Mon. Nov 23rd, 2026

ಊರ್ದ ಸುದ್ದಿ Regional News

ಕುಡ್ಲದ ಪುಗರ್ತೆದ Ideal ಐಸ್ ಕ್ರೀಮ್ ದ ಧನಿಕುಲ್ ಆಯಿನ ಶ್ರೀ ಪ್ರಭಾಕರ್ ಕಾಮತ್ ತೀರ್ ಪೊಯೆರ್

ಕುಡ್ಲ, ನ.6: ಕುಡ್ಲದ ಪುಗರ್ತೆದ Ideal ಐಸ್ ಕ್ರೀಮ್ ದ ಧನಿಕುಲ್ ಆಯಿನ ಶ್ರೀ ಪ್ರಭಾಕರ್ ಕಾಮತ್ ಇನಿ ಪುಲ್ಯ ಕಾಂಡೆ ತೀರ್ ಪೊಯೆರ್.

ಕುಡ್ಲಡ್ ಪಬ್ಬ ಮಾಮ ಪಂದ್ ಪುದರ್ ಇತ್ತಿನ ಅರೆಗ್, ಅಕ್ಟೋಬರ್ 28 ಗ್ ಕುಡ್ಲದ ಭಾರತ್ ಮಾಲ್ ಕೈತಲ್ ನಡತಿನ ಮಾರ್ಗ ಅಪಘಾತಡ್ ಗಾಯ ಆದ್ ಆಸ್ಪತ್ರೆಡ್ ಮರ್ದ್ ದೆತೊನೊಂದ್ ಇತ್ತೆರ್. ಆಂಡ ಇನಿ ಚಿಕಿತ್ಸೆ ಸರಿ ಆವಂದೇ ತೀರ್ ಪೊಯೆರ್.

Pioneer of Ideal Ice Cream Mangalore, Sri Prabhakar Kamath is no more.

Mangalore November 06: Prabhakar Kamath who started the famous Ideal Ice Cream in Mangalore expired this morning.
Well known in Mangalore as ” Pabbu mam ” had met with an accident near Bharat mall on October 28th and was hospitalized due to injuries.He breathed his last this morning at 3.30a.m.

ಕುಡ್ಲ: ಬಸ್‌ ಟ್ ಪೊಂಜೊವ್ ನ ವೀಡಿಯೋ ಮಲ್ತಿನ ಪ್ರಕರಣ – ಆರೋಪಿ ಪೊಲೀಸೆರ್ ನ ವಶಕ್ಕ್

ಕುಡ್ಲ, ನ 04 : ಸಿಟಿ ಬಸ್‌ ಟ್ ಪೊಂಜೊವ್ ನ ವೀಡಿಯೋ ಮಲ್ತಿನ ಪ್ರಕರಣಗ್ ಸಂಬಂಧಿಸಾದ್ ವ್ಯಕ್ತಿ ಒರಿಯೆನ್ ಕಂಕನಾಡಿ ಪೊಲೀಸೆರ್ ವಶಕ್ಕ್ ದೆತೊಂದೆರ್. ವಶಕ್ಕ್ ದೆತೊಂದಿನ ವ್ಯಕ್ತಿನ್ ಮಡಿಕೇರಿದ ಯೂಸುಫ್(40) ಪಂದ್ ಗುರ್ತಿಸಾದೆರ್.

ಬುಧಾರ ಬಯ್ಯಗ್ ತಲಪಾಡಿಡ್ದ್ ಕುಡ್ಲದಂಚಿ ಬರೊಂದಿತ್ತಿನ ಬಸ್ ಟ್ ತೊಕ್ಕೊಟ್ಟುಡ್ ಬಸ್ ಮಿತ್ತರ್ನ ಯೂಸುಫ್ ಮೊಬೈಲ್‌ ಡ್ ಪೊಂಜೊವ್ ನಕುಲ್ನ ವೀಡಿಯೊ ಮಲ್ತೊಂದಿತ್ತೆ. ಈ ಬಗೆಟ್ ಬಸ್ ದ ಸಿಬ್ಬಂದಿ ಪೊಲೀಸೆರೆಗ್ ಮಾಹಿತಿ ಕೊರ್ದು, ಕಂಕನಾಡಿ ಪೊಲೀಸೆರ್ ಯುಸುಫ್ ನ್ ವಶಕ್ಕ್ ದೆತೊಂದೆರ್.

ನಟ ಪುನೀತ್ ರಾಜ್​​ಕುಮಾರ್​ ಮೇರೆಗ್ ಮರಣೋತ್ತರ ಬಸವಶ್ರೀ ಪ್ರಶಸ್ತಿ

ಬೆಂಗ್ಳೂರ್, ನ. 4 : ನಟ ಪುನೀತ್​ ರಾಜ್​ಕುಮಾರ್​ ಕನ್ನಡ ಚಿತ್ರರಂಗೊಗ್ ಕೊರಿನ ಕೊಡುಗೆನ್ ತೂದ್ ಮೇರೆಗ್ ಚಿತ್ರದುರ್ಗದ ಮುರುಘಾಮಠ ಕೊರ್ಪಿನ ಮರಣೋತ್ತರ ಬಸವಶ್ರೀ ಪುರಸ್ಕಾರ ಕೊರ್ರೆ ಉಂಡು ಪಂದ್ ಮುರುಘಾಮಠದ ಡಾ.ಶಿವಮೂರ್ತಿ ಮುರುಘಾ ಶರಣೆರ್ ಘೋಷಣೆ ಮಲ್ತ್ ದೆರ್.

ಬಸವಶ್ರೀ ಪ್ರಶಸ್ತಿಡ್ ಐನ್ ಲಕ್ಷ ರೂ.ಕಾಸ್ ಇತ್ತ್ ದ್, ಬರ್ಪಿನ ಬಸವ ಜಯಂತಿ ದಿನತ್ತಾನಿ ಬಸವಶ್ರೀ ಪ್ರಶಸ್ತಿ ಪ್ರಧಾನ ಕಾರ್ಯಕ್ರಮ ನಡಪರೆ ಉಂಡು. ಮುರುಘಾಮಠದ ಅನುಭವ ಮಂಟಪಡ್ ಈ ಲೇಸ್ ನಡಪರೆ ಇತ್ತ್ ದ್, ಪುನೀತ್ ಪರವಾದ್ ಆರ್ನ ಬೊಡೆದಿ ಅಶ್ವಿನಿ ಮೇರೆಗ್ ಬಸವಶ್ರೀ ಪ್ರಶಸ್ತಿ ತಿಕ್ಕರೆ ಉಂಡು.

ಪೆಟ್ರೋಲ್‌, ಡೀಸೆಲ್‌‌ ದ ಬಿಲೆ ಮಾತ್ರ ಅತ್ತ್, ಗ್ಯಾಸ್ ದ ಬಿಲೆಲ ಕಮ್ಮಿ ಮಲ್ಪೊಡು – ಡಿಕೆಶಿ

ಬೆಂಗ್ಳೂರ್, ನ.04 : “ಪೆಟ್ರೋಲ್‌‌ ಅಂಚನೆ ಡೀಸೆಲ್‌‌ ದ ಬಿಲೆ ಮಾತ್ರ ಅತ್ತ್, ಗ್ಯಾಸ್ ದ ಬಿಲೆನ್ ಲ ಕಮ್ಮಿ ಮಲ್ಪೊಡು ಪಂದ್ ಕೆಪಿಸಿಸಿ ಅಧ್ಯಕ್ಷೆರ್ ಡಿ ಕೆ ಶಿವಕುಮಾರ್‌‌ ಸ್ವರ ಲಕ್ಕಾಯೆರ್.

ಪೇಂಟೆಡ್ ಸುದ್ದಿಗಾರೆರ್ನೊಟ್ಟುಗ್ ಪಾತೆರ್ದಿನ ಆರ್, ಗ್ಯಾಸ್ ದ ಬಿಲೆನ್ ಲ ಕಮ್ಮಿ. ಪೊಂಜೊವ್ ನಕುಲ್ ನ ಕಷ್ಟಲ ಕೇಂದ್ರ ಸರ್ಕಾರ ಚೂರ್ ಅರಿಯೊನಡ್ ಪಂದ್ ಪಂಡೆರ್.

ಬಂಟ್ವಾಳ: ಜೋಡು ಪಾಡೊಂದು ದೇವಸ್ಥಾನಗ್ ಪೊಯಿನ ಜವನ್ಯೆರ್: ನಾಲು ಜನ ಪೊಲೀಸೆರ್ ನ ವಶಕ್ಕ್

ಬಂಟ್ವಾಳ, ನ.04 : ಕಾರಿಂಜ ದೇವಸ್ಥಾನದ ಜಾಗೆಡ್ ಜೋಡು ಪಾಡೊಂದು ದೇವಾಲಯಗ್ ಪೋದ್ ವಿಕೃತಿ ಮೆರೆಯಿನ ಪ್ರಕರಣಕಗ್ ಸಂಬಂಧಿಸಾದ್ ನಾಲು ಜವನ್ಯೆರೆನ್ ಪುಂಜಾಲಕಟ್ಟೆ ಪೊಲೀಸೆರ್ ಬಂಧಿಸಾದೆರ್.

ಬಂಧಿತೆರೆನ್ ಉಳ್ಳಾಲದ ಬುಶೇರ್ ರೆಹಮಾನ್(20), ಇಸ್ಮಾಯಿಲ್ ಅರ್ಹ ಮಾಜ್ (22), ಮಹಮ್ಮದ್ ತಾನಿಶ್ (19), ಮೊಹಮ್ಮದ್ ರಶಾದ್(19) ಪಂದ್ ಗುರ್ತಿಸಾದೆರ್. ಕಾರ್ ಡ್ ಬತ್ತಿನ ಜವನ್ಯೆರ್ ದೇವಸ್ಥಾನದ ಉಲಾಯಿ ಜೋಡ್ ಪಾಡೊಂದ್ ಪೊದಿತ್ತೆರ್. ಈ ಬಗೆಟ್ ಬಂಟ್ವಾಳ ಶಾಸಕೆರ್ ರಾಜೇಶ್ ನಾಯ್ಕ್ ಉಳಿಪ್ಪಾಡಿಗುತ್ತು ಆರೋಪಿಲೆನ್ ವಿರುದ್ಧ ಸರಿಯಾಯಿನ ಕ್ರಮ ದೆತೊನೊಡ್
ಪಂದ್ ದೂರು ಕೊರ್ತೆರ್.

ಕುಡ್ಲ: ಸಾನಿಧ್ಯ ವಿಶೇಷ ಜೋಕುಲ್ನ ವಸತಿ ಶಾಲೆಡ್ ತುಡರ್ ಪರ್ಬೊದ ಗೌಜಿ

ಕುಡ್ಲ, ನ.04: ತುಡರ್ ಪರ್ಬೊದ ಪ್ರಯುಕ್ತ ಶಕ್ತಿನಗರದ ಸಾನಿಧ್ಯ ವಿಶೇಷ ಜೋಕುಲ್ನ ವಸತಿ ಶಾಲೆಡ್ ತೆಂಕಾಯಿ ಕ್ಷೇತ್ರದ ಶಾಸಕೆರ್ ವೇದವ್ಯಾಸ್ ಕಾಮತ್ ಆರ್ನೊಟ್ಟುಗ್ ತುಡರ್ ಪರ್ಬೊನ್ ಆಚರಣೆ ಮಲ್ತೆರ್.

ಈ ಪೊರ್ತುಡ್ ವೇದವ್ಯಾಸ್ ಕಾಮತ್ ಮೇರ್ ವಿಶೇಷ ಜೋಕುಲ್ ಆಯಿನ ಮಾನ್ಸಿ ಪ್ರಜಾಪತಿ ಅಂಚನೆ ಬತ್ತಿನ ಬಿನ್ನೆರ್ ನೊಟ್ಟುಗ್ ಸೇರ್ದ್ ತುಡರ್ ಅರ್ಲಾದ್ ತುಡರ್ ಪರ್ಬೊನ್ ಉದಿಪನ ಮಲ್ತ್ ದ್ ಸಂದೇಶನ್ ಕೊರಿಯೆರ್. ಅಂಚನೆ ವಿಶೇಷ ಜೋಕುಲ್ನೊಟ್ಟುಗ್ ಸೇರ್ದ್ ಪಟಾಕಿನ್ ಬೊಡ್ಯೆರ್. ಶ್ರೀಯುತ ಯಾರಿ ಡಿಸೋಜಾ, ಮಹಾಬಲ ಮಾರ್ಲ ಖಜಾಂಜಿ, ಕಾರ್ಪೊರೇಟರ್ ಕಿಶೋರ್ ಕೊಟ್ಟಾರಿ ಲೇಸ್ ಡ್ ಪಾಲ್ ಪಡೆದಿತ್ತೆರ್.

NEET ಪರೀಕ್ಷೆಡ್ ಪುತ್ತೂರ್ ದ ಸಿಂಚನಾ ಲಕ್ಷ್ಮಿ ದೇಶಗ್ ರಡ್ಡನೆ ಸ್ಥಾನ

ಪುತ್ತೂರ್ ನ.04: ರಾಷ್ಟ್ರೀಯ ವೈದ್ಯಕೀಯ ಸುರುತ್ತ ಪರೀಕ್ಷೆಡ್ ಪುತ್ತೂರ್ ದ ಸಿಂಚನಾ ಲಕ್ಷ್ಮಿ ದೇಶಗ್ ರಡ್ಡನೆ ಸ್ಥಾನನ್ ಪಡೆಯೊಂದೆರ್. ಅಂಗ ವೈಕಲ್ಯನ್ ಇತ್ತಿನ ಆರ್, ನೀಟ್ ಪರೀಕ್ಷೆಡ್ ಸಾಧನೆ ಮಲ್ತ್ ದೆರ್.

ದ.ಕ ಜಿಲ್ಲೆದ ಪುತ್ತೂರ್ ತಾಲೂಕ್ ದ ವಿವೇಕಾನಂದ ಪದವಿಪೂರ್ವ ಕಾಲೇಜ್ ದ ಸಿಂಚನಾ ಲಕ್ಷ್ಮಿ ನೀಟ್ ಪರೀಕ್ಷೆದ ಪಿಡಬ್ಲ್ಯುಡಿ ವಿಭಾಗಡ್ ದೇಶಗ್ ರಡ್ಡನೇ ರ‍್ಯಾಂಕ್ ಪಡೆಯೊಂದೆರ್. ನೀಟ್ ಪರೀಕ್ಷೆಡ್ 720ಗ್ 658 ಅಂಕನ್ ಪಡೆಯೊಂದ್ ಸಿಂಚನಾಲಕ್ಷ್ಮಿ ಸಾಧನೆ ಮಲ್ತ್ ದೆರ್.

ಎಸೆಸೆಲ್ಸಿ ಪರೀಕ್ಷೆ ದುಂಬುದೆಲಕನೆ ನಡಪರೆ ಉಂಡು: ಸಚಿವೆರ್ ಬಿ ಸಿ ನಾಗೇಶ್

ಬೆಂಗ್ಳೂರ್, ನ 04 : 2021-22 ನೇ ಶೈಕ್ಷಣಿಕ ಸಾಲುದ ರಾಜ್ಯಡ್ ಎಸ್‌ಎಸ್‌ಎಲ್ ಸಿ ಪರೀಕ್ಷೆ ದುಂಬು ಎಂಚ ನಡತ್ತೊಂದ್ ಇತ್ತ್ಂಡ್ ಅಂಚನೆ ನಡಪರೆ ಉಂಡು. ಈ ವಿಚಾರಡ್ ಒವ್ವೆ ರೀತಿದ ಗೊಂದಲ ಬೊಡ್ಚಿ ಪಂದ್ ಸಚಿವೆರ್ ಬಿ ಸಿ ನಾಗೇಶ್ ಪಂಡೆರ್.

ಈ ಸರ್ತಿದ ಎಸ್ ಎಸ್ ಎಲ್ ಸಿ ಪರೀಕ್ಷೆ ಪಿರವುದ ಪದ್ದತಿಲೆಕನ ನಡಪರೆ ಉಂಡು. ಶಾಲೆಲೆಡ್ ಈ ವಿಷಯಡ್ ಒವ್ವೆ ರೀತಿದ ಆತಂಕ ಬೊಡ್ಚಿ. 80 ಮಾರ್ಕ್ ಗ್ ಮಾತ ವಿಷಯದ ಲಿಖಿತ ಪರೀಕ್ಷೆ ನಡೆಸಾಯೆರ ತೀರ್ಮಾನ ಮಲ್ತ್ ದೆರ್.

SSLC exams to be conducted as previously done: Minister B.C.Nagesh.

Bangalore November 04:” The SSLC exams for the year 2021-22 will be held as was done previously and the is no change in any of the rules .Let there be no ambiguity in the matter.There will be written examination for 80 marks .” said State education minister B.C.Nagesh.

ಹಾನಗಲ್ ದ ಪ್ರತಿ ಇಲ್ಲಗ್ 10,000 ರೂ ಕಾಸ್ ನ್ ಪಟ್ಟ್ಂಡಲ ಬಿಜೆಪಿ ಸೋತುದ್ಂಡ್; ರಮಾನಾಥ ರೈ

ಕುಡ್ಲ, ನ.3: ‘ದೇಶಡ್ ಉಪ ಚುನಾವಣೆದ ಓಟುಡ್ ಕಾಂಗ್ರೆಸ್ ಪಕ್ಷ ಬಿಜೆಪಿಡ್ದ್ ಎಚ್ಚದ ಓಟು ದೆತೊಂದುಂಡು. ಬಿಲೆ ಎಚ್ಚ ಆಯಿನ ಬಗ್ಗೆ, ಸರ್ಕಾರದ ಆಡಳಿತ ವೈಫಲ್ಯದ ಬಗ್ಗೆ ಜನ ಅರ್ಥ ಮಲ್ತೊಂದೆರ್’ ಪಂದ್ ಮಾಜಿ ಸಚಿವೆರ್, ಪೆರಿಯ ಕಾಂಗ್ರೆಸ್ ನಾಯಕೆರ್ ರಮಾನಾಥ ರೈ ಬುಧಾರ ಹೇಳಿಕೆ ಕೊರಿಯೆರ್.

ಪತ್ರಿಕಾಗೋಷ್ಠಿಡ್ ಪಾತೆರ್ದಿನ ಆರ್, ‘ಉಪಚುನಾವಣೆಡ್ ಹಾನಗಲ್ ಡ್ ಬಿಜೆಪಿದಕುಲ್ ಪ್ರತಿ ಇಲ್ಲಗ್ 10,000 ರೂ. ಕಾಸ್ ನ್ ಪಟ್ಟ್ ದಿತ್ತೆರ್. ಆಂಡಲ ಸೋತೆರ್. ಸಿಂದಗಿಡ್ ಕಾಸ್ ಪಟ್ಟ್ ದಿತ್ತೆರ್, ಆಡಳಿತ ಯಂತ್ರನ್ ದುರುಪಯೋಗ ಮಲ್ತಿತ್ತೆರ್ ಪಂದ್ ಆರೋಪಿಸಾಯೆರ್.

Money for votes in Hanagal:

Mangalore November 3: Ex minister and Congress leader Ramanath Rai spoke at a press conference and said ” Every house in Hanagal was given Rs 10,000 by the BJP party; but still it lost the seat. Money was also distributed in Sindagi.The governing body misused its power” he alleged.

” Congress party has won more seats in the by election.People are fed up with raising inflation and the and general mis governence” he said.

ಕುಡ್ಲಡ್ ಅಭಿವೃದ್ಧಿ ಪರ್ವ

ಕುಡ್ಲ, ನ.3: ಸ್ಮಾರ್ಟ್ ಸಿಟಿ ಯೋಜನೆ ಅಡಿಟ್ ಪೇಂಟೆಡ್ ಅಭಿವೃದ್ಧಿ ಪರ್ವ ಸುರು ಆದಿತ್ತ್ ದ್, ದುಂಬು ಬರ್ಪಿನ ವರ್ಷಡ್ ಪಂಪ್‌ವೆಲ್‌ ಡ್ ಮಲ್ಲ ಬಸ್ ನಿಲ್ದಾಣದ ಬೇಲೆ ಸುರು ಆಯರೆ ಉಂಡು ಪಂದ್ ಸಂಸದೆರ್ ನಳಿನ್‌ಕುಮಾರ್ ಕಟೀಲ್ ಪಂಡೆರ್.

ಪೇಂಟೆದ ಉರ್ವ ಮಾರುಕಟ್ಟೆ ಕೈತಲ್ ₹20.54 ಕೋಟಿ ಖರ್ಚ್ ಡ್ ನಿರ್ಮಾಣ ಆವೊಂದಿಪ್ಪುನ ಕಬಡ್ಡಿ ಅಂಚನೆ ಬ್ಯಾಡ್ಮಿಂಟನ್ ಕೋರ್ಟ್‌ ಇತ್ತಿನ ಕ್ರೀಡಾಂಗಣ ಅಂಚನೆ ₹70 ಕೋಟಿ ವೆಚ್ಚಡ್ ಹಂಪನಕಟ್ಟೆದ ಪರ ಬಸ್ ನಿಲ್ದಾಣದ ಕೈತಲ್ ಪಿಪಿಪಿ ಮಾದರಿ ಅಡಿಟ್ ನಿರ್ಮಾಣ ಆವೊಂದಿಪ್ಪುನ ಮಲ್ಲ ಅಂತಸ್ತ್ ದ ಗಾಡಿ ಉಂತಾವುನ ಜಾಗೆದ ಬೇಲೆಗ್ ಪೇಂಟೆದ ರಂಗರಾವ್ ಪುರಭವನಡ್ ಶಿಲಾನ್ಯಾಸ ಮಲ್ತ್ ದ್ ಪಾತೆರ್ಯೆರ್.

Development works initiated at Mangalore

Mangalore November 3: ” Many development works are to be initiated under the Mangalore Smart City scheme . Next year work will begin for a new bus stand at Pumpwell .A kabbadi ground and batmiton court will come up near Urva market at a cost of 20.54 crore.A multi level parking at an estimated cost of of 70 crore under the PPP scheme at old bus stand area ” said MP Nalin Kumar Kateel while laying the foundation for the parking building .

You Missed