ್ನ ಗುರುಪೂಜೆ, ಅನ್ನ ಪ್ರಸಾದ ಸೇವೆ ನಡಪರೆ ಉಂಡು.

ಈ ಲೇಸ್ ಡ್ ಮಾತೆರ್ಲಾ ಕುಟುಂಬ ಸಮೇತೆರಾದ್ ಪಾಲ್ ಪಡೆದ್, ಶ್ರೀಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ಗುರುವರ್ಯನ ಕೃಪೆಗ್ ಪಾತ್ರರಾವೊಡು ಪಂದ್ ಕಲ್ಯಾಣಪುರ, ಸಂತೆಕಟ್ಟೆ ಬಿಲ್ಲವರ ಸೇವಾ ಸಂಘ (ರಿ.) ದ ಅಧ್ಯಕ್ಷೆರ್, ಪದುಕೆರ್, ಸರ್ವಸದಸ್ಯೆರ್, ಅಭಿವೃದ್ಧಿ ಸಮಿತಿ ಬೊಕ್ಕ ಮಹಿಳಾ ಘಟಕ ಲೆಪ್ಪೋಲೆಡ್ ತೆರಿಪಾದೆರ್.

ಗ್ರಾಮೀಣ ಭಾಗದ ಜೋಕ್ಲೆಗ್ ವಿದ್ಯೆ ಕೊರ್ದು ಸಾಧಕೆರಾದ್ ಮಲ್ಪುನ ಶಾಲೆನ್ ಮುಚ್ಚರೆ ಬಲ್ಲಿ : ಪೇಜಾವರ ಶ್ರೀ

ಮುಲ್ಕಿ: ಗ್ರಾಮೀಣ ಭಾಗದ ಜೋಕ್ಲೆಗ್ ಶಿಕ್ಷಣ ಕೊರ್ದು ಸಾಧಕೆರಾದ್ ಮಲ್ಪುನ ಶಾಲೆನ್ ಒವ್ವೇ ಕಾರಣಗ್ಲಾ ಮುಚ್ಚುನೇ ಸರಿ ಅತ್ತ್ ಪಂದ್ ಪೇಜಾವರ ಮಠಾಧೀಶೆರಾಯಿನ ಶ್ರೀ ವಿಶ್ವ ಪ್ರಸನ್ನ ತೀರ್ಥ ಸ್ವಾಮೀಜಿ ಪಂಡೆರ್.

ಮೇರ್ ಕಿನ್ನಿಗೋಳಿ ಕೈತಲ್ದ ಪುನರೂರು ಭಾರತ್ ಮಾತಾ ಹಿರಿಯ ಪ್ರಾಥಮಿಕ ಶಾಲೆ ಮುಚ್ಚುನ ಹಂತಡ್ ಉಂಡು, ಜೋಕ್ಲೆನ ಪೋಷಕೆರೆನ ಆತಂಕದ ಬಗೆಟ್ಟ್ ಶಾಲೆಗ್ ಭೇಟಿ ಕೊರ್ದು ಪಾತೆರಿಯೆರ್.

ಯಾನ್ ಪ್ರಾಥಮಿಕ ಕನ್ನಡ ಶಿಕ್ಷಣ ಪಡೆಯಿನ ಶಾಲೆದ ಬಗೆಟ್ಟ್ ಗೌರವ ಉಂಡು. ಒವ್ವೇ ಕಾರಣಗ್ಲಾ ಮುಚ್ಚೆರೆ ಬುಡ್ಪುಜಿ ಪಂದ್ ಪಂಡೆರ್.

ಶಾಲೆದ ಪೋಷಕ ಸಮಿತಿದ ಅಧ್ಯಕ್ಷೆರ್ ಕೃಷ್ಣಯ್ಯ ಆಚಾರ್ಯ ಮೆರೆನ ಮುತಾಲಿಕೆಡ್ ಗ್ರಾಮದ ಪೋಷಕೆರ್ ಶ್ರೀಪಾದೆರೆಗ್ ಶಾಲೆ ಒರಿಪಾವುನ ಬಗೆಟ್ಟ್ ಬಿನ್ನಾಪು ಸಂದಾಯೆರ್.

ಈ ಪೊರ್ತುಡು ಮುಖ್ಯ ಶಿಕ್ಷಕಿ ಉಷಾ.ಕೆ, ಕುಲಾಲ ಸಂಘದ ಶ್ರೀಧರ ಬಂಗೇರ, ಭುವನಾಭಿರಾಮ ಉಡುಪ, ಶಿವಪ್ರಸಾದ್ ಭಟ್, ಸದಾಶಿವ ಶೆಟ್ಟಿಗಾರ್, ಕಸ್ತೂರಿ ಪಂಜ, ಅಶೋಕ್ ಶೆಟ್ಟಿಗಾರ್, ಗೌರವ ಶಿಕ್ಷಕಿ ಹೇಮಾವತಿ, ಜಯಲಕ್ಷ್ಮಿ, ರಾಜ ಲಕ್ಷ್ಮೀ ಸಿ, ರೇಣುಕಾ ದಯಾನಂದ ಶೆಟ್ಟಿಗಾರ್ ಪಾಲ್ ಪಡೆದಿತ್ತೆರ್.

ಪ್ರಿಯದರ್ಶಿನಿ ಕೋ- ಆಪರೇಟಿವ್ ಸೊಸೈಟಿಗ್ ದಾಖಲೆದ 204 ಕೋಟಿ ರೂ. ವ್ಯವಹಾರ: ಎಚ್ ವಸಂತ್ ಬೆರ್ನಾರ್ಡ್

ಶೇ.15 ವೃದ್ಧಿ/22 ಕೋಟಿ ರೂ. ಡಿಪಾಸಿಟ್/ ಎಡ್ಡೆ ಲಾಭಾಂಶ

ಹಳೆಯಂಗಡಿದ ಪ್ರಿಯದರ್ಶಿನಿ ಕೋ- ಆಪರೇಟಿವ್ ಸೊಸೈಟಿ ಲಿ. ತನ್ನ ಮೆಂಬರ್ ನಕ್ಲೆನ ಬೆರಿಬಲ, ಗ್ರಾಹಕೆರೆನ ಸಹಕಾರ, ಆಡಳಿತ ವರ್ಗದಕ್ಲೆನ ಮಾರ್ಗದರ್ಶನ ಬೊಕ್ಕ ಸಿಬ್ಬಂದಿಲೆನ ಕಾರ್ಯಶ್ರಮರ್ದ್ 2023-24ನೇ ಸಾಲ್ ಡ್ ದಾಖಲೆದ 204 ಕೋಟಿ ರೂ. ವ್ಯವಹಾರ ಮಲ್ದ್ಂಡ್ ಪಂದ್ ಸೊಸೈಟಿ ಅಧ್ಯಕ್ಷೆರ್ ಎಚ್.ವಸಂತ ಬೆರ್ನಾಡ್ ಪಂಡೆರ್.

2021ನೇ ಇಸ್ವಿಡ್ ಟ್ಟ್ ಸುರು ಆಯಿನ ಪ್ರಿಯದರ್ಶಿನಿ ಕೋ- ಆಪರೇಟಿವ್ ಸೊಸೈಟಿಗ್ ಇತ್ತೆ 3 ಶಾಖೆ ಉಂಡು. ಈ ಸಾಲ್ ಡ್ 204 ಕೋಟಿ ರೂ. ವ್ಯವಹಾರನ್ ದಾಖಲ್ ಮಲ್ದ್ಂಡ್. ಕರಿನ ಸಾಲ್ ದ ವ್ಯವಹಾರನ್ ತುಲನೆ ಮಲ್ತ್ಂಡ ಶೇ.15 ಎಚ್ಚಾತ್ಂಡ್.

ಇತ್ತೆ 22 ಕೋಟಿ ರೂ. ಠೇವಣಿ, 17 ಕೋಟಿ ರೂ. ಸಾಲ ಬೊಕ್ಕ ಮುಂಗಡದೊಟ್ಟಿಗೆ, ರೂ. 86 ಲಕ್ಷ ಪಾಲ್ ಬಂಡವಾಳ, 31 ಲಕ್ಷ ನಿಧಿ, 23 ಕೋಟಿ ಬೆನ್ಪುನ ಬಂಡವಾಳ ಉಂಡು ಪಂದ್ ತೆರಿಪಾದ್, ನನದ ಸಾಲ್ ಡ್ ಎಡ್ಡೆ ಲಾಭಾಂಶ ಬರ್ಪಿನ ನಿರೀಕ್ಷೆ ಉಂಡು, ಸದಸ್ಯೆರೆಗ್ ಎಡ್ಡೆ ರೀತಿದ ಪಾಲ್ ಮುನಾಫೆನ್ ಪಟ್ಟುನ ಗುರಿ ಉಂಡು ಪಂದ್ ತೆರಿಪಾಯೆರ್.

ಈ ಅವಲೋಕನ ಸಭೆಟ್ಟ್ ಉಪಾಧ್ಯಕ್ಷೆರ್ ಪ್ರತಿಭಾ ಕುಳಾಯಿ, ಮುಖ್ಯಕಾರ್ಯನಿರ್ವಹಣಾಧಿಕಾರಿ ಸುದರ್ಶನ್ ಪಾಲ್ ಪಡೆದಿತ್ತೆರ್.

ಎ.5: ತಾಳಿಪಾಡಿ-ಶಾಂತಿಪಲ್ಕೆ ಶ್ರೀ ಬ್ರಹ್ಮಮುಗೇರ ಮಹಾಕಾಳಿ ದೈವಸ್ಥಾನಡ್ ಶ್ರೀ ಕೊರಗಜ್ಜ ದೈವೊದ ವಾರ್ಷಿಕ ನೇಮ

ತಾಳಿಪಾಡಿ-ಶಾಂತಿಪಲ್ಕೆ ಶ್ರೀ ಬ್ರಹ್ಮಮುಗೇರ ಮಹಾಕಾಳಿ ದೈವಸ್ಥಾನಡ್ ಪೊಸತಾದ್ ನಿರ್ಮಾಣ ಆಯಿನ ಗುಡಿಟ್ಟ್ ಶ್ರೀ ಕೊರಗಜ್ಜ ದೈವೊದ ವಾರ್ಷಿಕ ನೇಮ ಎ.5 ಸುಕ್ರಾರ ನಡಪರೆ ಉಂಡು.

ಆನಿ ರಾತ್ರೆ ಶ್ರೀ ಕೊರಗಜ್ಜ ದೈವೊದ ಭಂಡಾರ ಬತ್ತ್ ದ್ ನೇಮ ನಡಪುಂಡು.

ಈ ಲೇಸ್ ಡ್ ಭಕ್ತೆರ್ ಮಾತೆರ್ಲಾ ಪಾಲ್ ಪಡೆದ್ ಗಂಧ ಪ್ರಸಾದ ದೆತೊಂದು ಶ್ರೀ ದೈವೊದ ಕೃಪೆಗ್ ಪಾತ್ರರಾವೊಡು ಪಂದ್ ತಾಳಿಪಾಡಿ-ಶಾಂತಿಪಲ್ಕೆ ಶ್ರೀ ಬ್ರಹ್ಮಮುಗೇರ ಮಹಾಕಾಳಿ ದೈವಸ್ಥಾನದ ಗೌರವಾಧ್ಯಕ್ಷೆರ್, ಅಧ್ಯಕ್ಷೆರ್, ಗುರಿಕಾರೆರ್, ಸರ್ವಸದಸ್ಯೆರ್, ಜೀರ್ಣೋದ್ಧಾರ ಸಮಿತಿ, ಶ್ರೀ ಬ್ರಹ್ಮಮುಗೇರ ಮಹಾಂಕಾಳಿ ಮಹಿಳಾ ಸೇವಾ ಸಮಿತಿದಕುಲು ಲೆಪ್ಪೋಲೆಡ್ ತೆರಿಪಾದೆರ್.

ಕುಂಪಲ ಶ್ರೀ ಕೃಷ್ಣ ಮುಖ್ಯಪ್ರಾಣ ದೇವಸ್ಥಾನಡ್ ಪ್ರತಿಷ್ಠಾ ವಾರ್ಷಿಕ ಉಚ್ಚಯ

ಕುಂಪಲ ಶ್ರೀ ಕೃಷ್ಣ ಮುಖ್ಯಪ್ರಾಣ ದೇವಸ್ಥಾನಡ್ ಎ.3 ಕ್ಕ್ ಪ್ರತಿಷ್ಠಾ ವಾರ್ಷಿಕ ಉಚ್ಚಯ ಬೊಕ್ಕ ಸಾನಿಧ್ಯ ಕಲಶಾಭಿಷೇಕ, ಅಶ್ವಥ ವೃಕ್ಷಗ್ ಉಪನಯನ, ಮದಿಮೆ ನಡತ್ಂಡ್.

ಈ ಲೇಸ್ ದ ವಿಧಿವಿಧಾನಲು ವೇದಮೂರ್ತಿ ಉಚಿಲತ್ತಾಲಯ ನೀಲೇಶ್ವರ ಪದ್ಮನಾಭ ತಂತ್ರಿಲೆನ ಮುತಾಲಿಕೆಡ್ ಶ್ರೀ ಬಾಲಯೋಗಿ ಅಮೃತಾನಂದ ಸ್ವಾಮೀಜಿಲೆನ ಸಮ್ಮುಖಡ್ ನಡತ್ಂಡ್.

ಅಂಚೆನೆ ಮಧ್ಯಾಹ್ನ ಅನ್ನ ಪ್ರಸಾದ ಸೇವೆ ರಾತ್ರೆ ರಂಗಪೂಜೆ, ಅನ್ನ ಪ್ರಸಾದ ಸೇವೆ ನಡತ್ಂಡ್. ಈ ಲೇಸ್ ಡ್ ಎಚ್ಚ ಸಂಖ್ಯೆಡ್ ಭಕ್ತೆರ್ ಪಾಲ್ ಪಡೆದ್ ದೇವೆರೆನ ಪ್ರಸಾದ ಸ್ವೀಕಾರ ಮಲ್ತೆರ್.

ಕ್ಯಾ‌ಪ್ಟನ್ ಬೃಜೇಶ್ ಚೌಟೆರ್ನ ನಾಮಪತ್ರ ಸಲ್ಲಿಕೆದ ಪಾದಯಾತ್ರೆ

ಎಂಪಿ ವೋಟುಗು ನಾಮಪತ್ರ ಸಂದಾಯೆರೆ ಇನಿ ಅಕೇರಿ ದಿನ . ದಕ್ಷಿಣ ಕನ್ನಡಡ್ ಜಿಜೆಪಿ ಅಭ್ಯರ್ಥಿ ಕ್ಯಾಪ್ಟನ್ ಬ್ರಿಜೇಶ್ ಚೌಟೆರ್ ಇನಿ ತನ್ನ ಉಮೇದುವಾರಿಕೆ ಸಂದಾಯೆರೆ ಜಿಲ್ಲಾಧಿಕಾರಿ ಕಚೇರಿಗ್ ಪೋವೊಂದು ಉಲ್ಲೆರ್.

ಇನಿ ಬೊಲ್ಪುಗು ಬಂಟ್ಸ್ ಹಾಸ್ಟೆಲ್ ದ ಬಿಜೆಪಿ ಚುನಾವಣಾ ಕಚೇರಿರ್ದ್ ಬೃಹತ್ ಪಾದಯಾತ್ರೆ ಆಯೋಜನೆ ಮಲ್ತ್ ದಿತ್ತೆರ್.

ಈ ಲೇಸ್ ಡ್ ಮಸ್ತ್ ಸಂಖ್ಯೆಡ್ ಬಿಜೆಪಿ ನಾಯಕೆರ್, ಮುಖಂಡೆರ್, ಪಕ್ಷದ ಕಾರ್ಯಕರ್ತೆರ್ ಪಾಲ್ ಪಡೆದಿತ್ತೆರ್.

ಟೌನ್ ಹಾಲ್ ಡ್ ಸಭಾ ಲೇಸ್ ದ ಬೊಕ್ಕ ಜಿಲ್ಲಾಧಿಕಾರಿ ಕಚೇರಿಗ್ ಪೋದು ನಾಮಪತ್ರ ಸಂದಾಯೆರೆ ಉಲ್ಲೆರ್.