Mon. Nov 23rd, 2026

ಊರ್ದ ಸುದ್ದಿ Regional News

“ತುಳುನಾಡ ಬಲಿಯೆಂದ್ರೆ”ನಮ್ಮ ತುಡರ್ ಪರ್ಬದ ಕಥೆ

ಪ್ರಹ್ಲಾದನ ಪುಲ್ಲಿ ಆಯಿನ ಬಲಿ ಚಕ್ರವರ್ತಿ ಅಸುರ ಕಾಲಡ್ (ರಾಕ್ಷಸ ಯುಗ) ಪುಟ್ಟು೦ಡಲ ಧರ್ಮನಿಷ್ಠ ಬೊಕ್ಕ ದಯಾಮಯಿ ಆದುಪ್ಪುವೆ. ಧರ್ಮ ಬುರ್ದ್ ನಡಪಂದಿನ ಚಕ್ರವರ್ತಿ ಪ್ರಜೆಕ್ಲೆನ್ ಸ್ವಂತ ಜೋಕುಲ್ಲಕ ತೂವೊಂದಿತ್ತೆ. ಪ್ರಜೆಕುಲ್ಲ ಚಕ್ರವರ್ತಿಗ್ ಸ್ವಾಮಿನಿಷ್ಠೆ ತೊಜ್ಪಾವೊಂದಿತ್ತೆರ್. ಅಂಚಾದ್ ಆ ಸಂಸ್ಥಾನ ಧರ್ಮ ಇತ್ತಿ ಮಣ್ಣ್ ಆದ್ ಜನಕುಲು ಭಾರಿ ಎಡ್ಡೆಡ್ ಜೀವನ ಮಲ್ತೊಂದಿತ್ತೆರ್. ಆ ಸಂಸ್ಥಾನ ಬೇತೆ ಒವ್ಲ ಅತ್ತ್. ಅವ್ವೇ ನಮ್ಮ ತುಳುನಾಡ್!.

ಇಂಚ ಮಹಾ ಧರ್ಮೀಯ ಆಯಿನ ಬಲಿ ಚಕ್ರವರ್ತಿ ಸ್ವರ್ಗನ್ ನ್ಯಾಯ ರೀತಿಡ್ ಪಡೆಯೆರೆ ನೂದು ಅಶ್ವಮೇಧಯಾಗ ಮಲ್ಪೆರೆ ನಿರ್ಧಾರ ಮಲ್ಪುವೆ. ಅಂಚ 99 ಯಾಗ ಮುಗಿತ್’ದ್ ನೂದನೇ ಯಾಗ ಮಲ್ಪೆರೆ ಯಾಗ ದೀಕ್ಷೆ ದೆತೊನುವೆ.ಅಪಗ ದೇವಲೋಕ ತಲ್ಲಣ ಆಪುಂಡು. ಪೂರಾ ಬತ್ತ್’ದ್ ಶ್ರೀ ಹರಿಡ ಪೋದು ನಟ್ಟೋನ್ವೆರ್. ಅಪಗ ಶ್ರೀ ಹರಿ ವಾಮನ ರೂಪಡ್ ಬತ್ತ್’ದ್ ಬಲಿ ಚಕ್ರವರ್ತಿ ದೀಕ್ಷೆ ದೆತೊನಿನ ಶಾಲೆಗ್ ಬತ್ತ್’ದ್ ಎಂಕ್ ಮೂಜಿ ಪಜ್ಜೆ ಜಾಗೆನ್ ದಾನ ಕೊರ್ಪನಾಂದ್ ಕೇನುವೆರ್. ಯಾಗ ದೀಕ್ಷೆ ದೆತೊಂದಿತ್ತಿನ ಬಲಿ ಚಕ್ರವರ್ತಿ ಇಜ್ಜಿ ಪನ್ಯೆರೆ ಆವಂದೆ ಕೊರ್ಪೆಂದ್ ಪಾತೆರ ಕೊರ್ಪೆ.

ಕೊರ್ಪನಾಂದ್ ಕೇನುವೆರ್. ಯಾಗ ದೀಕ್ಷೆ ದೆತೊಂದಿತ್ತಿನ ಬಲಿ ಚಕ್ರವರ್ತಿ ಇಜ್ಜಿ ಪನ್ಯೆರೆ ಆವಂದೆ ಕೊರ್ಪೆಂದ್ ಪಾತೆರ ಕೊರ್ಪೆ.ಅಪಗ ವಾಮನನ ಕಾರ್ ವಿಶ್ವರೂಪಿ ಆಪುಂಡು. ಸುರುತ ಪಜ್ಜೆನ್ ಇಡೀ ಭೂಮಿದ ಮಿತ್ತ್ ದೀಪೆರ್. ರಡ್ಡನೇ ಪಜ್ಜೆನ್ ಆಕಾಶದ ಮಿತ್ತ್ ದೀಪೆರ್. ಮೂಜನೆ ಪಜ್ಜೆನ್ ಓಲ್ ದೀವೊಡುಂದು ಕೇನುವೆರ್. ಬಲಿ ಚಕ್ರವರ್ತಿಡ ಬೇತೆ ಜಾಗೆನೇ ಇಜ್ಜಂದೆ, ಪಾತೆರ ತಪ್ಪೆರೆ ಆವಂದೆ, ಎನ್ನ ತರೆತ ಮಿತ್ತ್ ದೀಲೆಂದ್ ಕೆನೋನ್ವೆ.”ಯಾನ್ ನಿನ್ನ ತರೆತ ಮಿತ್ತ್ ದೀಂಡ ಈ ಪಾತಾಳಗ್ ಪೋಪ, ದುಂಬಗ್ ಈ ಭೂಮಿಡ್ ನಿನ್ನ ಆವಾಸ ಉಪ್ಪುಜಿ, ಸರೀ ಯೋಚನೆ ಮಲ್ತ್ ಪನ್ ” ಪಂದ್ ವಾಮನ ಪನ್ಪೆರ್.”ಕೊರ್ನ ಪಾತೆರನ್ ಎಪಳ ತಪ್ಪುಜಿ. ತರೆ ತಗ್ಗಾವೊಂದುಲ್ಲೆ. ಇರ್ನ ಮೂಜನೆ ಕಾರ್ನ್ ದೀದ್, ಇರ್ನ ಜಾಗೆನ್ ದೆತೊನ್ಲೆ” ಪನೊಂದು ಬಲಿ ತಿರ್ತ್ ಕುಲ್ಲುದು ಕೈ ಮುಗಿಯೊಂದು ತರೆ ತಗ್ಗಾವೆ..!

ಇಂದೆನ್ ಪೂರ ತೂವೊಂದಿತ್ತಿನ ತುಳುವೆರ್ “ಏರ್ಯ ಅವು ಒಮನೇ ? ಒಯ್ಯಿಪ್ಪುಲೇ ಆಯನ್ ಪಿದಯಿ. ತಪ್ಪು ಮಲ್ಪಂದಿನಕುಲು ಏರ್ ಉಲ್ಲೆರ್ ? ತಪ್ಪು ಮಲ್ಪಂದಿನಕುಲು ಒಲು ಉಲ್ಲೆರ್ ? ದೇವೆರ್ನಕುಲು ತಪ್ಪು ಮಲ್ಪುಜೆರ ಬುದೊಡ್ಚಿಯ ” ಪಂದ್ ಗಲಾಟೆ ಮಲ್ಪೆರೆ ಸುರು ಮಲ್ಪುವೆರ್. ಇಂದೆನ್ ತೂಯಿನ ಹರಿಗ್ ದಾದ ಮಲ್ಪೊಡು೦ದ್ ಗೊತ್ತಾಪುಜಿ. ಕಡೆಕ್ ನ್ಯಾಯ-ಅನ್ಯಾಯದ ಬಗ್ಗೆ ಪರಾಮರ್ಶೆ ಆದ್ ಪಾತಾಳಡ್ ಸ್ವರ್ಗರ್ದ್’ಲ ಎಡ್ಡೆ ಅರ೦ತಿಲ್ಲ್ ನಿರ್ಮಾಣ ಮಲ್ತ್ ಕೊರ್ದ್ ಬಲಿ ಚಕ್ರವರ್ತಿನ್ ಐತ ಅಧಿಪತಿ ಮಲ್ಪುವೆರ್. ಇಂದ್ರಗ್ ಕೊರ್ತಿನ ಮನ್ವಂತರದ ಅವಧಿ ಮುಗಿ ಬೊಕ್ಕ ಇಂದ್ರ ಪದವಿನ್ ಬಲಿಚಕ್ರವರ್ತಿಗ್ ಕೊರ್ಪೆಂದ್ ಪಾತೆರ ಕೊರ್ಪೆರ್ ಶ್ರೀ ಹರಿ..!ಬಲಿ ಚಕ್ರವರ್ತಿ ಮಾತ್ರ ಜೀವಗ್ ಜೀವ ಕೊರ್ಪುನ, ಮಸ್ತ್ ಮೋಕೆ ಮಲ್ಪುನ ತುಳುನಾಡ ಜನಕ್ಲೆನ್ ತೂಯೆರೆ ಅವಕಾಶ ಮಲ್ತ್ ಕೊರಿಯೆರೆ ಹರಿಡ ಬೇಡೋನ್ವೆ. ಅಪಗ ಶ್ರೀ ಹರಿ ವರ್ಷಗ್ 3 ದಿನ ತುಳುನಾಡ್’ಗ್ ಪೋದು ಬರಿಯೆರೆ ಅಪ್ಪಣೆ ಕೊರ್ಪೆರ್. ಜನಕುಲು ಅವೆನ್ ‘ದೀಪಾವಳಿ’ ಪಂದ್ ಆಚರಣೆ ಮಲ್ಪಡ್೦ದ್ ಹರಸುವೆರ್.ದುಂಬಗ್ ತುಳುನಾಡ ಸಮಸ್ತ ಜನಕುಲು ಮೋಕೆದ ಅರಸೆ ಬರ್ಪುನ ಪೊರ್ತುಡು ಬಡತನ, ಕಷ್ಟ, ಪೂರ ಮದತ್’ದ್ ಇಲ್ಲದ ಎದುರು ದೀಪ ದೀದ್, ಬಲಿಮಹಾರಾಜಗ್ ಅಕುಲು ಬುಳೆಯಿನ ಕಣಿನ್ ದೀದ್, ಪೇರ್ ದೀದ್, ತುಡರ್ ಅರ್ಲಾದ್, ಎಂಕ್ಲೆನ ಇಲ್ಲಗ್ ಬಲಿಯೇಂದ್ರ ಬಲ ಪಂದ್ ಮುಗ್ದೆರಾದ್ ಲೆಪ್ಪುನೆನ್ ನಮ ಇತ್ತೆಲ ತೂಪ..!

ಆಂಡ ಇತ್ತೇ ಕಾಲ ಬದಲ್ ಆವೊಂದಿತ್ತಿಲಕನೆ ನಮ್ಮ ದುಂಬುದ ಸಂಪ್ರದಾಯ ಆಚಾರ, ವಿಚಾರ ಪೂರ ಪೋವೊಂದುಂಡು. ಆತ್ತಂದೆ ಈ ಕಥೆಲ ಏತೋ ಜನಕ್ಲೆಗ್ ತೆರಿದುಪ್ಪುಜಿ. ಆಂಚಾದ್ ಆಯಿನಾತ್ ಈ ಕಥೆನ್ ಪೂರ ತುಳುವೆರೆಗ್ ತೆರಿಪಾದ್, ದೀಪಾವಳಿ ಪರ್ಬದ ಮಹತ್ವ ದಾದಂದ್ ಪೂರೆರೆಗ್ಲ ಪನ್ಲೆ. ಅಪ್ಪೆ ಅಮ್ಮೆ ಜೋಕ್ಲೆಗ್ ಈ ಕಥೆನ್ ತೆರಿಪಾದ್, ಬಲಿ ಚಕ್ರವರ್ತಿನ ತ್ಯಾಗನ್ ನೆಂಪು ಮಲ್ತ್ ಅರ್ಥಪೂರ್ಣ ಆಯಿನ ತುಳುನಾಡ ತುಡರ್ ಪೋತ್ತಾವುನ ಪರ್ಬನ್ ಜನಕ್ಲೆಗ್ ನನಲಾತ್ ಎಡ್ಡೆ ಆಪುಲಕ ಮಲ್ಪುಲೆ. ಕಷ್ಟ, ದುಃಖ, ಬೇನೆ ದೂರ ಆದ್, ಸಕಲೈಶ್ವರ್ಯ ಬರ್ಯೆರೆ ಇಡೀ ತುಳುನಾಡ್’ಡ್ ಈ ಪರ್ಬನ್ ಪೊರ್ಲುಡೇ ಆಚರಣೆ ಮಲ್ಪುಲೆ. ಸಮಸ್ತ ತುಳುವಪ್ಪೆ ಜೋಕ್ಲೆಗ್ ತುಡರ್ ಪರ್ಬದ ಮೋಕೆದ ಮದಿಪು…

ಕಾರ್ಲ ಡ್ ಡಿಸೆಂಬರ್ 7 ಕ್ ದತ್ತ ಜಯಂತಿದ ಪ್ರಯುಕ್ತ “ಹಿಂದೂ ಸಂಗಮ” ಪನ್ಪಿನ ಬೃಹತ್ ಶೋಭಾಯಾತ್ರೆ

ಕಾರ್ಲ, ನ.2 :ವಿಶ್ವ ಹಿಂದು ಪರಿಷತ್ ಬಜರಂಗದಳ ಒಡಿಪು ಜಿಲ್ಲೆ ಕಾರ್ಲ ಪ್ರಖಂಡ, ದತ್ತ ಜಯಂತಿದ ಪ್ರಯುಕ್ತ “ಹಿಂದೂ ಸಂಗಮ” ಪನ್ಪಿನ ಬೃಹತ್ ಶೋಭಾಯಾತ್ರೆ ಡಿಸೆಂಬರ್ 7 ಕ್ ಐತಾರ ಮಧ್ಯಾಹ್ನ 2.30 ಗ್ ಕಾರ್ಲ ಗಾಂಧಿ ಮೈದಾನದ ಸ್ವರಾಜ್ ಮೈದಾನಡ್ ನಡಪರೆ ಉಂಡು.

ಮಾತೆರ್ಲಾ ಬತ್ತ್ ದ್ ಲೇಸ್ ನ್ ಪೊರ್ಲು ಮಲ್ತ್ ಕೊರ್ಲೆ.

ಹುಷಾರ್ದಾಂತೆ ತೀರ್ ಪೊಯಿನ ಸದಾನಂದ ಕೋಟ್ಯಾನ್ ಚರಂತಿಪೇಟೆ

ಮೊಗವೀರ ಸಹಕಾರಿ. ಬ್ಯಾಂಕ್, ಬೊಂಬೈದ ಅಧ್ಯಕ್ಷೆರ್, ಮೊಗವೀರ ಯುವಕ ಸಂಘ, ಬೊಂಬೈದ
ಅಧ್ಯಕ್ಷೆರ್, ಮೊಗವೀರ ವ್ಯವಸ್ಥಾಪಕ ಮಂಡಳಿ, ಬೊಂಬಾಯಿದ ಕೋ-ಆರ್ಡಿನೇಟರ್, ಉಚ್ಚಿಲ ಮಹಾಲಕ್ಷ್ಮಿ ದೇವಲ್ಯೊ ಮಹಾರಾಷ್ಟ್ರದ ನಿಧಿ ಸಂಗ್ರಹ ಸಮಿತಿದ ಅಧ್ಯಕ್ಷೆರ್ ಆಯಿನ ಸದಾನಂದ ಕೋಟ್ಯಾನ್
ಚರಂತಿಪೇಟೆ ಆರ್ನ ಇಲ್ಲಡ್ ತೀರ್ ಪೊಯೆರ್. ಕಡೆತ್ತ ಶಾಸ್ತ್ರ ಇನಿ ಕಾಂಡೆ 10 ಗಂಟೆಗ್ ನಡತ್ ದ್ಂಡ್. ಆರ್ನ ಕುಟುಂಬಗ್ ಪರಿಸ್ಥಿತಿನ್ ಎದುರಿಸಾವುನ ಶಕ್ತಿನ್ ದೇವೆರ್ ಕೊರಡ್.

ಬೆದ್ರ: ನಳಿನ್ ಕುಮಾರ್ ಕಟೀಲ್ ಬೆಂಗಾವಲಾದ್ ಇತ್ತಿನ ಗಾಡಿ ಬೊಕ್ಕ ಬಸ್‌ ದ ನಡುಟ್ ಅಪಘಾತ

ಬೆದ್ರ, ನ. 02 : ಬಿಜೆಪಿ ರಾಜ್ಯಾಧ್ಯಕ್ಷೆರ್ ಸಂಸದೆರ್ ನಳಿನ್ ಕುಮಾರ್ ಕಟೀಲ್ ಮೇರ್ ನ ಬೆಂಗಾವಲಾದ್ ಇತ್ತಿನ ಗಾಡಿ ಬೊಕ್ಕ ಖಾಸಗಿ ಬಸ್ ದ ನಡುಟ್ ಅಪಘಾತ ಆತ್ಂಡ್.

ಈ ಘಟನೆ ದಕ್ಷಿಣ ಕನ್ನಡ ಜಿಲ್ಲೆದ ಬೆದ್ರದ ಮಿಜಾರ್ ಡ್ ನಡತ್ ದ್ಂಡ್.

Moodbidri: Nalin Kumar Kateel’s convoy vehicle meets with an accident

Moodbidri : November 2nd: A vehicle of BJP state president and MP Nalin Kumar Kateel’s convoy met with an accident at Minar in DK district.

ಕುಡ್ಲ: ಕೆಕ್ಕಿಲ್ ದ ಸರ ಕಂಡಿನಕ್ಲೆನ್, ಲೂಟಿ ಸೇರ್ದ್ 24 ಪ್ರಕರಣಡ್ ಬೋಡಾಯಿನ 7 ಜನಕ್ಲೆನ್ ಅರೆಸ್ಟ್ ಮಲ್ತಿನ ಪೊಲೀಸೆರ್

ಕುಡ್ಲ, ನ.2: ಕುಡ್ಲ ಪೊಲೀಸ್ ಕಮಿಷನರ್ ವ್ಯಾಪ್ತಿದ ಬೇತೆ ಬೇತೆ ಪೊಲೀಸ್ ಠಾಣಾ ವ್ಯಾಪ್ತಿಡ್ ಕೆಕ್ಕಿಲ್ ದ ಸರ ಕಂಡಿನಕ್ಲೆನ್, ಲೂಟಿ ಮಲ್ತ್ ನಕುಲೆನ್, 2 ಚಕ್ರದ ಗಾಡಿ ಕಂಡಿನಕ್ಲೆನ್ ಅಂಚನೆ ಪೊಲೀಸ್ ನಕುಲ್ ನ ಬೇಲೆಗ್ ಅಡ್ಡ ಬತ್ತಿನ 24 ಪ್ರಕರಣಡ್ ಬೋಡಾಯಿನ 7 ಜನಕ್ಲೆನ್ ಪೊಲೀಸೆರ್ ಬಂಧಿಸಾದೆರ್ ಪಂದ್ ಪೊಲೀಸ್ ಆಯುಕ್ತೆರ್ ಎನ್.ಶಶಿಕುಮಾರ್ ತೆರಿಪಾದೆರ್.

ಕಾವೂರ್ ದ ಅಬ್ದುಲ್ ಇಶಾಮ್ (26), ಪಂಜಿಮೊಗರ್ ದ ಸಫ್ವಾನ್ (29), ಕಾವೂರ್ ದ ಮಹಮ್ಮದ್ ತೌಸಿಫ್ (30), ಶಾಂತಿನಗರದ ಅಬ್ದುಲ್ ಖಾದರ್ ಸಿನಾನ್ (30), ಮಲ್ಲೂರ್ ದ ಮಹಮ್ಮದ್ ಫಜಲ್ (32), ಚೊಕ್ಕಬೆಟ್ಟು ದ ಅರ್ಷದ್ (42) . ಬೊಕ್ಕ ಕುಂದಾಪುರದ ಕುಂಬಾಶಿದ ಮೊಹಮ್ಮದ್ ರೆಹಮಾನ್ (23) ಬಂಧಿತ ಆರೋಪಿಲು ಪಂದ್ ಗುರ್ತಿಸಾದೆರ್.

ಮುಕುಲೆಡ್ದ್ 10 ಲಕ್ಷ ಕಾಸ್ ದ 210 ಗ್ರಾಂ ಬಂಗಾರ್ ದ ಸರ, ಮಂಗಳಸೂತ್ರ ಅಂಚನೆ 2 ಲಕ್ಷದ 3 ಗಾಡಿನ್ ವಶಕ್ಕ್ ಪಡೆಯೊಂದೆರ್. ಉಂದು ಅತ್ತಂದೆ ಮಸ್ತ್ ಕಡೆಟ್ ಕಂಡಿನ ಬಂಗಾರ್, 5 ನೆಡ್ದ್ ಜಾಸ್ತಿ ಗಾಡಿಲೆನ್ ಪೊಲೀಸೆರ್ ವಶಕ್ಕ್ ಪಡೆಯೊನರ ಬಾಕಿ ಉಂಡು.

ಬೆದ್ರ: ಪುತ್ತಿಗೆ ಗ್ರಾಮಡ್ ತೆಡಿಲ್ ಹಾಕ್ ದ್ ರಡ್ಡ್ ಜನ ತೀರ್ ಪೊಯೆರ್

ಬೆದ್ರ, ನ.1 : ಸೋಮಾರ ಬಯ್ಯಗ್ ಬತ್ತಿನ ಭಾರೀ ಬರ್ಸಗ್ ತೆಡಿಲ್ ಹಾಕ್ ದ್ ರಡ್ಡ್ ಜನ ತೀರ್ ಪೊಯಿನ ಘಟನೆ ಬೆದ್ರದ ಪುತ್ತಿಗೆ ಪಂಚಾಯತಿ ವ್ಯಾಪ್ತಿದ ಕಂಚಿಬೈಲ್ ಡ್ ನಡತ್ಂಡ್.

ಆರ್ಬಿ ಪರಿಸರದ ಶೆಡ್ ಒಂಜೆಟ್ಟ್ ಬೇಲೆ ಮಲ್ತೊಂದ್ ಇತ್ತಿನ ಯಶವಂತ್ (25) ಮಣಿಪ್ರಸಾದ್ (25) ತೆಡಿಲ್ ಹಾಕ್ ದ್ ಜಾಗಡೆ ತೀರ್ ಪೊತೆರ್. ಉಂದುವೇ ಪರಿಸರಡ್ ಇತ್ತಿನ ಗಣೇಶ್, ಸಂದೀಪ್ ಬೊಕ್ಕ ಪ್ರವೀಣ್ ಇಂಚ ಮೂಜಿ ಜನ ತೆಡಿಲ್ ಆಘಾತಗ್ ತಿಕ್ಕ್ ದ್ ಬೂರ್ದ್ ಅಕುಲೆನ್ ಅಲಂಗಾರ್ ದ ಖಾಸಗಿ ಆಸ್ಪತ್ರೆಗ್ ದಾಖಲ್ ಮಲ್ತ್ ದೆರ್.ಬೆದ್ರ ಪೊಲೀಸ್ ಠಾಣೆಡ್ ಈ ಪ್ರಕರಣ ದಾಖಲಾತ್ಂಡ್.

Moodbidri: Lightning strike leaves two dead at Puttige

Moodbidri November 1st: Heavy rains on Monday evening followed by thunderstorms left two dead in Puttige village.

Yashwant (25) and Maniprasad(25) who were working in a shed here died on the spot after being hit by lightning. Three others ; Ganesh, Sandeep and Praveen who were working nearby were injured and have been admitted to hospitals in Moodbidri.A case has been registered in Moodbidri police station.

ಧರ್ಮಸ್ಥಳ: ಡಿಸೆಂಬರ್ 3 ಜೆಡ್ದ್ ಈ ಸರ್ತಿದ ಮಂಜುನಾಥ ಸ್ವಾಮಿನ ಲಕ್ಷದೀಪೋತ್ಸವ

ಧರ್ಮಸ್ಥಳಡ್ ಈ ಸರ್ತಿದ ಮಂಜುನಾಥ ಸ್ವಾಮಿನ ಲಕ್ಷ ದೀಪೋತ್ಸವ ಡಿಸೆಂಬರ್ 4 ಕ್ಕ್ ನಡಪರೆ ಉಂಡು.

ಲಕ್ಷ ದೀಪೋತ್ಸವದ ಪ್ರಯುಕ್ತ ಬೇತೆ ಬೇತೆ ರೀತಿದ ಕಜ್ಜಕೊಟ್ಯಲು ನವೆಂಬರ್ 29 ಡ್ದ್ ಸುರು ಆದ್ ಡಿಸೆಂಬರ್ 4 ಮುಟ್ಟ ನಡಪೆರ ಉಂಡು. ನವೆಂಬರ್ 29 ಗ್ ವಸಂತ ಕಟ್ಟೆ ಉಚ್ಚಯ, 30 ಗ್ ಕೆರೆಕಟ್ಟೆ ಉಚ್ಚಯ, ಡಿಸೆಂಬರ್ 1 ಕ್ ಲಲಿತೋದ್ಯಾನ ಉಚ್ಚಯ, ಡಿ. 2 ಕ್ ಕಂಚಿಮಾರುಕಟ್ಟೆ ಉಚ್ಚಯ, ಅಂಚನೆ ಸರ್ವಧರ್ಮ ಸಮ್ಮೇಳನಲ ನಡಪರೆ ಉಂಡು.

ಡಿಸೆಂಬರ್ 3 ಕ್ ಗೌರಿಮಾರುಕಟ್ಟೆ ಉಚ್ಚಯ, ಸಾಹಿತ್ಯ ಸಮ್ಮೇಳನ ನಡತ್ ದ್, ಡಿಸೆಂಬರ್ 4 ಕ್ ಚಂದ್ರನಾಥ ಸ್ವಾಮಿನ ಸಮವಸರಣ ಪೂಜೆಯೊಟ್ಟುಗ್ ಲಕ್ಷದೀಪೋತ್ಸವದ ಕಾರ್ಯಕ್ರಮ ಮುಗ್ಯೆರ್ ಉಂಡು.

Dharmasthala: DEEPOTSAVA festivities to begin from November 29th

The DEEPOTSAVA festivities of Sri Kshetra Dharmasthala Manjunatha swami temple will begin from November 29th and go on till December 4th. The sarvadharma sammelan will be held on December 2nd; and the sahitya sammelan and deepotsava on December 3rd. The festivities will end on December 4th with the samavasarana pooja.

ಬೊಲ್ತೆರ್ ಉಜಿರೆಡ್ ರಾವೊಂದಿಪ್ಪುನ ತೌಲವ ಕೊಡಿ

ಬೊಲ್ತೆರ್, ನ.1: ಜೈ ತುಲುನಾಡ್ (ರಿ.) ಬೊಲ್ತೆರ್ ಎಗ್ಗೆದ ಮುತಾಲಿಕೆಡ್ ಬೊಲ್ತೆರ್ ತಾಲೂಕ್ ದ ಉಜಿರೆಡ್ ತುಲುನಾಡ್ ದ ಕೊಡಿನ್ ಪಾಡ್ಯೆರ್.

ತುಲುನಾಡ್ ದ ಸಂಕೇತವಾಯಿನ ಸೂರ್ಯ ಚಂದ್ರ ಉಪ್ಪುನ ಕೇಪುಳ ಕೊಡಿನ್ ಉಜಿರೆದ ಸರ್ಕಲ್ ದ ಕೈತಲ್ ಪಾಡಿಯೆರ್. ಧ್ವಜಾರೋಹಣನ್ ತುಳುನಾಡ್ ಒಕ್ಕೂಟ ಬೊಲ್ತೆರ್ ದ ಅಧ್ಯಕ್ಷೆರ್ ಶೇಖರ್ ಮಲ್ತೆರ್.

ಈ ಪೊರ್ತುಡ್ ಜೈ ತುಲುನಾಡ್ (ರಿ.) ಬೊಲ್ತೆರ್ ಎಗ್ಗೆದ ಸಂಚಾಲಕೆರ್ ಗೌತಮ್ ಬೊಲ್ತೇರ್ ಬೊಕ್ಕ ಅಶ್ವಿನ್ ತುಲುವೆ, ಜೈ ತುಲುನಾಡ್ (ರಿ.) ಬೊಕ್ಕ ತುಲು ಲಿಪಿ ಸಮಿತಿದ ಸದಸ್ಯೆರ್ ರಂಜನ್ ಎಸ್.ವೈ ಬೊಕ್ಕ ಪೃಥ್ವಿ ತುಲುವೆ ಅಂಚನೆ ಜೈ ತುಲುನಾಡ್ (ರಿ.) ಸದಸ್ಯೆರ್ ವಿಕ್ರಾಂತ್,ಗಣೇಶ್ ಕುಂದರ್,ರೋಶನ್ ಬೆಲಾಲ್,ಜಯಂತ್ ಉಜಿರೆ,ಸುದೀಶ್ ಕಟ್ಟೆ,ಸುದೇಶ್, ಆಶ್ಲೇಷ್,ಹರ್ಷಿತ್,ವಾಣಿ ಅಂಚನೆ ತುಳುನಾಡ್ ಒಕ್ಕೂಟದ ಸದಸ್ಯೆರ್ ಸುರೇಂದ್ರ ಲೇಸ್ ಡ್ ಪಾಲ್ ಪಡೆದಿತ್ತೆರ್.

Toulava flag flys high in Ujjire

Beltangady November 1st: A Toulava flag was hoisted at Ujjire under the patronage of Jai Tulunadu (R).

The flag has a Sun and Moon motif on it , which is a symbolic of Tulunadu. The flag was hoisted by the President of Beltangady branch of Tulunadu association, Sri Shekar

The correspondent Of Beltangady branch of Jai Tulunadu Gautam and Ashwin Tuluva; Tulu script development samithi member Ranjan S.Y . ana Prithvi Tuluva, and Jai Tulunadu members Vikrant, Ganesh Kundar, Roshan Belal, Jayant Ujjire, Sudesh Katte, Ashlesh, Harshith Vani , Surendra and others took part in the meet.

ರಾಜ್ಯಡ್ ಎಲ್ಲೆಡ್ದ್ ಮಧ್ಯಾಹ್ನದ ಬೆಚ್ಚ ನುಪ್ಪುದ ಒಟ್ಟುಗ್ ಇಡೀ ದಿನ ಶಾಲೆ ಸುರು

ಬೆಂಗ್ಳೂರ್, ನ.1 : ರಾಜ್ಯಡ್ ನವೆಂಬರ್ 2 ಡೆಡ್ದ್ ಮಧ್ಯಾಹ್ನದ ಬೆಚ್ಚ ನುಪ್ಪುದ ಒಟ್ಟುಗ್ ಪ್ರಾಥಮಿಕ ಶಾಲೆಲೆಗ್ ಇಡೀ ದಿನ ಕ್ಲಾಸ್ ಸುರು ಆಯರೇ ಉಂಡು.

ರಾಜ್ಯ ಸರ್ಕಾರ ಅ.25 ನೆಡ್ದ್ 1 – 5 ನೇ ಕ್ಲಾಸ್ ನ್ ಸುರು ಮಲ್ತ್ ದಿತ್ತೆರ್. ಆಂಡ ಅರ್ಧ ದಿನ ಮಾತ್ರ ಕ್ಲಾಸ್ ನ್ ನಡಪರೆ ಸೂಚಿಸಾದಿತ್ತೆರ್. ನವೆಂಬರ್ 2 ಕ್ ಅಂಗಾರಡ್ದ್ ಪಾರ್ಥಮಿಕ ಶಾಲೆಲ್ ಇಡೀ ದಿನ ಸುರು ಆಯರೇ ಉಂಡು. ನೆಕ್ಕ್ ಪೂರ ಸಿದ್ಧತೆನ್ ಶಿಕ್ಷಣ ಇಲಾಖೆ ಮಲ್ತ್ ದೆರ್.

Full day classes to start from tomorrow; mid day meals also to begin:

Bangalore November 1st: From tomorrow full day school for the primary section will begin; and mid day meal program will also kick off .

Classes one to five had begun on October 25th, but only the morning classes were conducted.Full day classes for the primary section will start from tomorrow.All arrangements to this effect has been done by the education department.

3.70 ಕೋಟಿ ಖರ್ಚ್ ಡ್ ಅಭಿವೃದ್ಧಿಯಾಯಿನ ಗುಜ್ಜರಕೆರೆ ಇತ್ತೆ ಉದಿಪನ ಆಯರೇ ತಯಾರ್ ಆತ್ಂಡ್

ಕುಡ್ಲ, ನ.1: ಒಂಜೆಮ್ಮೆ ಹಾಳಾಯಿನ ನೀರ್ ಡ್ದ್ ಮಲೇರಿಯಾ, ಡೆಂಗ್ಯೂ ಸೀಕ್ ಗ್ ಕೇಂದ್ರವಾಯಿನ ಕುಡ್ಲದ ಜೆಪ್ಪು ಮಾರ್ಕೆಟ್‌ ದ ಕೈತಲ್ ಉಪ್ಪುನ ಗುಜ್ಜರಕೆರೆ, ಇತ್ತೆ ಅಭಿವೃದ್ಧಿಯಾದ್ ಜನಕುಲೆಗ್ ಆಕರ್ಷಣೀಯ ಕೇಂದ್ರವಾತ್ಂಡ್. ಗುಜ್ಜರಕೆರೆ ಸ್ಮಾರ್ಟ್ ಸಿಟಿ ಮುಖೇನ ಅಭಿವೃದ್ಧಿಯಾದ್ ಇತ್ತೆ ನವೆಂಬರ್ 2 ಕ್ಕ್ ಉದಿಪನ ಆಯರೇ ತಯಾರ್ ಆದ್ ಉಂಡ್.

ಕುಡ್ಲ ಸ್ಮಾರ್ಟ್‌ ಸಿಟಿಡ್ದ್ ಸುಮಾರ್ 3.74 ಕೋಟಿ ರೂ. ಕರ್ಚ್ ಡ್ ಗುಜ್ಜರಕೆರೆನ್ ಅಭಿವೃದ್ಧಿ ಮಲ್ತ್ ದೆರ್. ಕೆರೆತ್ತ ಮೊಟ್ಟ್ ಲೆನ್ ಸರಿ ಮಲ್ತ್ ದ್ ಆಯಿಬೊಕ್ಕ ಸುತ್ತಲ ಜೋಕುಲೆಗ್, ಹಿರಿಯಕುಲ್ ನ ಸುರಕ್ಷತೆಗ್ ಬೊಡಾದ್ ಸ್ಟೈನ್‌ಲೆಸ್‌ ಸ್ಟೀಲ್‌ ರೇಲಿಂಗ್‌ ಅಂಚನೆ ಕೆರೆತ್ತ ಸುತ್ತ ಅಗೆಲದ ಇಂಟರ್‌ ಲಾಕ್‌ ಪಾಡ್ದೆರ್. ಕೆರೆತ್ತ ಸುತ್ತ ಸಾದಿದ ತುಡರ್ ನ್ಲ ಪಾಡ್ದೆರ್.

ಜೋಕುಲೆಗ್ ಗೊಬ್ಬರ ಬೊಡಾದ್ ಪೊಯ್ಯೆ ಪಾಡ್ದ್ ಪ್ಲೇ ಏರಿಯಾ, ಸುತ್ತಲ ಬೆಂಚ್, ಕಜವುದ ಡಬ್ಬಲ ದೀತೆರ್. ಇತ್ತೆ ಈ ಪರಿಸರಡ್ ಉಮಿಲ್ ದ ಉಪದ್ರ ಕಮ್ಮಿಯಾತ್ಂಡ್.

“Gujjarakera” ready for inaugration: Restoration project cost 3.70 crore.

Mangalore: November 1st: Gujjarakera near Jeppu market was one day a polluted ,stinky water body ; a breeding place for mosquitoes spreaing diseases like malaria and dengue.Now it has been cleaned and restored under the Mangalore Smart City project at a cost of 3.70 crore and will be inaugurated on November 2nd.

The steps leading to the lake has been remade with railings all around for the safety of people visiting the place . Lighting arrangements and wide roads have been laid around ; with a play area for children.

You Missed