Sat. Nov 21st, 2026

ಊರ್ದ ಸುದ್ದಿ Regional News

ಕಾಲೇಜ್ದ ಸುತ್ತ ನಿಷೇಧಾಜ್ನೆ ಜಾರಿ : ಒಡಿಪು ಜಿಲ್ಲಾಧಿಕಾರಿ ಕೂರ್ಮಾರಾವ್ ಎಂ

ಒಡಿಪು : ರಾಜ್ಯೋಡು ನಡತೊಂದು ಉಪ್ಪುನ ಕೇಸರಿ ಶಾಲು- ಹಿಜಾಬ್ ವಿವಾದದ ನೆಲೆಟ್ಟ್ ಮುಂಜಾಗ್ರತಾ ಕ್ರಮವಾದ್ ಒಡಿಪುದ ಮಾತಾ ಎಲ್ಲಾ ಪದವಿ ಪೂರ್ವ ಕಾಲೇಜು, ಪದವಿ ಕಾಲೇಜು ಬೊಕ್ಕ ಪಾಲಿಟೆಕ್ನಿಕ್‌ದ ವ್ಯಾಪ್ತಿಡ್ ಫೆ.16ರ್ದ್ ಫೆ.23 ಮುಟ ಬೈಯ್ಯಗ್ 6:00 ಗಂಟೆ ಮುಟ ಕಲಂ 144ರ ಪ್ರತಿಬಂಧಕಾಜ್ಞೆನ್ ಜಾರಿ ಮಲ್ತ್ ಒಡಿಪು ಜಿಲ್ಲಾಧಿಕಾರಿ ಕೂರ್ಮಾರಾವ್ ಎಂ. ಆದೇಶ ಕೊರ್ತೆರ್.

ಒಡಿಪುದ ಮೂಜಿ ಪೊಲೀಸ್ ಉಪವಿಭಾಗಾಧಿರಿಲು ಮಲ್ತಿನ ಬಿನ್ನಾಪು ದ ನೆಲೆಟ್ಟ್ ಪೇಂಟೆಡ್ ಕಾನೂನು ಬೊಕ್ಕ ಸುವ್ಯವಸ್ಥೆನ್ ಕಾಪುನ ನೆಲೆಟ್ಟ್ ಫೆ.16 ನೆ ಕಾಂಡೆ 6:00 ಗಂಟೆರ್ದ್ ಫೆ.23 ನೆ ಬೈಯ್ಯಗ್ 6:00 ಗಂಟೆ ಮುಟ ಕಾಲೇಜ್ದ ಸುತ್ತಮುತ್ತ 200ಮೀ. ವ್ಯಾಪ್ತಿ ಪ್ರದೇಶೊಡು ನಿಷೇಧಾಜ್ಞೆನ್ ಪಾರ್ದ್ ಆದೇಶ ಕೊರ್ತೆರ್.

ಫೆ.20 ಗ್ ಗುರ್ಮೆ ಗೋ ವಿಹಾರ ಕೇಂದ್ರ ಉದಿಪನ

ಕಾಪು: ಗುರ್ಮೆ ಫೌಂಡೇಶನ್ (ರಿ.) ಕಳತ್ತೂರು ವತಿರ್ದ್ ಕಾಪು ಪೇಂಟೆದ ಕಳತ್ತೂರು ಗುರ್ಮೆಡ್ ಪೊಸತಾದ್ ಕಟ್ಟಿನ ಗುರ್ಮೆ ಗೋ ವಿಹಾರ ಕೇಂದ್ರ ಲೋಕಾರ್ಪಣೆ ಬೊಕ್ಕ ದಿ. ಪದ್ಮಾವತಿ ಪಿ. ಶೆಟ್ಟಿ ಗುರ್ಮೆ ಮೆರೆನ ನಾಲನೆ ಪುಣ್ಯತಿಥಿದ ನೆಲೆಟ್ಟ್ ಫೆಬ್ರವರಿ 20 ಕ್ ಕಳತ್ತೂರು ಗುರ್ಮೆಡ್ ಕೀರ್ತನ – ಸಾಂತ್ವನ – ಯಕ್ಷಗಾನ ಲೇಸ್ ಅಟ್ಟನೆ ಮಲ್ದೆರ್ ಪಂದ್ ಗುರ್ಮೆ ಫೌಂಡೇಶನ್ ಗುರ್ಕಾರ್ಲಾಯಿನ ಸುರೇಶ್ ಪಿ.ಶೆಟ್ಟಿ ಗುರ್ಮೆ ಪಂಡೆರ್ .

ಅಂಗಾರೆ ಗುರ್ಮೆಡ್ ಪತ್ರಿಕಾಗೋಷ್ಡಿಡ್ ಪಾತೆರಿನ ಆರ್ , ದಕ್ಷಿಣ ಕನ್ನಡ ಜಿಲ್ಲೆಡ ಸಂಸದ ನಳಿನ್ ಕುಮಾರ್ ಕಟೀಲ್ ಉದಿಪನ ಮಲ್ಪರೆ ಉಲ್ಲೆರ್ , ಲೇಸ್ ಡ್ ಪುತ್ತಿಗೆ ಮಠದ ಶ್ರೀ ಸುಗುಣೇಂದ್ರ ತೀರ್ಥ ಸ್ವಾಮೀಜಿ, ಪೇಜಾವರ ಮಠದ ಶ್ರೀ ವಿಶ್ವ ಪ್ರಸನ್ನ ತೀರ್ಥ ಸ್ವಾಮೀಜಿ, ಗೌರಿ ಗದ್ದೆ ಸ್ವರ್ಣ ಪೀಠಿಕಾಪುರದ ಶ್ರೀ ವಿನಯ ಗುರೂಜಿ, ಸಚಿವೆರಾಯಿನ ಎಸ್.ಅಂಗಾರ, ಕೋಟ ಶ್ರೀನಿವಾಸ ಪೂಜಾರಿ, ವಿ. ಸುನಿಲ್ ಕುಮಾರ್, ಶಾಸಕೆರಾಯಿನ ರಘುಪತಿ ಭಟ್, ಲಾಲಾಜಿ ಆರ್. ಮೆಂಡನ್, ಎಂ.ಜಿ.ಆರ್ ಗ್ರೂಫ್ಸ್‍ನ ಚಯರ್‍ಮೇನ್ ಕೆ. ಪ್ರಕಾಶ್ ಶೆಟ್ಟಿ ಬಂಜಾರ, ಮೂಡಬಿದ್ರೆ ಆಳ್ವಾಸ್ ಸಮೂಹ ಶಿಕ್ಷಣ ಸಂಸ್ಥೆದ ಗುರ್ಕಾರ್ಲಾಯಿನ ಡಾ. ಮೋಹನ್ ಆಳ್ವ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಪಂಡೆರ್.

ಶ್ರೀ ಬ್ರಹ್ಮಬೈದೇರ್ಲೆನ ಗರೋಡಿ ಕಲ್ಮಾಡಿ ಆಡಳಿತ ಸಮಿತಿದ ಪೊಸ ಗುರ್ಕಾರ್ಲಾದ್ ಅಚ್ಯುತ ಅಮೀನ್ ಕಲ್ಮಾಡಿ ಆಯ್ಕೆ

ಶ್ರೀ ಬ್ರಹ್ಮಬೈದೇರ್ಲೆನ ಗರೋಡಿ ಕಲ್ಮಾಡಿ ಆಡಳಿತ ಸಮಿತಿದ ಪೊಸ ಗುರ್ಕಾರ್ಲಾದ್ ಅಚ್ಯುತ ಅಮೀನ್ ಕಲ್ಮಾಡಿ ಆಯ್ಕೆಯಾತೆರ್.

ಗೌರವಾಧ್ಯಕ್ಷೆರಾದ್ ಪ್ರಕಾಶ್ ಜಿ. ಕೊಡವೂರು, ಉಪಾಧ್ಯಕ್ಶೇರಾದ್ ಶಶಿಧರ ಎಂ. ಅಮೀನ್ ವಡಬಾಂಡೇಶ್ವರ ಬೊಕ್ಕ ಗೋಪಾಲ್ ಸಿ., ಬಂಗೇರ ಪಂದುಬೆಟ್ಟು, ಪ್ರಧಾನ ಕಾರ್ಯದರ್ಶಿಯಾದ್ ಮನೋಹರ್ ಜತ್ತನ್ ಮಲ್ಪೆ, ಕೋಶಾಧಿಕಾರಿಯಾದ್ ಬಾಲಕೃಷ್ಣ ಕೊಡವೂರು, ಸಂಘಟನಾ ಕಾರ್ಯದರ್ಶಿಯಾದ್ ಎ.ಶಿವಕುಮಾರ್ ಅಂಬಲಪಾಡಿ, ಜತೆ ಕಾರ್ಯದರ್ಶಿಯಾದ್ ಲಕ್ಷ್ಮಣ ಪೂಜಾರಿ ಅಂಬಲಪಾಡಿ, ಜತೆ ಕೋಶಾಧಿಕಾರಿಯಾದ್ ವಿನಯ್ ಕುಮಾರ್ ಕಲ್ಮಾಡಿ.

ಆಡಳಿತ ಸಮಿತಿದ ಸದಸ್ಯೆರಾದ್ ಶೇಖರ್ ಪೂಜಾರಿ ಕಲ್ಮಾಡಿ, ಮಧ್ವನಗರ ಶಂಕರ ಪೂಜಾರಿ, ವಿನಯ್ ಕುಮಾರ್ ಪಡುಕರೆ, ಹರೀಶ್ ಎಂ.ಕೆ., ನವೀನ್ ಡಿ. ಪೂಜಾರಿ, ರತ್ನಾಕರ ಅಮೀನ್, ಜಯಕರ ಪೂಜಾರಿ ಕೊಡವೂರು, ಭಾಸ್ಕರ್ ಜೆ. ಕರ್ಕೇರ ಗರ್ಡೆ ಆಯ್ಕೆಯಾತೆರ್ .

 

ದೇವಂದಬೆಟ್ಟು ದೇವಲ್ಯದ ಬ್ರಹ್ಮಕಲಶ; ಭಾರೀ ಗೌಜಿಡ್ ನಡತ್ಂಡ್ ಪುದೆ ಕಾಣಿಕೆದ ಮೆರವಣಿಗೆ

ಬಂಟ್ವಾಳ ತಾಲೂಕುದ ಕಳ್ಳಿಗೆ ಗ್ರಾಮದ ದೇವಂದಬೆಟ್ಟು ಶ್ರೀ ಲಕ್ಷ್ಮೀ ವಿಷ್ಣುಮೂರ್ತಿ ದೇವಲ್ಯದ ಅಷ್ಟಬಂಧ ಬ್ರಹ್ಮಕಲಶಾಭಿಷೇಕ ಬೊಕ್ಕ ವರ್ಷಾಧಿದ ಜಾತ್ರಾ ಉಚ್ಚಯದ ನಿಲೆಟ್ಟ್ ಪುದೆ ಕಾಣಿಕೆ ಕೊರ್ಪಿನ ಮೆರವಣಿಗೆ ಅಂಗಾರದಾನಿ ಮಧ್ಯಾಹ್ನ ಬಿ.ಸಿ.ರೋಡ್ ಡ್ ಬಾರಿ ಗೌಜಿಡ್ ನಡತ್ಂಡ್.

ಬ್ರಹ್ಮಶ್ರೀ ನಾರಾಯಣ ಗುರು ಸರ್ಕಲ್ ದ ಕೈತಲ್ ಪುದೆ ಕಾಣಿಕೆದ ಮೆರವಣಿಗೆಗ್ ಚಾಲನೆ ಕೊರಿಯೆರ್. ಭಜನೆ, ಗೊಂಬೆದ ನಲಿಕೆ, ಬಣ್ಣ ಬಣ್ಣದ ಕೊಡೆಕುಲು, ಕಲಶನ್ ಪತ್ತೊಂದಿನ ಪೊಂಜೊವ್ ನಕ್ಲೆನ ಕೂಟ ಮೆರವಣಿಗೆಡ್ ವಿಶೇಷವಾದ್ ತೋಜಿದ್ ಬತ್ತ್ಂಡ್.


ಬಿ.ಸಿ ರೋಡ್ ರ್ದ್ ದೇವಂದಬೆಟ್ಟು ದೇವಲ್ಯ ಮುಟ್ಟ ಸುಮಾರ್ 8 ಕಿ.ಮೀ ದೂರಗ್ ಭಕ್ತೆರ್ ಪಾದಯಾತ್ರೆದ ಮುಖೇನ ಪೋಯೆರ್. 3 ಸಾರರ್ದ್ಲ ಎಚ್ಚ ಜನಕುಲು ಮೆರವಣಿಗೆಡ್ ಪಾಲ್ ಪಡೆದಿತ್ತೆರ್.

ಜಿಲ್ಲಾ ಧಾರ್ಮಿಕ ಪರಿಷತ್ ಸದಸ್ಯೆರ್ ಪೊಳಲಿ ಗಿರಿಪ್ರಕಾಶ್ ತಂತ್ರಿಲು, ದೇವಲ್ಯದ ವ್ಯವಸ್ಥಾಪನ ಸಮಿತಿದ ಅಧ್ಯಕ್ಷೆರ್ ಕೆ. ರಮೇಶ್ ಉಪಾಧ್ಯಾಯ ನೆತ್ತರಕೆರೆ, ಪ್ರಧಾನ ಕಾರ್ಯದರ್ಶಿಲು ದಾಮೋದರ ನೆತ್ತರಕೆರೆ, ಮಾಜಿ ಸಚಿವೆರ್ ಬಿ.ರಮಾನಾಥ ರೈ, ಬ್ರಹ್ಮಕಲಶೋತ್ಸವ ಸಮಿತಿದ ಅಧ್ಯಕ್ಷೆರ್ ಸದಾನಂದ ಶೆಟ್ಟಿ, ಗೌರವಾಧ್ಯಕ್ಷೆರ್ ನವೀನ್ ಚಂದ್ರ ಶೆಟ್ಟಿ ಮುಂಡಾಜೆಗುತ್ತು, ಪ್ರಧಾನ ಕಾರ್ಯದರ್ಶಿಲು ಗಣೇಶ್ ಸುವರ್ಣ ತುಂಬೆ, ಸಂಚಾಲಕೆರ್ ತಾರಾನಾಥ ಕೊಟ್ಟಾರಿ, ಕೋಶಾಧಿಕಾರಿ ಕವಿರಾಜ್ ಚಂದ್ರಿಗೆ, ಬೂಡಾ ಅಧ್ಯಕ್ಷೆರ್ ದೇವದಾಸ್ ಶೆಟ್ಟಿ, ಬ್ರಹ್ಮ ಕಲಶೋತ್ಸವ ಸಮಿತಿದ ಉಪಾಧ್ಯಕ್ಷೆರ್ ರಾಮಕೃಷ್ಣ ಆಳ್ವ ಪೊನ್ನೋಡಿ, ದೇವಲ್ಯದ ಅರ್ಚಕೆರ್ ರಾಮಕೃಷ್ಣ ಕಡಂಬಳಿತ್ತಾಯ ಸೇರಿನಂಚನೆ ಬೇತೆ ಬೇತೆ ಸಮಿತಿದ ಪ್ರಮುಖೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ದೇವೆರೆ ಪಾದೊ ಸೇರ್ಯೆರ್ ಬಾಲಿವುಡ್ ಸಂಗೀತ ನಿರ್ದೇಶಕೆರಾಯಿನ ಬಪ್ಪಿ ಲಹರಿ

ಬೆಂಗ್ಳೂರು : ಪೆರಿಯ ಗಾಯಕೆ ಬೊಕ್ಕ ಸಂಯೋಜಕೆರಾಯಿನ ಬಪ್ಪಿ ಲಹರಿ ತೀರ್ ಪೋತೆರ್ . ಅಪ್ರತಿಮ ಗಾಯಕೆರಾಯಿನ ಮೇರ್ ಮುಂಬೈ ಆಸ್ಪತ್ರೆಡ್ ಕಡೆತ ಉಸುಲು ಬುಡಿಯೆರ್ . ಹುಷಾರ್ ದಾಂತೆ ಮುಂಬೈದ ಆಸ್ಪತ್ರೆಡ್ ಮರ್ದ್ ಪಡೆಯೊಂದು ಇತ್ತೆರ್ .

ಬಪ್ಪಿ ಡಾ ಪಂದ್ ಪುಗಾರ್ತೆ ಪಡೆಯಿನ ಮೇರ್ ಭಾರತೀಯ ಗಾಯಕ, ಸಂಯೋಜಕ, ರಾಜಕಾರಣಿ ಬೊಕ್ಕ ರೆಕಾರ್ಡ್ ನಿರ್ಮಾಪಕೆರಾದ್ ಇತ್ತೆರ್ .

ಬಾನೊಡು ತೊಜೀದ್ ಬತ್ತಿನ ಬೊಲ್ಪುದ ಚಿತ್ತಾರ : ಸಾಮಾಜಿಕ ಜಾಲತಾಣೊಡು ಬಾರಿ ವೈರಲ್

ಬೆಂಗ್ಳೂರು: ರಾಜ್ಯದ ಕೆಲವು ಕಡೆಟ್ ಇನಿ ಬಾನೊಡು ಬೊಲ್ಪುದ ಚಿತ್ತಾರ ತೊಜೀದ್ ಬೈದುಂಡು. ಬೆಂಗ್ಳೂರು, ಕೋಲಾರ ಸೇರಿನಂಚ ಕೆಲವು ಕಡೆಟ್ ಬಾನೊಡು ತುದೇತ ಆಕೃತಿಡ್ ಬೊಲ್ಪುದ ರಚನೆ ಮೂಡ್ಡು ಬೈದುಂಡು.

ಕಾಂಡೆ ಕಾಂಡೆ ಬಾನ ತೂಯಿನಕುಲು ಬೊಲ್ಪುದ ಆಕೃತಿ ತೂದು ತಮ್ಮ ಮೊಬೈಲ್ ಡ್ ಫೋಟೋ ವಿಡಿಯೋ ಮಲ್ದೆರ್ , ಜಾಲತಾಣಡ್ ಪೋಸ್ಟ್ ಮಲ್ದೆರ್.

ಸಂಶಯಾಸ್ಪದ ರೀತಿಡ್ ಆರ್ ಎಸ್ ಎಸ್ ಕಾರ್ಯಕರ್ತೆ ಜ್ಯೋತಿಷ್ ಸಾವು

ಕಾಸ್ರೋಡು : ಕೆಲವು ಕೊಲೆ ಪ್ರಕರಣದ ಆರೋಪ ಇತ್ತಿನ ಆರ್.ಎಸ್.ಎಸ್ ಕಾರ್ಯಕರ್ತೆ ಜ್ಯೋತಿಷ್ ಬಲ್ಲ್ ಪಾಡೊಂದು ಸೈತಿನ ಸ್ಥಿತಿಟ್ಟ್ ಪತ್ತೆ ಆತೆರ್.

ಅಣಂಗೂರು ಜೆ.ಪಿ.ಕಾಲನಿ ನಿವಾಸಿ ಜ್ಯೋತಿಷ್ ಇನಿ ಕಾಂಡೆ ಅರೆನ ಇಲ್ಲದ ಕೈತಲ್ದ ಮರತ್ತ ಗೆಲ್ಲ್ ಗ್ ಕಂಟೆಲ್ಗ್ ಬಲ್ಲ್ ಪಾಡ್ದ್ ತೀರ್ ಪೋತಿನ ಸ್ಥಿತಿಟ್ಟ್ ಅರೆನ ಪುಣ ತಿಕ್ ದ್ಂಡ್ ಪಂದ್ ಪೊಲೀಸ್ ದಕುಲು ತೆರಿಪಾದೆರ್.

ಸೋಮಾರ ರಾತ್ರೆ ಇಲ್ಲಡ್ ಜೆತ್ತ್ ದಿತ್ತಿನ ಜ್ಯೋತಿಷ್ ಅಂಗಾರೆ ಕಾಂಡೆ ಇಲ್ಲಡ್ ಇತ್ತಿಜೆರ್. ಇಲ್ಲದಕುಲು ನಾಡ್ ನಗ ಕೈತಲ್ದ ಮರಟ್ಟ್ ಅರೆನ ಪುಣ ನೇಲೊಂದಿತ್ತ್ಂಡ್ ಪಂದ್ ಇಲ್ಲದಕುಲು ಪಂತೆರ್.
ಆರ್.ಎಸ್.ಎಸ್ ಸ್ವಯಂಸೇವಕೆ ಆದಿತ್ತಿನ ಜ್ಯೋತಿಷ್ ಯಾನೆ ಜೋಬಾಯ್, ಬಂಗ್ರಗುಡ್ಡೆದ ಸಿನಾನ್, ಸೂರ್ಲುದ ರಿಷಾದ್ ಕೊಲೆ ಪ್ರಕರಣದ ಆರೋಪಿಯಾದಿತ್ತಿನಿ ಅತ್ತಾಂದೆ ತಳಂಗರೆದ ಜೈನುಲ್ ಆಬಿದ್ ಕೊಲೆ ಕೇ ಸ್ ಡ್ ಲ ಶಾಮೀಲಾತಿನ ಆರೋಪ ಉಂಡು ಪಂದ್ ಪೊಲೀಸೆರ್ ತೆರಿಪಾದೆರ್.

ಜ್ಯೋತಿಷ್ ನ ಪುಣೊನು ಕಾಸ್ರೋಡುದ ಜನರಲ್ ಆಸ್ಪತ್ರೆದ ಶವಾಗಾರೊಗು ಕೊನೊತೆರ್.‌ ಕಾಸ್ರೋಡು ಪೇಂಟೆದ ಪೋಲಿಸ್ ಸ್ಟೇಶನ್ಡ್ ಕೇಸ್ ದಾಖಲಾತ್ಂಡ್.

ದೇವಲ್ಯೊದ ಘಂಟಾನಾದಗ್ ಬ್ರೇಕ್ ಪಾಡಿನ ರಾಜ್ಯ ಸರ್ಕಾರ

ಬೆಂಗ್ಳೂರು: ಇತ್ತೇ ಮಸೀದಿದ ಧ್ವನಿ ವರ್ಧಕ ಬಳಕೆಗ್ ಸುಪ್ರೀಂ ಕೋರ್ಟ್ ಸೂಚನೆ ನೆಲೆಟ್ಟ್ ಮಸ್ತ್ ಕಡೆಟ್ ಬ್ರೇಕ್ ಪಾಡ್ದೆರ್ . ಇತ್ತೇ ರಾಜ್ಯ ಸರ್ಕಾರ ಬೇತೆ ಬೇತೆ ದೇವಲ್ಯೋಡು ಗಂಟೆ, ಜಾಗಟೆ, ಧ್ವನಿ ವರ್ಧಕ ಬಳಕೆ ಮಲ್ಪರೆ ಬಲ್ಲಿ ಪಂದ್ ಪಂತೆರ್ .

ಈ ಬಗ್ಗೆ ಧಾರ್ಮಿಕ ದತ್ತಿ ಇಲಾಖೆ ಬೆಂಗ್ಳೂರುದ ಕೆಲವು ದೇವಲ್ಯೊಗೂ ನೋಟಿಸ್ ಜಾರಿ ಮಲ್ದೆರ್ , ದೇವಲ್ಯೋಡು ನಿಗಧಿತ ಡೆಸಿಬಲ್ ಸೊರೊರ್ದು , ಜಾಸ್ತಿ ಶಬ್ದ ಪಿದಾಯಿ ಬರ್ಪಿನಂಚಿನ ಗಂಟೆ, ಜಾಗಟೆ, ಧ್ವನಿವರ್ಧಕ ಬಳಕೆ ಮಲ್ಪರೆ ಬಲ್ಲಿ ಪಂದ್ ಸೂಚನೆ ಕೊರ್ತೆರ್ .

ನನ ದೇವಲ್ಯೋಡು ಮಂಗಳಾರತಿ ಪೊರ್ತುಡು ಮಲ್ಲ ಮಟ್ಟದ ಗಂಟೆ ಶಬ್ದಗನ್ ಮಲ್ದೆರ್ , ಡಮರುಗ ಸೇರಿನಂಚ ಬೇತೆ ಬೇತೆ ಸಾಧನದ ಮುಖೇನ ಶಬ್ದ ಬರೊಂದು ಉಂಡು . ಉಂದು ಎಚ್ಚದ ಡೆಸಿಬಲ್ ಶಬ್ದ ಮಲ್ತೊಂದು ಉಂಡು. ಉಂದೆನ್ ಬಳಕೆ ಮಲ್ಪರೆ ಇಜ್ಜಿ ಪಂದ್ ನೋಟಿಸ್ ಡ್ ಬರೆತೆರ್.

ಏರ್ ಇಂಡಿಯಾದ ಪೊಸ ಸಿಇಒ ಆದ್ ಟರ್ಕಿಶ್ ಏರ್ಲೈನ್ಸ್ ದ ಮಾಜಿ ಗುರ್ಕಾರ್ಲಾಯಿನ ಇಲ್ಕರ್ ಐಸಿ ನೇಮಕ

ನವದೆಹಲಿ:ಟರ್ಕಿಶ್ ಏರ್‌ಲೈನ್ಸ್‌ದ ಮಾಜಿ ಗುರ್ಕಾರ್ಲಾಯಿನ ಇಲ್ಕರ್ ಐಸಿ ಮೆರೆನ್ ಏರ್ ಇಂಡಿಯಾದ(air India) ಪೊಸ ಸಿಇಒ(CEO) ಬೊಕ್ಕ ಎಂಡಿ(MD) ಆದ್ ನೇಮಿಕ ಮಲ್ದೆರ್ . ಪೊಸ ಸಿಇಒನ್ ಟಾಟಾ ಗ್ರೂಪ್ ಸೋಮವಾರ ಪ್ರಕಟಿಟ ಮಲ್ದೆರ್ .ಇಲ್ಕರ್ ಐಸಿ ಮೆರೆನ ಉಮೇದುವಾರಿಕೆನ್ ಅನುಮೋದಿಸಾಯೆರೆ ಏರ್ ಇಂಡಿಯಾ ಮಂಡಳಿ ಕೋಡೆ ಕಾಂಡೆ ಸಭೆ ಅಟ್ಟನೆ ಮಲ್ತ್ ಇತ್ತೆರ್ .

ಎನ್ ಚಂದ್ರಶೇಖರನ್, ‘ಇಲ್ಕರ್ ಮೇರ್ ವಾಯುಯಾನ ಉದ್ಯಮದ ನಾಯಕೆ ಆದ್ ಇತ್ತೆರ್ , ಮೆರೆನ ಅಧಿಕಾರದ ಪೊರ್ತುಡು ಟರ್ಕಿಶ್ ಏರ್‌ಲೈನ್ಸ್ ನ್ ಐತ ಪ್ರಸ್ತುತ ಯಶಸ್ ದ ಕೈತಲ್ ಕೊನೊತೆರ್ . ಮೇರ್ ಏರ್ ಇಂಡಿಯಾನ್ ಪೊಸ ಯುಗಕ್ ಕೊನೊಪಿನ ಟಾಟಾ ಗ್ರೂಪ್‌ಗ್ ಇಲ್ಕರ್ ನ್ ಎದುಕೊನೆರೆ ನಮ ತಯಾರ್ ಆದ್ ಉಲ್ಲಾ ಪಂದ್ ಪಂಡೆರ್.

ಪುಲ್ವಾಮ ದಾಳಿಡ್ ತೀರ್ ಪೋಯಿನ ಸಿಆರ್‌ಪಿಎಫ್ಯೋಧೆರೆಗ್ ನಮನ ಅರ್ಪಣೆ ಮಲ್ತಿನ ಪ್ರಧಾನಿ ಮೋದಿ

ನವದೆಹಲಿ:ಫೆಬ್ರವರಿ 2019 ಟ್ಟ್ ದಕ್ಷಿಣ ಕಾಶ್ಮೀರದ ಪುಲ್ವಾಮಾ ಜಿಲ್ಲೆಡ್ ನಡತಿನ ಭಯೋತ್ಪಾದಕ ದಾಳಿಡ್ ತೀರ್ ಪೋಯಿನ ಸಿಆರ್‌ಪಿಎಫ್ (crpf)ಯೋದೇರೆಗ್ ಪ್ರಧಾನಿ ನರೇಂದ್ರ ಮೋದಿ ಸೋಮಾರ ಶ್ರದ್ಧಾಂಜಲಿ ಮಲ್ತೆರ್ .

‘2019 ನೆ ಈ ದಿನತಾನಿ ಪುಲ್ವಾಮಾಡ್ ತೀರ್ ಪೋಯಿನ ಮಾತೆರೆಗ್ಲಾ ಯಾನ್ ಗೌರವ ಕೊರ್ಪೆ ಅಂಚನೆ ಮತ್ತು ನಮ್ಮ ದೇಶೋಗು ಅಕ್ಲೆನ ಅತ್ಯುತ್ತಮ ಸೇವೆನ್ ಮನವರಿಕೆ ಮಲ್ತೊನುವೆ ಪಂದ್ ಪ್ರಧಾನಿ ಪಂಡೆರ್ .

You Missed