Mon. Nov 23rd, 2026

ಊರ್ದ ಸುದ್ದಿ Regional News

ಆಸರೆ ಚಾರಿಟೇಬಲ್ ಟ್ರಸ್ಟ್ (ರಿ) ಕಡಿಯಾಳಿ ವತಿರ್ದ್ 100ನೇ ಇಲ್ಲಗ್ ಧರ್ಮಾರ್ಥ ವಿದ್ಯುತ್ ಸಂಪರ್ಕ

ಒಡಿಪು : ಶಾಸಕ ರಘುಪತಿ ಭಟ್ ಮುತಾಲಿಕೆದ ಆಸರೆ ಚಾರಿಟೇಬಲ್ ಟ್ರಸ್ಟ್ ಒಡಿಪುಡು ವಿದ್ಯುತ್ ಸಂಪರ್ಕ ಇಜ್ಜಂದಿನ ಆರ್ಥಿಕವಾದ್ ಪಿರ ಉಪ್ಪುನ ಪಾಪದಕ್ಲೆನ ಇಲ್ಲಗ್ ಧರ್ಮಾರ್ಥ ಕರೆಂಟ್ ದ ಸಂಪರ್ಕನ್ ಕೊರ್ಪಿನ ಸೇವೆ ಮಲ್ತೊಂದು ಉಲ್ಲೆರ್ ಇತ್ತೆ ಮುಟ ಸುಮಾರ್ 100 ಇಲ್ಲಗ್ ಟ್ರಸ್ಟ್ ವತಿರ್ದ್ ಧರ್ಮಾರ್ಥ ವಿದ್ಯುತ್ ಸಂಪರ್ಕ ಕೊರ್ತೆರ್ . 100ನೇ ಇಲ್ಲದ ಕರೆಂಟ್ ದ ಸಂಪರ್ಕನ್ ತಾರೀಖ್ 03-11-2021 ಕ್ಕ್ ಇಂದ್ರಾಳಿ ಮಂಚಿ ಕುಮೇರಿದ ಇಲ್ಲಡ್ ದಾನಿಲಾಯಿನ ಎಂ.ಐ.ಟಿ ಮಣಿಪಾಲದ ಪ್ರೊಫೆಸರ್ ಡಾ||. ನಾರಾಯಣ್ ಶೆಣೈ ಉದಿಪನ ಮಲ್ತೆರ್ .

Free electricity connection to the 100th house by the Charitable Trust

The Asha Charitable Trust, led by MLA Raghupati Bhat, is conducting a free electricity connection service for the poor and downtrodden dalit poor in Udupi area. The power connection of the 100th house was donated today at the home of Indirali Manchi Kumari. Inaugurated by Narayan Shenoy.

ಇನಿ ಒಡಿಪುಡು ಕೋವಿಡ್ ಮರ್ದ್ ಇಜ್ಜಿ : ಆರೋಗ್ಯಾಧಿಕಾರಿ

ಒಡಿಪು : ಒಡಿಪುದ ಪೇಂಟೆಡ್ ಇನಿ ಒವ್ವೆ ಕೋವಿಡ್-19 ಮರ್ದ್ ದ ಶಿಬಿರ ಇಜ್ಜಿ . ಗ್ರಾಮೀಣಡ್ ಮಾತ್ರ 18 ವರ್ಷ ಮಿತ್ತ್ ದಕುಲು ಕೋವಿಡ್-19 ಸುರುತ ಬೊಕ್ಕ 2ನೇ ಡೋಸ್ ಲಸಿಕೆ ಪಡೆಯರೆ ಕೈತಲ್ ದ ಸರಕಾರಿ ಆಸ್ಪತ್ರೆ/ಆಶಾ ಕಾರ್ಯಂತೆರೆಗ್ ಲೆಪ್ಪು ಕೊರ್ದು ಲಸಿಕೆ ಉಪ್ಪುನೆತ್ತ ಬಗ್ಗೆ ಮಾಹಿತಿ ಪಡೆಯೊಂದು ಲಸಿಕಾ ಕೇಂದ್ರಗ್ ಪೋದು ತೆರಳಿ ಲಸಿಕೆ ಮರ್ದ್ ಪಡೆಯೋಡು ಪಂದ್ ಜಿಲ್ಲಾ ಆರೋಗ್ಯಾಧಿಕಾರಿಲು ಪ್ರಕಟಣೆಡ್ ತೆರಿಪಾದೆರ್.

Udupi, Nov : There will be no Covid-19 vaccination camp in Udupi district on Monday. In rural areas only, 18-year-olds contacted the nearest government hospital / ASHA operatives to get Kovid-19 first and 2nd dose vaccine, to ensure the availability of the vaccine.

ಪುನೀತ್ ರಾಜ್ ಕುಮಾರ್ ಗ್ ಪದ್ಮ ಪ್ರಶಸ್ತಿ; ಅಗತ್ಯ ಕ್ರಮಗ್ ದುಂಬು ಬತ್ತಿನ ರಾಜ್ಯ ಸರ್ಕಾರ

ಬೆಂಗ್ಳೂರ್ : ಇಂಚ್ಚಿಪ್ಪಗ್ ತೀರ್ ಪೊಯಿನ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಮೇರೆಗ್ ಪದ್ಮ ಪ್ರಶಸ್ತಿ ಕೊರೊಡ್ ಪಂದ್ ಅಭಿಮಾನಿಲು ಒತ್ತಾಯ ಮಲ್ತ್ ದಿತ್ತೆರ್. ಈ ಬಗೆಟ್ ರಾಜ್ಯ ಸರ್ಕಾರ ಪುನೀತ್ ಗ್ ಪದ್ಮ ಪ್ರಶಸ್ತಿನ್ ಕೊರ್ರೆ ಅಗತ್ಯ ಕ್ರಮನ್ ದೆತೊನರೆ ದುಂಬು ಬತ್ತ್ ದ್ಂಡ್.

ನಟ ಪುನೀತ್ ರಾಜ್ ಕುಮಾರ್ ಗ್ ಪದ್ಮಶ್ರೀ ಪ್ರಶಸ್ತಿ ಕೊರ್ಪಿನ ಬಗೆಟ್ ನವೆಂಬರ್ 16 ಡ್ದ್ ಬೊಕ್ಕ ಸರ್ಕಾರದ ಮಟ್ಟಡ್ ಅಂಚನೆ ಪುನೀತ್ ಕುಟುಂಬದೊಟ್ಟುಗ್ ಚರ್ಚಿಸಾದ್ ಪುದರ್ ಕೊರ್ಪಿನ ಸಾಧ್ಯತೆ ಉಂಡು ಪಂದ್ ಮೂಲೊಲು ತೆರಿಪಾದ್ಂಡ್.

ಶ್ರೀ ಮಣಿಕಂಠ ಭಜನಾ ಮಂದಿರ ಕುದ್ರೆಬೆಟ್ಟ್ ಡ್ ನಡತಿನ ತುಡರ್ ಪರ್ಬದ ಗೌಜಿ

ಬಂಟ್ವಾಳ, ನ.6: ಶ್ರೀ ಮಣಿಕಂಠ ಭಜನಾ ಮಂದಿರ ಕುದ್ರೆಬೆಟ್ಟು ಕಲ್ಲಡ್ಕ ಮುಲ್ಪ ತುಡರ್ ಪರ್ಬದ ಗೌಜಿದೊಟ್ಟುಗ್ ಪೆತ್ತದ ಪೂಜೆಲ ನಡತ್ಂಡ್.

ಈ ಪೊರ್ತುಡ್ ಜನಶಕ್ತಿ ಸೇವಾ ಟ್ರಸ್ಟ್ ಅಧ್ಯಕ್ಷೆರ್ ಜಿನ್ನಪ್ಪ ಯೇಳ್ತಿ ಮಾರ್, ಪ್ರಧಾನಕಾಯದರ್ಶಿಲು ಸೀತಾರಾಮ್ ಧರ್ಮದ ಬಳ್ಳಿ, ಟ್ರಸ್ಟಿ ಮಹಾಬಲ ಕುದ್ರೆಬೆಟ್ಟು , ಸುಂದರ ಸಾಲಿಯಾನ್, ಶಂಕರ ಸುವರ್ಣ, ಶ್ರೀ ಮಣಿಕಂಠ ಯುವಶಕ್ತಿದ ಅಧ್ಯಕ್ಷೆರ್ ಮಾಧವ ಸಾಲಿಯಾನ್, ಉಪಾಧ್ಯಕ್ಷೆರ್ ಸತೀಶ್ ಮೇಸ್ತ್ರಿ, ಕೋಶಾಧಿಕಾರಿ ರಮೇಶ್ ಕುದ್ರೆಬೆಟ್ಟು, ಬಾಳ್ತಿಲ ಗ್ರಾಮ ಪಂಚಾಯತ್ ಸದಸ್ಯೆರ್ ಲತೀಶ್ ಕುರ್ಮನ್, ಮಾತೃಶಕ್ತಿದ ಅಧ್ಯಕ್ಷೆರ್ ಶ್ರೀಮತಿ ಶೋಭಾ ಜನಾರ್ಧನ್ ,ಶ್ರೀಮತಿ ಹೇಮಾ , ಶ್ರೀಮತಿ ಸುಜಾತ ಎಂ, ಶ್ರೀಮತಿ ಸುಲತ, ಶ್ರೀಮತಿ ಶಾಲಿನಿ ಅಂಚನೆ ಜನಾರ್ದನ ಸಾಲಿಯಾನ್ ,ನಿತಿನ್ ಕುಮಾರ್, ಸನತ್ ಕುಮಾರ್ ,ಸುಜಿತ್, ಸತೀಶ್ ಬಾಲ್ಪೋಡಿ ಬೊಕ್ಕ ಸಂಘದ ಸದಸ್ಯೆರ್, ಊರದ ಜನಕುಲ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಕಾಪು: ಕಂಡೊಗ್ ತುಡರ್ ಬೊಲ್ಪು ದೀಯರೆ ಪೊಯಿನಾಯೆಗ್ ಇಸ ಜಂತು ಚುಚ್ಚ್ ದ್ ತೀರ್ ಪೋಯಿನ ಜವನ್ಯೆ

ಕಾಪು: ತುಡರ ಪರ್ಬೊಗು ತುಡರ್ ದ ಬೊಲ್ಪುನ್ ದೀಯರೆ ಕಂಡಗ್ ಪೋಯಿನ ಜವನ್ಯೆಗ್ ಇಸತ್ತ ಉಚ್ಚು ಚುಚ್ಚ್ ದ್ ತೀರ್ ಪೋಯಿನ ಘಟನೆ ಕಾಪುಡ್ ಶುಕ್ರಾರ ನಡತ್ ದ್ಂಡ್.

ಕಾಪು ಕಲ್ಯದ ರೋಹಿತ್ ಕುಮಾರ್ (26) ತೀರ್ ಪೋಯಿನಾರ್.

ಗುರುವಾರ ರಾತ್ರೆ ಬಲೀಂದ್ರ ಪೂಜೆದ ಪ್ರಯುಕ್ತ ಕಂಡೊಗ್ ಪೋಯಿನ ರೋಹಿತ್ ಕುಮಾರ್ ಗ್ ಇಸತ್ತ್ ಉಚ್ಚು ಚುಚ್ಚ್ ದ್ಂಡ್. ಅಪಗನೆ ಆರೆನ್ ಪಂಡಿತೆರ್ನ ಮರ್ದ್ ದ ಕೈತಲ್ ಕೊನದಿತ್ತೆರ್. ಆಂಡ ಶುಕ್ರಾರ ಮಸ್ತ್ ಹುಷಾರ್ ಇಜ್ಜಂದೆ ಅರೆನ್ ಮಣಿಪಾಲದ ಆಸ್ಪತ್ರೆಗ್ ಕೊನದಿತ್ತೆರ್. ಅಲ್ಪ ಚಿಕಿತ್ಸೆ ಸರಿ ಆವಂದೇ ತೀರ್ ಪೋತೆರ್. ಕಾಪು ಪೊಲೀಸ್ ಠಾಣೆಡ್ ಈ ಪ್ರಕರಣ ದಾಖಲಾತ್ಂಡ್.

ದೇಶಡ್ 10,929 ಕೋವಿಡ್ ಪ್ರಕರಣ ಪತ್ತೆ; 255 ದಿನಟ್ ಕೋವಿಡ್ ಪ್ರಕರಣ ಭಾರೀ ಕಮ್ಮಿಯಾತ್ಂಡ್

ದೆಲ್ಲಿ, ನ.6: ಭಾರತಡ್ ಕರೀನ 24 ಗಂಟೆಡ್ 10,929 ಪೊಸ ಕೋವಿಡ್ ಸೋಂಕು ಪ್ರಕರಣ ವರದಿಯಾದಿತ್ತ್ ದ್, 255 ದಿನಡ್ದ್ ಬೊಕ್ಕ ಕೋವಿಡ್ ಪ್ರಕರಣದ ಸಂಖ್ಯೆ ಭಾರೀ ಕಮ್ಮಿ ಯಾತ್ಂಡ್ ಪಂದ್ ಕೇಂದ್ರ ಆರೋಗ್ಯ ಸಚಿವಾಲಯ ಶನಿವಾರ(ನವೆಂಬರ್ 06) ಬುಡುಗಡೆ ಮಲ್ತಿನ ವರದಿಡ್ ತೆರಿದ್ ಬೈದ್ಂಡ್.

ಸತತವಾದ್ 29 ದಿನಡ್ದ್ ಏಪಲ 20,000 ಡ್ದ್ ಕಮ್ಮಿ ಪ್ರಮಾಣಡ್ ಕೋವಿಡ್ 19 ಸೋಂಕು ಪ್ರಕರಣ ವರದಿಯಾತ್ಂಡ್. ಅತ್ತಂದೇ ಕರೀನ 132 ದಿನಡ್ದ್ 50,000 ಡ್ದ್ ಕಮ್ಮಿ ಪ್ರಮಾಣಡ್ ಕೋವಿಡ್ ಸೀಕ್ ಪತ್ತೆಯಾವೊಂದ್ಂಡ್.

ಬೈಕ್ ಡ್ ಕೊನೊವೊಂದಿತ್ತಿನ ಪಟಾಕಿ ಪುಡಾದ್ ಜಾಗಡೆ ತೀರ್ ಪೊಯಿನ ಅಮ್ಮೆ ಬೊಕ್ಕ ಮಗೆ

ಬೈಕ್ ಡ್ ಕೊನೊವೊಂದಿತ್ತಿನ ಪಟಾಕಿ ಪುಡಾದ್ 7 ವರ್ಷದ ಮಗೆ ಬೊಕ್ಕ ಅಮ್ಮೆ ಜಾಗಡೆ ತೀರ್ ಪೋಯಿನ ಘಟನೆ ಪುದುಚೆರಿಡ್ ನಡತ್ ದ್ಂಡ್.

ಕಲೈನೇಸನ್ (32), ಪ್ರದೀಪ್ (7) ತೀರ್ ಪೋತಿನಾರ್ ಪಂದ್ ಗುರ್ತಿಸಾದೆರ್. ರಡ್ಡ್ ಚೀಲಡ್ ಪಟಾಕಿ ಕೊನೊವೊಂದಿಪ್ಪುನಗ ವಿಲ್ಲುಪುರಂ ಜಿಲ್ಲೆದ ಕೊಟ್ಟಕುಪ್ಪಮ್ ಕೈತಲ್ ಈ ಸ್ಫೋಟ ನಡತ್ ದ್ಂಡ್.

ಮುಜರಾಯಿ ಇಲಾಖೆದ ದೇವಲ್ಯಲೆಡ್ ಗೋ ಶಾಲೆ ಸುರು ಮಲ್ಪರೆ ಉಂಡು: ಸಚಿವೆರ್ ಶಶಿಕಲಾ ಜೊಲ್ಲೆ

ಬೆಳಗಾಂ, ನ.6: ಮುಜರಾಯಿ ಇಲಾಖೆದ ‘ಎ’ ಬೊಕ್ಕ ‘ಬಿ’ ಗ್ರೇಡ್ ದೇವಲ್ಯಲೆಡ್ ಮುಜರಾಯಿ ಇಲಾಖೆದ ಮುತಾಲಿಕೆಡ್ ಪೆತ್ತ ಕೈಕಂಜಿಲೆನ್ ಸಾಂಕುನ ಶಾಲೆ ಸುರು ಮಲ್ಪರೆ ಉಂಡು ಪಂದ್ ಮುಜರಾಯಿ ಇಲಾಖೆದ ಸಚಿವೆರ್ ಆಯಿನ ಶಶಿಕಲಾ ಜೊಲ್ಲೆ ಪಂಡೆರ್.

ಸುದ್ದಿಗಾರೆರ್ ನ ಜತೆಟ್ಟ್ ಪಾತೆರ್ದಿನ ಆರ್, ರಾಜ್ಯಡ್ 35 ಸಾರಡ್ದ್ ಮಸ್ತ್ ದೇವಾಲಯಡ್ ಗೋ ಪೂಜೆ ಮಲ್ಪುವೆರ್. ನಮ್ಮ ಭಾರತ ಕೃಷಿ ಪ್ರಧಾನ ದೇಶವಾದುಂಡು. ಗೋವುಲೆನ ರಕ್ಷಣೆ ಮಹತ್ವವಾದ್ಂಡು.

ಮುಜರಾಯಿ ಇಲಾಖೆದ ‘ಎ’ ಬೊಕ್ಕ ‘ಬಿ’ ಗ್ರೇಡ್ ದೇವಸ್ಥಾನಡ್ ಮುಜರಾಯಿ ಇಲಾಖೆದ ಮುತಾಲಿಕೆಡ್ ಪೆತ್ತದ ಶಾಲೆನ್ ಸುರು ಮಲ್ಪರಾಪುಂಡ್ ಪಂದ್ ಪಂಡೆರ್.

ಕಾಪು: ವಾಕಿಂಗ್ ಪೋಯಿನ ವ್ಯಕ್ತಿಗ್ ಅಂಬುಲೆನ್ಸ್ ತಾಂಟ್ ದ್ ಅವ್ವೇ ಜಾಗೆಡ್ ತೀರ್ ಪೊಯೆರ್

ಕಾಪು, ನ.6: ವಾಕಿಂಗ್ ಪೊವೊಂದಿತ್ತಿನ  ವ್ಯಕ್ತಿಗ್ ಅಂಬುಲೆನ್ಸ್ ತಾಂಟ್ ದ್ ಅವ್ವೇ ಜಾಗೆಡ್ ತೀರ್ ಪೊಯಿನ ಘಟನೆ ಕಾಪುದ ಕೋತಲ್ ಕಟ್ಟೆದಲ್ಪ ನಡತ್ ದ್ಂಡ್.

ಉಳಿಯಾರಗೋಳಿ ಗ್ರಾಮದ ಕೆಳತೋಟದ ಗೋವಿಂದ ಪೂಜಾರಿ (65) ತೀರ್ ಪೋತಿನಾರ್. ಗೋವಿಂದ ಪೂಜಾರಿ ಮೇರ್ ಮಾರ್ಗ ಕಡಪುನಗ ಉಂತೊಂದಿತ್ತಿನ ಪೊರ್ತುಡ್, ಒಡಿಪುಡ್ದ್ ಕುಡ್ಲದಂಚಿ ಬರೊಂದಿತ್ತಿನ ಅಂಬುಲೆನ್ಸ್ ಬಲತ್ತ ಸೈಡ್ ಗ್ ಬತ್ತ್ ದ್ ತಾಂಟ್ ದ್ಂಡ್. ಮಸ್ತ್ ಗಾಯ ಆತಿನೆಡ್ದಾವರ ಅವ್ವೇ ಜಾಗೆಡ್ ತೀರ್ ಪೊತೆರ್.

ಗ್ಯಾಸ್, ಅಟಿಲ್ ದ ಎಣ್ಣೆದ ಬಿಲೆನ್ ಕಮ್ಮಿ ಮಲ್ತಿಜಿಂಡ ದುಂಬು ಬರ್ಪಿನ ಓಟುಡ್ ಬಿಜೆಪಿಗ್ ಸೋಲ್ ಆಯರೇ ಉಂಡು: ಡಿ.ಕೆ ಶಿವಕುಮಾರ್

ಹುಬ್ಬಳ್ಳಿ, ನ.6: ಓಟು ಪಾಡುನಕುಲ್ ನ ಉತ್ತರನ್ ತೂದ್ ಪ್ರಧಾನಿ ಮೋದಿ, ಮುಖ್ಯಮಂತ್ರಿಲು ಬೊಮ್ಮಾಯಿ ಪೆಟ್ರೋಲ್, ಡೀಸೆಲ್ ದ ಬಿಲೆನ್ ಕಮ್ಮಿ ಮಲ್ತ್ ದೆರ್. ಅಕುಲೆಗ್ ಇತ್ತೆ ಗೇನಗ್ ಬತ್ತ್ ದ್, ನನ ಗ್ಯಾಸ್, ಕರ್ಬ, ಸಿಮೆಂಟ್ ಅಂಚನೆ ಅಟಿಲ್ ದ ಎಣ್ಣೆದ ಬಿಲೆನ್ ಕಮ್ಮಿ ಮಲ್ತಿಜಿಂಡ ದುಂಬು ಬರ್ಪಿನ ಓಟುಡ್ ಉಂದುವೇ ಉತ್ತರ ತಿಕ್ಕರೇ ಉಂಡು ಪಂದ್ ಕೆಪಿಸಿಸಿ ಅಧ್ಯಕ್ಷೆರ್ ಡಿ.ಕೆ ಶಿವಕುಮಾರ್ ಪಂಡೆರ್.

ಹಾನಗಲ್ ವಿಧಾನಸಭಾ ಕ್ಷೇತ್ರದ ಶಿಗ್ಗಾವಿಡ್ ನಡತಿನ ರ‌್ಯಾಲಿಡ್ದ್ ಬೊಕ್ಕ ಸುದ್ದಿಗಾರೆರ್ನೊಟ್ಟುಗ್ ಪಾತೆರ್ದಿನ ಆರ್, ಯಂಕುಲೆಗ್ ಓಟು ಪಾಡುನಕುಲ್ ನ ಮಿತ್ತ್ ಸಂಪೂರ್ಣವಾದ್ ನಂಬಿಕೆ ಇತ್ತ್ಂಡ್. ಸರ್ಕಾರ ಏಪಲ ಜನಕುಲ್ ನ ಕಿಸೆನ್ ಪಿಕ್ ಪಾಕೆಟ್ ಮಲ್ತೊಂದಿತ್ತೆರ್. ಪೊಂಜೋಕುಲ್ ಕಣ್ಣ ನೀರ ಪನಿ ಪಾಡೊಂದಿತ್ತೆರ್.

ಕಾರ್ಮಿಕೆರ್, ಸಾದಿಡ್ ಬ್ಯಾರ ಮಲ್ಪುನಕುಲ್  ಪರಿಹಾರಗಾದ್ ಕಾತೊಂದಿತ್ತೆರ್. ಆಂಡ ಉಂದು ಒವ್ ಲ ಜನಕುಲೆಗ್ ತಿಕ್ಕ್ ದಿಜಿ. ಯಾನ್ ಪ್ರಚಾರ ಮಲ್ಪುನ ಪೊರ್ತುಡ್ ಸರಕಾರಡ್ದ್ ನೆಕ್ಕ್ ಪೂರ ಪರಿಹಾರ ತಿಕ್ಕ್ ದ್ಂಡ ಪಂದ್ ಜನಕುಲ್ ಡ ಕೇನ್ ನಗ ಅಕುಲ್ ಇಜ್ಜಿ ಪಂಡೆರ್. ಆಯಿಕ್ ಸರ್ಕಾರ ಉತ್ತರ ಕೊರೊಡತ್ತ ಪಂದ್ ಡಿಕೆಶಿ ಜನಕುಲ್ ಡ ಕೇನ್ಯೆರ್.

You Missed