Sat. Nov 21st, 2026

ಊರ್ದ ಸುದ್ದಿ Regional News

ದುಬೈಡ್ ಫೆ.19 ಗ್ ವಿಜಯ ಪ್ರಕಾಶ್ ಸಂಗೀತ ಸಂಜೆ ” ನೀನೇ ರಾಜಕುಮಾರ ” ಲೇಸ್

ದುಬೈ,: ಕರ್ನಾಟಕ ರತ್ನ, ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಬೊಕ್ಕ ಸ್ವರ ಮಾಂತ್ರಿಕ ಎಸ್. ಪಿ. ಬಾಲಸುಬ್ರಹ್ಮಣ್ಯಂ ಮೆಕ್ಲೆನ ಸ್ಮರಣಾರ್ಥ ವಿಜಯ್ ಪ್ರಕಾಶ್ ಸಂಗೀತ ಸಂಜೆ ಲೇಸ್ ‘ನೀನೇ ರಾಜಕುಮಾರ’ ದುಬೈಡ್ ಫೆ.19ಗ್ ಬೈಯ್ಯಗ್ 6 ಗಂಟೆಗ್ ಅಲ್ ನಸರ್ ಲೀಸರ್ ಲ್ಯಾಂಡ್ ಡ್ ನಡಪರೇ ಉಂಡು .

ಕೋವಿಡ್ ಸಂಕಷ್ಟದ ನಡುಟುಲಾ ನಡತೊಂದು ಉಪ್ಪುನ ಸುರುತ ಕನ್ನಡ ಸಂಗೀತ ಲೇಸ್ ಡ್ ಖ್ಯಾತ ಹಿನ್ನೆಲೆ ಗಾಯಕ ವಿಜಯ್ ಪ್ರಕಾಶ್ ಬೊಕ್ಕ ಅನುರಾಧ ಭಟ್, ಮೇಘನಾ ಭಟ್, ದುಬೈ ಉದ್ಯಮಿ ಗಾಯಕ ಹರೀಶ್ ಶೇರಿಗಾರ್ ಅಂಚನೆ ಪತ್ತೆರ್ದ್ ಜಾಸ್ತಿ ಸಂಗೀತಗಾರೆರ್ ಪಾಲ್ ಪಡೆಯರೇ ಉಲ್ಲೆರ್.

ಗೂಗಲ್ಡ್ ತಪ್ಪು ನಾಡಿನ ಇಂದೋರ್ ದ ಆಣಗ್ 65 ಕೋಟಿ ರೂ ಇನಾಮು

ಇಂದೋರ್ : ಸರ್ಚ್ ಎಂಜಿನ್ ಗೂಗಲ್ ತನ್ನ ಬೇತೆ ಬೇತೆ ಸೇವೆಡ್ ಬಗ್ ಫೈಂಡರ್ ಲೆಗ್ ಪ್ರತಿ ವರ್ಷ ಲಕ್ಷಾಂತರ ರೂ. ಕೊರೊಂದು ಉಂಡು ಅಂಚನೆ ಕಂಪನಿ 2021 ಟ್ಟ್ ದೋಷನ್ ಪತ್ತೆ ಮಲ್ತಿನ ಇಂದೋರ್ ಆಣಗ್ $87 ಲಕ್ಷ ಪಂಡ ಸುಮಾರು 65 ಕೋಟಿ ರೂ. ಕೊರ್ತುಂಡು . ಗೂಗಲ್ ತನ್ನ ವರದಿಡ್ , ಬಗ್ಸ್ಮಿರ್ ಕಂಪನಿದ ಸ್ಥಾಪಕೆರಾಯಿನ ಇಂದೋರ್ ದ ಅಮನ್ ಪಾಂಡೆ ನ ಬಗ್ಗೆ ವಿಶೇಷ ರೀತಿಡ್ ಪ್ರಸ್ತಾವನೆ ಮಲ್ದೆರ್.

ಅಮನ್ ಕರಿನ ವರ್ಷ 232 ದೋಷನ್ ವರದಿ ಮಲ್ದೆ .ಅಮನ್ ಪಾಂಡೆ 2021 ಟ್ಟ್ 232 ದೋಷನ್ ವರದಿ ಮಲ್ದೆರ್ ಬೊಕ್ಕ ಇತ್ತೇ ಮುಟ ಆಂಡ್ರಾಯ್ಡ್ ದುರ್ಬಲತೆ ರಿವಾರ್ಡ್ ಪ್ರೋಗ್ರಾಂ (ವಿಆರ್ ಪಿ) ಗಾದ್ 280 ರ್ದ್ ಜಾಸ್ತಿ ದುರ್ಬಲತೆನ್ ವರದಿ ಮಲ್ದೆರ್ .

ಬೆಳ್ಳೂರು ಶ್ರೀ ಕಾವೇಶ್ವರ ದೇವಲ್ಯದ ಅಷ್ಟಬಂಧ ಬ್ರಹ್ಮಕಲಶೋತ್ಸವ ಬೊಕ್ಕ ವಾರ್ಷಿಕ ಜಾತ್ರಾ ಉಚ್ಚಯ

ಬಂಟ್ವಾಳ, ಫೆ.17:  ಬಂಟ್ವಾಳ ತಾಲೂಕ್ ದ ಬಡಗ ಬೆಳ್ಳೂರು ಶ್ರೀ ಕಾವೇಶ್ವರ ದೇವಲ್ಯದ ಅಷ್ಟಬಂಧ ಬ್ರಹ್ಮಕಲಶ ಭಾರೀ ಗೌಜಿಡ್ ಗುರುವಾರ ಕಾಂಡೆ ನಡತ್ಂಡ್.ಇನಿ ಕಾಂಡೆ 8.45ಕ್ಕ್ ಮೀನ ಲಗ್ನಡ್ ಬ್ರಹ್ಮಕಲಶಾಭಿಷೇಕ ಬೊಕ್ಕ ರುದ್ರಯಾಗ, ಪ್ರಸನ್ನ ಪೂಜೆ, ಕೊಡಿಪೂಜೆ, ಪಲ್ಲಪೂಜೆ ದೇವಲ್ಯದ ಸನ್ನಿಧಿಡ್ ನಡತ್ಂಡ್.

ಆಯಿಬೊಕ್ಕ ದೇವಲ್ಯದ ಜಾಗೆಡ್ ಧಾರ್ಮಿಕ ಸಭಾ ಕಾರ್ಯಕ್ರಮ ನಡತ್ಂಡ್. ಮಾಜಿ ಸಚಿವೆರ್ ಬಿ.ರಮಾನಾಥ ರೈ ಧಾರ್ಮಿಕ ಕಾರ್ಯಕ್ರಮದ ಅಧ್ಯಕ್ಷತೆನ್ ವಹಿಸೊಂದಿತ್ತೆರ್.

ಪತ್ರಕರ್ತೆರ್ ಶ್ರೀಕಾಂತ್ ಶೆಟ್ಟಿ ಕಾರ್ಲ ಧಾರ್ಮಿಕ ಭಾಷಣನ್ ಉದ್ದೇಶಿಸಾದ್ ಪಾತೆರ್ದ್ ಕಾವೇಶ್ವರದ ದೇವೆರ್ ಬ್ರಹ್ಮಕಲಶದ ತೀರ್ಥನ್ ಮೀದ್ ಇತ್ತೆ ಮುಗುರು ತೆಲಿಕೆಡ್ ತೆಲ್ತೊಂದುಲ್ಲೆರ್. ಧರ್ಮ ಇತ್ತಿನ ಜಾಗೆ ಈ ನಮ್ಮ ಬೆಳ್ಳೂರುದ ಜಾಗೆ. ಧರ್ಮನ್ ತತ್ತ್ ದ್ ಪೋಪಿನ ಬೇಲೆನ್ ನಮ ಏಪಲ ಇಜ್ಜಿ. ಉಂದು ಇತಿಹಾಸ ಕಾಲಡ್ ನಡತ್ತೊಂದ್ ಬತ್ತಿನ ಸತ್ಯ. ಕಾವೇಶ್ವರ ದೇವೆರ್ನ ಶಕ್ತಿಲ ಅಂಚನೆ ಉಂಡು ಪಂದ್ ಪಂಡೆರ್.

ಕುಡ್ಲ ಎ.ಜೆ ಸಮೂಹ ಸಂಸ್ಥೆದ ಚೇರ್ಮೆನ್ ಎ. ಜೆ ಶೆಟ್ಟಿ, ಕುಡ್ಲ ಮಹಾನಗರ ಪಾಲಿಕೆದ ಮಾಜಿ ಮೇಯರ್ ಭಾಸ್ಕರ್. ಕೆ, ಕುಡ್ಲ ಜಿಲ್ಲಾ ಧಾರ್ಮಿಕ ಪರಿಷತ್ ದ ಸದಸ್ಯೆರ್ ಗಿರಿಪ್ರಕಾಶ್ ತಂತ್ರಿಲು, ಬಡಗಬೆಳ್ಳೂರು ಗ್ರಾಮ ಪಂಚಾಯತ್ ದ ಅಧ್ಯಕ್ಷೆರ್ ಜಿ.ಪ್ರಕಾಶ್ ಆಳ್ವ, ಬಂಟ್ವಾಳ ಬಂಟರ ಸಂಘದ ಅಧ್ಯಕ್ಷೆರ್ ಅಂಚನೆ ಹೋಟೆಲ್ ರಂಗೋಲಿದ ಮಾಲಿಕೆರ್ ಚಂದ್ರಹಾಸ್ ಶೆಟ್ಟಿ, ಬೊಂಬಾಯಿದ ಉದ್ಯಮಿ ನಿತ್ಯಾನಂದ ಮಲ್ಲಿ,ಕುಡ್ಲದ ಉದ್ಯಮಿ ದೀಪಕ್ ಶೆಟ್ಟಿ, ಮಿತ್ತರ್ಮೆಡ್ ಪಾಲ್ ಪಡೆದಿತ್ತೆರ್.
ಕಾವೇಶ್ವರ ದೇವಸ್ಥಾನ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಎಲ್.ರಘು ಶೆಟ್ಟಿ ಸ್ವಾಗತ ಭಾಷಣನ್ ಮಲ್ತೆರ್.

Annual festival and Asthabanda Brahmakalashotsava at Belleru Sri Kaveshwara temple.

Bantwal: February 17: The annual festival and Asthabanda Brahmakalashotsava at Belleru Sri Kaveshwara temple took place with pomp and grandeur on Thrusday morning .

At the cultural program after the religious rituals former minister Ramanath Rai presided over the program.

The religious discourse was given by journalist Srikanth Shetty Karkala ; who said that one should always follow the path of righteousness.History says that doing what is morally right is the divine truth.

A.J Shetty Chairman of AJ group of institutions Mangalore, Former Mayor of Mangalore Bhaskar K , Giri Prakash Tantri member of Mangalore district Religious Parishad and others participated in the festivities.

Raghu Shetty of the organising committee of Kaveshwara temple welcomed the gathering.

ಉಕ್ರೇನ್ ದ ಮಿತ್ತ್ ರಷ್ಯಾ ದಾಳಿ ಮಲ್ಪುನ ಸಾಧ್ಯತೆ ಉಂಡು : ಅಮೇರಿಕ ಅಧ್ಯಕ್ಷೆ ಜೋ ಬೈಡನ್

ವಾಷಿಂಗ್ಟನ್: ಯುದ್ಧದ ಅಂಚಿಡ್ ಪಿರ ಪೋವೊಡು ಪಂದ್ ಅಮೆರಿಕದ ಅಧ್ಯಕ್ಷ ಜೋ ಬೈಡನ್ ಮೇರ್ ರಷ್ಯಾಗ್ ಅಗ್ರಹ ಮಲ್ದೆರ್ . ರಷ್ಯಾ, ಕೆಲ ಪಡೆನ್ ಉಕ್ರೇನ್ ಗಡಿರ್ದ್ ಪಿರ ದೆತೊನ್ದಿನ ನನಲ ದೃಢಪ ಅತಿಜಿ ಪಂದ್ ಆರ್ ಸುದ್ದಿಗಾರೆರ್ನ ಒಟ್ಟುಗು ಪಂಡೆರ್.

ಶ್ರೀ ನಡ್ಯೋಡಿ ದೈವಸ್ಥಾನ : ವರ್ಷಾವದಿ ಉಚ್ಚಯ

ಬೆದ್ರ : ಶ್ರೀ ನಡ್ಯೋಡಿ ದೈವಸ್ಥಾನ ಮಾರ್ಪಾಡಿ ಕಲ್ಲಬೆಟ್ಟುದ ಶ್ರೀ ನಾಗಬ್ರಹ್ಮ, ಶ್ರೀ ಕೊಡಮಣಿತ್ತಾಯ, ಶ್ರೀ ಕುಕ್ಕಿನಂತ್ತಾಯ, ಬ್ರಹ್ಮ ಶ್ರೀ ಬೈದರ್ಕಳ ಬೊಕ್ಕ ಶ್ರೀ ಮಾಯಂದಲೆ ದೇವಿನ ಕ್ಷೇತ್ರೋಡು ಮಾರ್ಚ್ 3 ತಾರೀಖ್ ರ್ದ್ 6 ತಾರೀಖ್ ಮುಟ ವರ್ಷಾವದಿ ಉಚ್ಚಯ ಮಾರೂರು ಖಂಡಿಗ ಶ್ರೀ ರಾಮದಾಸ ಅಸ್ರಣ್ಣೆರ್ನ ಪೌರೋಹಿತ್ಯೋಡು ನಡಪೆರೆ ಉಂಡು.

ಈ ನೆಲೆಟ್ಟ್ ಮಾತೆರ್ಲ ಶ್ರೀ ದೈವದ ಉಚ್ಚಯಡ್ ಪಾಲ್ ಪಡೆದ್ ತನು ಮನ ಧನಟ್ ಸಾಕಾರ ಕೊರ್ದು ಗಂಧ ಪ್ರಸಾದ ಸ್ವೀಕಾರ ಮಲ್ತ್ ಶ್ರೀ ದೈವದ ಅನುಗ್ರಹಗ್ ಪಾತ್ರರಾವೊಡು ಪಂದ್ ಶ್ರೀ ಕ್ಷೇತ್ರದ ಆಡಳಿತ ಮೋಕ್ತೆಸೆರಾಯಿನ ಹೊಸಮನೆಗುತ್ತು ಶ್ರೀ. ಎಂ. ವಸಂತ ಶೆಟ್ಟಿ ಬೊಕ್ಕ ಮಾರ್ಪಡಿ ಕಲ್ಲಬೆಟ್ಟು ಗುತ್ತು ಬರ್ಕೆದಕುಲು ಬೊಕ್ಕ ಗ್ರಾಮಸ್ಥೆರ್ ಅಂಚನೆ ಗುರ್ಕಾರ್ಲಾಯಿನ ಇಡೆಬೈಲುಗುತ್ತು ಶ್ರೀ ವಿಶ್ವನಾಥ ಕೋಟ್ಯಾನ್, ಕೋಶಧಿಕಾರಿಲಾಯಿನ ವಿಶ್ವನಾಥ ಪೂಜಾರಿ, ಕಾರ್ಯದರ್ಶಿ ಸುಧೀಶ್ ಹೆಗ್ಡೆ, ಒತ್ತು ಗುರ್ಕಾರ್ಲಾಯಿನ ರಾಧಾಕೃಷ್ಣ ಕೋಟ್ಯಾನ್ ಬೊಕ್ಕ ಬಿ. ಶಿವಶಂಕರ್, ಜೊತೆ ಕಾರ್ಯದರ್ಶಿ ರಾಧಾಕೃಷ್ಣ ಶೆಟ್ಟಿ ಬೊಕ್ಕ ಗಂಗಾಧರ ಡಿ. ಪೂಜಾರಿ ಬಿನ್ನಾಪು ಮಲ್ದೆರ್.

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ ಜೈ ತುಲುನಾಡ್ ( ರಿ. ) ಕುಡ್ಲ ಎಗ್ಗೆ ಒಟ್ಟು ಸೇರಿಗೆಡ್ ಧರ್ಮಾರ್ಥ ” ಬಲೆ ತುಲು ಲಿಪಿ ಕಲ್ಪುಗ” ಕಜ್ಜ ಕೊಟ್ಯದ ಉದಿಪನ ಲೇಸ್

ಕುಡ್ಲ: ಬಂಗ್ರ ಕೂಳೂರ್ 16ನೇ ವಾರ್ಡ್ ಮೊಕ್ಲೆನ ಮುತಾಲಿಕೆಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ ಜೈ ತುಲುನಾಡ್ ( ರಿ. ) ಕುಡ್ಲ ಎಗ್ಗೆ ಒಟ್ಟು ಸೇರಿಗೆಡ್ ಧರ್ಮಾರ್ಥ ” ಬಲೆ ತುಲು ಲಿಪಿ ಕಲ್ಪುಗ” ಕಜ್ಜ ಕೊಟ್ಯದ ಉದಿಪನ ಲೇಸ್ ಕೋಡಿಕಲ್‌ದ SNDP ಮಂದಿರಡ್ 13/2/22ನೇ ಐತಾರದಾನಿ ನಡತ್ಂಡ್.

ಬಂಗ್ರ ಕೂಳೂರ್ 16ನೇ ವಾರ್ಡ್‌ದ ಕಾರ್ಪೊರೇಟರ್ ಬೊಕ್ಕ ಮ. ನ. ಪಾ ಸದಸ್ಯೆರ್ ಆಯಿನ ಶ್ರೀ ಕಿರಣ್ ಕುಮಾರ್ ಕೋಡಿಕಲ್ ಮೆರೆನ ಗುರ್ಕಾರ್ಮೆಡ್ ನಡತಿನ ಈ ಲೇಸ್‌ನ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾಲಾಯಿನ ದಯಾನಂದ ಜಿ ಕತ್ತಲ್‌ಸಾರ್ ತುಡರ್ ಅರ್ಲಾದ್ ಉದಿಪನ ಮಲ್ತ್‌ದ್, ತುಲು ಲಿಪಿಟ್ ಬರೆಪಿನ ಮುಕೇನ ಕಜ್ಯ ಕೊಟ್ಯಗ್ ಚಾಲನೆ ಕೊರ್ಯೆರ್.

ಲೇಸ್‌ದ ಬಗೆಟ್ ಪಾತೆರ್‌ನ ದಯಾನಂದ್ ಜಿ ಕತ್ತಲ್‌ಸಾರ್ ಶ್ರೇಷ್ಠ ಸಮಾಜ ಸುಧಾರಕೆರ್ ಮಾರ್ಗದರ್ಶಿಲು ಪೂಜ್ಯೆರ್ ಆಯಿನ ನಾರಾಯಣ ಗುರುಕುಲೆನ ಮಟ್ಟೆಲ್ಡ್ ಅವುಲಾ ಈತ್ ನೊಟ್ಟ ತುಲುನಾಡ್ದ ಒವ್ವೆ ಜನಪ್ರತಿನಿಧಿನಕುಲು ಮಲ್ಪಂದಿನ ಬೇಲೆನ್ 16ನೇ ವಾರ್ಡ್ದ್ ಪ್ರತಿನಿಧಿ ಮಲ್ತೊಂದುಪ್ಪುನ ಬಾರಿ ವಿಶೇಷ ಪಂದ್ ಕುಸಿನ್ ಪಟ್ಟಿಯೆರ್. ಅಂಚೆನೇ ನಮ್ಮ ತುಲುನಾಡ್ದ ಸಂಸ್ಕೃತಿ ಒರಿಯೊಡಾಂಡ ಬಾಸೆ ಬುಲೆಯೊಡು ಐತ ಒಟ್ಟುಗು ಲಿಪಿನ್‌ಲಾ ಮಾತೆರ್ಲಾ ಕಲ್ಪೊಡು ಪಂಡೆರ್. ಆಯಿನಾತ್ ಮಾತೆರ್ಲಾ ಇಲ್ಲದ ಬೊಕ ಕಛೇರಿದ ವಿಳಾಸ ಬರೆನಗ ಅಕೇರಿಡ್ ತುಲುನಾಡ್ ಸೇರಿಸಾಲೆ ಪಂದು ಲೆಪ್ಪು ಕೊರಿಯೆರ್.

ಬಾರಿ ಪುಗಾರ್ತೆದ ನಿರೂಪಕೆರಾಯಿನ ನವೀನ್ ಶೆಟ್ಟಿ ಎಡ್ಮೆಮಾರ್ ಪಾತೆರ್ದ್ ನಮ ಅವೆತೋ ತುಲು ಶಬ್ದೊಲೆನ್ ಮದತ್‌ದ್ ಬುಡ್‌ತ ಅವೆನ್ ಪೂರ ಕುಡೊರ ಕಲ್ತ್‌ದ್ ಗಲಸ್‌ಗ ಪಂಡೆರ್.

ಜೈ ತುಲುನಾಡ್‌‌ ಸಂಘಟನೆದ ದುಂಬುದ ಗುರ್ಕಾಲಾಯಿನ ಸುದರ್ಶನ್ ಸುರತ್ಕಲ್ ಪಾತೆರ್ದ್ ನಮ್ಮ ಅಪ್ಪೆ ಬಾಸೆ ಒರಿಯೊಡಾಂಡ ಐಕ್ ನನೊರಿ ದಾದ ಮಲ್ಪುವೆ ಪಂದ್ ಕಾಪುನು ಆತ್ತ್ ನಮಡ್ದ್ ದಾದ ಮಲ್ಪರೆ ಆಪುಂಡು ಅವೆನ್ ನಮ ಮಲ್ಪುಗ ಪಂದ್ ಲೆಪ್ಪು ಕೊರಿಯೆರ್.

ಕಿರಣ್ ಕುಮಾರ್ ಕೋಡಿಕಲ್ ಮೇರ್ ಪಾತೆರ್ದ್ ಸಮಾಜ ಸೇವೆ ಮಲ್ಪುನ ಎಂಕ್ಲೆಗ್ ಇಲ್ಲಡ್ದೇ ಬೈದಿನ ಪಾಠ, ತುಲು ಬಾಸೆ ಲಿಪಿ ಸಂಸ್ಕೃತಿದ ಬುಲೆಚ್ಚಿಲ್ ಗ್ ಎನಡ್ದ್ ಆಪಿನ ಪೂರ ಸಕಾಯನ್ ಕೊರ್ಪೆ ಪಂಡೆರ್.ಲೇಸ್‌ಡ್ ಮಾನಾದಿಗೆದ ಬಿನ್ನೆರಾದ್ ಸುಧೀಕ್ಷಾ ಕಿರಣ್ MA (ತುಳು) ಕೋಶಾಧಿಕಾರಿ ಅಖಿಲ ಭಾರತೀಯ ಸಾಹಿತ್ಯ ಪರಿಷತ್ ಕುಡ್ಲ ಮೇರ್ ಪಾಲ್ ಪಡೆದಿತ್ತೆರ್. ಅಶ್ವಥ್ ತುಲುವೆ (ಜೈ ತುಲುನಾಡ್ ಸಂಘಟನೆದ ದುಂಬುದ ಗುರ್ಕಾಲು) ಬೊಕ್ಕ SNDP ಮಂದಿರದ ಗುರ್ಕಾರೆ ಆಯಿನ ಪುರುಷೋತ್ತಮ ಪೂಜಾರಿ ಮಾನಾದಿಗೆದ ಒತ್ತು ಪಾಲ್ ಬಿನ್ನೆರಾದ್ ಪಾಲ್ ಪಡೆದಿತ್ತೆರ್.

ಬಂಗ್ರ ಕೂಳೂರ್ 16ನೇ ವಾರ್ಡ್ ದ ಸರ್ವ ಕಾರ್ಯಕರ್ತೆರ್, ಜೈ ತುಲುನಾಡ್ (ರಿ.) ಪದುಕೆರ್ ,ತುಲು ಲಿಪಿ ಕಲ್ಪಾದಿ ಗೀತಾ ಲಕ್ಷ್ಮೀಶ್ ಲೇಸ್ಡ್ ಪಾಲ್ ಪಡೆದಿತ್ತೆರ್. ಜೈ ತುಲುನಾಡ್ ಸಂಘಟನೆದ ಸ್ಥಾಪಕ ಸದಸ್ಯೆ ಆಯಿನ ಅವಿನಾಶ್ ಮುಕ್ಕ ಲೇಸ್ ಸುದಾರಿಕೆ ಮಲ್ತ್‌ದ್ ಕೊರಿಯೆರ್.ನನ ಐನ್ ಐತಾರ ಕಾಂಡೆ10 ರ್ದ್ 12 ಗಂಟೆ ಮುಟ ತುಲು ಲಿಪಿ ಕಲ್ಪಾವುನ ಕಜ್ಜ ನಡಪರೆ ಉಂಡು ಮಾತೆರ್ಲಾ ಆಯಿನಾತ್ ಸಂಕ್ಯೆಡ್ ಪಾಲ್ ಪಡೆಯೊಡು ಪಂದು ಪತ್ರಿಕಾ ಪ್ರಕಟನೆಡ್ ತೆರಿಪಾದೆರ್.

ಬಂಟೆರ್ನ ಕ್ರೀಡೋಚ್ಚಯ : ಸುರತ್ಕಲ್ ಗ್ರಾಮ ಚಾಂಪಿಯನ್ ಕ್ರೀಡೆದ ಮುಖೇನ ಸಮಾಜದ ಸಂಘಟನೆ: ಸುಧಾಕರ ಪೂಂಜ

ಸುರತ್ಕಲ್: ಬಂಟರ ಸಂಘ (ರಿ) ಸುರತ್ಕಲ್ ಮೆಕ್ಲೆನ ಒಟ್ಟು ಸೇರಿಗೆಡ್ ಬಂಟರ ಯಾನೆ ನಾಡವರ ಮಾತೃ ಸಂಘ ಬೊಕ್ಕ ಜಾಗತಿಕ ಬಂಟೆರ್ನ ಸಂಘದ ಒಟ್ಟು ಸೇರಿಗೆಡ್ ಸುರತ್ಕಲ್ ಗೋವಿಂದ ದಾಸ ಕಾಲೇಜ್ ಮೈದಾನೊಡು ನಡತಿನ ಬಂಟೆರ್ನ ಕ್ರೀಡೋಚ್ಚಯಡ್ ಸುರತ್ಕಲ್ ಗ್ರಾಮ ಅತ್ಯಧಿಕ ಅಂಕ ಪಡೆದ್ ಸಮಗ್ರ ಚಾಂಪ್ಯನ್ ಪ್ರಶಸ್ತಿ ಪಡೆತೆರ್ . ಕೂಟೊಡು ಚೇಳಾರ್ ಗ್ರಾಮ ರಡ್ಡನೇ ಇನಾಮು , ಇಡ್ಯಾ ಗ್ರಾಮ ಮೂಜನೆ ಇನಾಮು ಪಡೆತುಂಡು.

ಪಥ ಸಂಚಲನ ವಿಭಾಗೊಡು ಇಡ್ಯಾ ಗ್ರಾಮ ಪ್ರಸುರುತ ಇನಾಮು ಪಡೆತೆರ್.
ಮುಗಿತಲದ ಲೇಸ್ ದ ಗುರ್ಕಾರ್ಮೆನ್ ಸಂಘದ ಗುರ್ಕಾರ್ಲಾಯಿನ ಸುಧಾಕರ ಎಸ್ ಪೂಂಜ ವಹಿಸ್ದಿತ್ತೆರ್ . ಸುರತ್ಕಲ್ ಬಂಟೆರ್ನ ಸಂಘ ಸಾಂಸ್ಕೃತಿಕ, ಸಮಾಜ ಸೇವೆದ ಒಟ್ಟುಗು ಕ್ರೀಡೆಗ್ ಲಾ ಪ್ರೋತ್ಸಾಹ ಕೊರೊಂದು ಬೈದುಂಡು . ಸುರತ್ಕಲ್ ಭಾಗೊಡು ರಾಷ್ಟ್ರ ಮಟ್ಟಡ್ ಪಾಲ್ ಪಡೆದ್ ಪ್ರಶಸ್ತಿ ಪಡೆಯಿನ ಕ್ರೀಡಾಪಟುಲು ಉಲ್ಲೆರ್ . ಕ್ರೀಡಾಳುಲೆಗ್ ಪ್ರೋತ್ಸಾಹ ಮಲ್ಪುನ ಬೇಲೆ ಸಂಘರ್ದ್ ಆವೊಂದು ಉಂಡು . ಕ್ರೀಡೆದ ಮೂಖೇನ ಸಮಾಜನ್ ಒಟ್ಟು ಮಲ್ಪುನ ಬೇಲೆ ಆವೊಂದು ಉಂಡು ಪಂದ್ ಪಂಡೆರ್.
ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆಯಿನ ಬಂಟರ ಯಾನೆ ನಾಡವರ ಮಾತೃ ಸಂಘದ ಉಪಾಧ್ಯಕ್ಷೆರಾಯಿನ ಕಾವು ಹೇಮನಾಥ ಶೆಟ್ಟಿ ಪಾತೆರ್ದ್ ಜಿಲ್ಲೆಡ್ ಸುರತ್ಕಲ್ ಬಂಟೆರ್ನ ಸಂಘ ಕ್ರೀಯಾಶೀಲ ಸಂಘ ಆದ್ ಉಂಡು . ನಿರಂತರ ಲೇಸ್ ನ್ ಅಟ್ಟನೆ ಮಲ್ಪುನ ಮುಖೇನ ಸಮಾಜ ಸೇವೆಡ್ ದುಂಬು ಉಂಡು ಪಂದ್ ಪಂಡೆರ್ . ಜಾಗತಿಕ ಬಂಟೆರ್ನ ಸಂಘದ ಒಕ್ಕೂಟದ ಪ್ರಧಾನ ಕಾರ್ಯದರ್ಶಿ ಜಯಕರ ಶೆಟ್ಟಿ ಇಂದ್ರಾಳಿ ಪಾತೆರ್ದ್ ಸಮಾಜೊಡು ಉಪ್ಪುನ ಸಂಘಗ್ ಮಾದರಿ ಸಂಘ ಆದ್ ಸುರತ್ಕಲ್ ಬಂಟರ ಸಂಘ ಬೇಲೆ ಮಲ್ತೊಂದು ಉಂಡು . ನಿರಂತರ ಚಟುವಟಿಕೆಡ್ ಉಪ್ಪುನ ಸುರತ್ಕಲ್ ಬಂಟರ ಸಂಘ ಈ ವರ್ಷ ಬೊಳ್ಳಿ ಪರ್ಬದ ತಯಾರಿಡ್ ಉಂಡು . ಜಾಗತಿಕ ಬಂಟರ ಸಂಘದ ಒಕ್ಕೂಟ ಸುರತ್ಕಲ್ ಬಂಟರ ಸಂಘ ದೆತೊನುನ ಲೇಸ್ ಡ್ ಕೈ ಜೋಡಾಯೆರೆ ಉಂಡು ಪಂದ್ ಪಂಡೆರ್.

ಲೇಸ್ ಡ್ ಇಂಟರ್ ನ್ಯಾಷನಲ್ ಬಂಟ್ಸ್ ವೆಲ್ಫೇರ್ ಟ್ರಸ್ಟ್ ದ ಯುವ ವಿಭಾಗದ ಗುರ್ಕಾರ್ಲಾಯಿನ ದೇವಿಚರಣ್ ಶೆಟ್ಟಿ, ಮಹಾನಗರ ಪಾಲಿಕೆಯ ಸದಸ್ಯ ವರುಣ್ ಚೌಟ, ವಿಜಯ ಬ್ಯಾಂಕ್ ನ ನಿವೃತ್ತ ಪ್ರಬಂಧಕ ಎನ್ ಅಶೋಕ್ ಕುಮಾರ್ ಶೆಟ್ಟಿ, ಮುಂಚೂರು ಕೆಳಗಿನ ಮನೆ ಸತೀಶ ಶೆಟ್ಟಿ, ಕುಡ್ಲ ತಾಲೂಕು ಸಮಿತಿ ಸಂಚಾಲಕ ಉಲ್ಲಾಸ್ ಆರ್ ಶೆಟ್ಟಿ ಪೆರ್ಮುದೆ ಪಾಲ್ ಪಡೆದಿತ್ತೆರ್ .
ಲೇಸ್ ಡ್ ಸಂಘದ ಉಪಾಧ್ಯಕ್ಷ ಲೋಕಯ್ಯ ಶೆಟ್ಟಿ ಮುಂಚೂರು, ಪ್ರಧಾನ‌ ಕಾರ್ಯದರ್ಶಿ ಪ್ರವೀಣ್ ಶೆಟ್ಟಿ ಸುರತ್ಕಲ್, ಕೋಶಾಧಿಕಾರಿ ರತ್ನಾಕರ ಶೆಟ್ಟಿ ಸುರತ್ಕಲ್, ಜೊತೆ ಕಾರ್ಯದರ್ಶಿ ಪುಷ್ಪರಾಜ ಶೆಟ್ಟಿ ಕುಡುಂಬೂರು, ಸಂಘಟನಾ ಕಾರ್ಯದರ್ಶಿ ದೇವೇಂದ್ರ ಶೆಟ್ಟಿ, ಸಾಂಸ್ಕೃತಿಕ ಕಾರ್ಯದರ್ಶಿ ಜಗನ್ನಾಥ ಶೆಟ್ಟಿ ಬಾಳ, ಕ್ರೀಡಾ ಕಾರ್ಯದರ್ಶಿ ಹರೀಶ್ ಕೆ ಶೆಟ್ಟಿ, ಮಹಿಳಾ ವೇದಿಕೆಯ ಅಧ್ಯೆಕ್ಷೆ ಚಿತ್ರಾ ಜೆ ಶೆಟ್ಟಿ, ಮಹಿಳಾ ಕ್ರೀಡಾ ಕಾರ್ಯದರ್ಶಿ ಅಕ್ಷತಾ ಜಿ ಶೆಟ್ಟಿ ಪಾಲ್ ಪಡೆದಿತ್ತೆರ್ .
ಲೋಕಯ್ಯ ಶೆಟ್ಟಿ ಎದುಕೊಂಡೆರ್ . ಪ್ರವೀಣ್ ಶೆಟ್ಟಿ ಸೊಲ್ಮೆ ಸಂದೈತ ಮಲ್ತೆರ್ . ರಾಜೇಶ್ವರಿ ಡಿ ಶೆಟ್ಟಿ ಲೇಸ್ ನಡಪಾದ್ ಕೊರಿಯೆರ್ .
ಫಲಿತಾಂಶ
ಕ್ರೀಡಾ ಕೂಟಡ್ ವಾಲಿಬಾಲ್ ಪಂಥಡ್ ಕೆಂಜಾರ್ ಗ್ರಾಮ ಪ್ರಥಮ, ಸುರತ್ಕಲ್ ಗ್ರಾಮ ಸುರುತ ಇನಾಮು , ಆಣ್ಜೊವ್ಲೆನ ಹಗ್ಗ ಜಗ್ಗಾಟಡ್ ಸುರತ್ಕಲ್ ಸುರುತ ಇನಾಮು, ಕೆಂಜಾರ್ ರಡ್ಡನೇ ಇನಾಮು , ಪೊಣ್ಜೊವ್ಲೆನ ಹಗ್ಗ ಜಗ್ಗಾಟಡ್ ಇಡ್ಯಾ ಸುರುತ ಇನಾಮು, ಸುರತ್ಕಲ್ ರಡ್ಡನೇ ಇನಾಮು , ಪೊನ್ಜೊವ್ಲೆನ ತ್ರೋಬಾಲ್ ಪಂಥಡ್ ಕಾಟಿಪಳ್ಳ ಇಸುರುತ ನಾಮು, ಇಡ್ಯಾ ರಡ್ಡನೇ ಇನಾಮು ಪಡೆತೆರ್.

ಜಾಗತಿಕ ಬಂಟರ ಸಂಘದ ಒಕ್ಕೂಟೊರ್ದು ಕ್ರೀಡೆಗ್ ಪ್ರೋತ್ಸಾಹ : ಐಕಳ ಹರೀಶ್ ಶೆಟ್ಟಿ ಸುರತ್ಕಲ್ ಬಂಟರ ಸಂಘದ ಕ್ರೀಡೊಚ್ಚಯ ಉದಿಪನ

ಸುರತ್ಕಲ್ : ದ.ಕ.ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಸೇವಾ ಸಂಸ್ಥೆ ಬಂಟರ ಸಂಘ (ರಿ) ಸುರತ್ಕಲ್ ದ ಒಟ್ಟು ಸೇರಿಗೆಡ್ ಬಂಟರ ಯಾನೆ ನಾಡವರ ಮಾತೃ ಸಂಘ ಬೊಕ್ಕ ಜಾಗತಿಕ ಬಂಟರ ಸಂಘದ ಒಟ್ಟು ಸೇರಿಗೆಡ್ l ಸುರತ್ಕಲ್ ಗೋವಿಂದ ದಾಸ ಕಾಲೇಜು ಮೈದಾನೊಡು ಬಂಟೆರ್ನ ಕ್ರೀಡೋಚ್ಚಯ ನಡತ್ಂಡ್ . ಜಾಗತಿಕ ಬಂಟರ ಸಂಘದ ಒಕ್ಕೂಟದ ಗುರ್ಕಾರ್ಲಾಯಿನ ಐಕಳ ಹರೀಶ್ ಶೆಟ್ರ್ ಪಥಸಂಚಲನಡ್ ಪಾಲ್ ಪಡೆದ್ ಕ್ರೀಡಾ ಜ್ಯೋತಿನ್ ಸ್ವೀಕಾರ ಮಲ್ತ್ ಲೇಸ್ ನ್ ತುಡರ್ ಅರ್ಲಾವುನ ಮುಖೇನ ಉದಿಪನ ಮಲ್ತೆರ್.

ಜಾಗತಿಕ ಬಂಟರ ಸಂಘದ ಒಕ್ಕೂಟ ಸಮಾಜ ಸೇವೆದ ಒಟ್ಟುಗು ಕ್ರೀಡೆಗ್ಲಾ ಎಚ್ಚದ ಪ್ರೋತ್ಸಾಹ ಕೊರೊಂದು ಉಂಡು . ಪೇಂಟೆ ಬೊಕ್ಕ ಗ್ರಾಮೀಣ ಭಾಗಡ್ ಆರ್ಥಿಕವಾದ್ ಪಿರ ಉಪ್ಪುನ ಕ್ರೀಡಾ ಪಟುಲೆಗ್ ಒಕ್ಕೂಟ ನಿರಂತರ ಸಹಾಯ ಮಲ್ತೊಂದು ಉಂಡು ಪಂದ್ ಐಕಳ ಹರೀಶ್ ಶೆಟ್ರ್ ಪಂಡೆರ್ .

ಲೇಸ್ ದ ಗುರ್ಕಾರ್ಮೆನ್ ಸುರತ್ಕಲ್ ಬಂಟರ ಸಂಘದ ಗುರ್ಕಾರ್ಲಾಯಿನ ಸುಧಾಕರ ಪೂಂಜ ಒಯಿಸ್ ದಿತ್ತೆರ್ . ಸುರತ್ಕಲ್ ಬಂಟರ ಸಂಘ ನಿರಂತರ ಕಾರ್ಯಚಟುವಟಿಕೆಡ್ ಉಂಡು .ನೆಕ್ಕ್ ಜಾಗತಿಕ ಬಂಟರ ಸಂಘದ ಒಕ್ಕೂಟ ಬೊಕ್ಕ ಬಂಟರ ಮಾತೃ ಸಂಘ ಪ್ರೋತ್ಸಾಹ ಕೊರೊಂದು ಉಂಡು . ಕೃಷಿ, ವೈದ್ಯಕೀಯ, ಕ್ರೀಡೆ, ಶಿಕ್ಷಣ, ಸಾಂಸ್ಕೃತಿಕ, ಸಮಾಜಸೇವೆ ಇಂಚ ಮಾತಾ ವಿಭಾಗೊಡ್ಲಾ ಪಾಲ್ ಪಡೆದ್ ಪೊನ್ಜೊವ್ಲೆನ ಬೊಕ್ಕ ಯುವ ಸಮುದಾಯದ ಬೆರಿ ಸಹಾಯ ಪಡೆದ್ ಸಂಘ ಬೆನೊಂದು ಉಂಡು ಪಂದ್ ಪಂಡೆರ್.

ಈ ಲೇಸ್ ಡ್ ಮಲ್ಲ ಬಿನ್ನೆರ್ ಆದ್ ಮೇಯರ್ ಪ್ರೇಮಾನಂದ ಶೆಟ್ಟಿ, ಒಕ್ಕೂಟದ ಉಪಾಧ್ಯಕ್ಷೆರ್ ಕರ್ನಿರೆ ವಿಶ್ವನಾಥ ಶೆಟ್ಟಿ, ಬಂಟರ ಮಾತೃ ಸಂಘದ ಕೋಶಾಧಿಕಾರಿ ಕೃಷ್ಣಪ್ರಸಾದ್ ರೈ, ಒಕ್ಕೂಟದ ಜೊತೆ ಕಾರ್ಯದರ್ಶಿ ಸತೀಶ ಅಡಪ ಸಂಕಬೈಲ್, ಕ್ರೀಡಾಪಟು ರೋಹಿತ್ ಕುಮಾರ್ ಕಟೀಲ್ ಪಾಲ್ ಪಡೆದಿತ್ತೆರ್ .
ಲೇಸ್ ಡ್ ನಿಕಟಪೂರ್ವ ಗುರ್ಕಾರ್ಲಾಯಿನ ಉಲ್ಲಾಸ್ ಆರ್ ಶೆಟ್ಟಿ ಪೆರ್ಮುದೆ, ಸಂಘದ ಉಪಾಧ್ಯಕ್ಷ ಲೋಕಯ್ಯ ಶೆಟ್ಟಿ ಮುಂಚೂರು, ಪ್ರಧಾನ ಕಾರ್ಯದರ್ಶಿ ಪ್ರವೀಣ ಶೆಟ್ಟಿ ಸುರತ್ಕಲ್, ಕೋಶಾಧಿಕಾರಿ ರತ್ನಾಕರ ಶೆಟ್ಟಿ ಸುರತ್ಕಲ್, ಜೊತೆ ಕಾರ್ಯದರ್ಶಿ ಪುಷ್ಪರಾಜ ಶೆಟ್ಟಿ ಕುಡುಂಬೂರು, ಸಂಘಟನಾ ಕಾರ್ಯದರ್ಶಿ ದೇವೇಂದ್ರ ಶೆಟ್ಟಿ, ಸಾಂಸ್ಕೃತಿಕ ಕಾರ್ಯದರ್ಶಿ ಜಗನ್ನಾಥ ಶೆಟ್ಟಿ ಬಾಳ, ಕ್ರೀಡಾ ಕಾರ್ಯದರ್ಶಿ ಹರೀಶ್ ಶೆಟ್ಟಿ ಕಾಟಿಪಳ್ಳ, ಮಹಿಳಾ ವೇದಿಕೆದ ಅಧ್ಯೆಕ್ಷೆ ಚಿತ್ರಾ ಜೆ ಶೆಟ್ಟಿ, ಮಹಿಳಾ ಕ್ರೀಡಾ ಕಾರ್ಯದರ್ಶಿ ಅಕ್ಷತಾ ಜಿ ಶೆಟ್ಟಿ ಪಾಲ್ ಪಡೆದಿತ್ತೆರ್ . ಅನೂಪ್ ಶೆಟ್ಟಿ ಪ್ರಾರ್ಥನೆ ಮಲ್ತೆರ್ . ಲೋಕಯ್ಯ ಶೆಟ್ಟಿ ಎದುಕೊಂಡೆರ್ . ಪ್ರವೀಣ್ ಶೆಟ್ಟಿ ಸೊಲ್ಮೆ ಸಂದೈತ ಮಲ್ತೆರ್ . ರಾಜೇಶ್ವರಿ ಡಿ ಶೆಟ್ಟಿ ಲೇಸ್ ನಡಪಾದ್ ಕೊರಿಯೆರ್ .


ಲೇಸ್ ಡ್ ಐಕಳ ಹರೀಶ್ ಶೆಟ್ಟಿ, ಮೇಯರ್ ಪ್ರೇಮಾನಂದ ಶೆಟ್ಟಿ, ರೋಹಿತ್ ಕುಮಾರ್ ಕಟೀಲ್ ಮೊಕ್ಲೆಗ್ ಮಾನಾದಿಗೆ ಮಲ್ತೆರ್ . ಅಂಚನೆ ಸಂಘದ ವ್ಯಾಪ್ತಿದ ಪತ್ತ್ ಜನ ರಾಷ್ಟ್ರೀಯ ಕ್ರೀಡಾ ಪ್ರಶಸ್ತಿ ಪುರಸ್ಕೃತೆರೆಗ್ ಮಾನಾದಿಗೆ ಮಲ್ತೆರ್ .

Suratkal Bantara Sangha Sports meet.
World Bunts federation encourages sports- Aikala Harish Shetty.

Suratkal: Under the auspices of the the DK district Rajotsava award winning Bantara Sangha (R) Suratkal and the World Bunts federation had organised a sports meet at Govind das college Suratkal.
The president of World Bunts federation Aikala Harish Shetty hoisted the flag and inaugurated the sports meet.

The World Bunts federation along with social service , gives great importance to sports and encourages sports in rural areas. It also renders monetary aid to sports men in rural areas said Aikala Harish Shetty.

Sudhakar Punja president of Suratkal Bhunts association who presided over the program said that the association is very active in various fields like sports, education, agriculture and other cultural activities. Women and youth are an integral part of the association.The World Bunts federation and Bunts Matru Sangha has always rendered support to all activities of the Sangha.
Mayor Premananda Shetty was the guest of honour at the program.
Aikala Harish Shetty, Mayor Premananda Shetty and Rohit Kumar Kateel were honoured on the occasion.
Ten national sports persons were honoured on the occasion.

ಪಾವಂಜೆ ನಂದಿನಿ ತುದೆಕ್ ಲಾಗಿದ್ ತೀರ್ ಪೋಯಿನ ಶಿವಮೊಗ್ಗದ ಇಂಜಿನಿಯರ್

ಪಾವಂಜೆ : ಶಿವಮೊಗ್ಗದ ಇಂಜಿನಿಯರ್ ಪಾವಂಜೆ ತುದೆಕ್ ಲಾಗಿದ್ ತೀರ್ ಪೋಯಿನ ಘಟನೆ ಇನಿ ನಡತ್oಡ್.

ತೀರ್ ಪೋಯಿನರೆನ್ ಶಿವಮೊಗ್ಗ ಮೂಲದ ಸುಚೇಂದ್ರ ಕುಮಾರ್(39) ಪಂದ್ ಗುರ್ತಿಸಾದೆರ್ . ಶಿವಮೊಗ್ಗಡ್ ಇಂಜಿನಿಯರ್ ಆದ್ ಬೇಲೆ ಮಲ್ತೊಂದು ಇತ್ತಿನ ಸುಚೇಂದ್ರೆರ್ನ ಬೊಡೆದಿನ ಇಲ್ಲ್ ಚೇಳ್ಯಾರ್ಡ್ ಉಂಡು . ಬುಧಾರ ದಾನಿ ಕಾಂಡೆ ಇಲ್ಲರ್ದ್ ಪೋತಿನಾರ್ ನಾಪತ್ತೆ ಆದ್ ಇತ್ತೆರ್ . ೧೨ ಗಂಟೆದ ಪೊರ್ತುಡು ತುದೆಕ್ ಲಾಗಿನ ಮಾಹಿತಿ ತಿಕ್ಕುದುಂಡು ಜಾಗೆಗ್ ಬತ್ತಿನ ಮೂಲ್ಕಿ ಪೊಲೀಸೇರ್ ಕೈತಲ್ ದಕ್ಲೆನ ಸಾಕಾರೊಡು ಪುಣ ಮಿತ್ತ್ ದೆರ್ತೆರ್ .

ವರ್ಕ್ ಫ್ರಂ ಹೋಮ್‌ಡ್ ಬೇಲೆ ಮಲ್ತೊಂದು ಇತ್ತಿನ ಮೇರ್ ಮಾನಸಿಕ ಖಿನ್ನತೆ ಇತ್ತಿನೆರ್ದಾವರ ಈ ನಿರ್ಧಾರ ದೆತೊನ್ದಿನ ಸಾಧ್ಯತೆ ಉಂಡು ಪಂದ್ ಪೊಲೀಸ್ದಕುಲು ಪಂತೆರ್.

ಪಾವಂಜೆ ಸಂಕೊರ್ದು ಲಾಗಿದ್ ಸೈತಿನ ವ್ಯಕ್ತಿನ ಪುಣೊನು ಮಿತ್ತ್ ದೆರ್ತಿನ ಆಪದ್ಭಾಂಧವ ಆಸಿಫ್

ಹಳೆಯಂಗಡಿ : ಮೂಲ್ಕಿ ಠಾಣಾ ವ್ಯಾಪ್ತಿದ ಹಳೆಯಂಗಡಿದ ಕೈತಲ್ ಪಾವಂಜೆ ತುದೆತ ಕೈತಲ್ ಬೈಕ್ ಉಂತಾದ್ ಇಂಜಿನಿಯರ್ ಒರಿ ನಂದಿನಿ ತುದೆಕ್ ಲಾಗಿದ್ ಜೀವ ಬುಡ್ನ ಘಟನೆ ಇನಿ ನಡತುಂಡು.

ಈ ಪೊರ್ತುಡು ಟೋಲ್ ಗೇಟ್ ಪ್ರತಿಭಟನೆ ಧರಣಿ ಉಂತಿನ ಆಸಿಫ್ ಆಪತ್ಯಾಂಧವ ಮೆರೆಗ್ ತುರ್ತು ಕರೆ ಬತ್ತಿನ ಪೊರ್ತುಡು ಮೇರ್ ಸಾಕಾರ ಕೊರಿಯೆರ್.

ತಂಕ್ ಹ ಹುಷಾರ್ ಇಜ್ಜಂದಿನ ದಿನೊಟು ಅವ್ವೆತೋ ಜನ ಆಸ್ಪತ್ರೆಗ್ ಪೋಯಿ ಪಂದ್ ಪನ್ನಗ ಬರಂದಿನ ಆಸೀಫ್ , ದಾದ ಆಂಡಲಾ ತಾನ್ ಪ್ರತಿಭಟನೆ ಮಲ್ತೊಂದು ಉಪ್ಪುನ ಜಾಗೆ ಬುಡ್ದು ಧರಣಿ ಬರಯೇ ಪಂದ್ ಪಂದಿತ್ತೆರ್

ಇನಿ ಕಾಂಡೆ ನಡತಿನ ಘಟನೆ ಬಗ್ಗೆ ಏರ ಫೋನ್ ಮಲ್ತ್ ಪನ್ನಗ ಅಪಗನೆ ಓ ಕೊರ್ದು ಪ್ರತಿಭಟನೆ ಮಲ್ತೊಂದು ಇತ್ತಿನ ಚಾವಡಿ ಬುಡ್ದು ಘಟನಾ ಜಾಗೆಗ್ ಬತ್ತ್ದ್ ತುದೆತ ನಡುಕು ನೀನ್ದೊಂದು ಪೋದು ಪುನ ಮಿತ್ತ್ ದೆರ್ತೆರ್. ಈ ಪೊರ್ತುಡು ಸಾರ್ವಜನಿಕೆರ್ ಆಸಿಫ್ ಆಪದ್ಭಾಂಧವ ಮೆರೆಗ್ ಸಾಕಾರ ಕೊರಿಯೆರ್.

You Missed