Sat. Nov 21st, 2026

ಊರ್ದ ಸುದ್ದಿ Regional News

ಒಡಿಪು ಜಿಲ್ಲಾ ಮಟ್ಟದ ತೋಟಗಾರಿಕಾ ಬೊಕ್ಕ ಭತ್ತದ ಕೃಷಿ ಪಂಥಡ್ ಒಂಜೇ ಪೊರ್ತುಡು ರಡ್ಡ್ ಇನಾಮು ಪಡೆಯಿನ ರಾಯಲ್ ರತ್ನಾಕರ್‌ ಡಿ. ಶೆಟ್ಟಿ

ಒಡಿಪು ಜಿಲ್ಲಾ ಮಟ್ಟದ ತೋಟಗಾರಿಕಾ ಬೊಕ್ಕ ಭತ್ತದ ಕೃಷಿ ಪಂಥಡ್ ಒಂಜೇ ಪೊರ್ತುಡು ರಡ್ಡ್ ಇನಾಮು ಪಡೆದ್ ಪ್ರಶಸ್ತಿ ಪುರಸ್ಕೃತ ರೈತೆರ್ ಪಂದ್ ಪುದರ್ ಪಡೆದ್ ಗಣರಾಜ್ಯ ಉಚ್ಚಯ ದಾನಿ ಒಡಿಪು ಅಜ್ಜರಕಾಡು ಚಾವಡಿಡ್ ನಡತಿನ ಜಿಲ್ಲಾ ಮಟ್ಟದ ಲೇಸ್ ಡ್ ಉಸ್ತುವಾರಿ ಸಚಿವೆರ್, ಶಾಸಕೆರ್ ಜಿಲ್ಲಾಧಿಕಾರಿ, ಜಿಲ್ಲಾ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಬೊಕ್ಕ ಕೃಷಿ ಅಧಿಕಾರಿಲೆನ ಮುತಾಲಿಕೆಡ್ ಪ್ರಶಸ್ತಿ ಪುರಸ್ಕೃತೇರಾಯಿನ , ನಮ್ಮ ಮಾರ್ಗದರ್ಶಕೆರಾಯಿನ, ರಾಯಲ್ ರತ್ನಾಕರ್‌ ಡಿ. ಶೆಟ್ಟಿ ಇರೆಗ್ ಟೈಮ್ಸ್ ಆಫ್ ಕುಡ್ಲ ತುಲು ಪತ್ರಿಕಾ ಕೂಟ ದ ಪರವಾದ್ ಎಡ್ಡೆಪ್ಪುಲು.

ಕಿನ್ಯ ಗ್ರಾಮದ ಕಿನ್ಯಗುತ್ತು ಧರ್ಮದೈವಲೆನ ಚಾವಡಿಡ್ ಶ್ರೀ ಮಲರಾಯ ಬಂಟ ಬೊಕ್ಕ ಪರಿವಾರ ದೈವಲೆನ ಪುನರ್ ಪ್ರತಿಷ್ಠಾ ಕಲಶಾಭಿಷೇಕ

ಕುಡ್ಲ, ಮಾ.14: ಕಿನ್ಯ ಗ್ರಾಮದ ಕಿನ್ಯಗುತ್ತು ಧರ್ಮದೈವಲೆನ ಛಾವಡಿದ್ ಶ್ರೀ ಮಲರಾಯ ಬಂಟ ಬೊಕ್ಕ ಪರಿವಾರ ದೈವಲೆನ ಪುನರ್ ಪ್ರತಿಷ್ಠಾ ಕಲಶಾಭಿಷೇಕ ಬೊಕ್ಕ ಗ್ರಾಮ ದೈವಲಾಯಿನ ಕಿನ್ಯ ಬೆಳರಿಂಗೆ ಶ್ರೀ ಮಲರಾಯ, ಧೂಮಾವತಿ ಬೊಕ್ಕ ಬಂಟ ದೈವಲೆಗ್ ಧರ್ಮನೇಮ ಮಾ.23-27 ಮುಟ್ಟ ವರ್ಕಾಡಿ ಬೀಡು ಬ್ರಹ್ಮಶ್ರೀ ಶ್ರೀ ದಿನೇಶ್ ಕೃಷ್ಣ ತಂತ್ರಿಲೆನ ಮುತಾಲಿಕೆಡ್ ತಲಪಾಡಿ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯದ ಪ್ರಧಾನ ಅರ್ಚಕೆರ್ ಆಯಿನ ಶ್ರೀ ಗಣೇಶ್ ಭಟ್ ಉಪಸ್ಥಿತಿಡ್ ನಡಪರೆ ಉಂಡು.

ಕಾರ್ಯಕ್ರಮಲು:

ತಾ. 23-03-2022ನೇ ಬುಧವಾರ
ಕಾಂಡೆ 10-56ಗ್: ಗೊನೆ ಮುಹೂರ್ತ

ತಾ.24-03-2022ನೇ ಗುರುವಾರ
ಬಯ್ಯ 4.30 ಗ್: ಆಚಾರ್ಯಾದಿ ಋತ್ವಿಜರೆನ್ ಎದ್ಕೊನುನ, ಸ್ವಸ್ತಿ ಪುಣ್ಯಾಹ ವಾಚನ, ಸಪ್ತ ಶುದ್ದಿ, ಪ್ರಾಸಾದ ಶುದ್ದಿ, ವಾಸ್ತು ಪೂಜೆ, ವಾಸ್ತು ಹೋಮ, ವಾಸ್ತು ಬಲಿ, ರಾಕ್ಷೋಫ್ನ ಹೋಮ, ದೈವಲೆನ ಆದಿವಾಸ, ಪ್ರಸಾದ ಕೊರ್ಪಿನ ಲೇಸ್

ತಾ.25-03-2022ನೇ ಶುಕ್ರಾರ
ಸ್ವಸ್ತಿ ಪುಣ್ಯಾಹ ವಾಚನ, ಗಣಯಾಗ, ಕಲಶ ಪ್ರತಿಷ್ಠೆ, ಪ್ರತಿಷ್ಠಾ ಪ್ರಧಾನ ಹೋಮ
ಕಾಂಡೆ 9-56ತ್ತ ವೃಷಭ ಲಗ್ನದ ಶುಭ ಮುಹೂರ್ತಡ್ ಶ್ರೀ ಮಲರಾಯ, ಬಂಟ ಅಂಚನೆ ಪರಿವಾರ ದೈವಲೆನ ಪುನರ್ ಪ್ರತಿಷ್ಠಾ ಅಂಚನೆ ಕಲಶಾಭಿಷೇಕ, ನಾಗತಂಬಿಲ, ದೈವಲೆಗ್ ಪರ್ವ, ಪ್ರಸಾರ ವಿತರಣೆ, ನುಪ್ಪು ಸೇವೆ.

ತಾ.26-03-2022ನೇ ಶನಿವಾರ
ಮಧ್ಯಾಹ್ನ 12-05ಕ್ಕ್ : ಚಪ್ಪರ ಏರಿಪಾವುನ
ಮಧ್ಯಾಹ್ನ 1 ಗಂಟೆಗ್: ನುಪ್ಪುಸೇವೆ
ಮಧ್ಯಾಹ್ನ 3 -7 ಗಂಟೆ ಮುಟ್ಟ: ಭಜನಾ ಕಾರ್ಯಕ್ರಮ
ರಾತ್ರಿ 7.30 ಗ್: ಸಾಂತ್ಯಗುತ್ತು ಭಂಡಾರ ಗುಡಿರ್ದ್ ದೈವಲೆನ ಭಂಡಾರ ಬರ್ಪಿನವು.

ತಾ.27-03-2022ನೇ ಐತಾರ ಕಾಂಡೆ 9 ಗಂಟೆಗ್ ಶ್ರೀ ಮಲರಾಯ ದೈವದ ನೇಮ.
ಮಧ್ಯಾಹ್ನ 1 ಗಂಟೆಗ್: ನುಪ್ಪು ಸೇವೆ
ರಾತ್ರಿ 7.30 ಗ್: ಶ್ರೀ ಧೂಮಾವತಿ ಬಂಟ ದೈವದ ನೇಮ
ರಾತ್ರಿ 9 ಗಂಟೆಗ್: ನುಪ್ಪು ಸೇವೆ

ತಾ.28-03-2022ನೇ ಸೋಮಾರ
ರಾತ್ರಿ 7 ಗಂಟೆಗ್: ಸಾಂತ್ಯ ಸಾಂತೊಳಿಕ ಕೈತಲ್ ಶ್ರೀ ಕೋಮರಾಯ ಬೊಕ್ಕ ಪರಿವಾರ ದೈವಲೆಗ್ ಕೋಲ ಬೊಕ್ಕ ನುಪ್ಪು ಸೇವೆ.

ಸಾಂಸ್ಕೃತಿಕ ಕಾರ್ಯಕ್ರಮಲು:

ತಾ. 27-03-2022 ನೇ ಐತಾರದಾನಿ ಮಧ್ಯಾಹ್ನ 2.30 ರ್ದ್ 6.30 ಮುಟ್ಟ ಶ್ರೀ ದುರ್ಗಾಪರಮೇಶ್ವರಿ ಕಲಾ ಸಂಪದ ಕೇಶವ ಶಿಶು ಮಂದಿರ ಕಿನ್ಯಾ ಉಂದೆತ್ತ ಕಿನ್ಯ ಕಲಾವಿದೆರೆಡ್ದ್ ಯಕ್ಷ ಧ್ರುವ ಪಟ್ಲ ಶ್ರೀ ಸತೀಶ್ ಶೆಟ್ಟಿ ಬೊಕ್ಕ ತಲಪಾಡಿ ಶ್ರೀ ದೇವಿ ಪ್ರಸಾದ ಆಳ್ವ ಮುಕ್ಲೆನ ವಿಶೇಷವಾಯಿನ ಭಾಗವತಿಕೆಡ್ ಶ್ರೀ ಹರಿ ಲೀಲಾಮೃತಂ ಪನ್ಪಿನ ಯಕ್ಷಗಾನ ನಡಪರೆ ಉಂಡು. ಉಂದೆತ್ತ ನಿರ್ದೇಶನನ್ ಅಶ್ವಥ್ ಮಂಜನಾಡಿ ಮೇರ್ ಮಲ್ತ್ ದೆರ್.

ಮಾರ್ಚ್ 25ಕ್ಕ್ ಶುಕ್ರಾರದಾನಿ ಮಧ್ಯಾಹ್ನ 3 ಗಂಟೆಗ್ ತಲಪಾಡಿ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯರ್ದ್ ಪುದೆಕಾಣಿಕೆದ ಮೆರವಣಿಗೆ ನಡಪರೆ ಉಂಡು.

Mangalore ,March 14th: The Daivaradane of the deities associated with Kinya guttu will be held from March 23-27. It will be held at Varkadi beedu under the guidance of Sri Dinesh Krishna Tantri in the presence of the chief priest of Sri Durga parameshwari temple Talapadi.

The holy rituals will be conducted on all these days and on 27th there will be cultural programme; ie an Yakshgana performance ” Sri Hari Leelamrutam” from 2.30 p.m to 6.30 p.m.

On 25th Friday there will be a procession of “Hore Kanike ” from Sri Durga parameshwari temple Talapadi at 3p.m

Mangalore ,March 14th: The Daivaradane of the deities associated with Kinya guttu will be held from March 23-27. It will be held at Varkadi beedu under the guidance of Sri Dinesh Krishna Tantri in the presence of the chief priest of Sri Durga parameshwari temple Talapadi.

The holy rituals will be conducted on all these days and on 27th there will be cultural programme; ie an Yakshgana performance ” Sri Hari Leelamrutam” from 2.30 p.m to 6.30 p.m.

On 25th Friday there will be a procession of “Hore Kanike ” from Sri Durga parameshwari temple Talapadi at 3p.m

ಕಿನ್ಯ ಬೆಳರಿಂಗ ಭಂಡಾರ ಇಲ್ಲಡ್ ಶ್ರೀ ಮಲರಾಯ, ಧೂಮಾವತಿ, ಬಂಟ ಪರಿವಾರ ದೈವಲೆನ ವಾರ್ಷಿಕ ನೇಮ

ಕುಡ್ಲದ ಕಿನ್ಯ ಬೆಳರಿಂಗೆ ಭಂಡಾರಾಮನೆತ್ತ ಶ್ರೀ ಮಲರಾಯ ಧೂಮಾವತಿ ಬಂಟ ದೈವಲೆನ ಚಾರಿಟೇಬಲ್ ಟ್ರಸ್ಟ್ (ರಿ.) ಮುಕ್ಲೆನ ಮುತಾಲಿಕೆಡ್ ಶ್ರೀ ಮಲರಾಯ, ಧೂಮಾವತಿ, ಬಂಟ ಪರಿವಾರ ದೈವಲೆನ ವಾರ್ಷಿಕ ನೇಮ ಉಂದುವೇ ಬರ್ಪಿನ ಮಾರ್ಚ್ 23, ಬುಧಾರ ಬೊಕ್ಕ ಮಾರ್ಚ್ 24 ಗುರುವಾರದಾನಿ ಕಿನ್ಯದ ಬೆಳರಿಂಗೆ ಭಂಡಾರ ಇಲ್ಲಡ್ ನಡಪರೆ ಉಂಡು.

ಮಾರ್ಚ್ 23 ಕ್ಕ್ ಕಾಂಡೆ ಜಾಗೆದ ಶುದ್ಧಿ ಬೊಕ್ಕ ಗಣಪತಿ ಹೋಮ ಅಂಚನೆ ಬಯ್ಯಗ್ 6 ಗಂಟೆಗ್ ಚಪ್ಪರ ಏರಿಸಾವುನ ಬೊಕ್ಕ 7 ಗಂಟೆಗ್ ಸಭಾ ಕಾರ್ಯಕ್ರಮ ಮಸ್ತ್ ಬಿನ್ನೆರ್ನ ಉಪಸ್ಥಿತಿಡ್ ನಡಪರೆ ಉಂಡು. ಕತ್ತಲೆಗ್ 9 ಗಂಟೆಗ್ ಭಂಡಾರ ಏರಿಸಾವುನ ಬೊಕ್ಕ ನುಪ್ಪು ಸೇವೆಲ ನಡಪರೆ ಉಂಡು.

ಮಾರ್ಚ್ 24ಕ್ಕ್ ಗುರುವಾರದಾನಿ ಕಾಂಡೆ 8 ಗಂಟೆಗ್ ಶ್ರೀ ನಾಲ್ಕೈತ್ತಾಯ ದೈವಗ್ ನೇಮ ಬೊಕ್ಕ ಶ್ರೀ ಮಲರಾಯ ಬಂಟ ದೈವಲೆಗ್ ನೇಮ, ಗಂಧ ಪ್ರಸಾದ ಕೊರ್ಪಿನ ಬೊಕ್ಕ ಮಧ್ಯಾಹ್ನ ನುಪ್ಪು ಸೇವೆ ಉಂಡು.

ಕತ್ತಲೆಗ್ 8 ಗಂಟೆಗ್ ಶ್ರೀ ಧೂಮಾವತಿ ಬಂಟ ದೈವಲೆಗ್ ನೇಮ ಅಂಚನೆ ಗಂಧ ಪ್ರಸಾದ ಬೊಕ್ಕ ನುಪ್ಪು ಸೇವೆಲ ಆಯಿಬೊಕ್ಕ ಭಂಡಾರ ಜಪ್ಪರೆ ಉಂಡು.

ಮಾತ ಭಕ್ತಾಭಿಮಾನಿಲು ಈ ಲೇಸ್ ಗ್ ಬತ್ತ್ ದ್ ದೈವದ ಕಾರ್ಯಕ್ರಮಡ್ ದೈವದ ಗಂಧಪ್ರಸಾದ್ ಸ್ವೀಕರಿಸಾದ್ ದೈವದ ಕೃಪೆಗ್ ಪಾತ್ರರಾವೊಡ್ ಪಂದ್ ಆಡಳಿತ ಮಂಡಳಿದಕುಲು ಬಿನ್ನಾಪು ಮಲ್ತ್ ದೆರ್.

The Dhumavati Bunta Charitable trust , Mangalore will hold the annual rituals of Malaraya, Dhumavati and Parivar Banta on Wednesday the 23rd of March and Thursday the 24th at Belaringay Bandara house at Kinya.

There will be a social gathering on 23rd evening were many dignitaries are expected.

On the 24th ; customs and rituals associated with Dhumavati daivya will be held in the morning with holy prasad in the end.

All management has requested all devotees to take part in the rituals and seek blessings of the divine.

ದೇವಂದಬೆಟ್ಟು ಶ್ರೀ ಲಕ್ಷ್ಮೀ ವಿಷ್ಣುಮೂರ್ತಿ ದೇವಲ್ಯಡ್ ಮಾದರಿ ಬ್ರಹ್ಮಕಲಶ; ಸ್ವಯಂಸೇವಕೆರ್ನ ಸೇವೆಗ್ ಮಾನಾದಿಗೆ ಮಲ್ತಿನ ಪ್ರಮುಖೆರ್

ಬಂಟ್ವಾಳ, ಮಾ.14: ನಮ್ಮ ನಿರೀಕ್ಷೆರ್ದ್ ಲ ಎಚ್ಚಾದ್ ದೇವಂದಬೆಟ್ಟು ಬ್ರಹ್ಮಕಲಶ ಎಡ್ಡೆ ರೀತಿಡ್ ನಡತ್ಂಡ್. ಮಾತ ವಿಭಾಗಡ್ ಲ ಸ್ವಯಂ ಸೇವೆಕೆರ್ ಪಾಲ್ ಪಡೆದ್ ಬೇಲೆ ಮಲ್ತ್ ದೆರ್ ಪಂದ್ ವ್ಯವಸ್ಥಾಪನ ಸಮಿತಿದ ಅಧ್ಯಕ್ಷೆರ್ ರಮೇಶ್ ಉಪಾಧ್ಯಾಯ ತೆರಿಪಾಯೆರ್.

ದೇವೆರ್ನ ಅನುಗ್ರಹ ಇಜ್ಜಂದೆ ಒವ್ವೆ ರೀತಿದ ಬೇಲೆ ಆಯರೇ ಸಾಧ್ಯ ಇಜ್ಜಿ. ಮಾತ ಬೇಲೆ ಸಾನಿಧ್ಯದ ದೇವೆರ್ನ ಅನುಗ್ರಹಡ್ ನಡತ್ಂಡ್ ಪಂದ್ ಶಿವರಾಮ ಶಿಬರಾಯ ಪಂಡೆರ್.

ಬೇತೆ ಬೇತೆ ವಿಭಾಗಡ್ ಸ್ವಯಂ ಸೇವಕೆರ್ ಮಲ್ತಿನ ಸೇವೆನ್ ಗುರ್ತಿಸಾದ್ ಸಂಚಾಲಕೆರ್ ಆಯಿನ ತೇವು ತಾರಾನಾಥ ಕೊಟ್ಟಾರಿ ಎಡ್ಡೆಪ್ಪುನ್ ಬಯಕೆರ್. ಮಾತ ರೀತಿದ ಸಭೆನ್ ಮಲ್ತ್ ದ್ ಅವ್ವೆನ್ ಚರ್ಚಿಸಾದ್ ಅಗತ್ಯವಾಯಿನ ಕಾಮಗಾರಿನ್ ಮಲ್ತ್ ದ ಪಂದ್ ಬ್ರಹ್ಮಕಲಶ ಸಮಿತಿ ಅಧ್ಯಕ್ಷೆರ್ ಆಯಿನ ಸದಾನಂದ ಶೆಟ್ಟಿ ಪಂಡೆರ್.

ಗೌರವಾಧ್ಯಕ್ಷೆರ್ ನವೀನ್ ಚಂದ್ರ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಗಣೇಶ್ ಸುವರ್ಣ ತುಂಬೆ,ಅರ್ಚಕೆರ್ ರಾಧಾಕೃಷ್ಣ ಕಡಂಬಳಿತ್ತಾಯ, ವ್ಯವಸ್ಥಾಪನಾ ಸಮಿತಿದ ಸದಸ್ಯೆರ್ ಸತೀಶ್ ಶೆಟ್ಟಿ ಮೊಡಂಕಾಪು, ದಿವಾಕರ್ ಶೆಟ್ಟಿ ಕುಪ್ಪಿಲ, ಪುರುಷೋತ್ತಮ್ ಕೊಟ್ಟಾರಿ, ಅಮಿತಾ ವಿಶ್ವನಾಥ್ ದಾಸರಕೋಡಿ, ಉಮಾ ಲಿಂಗಪ್ಪ ತುಂಬೆ, ಪ್ರಮುಖೆರ್ ಆಯಿನ ಜನಾರ್ಧನ ಸಾಲ್ಯಾನ್ ಮುಂಡಾಜೆ, ಜ್ಯೋತಿಂದ್ರ ಶೆಟ್ಟಿ ಸೇರಿನಂಚನೆ ಮಸ್ತ್ ಜನ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಕೆನಡಾಡ್ ಆಟೋ ಅಪಘಾತಡ್ ತೀರ್ ಪೋಯಿನ 5 ಭಾರತೀಯ ಕಲ್ಪಾರ್ಥಿಲು

ಕೆನಡಾ : ಕೆನಡಾಡ್ ನಡತಿನ ಆಟೋ ಅಪಘಾತಡ್ 5 ಭಾರತೀಯ ಕಲ್ಪಾರ್ಥಿಲು ತೀರ್ ಪೋಯೆರ್ . ರಡ್ಡ್ ಜನ ಕಲ್ಪಾರ್ಥಿಲು ಆಸ್ಪತ್ರೆಡ್ ಮರ್ದ್ ಪಡೆಯೊಂದು ಉಲ್ಲೆರ್ ಪಂದ್ ಕೆನಡಾದ ಭಾರತದ ಕಮಿಷನರ್ ಅಜಯ್ ಬಿಸಾರಿಯಾ ಪಂತೆರ್.

ಮಾರ್ಚ್ 13 ಕ್ಕ್ ಟೊರೊಂಟೊ ಡ್ ಅಪಘಾತ ಆತುಂಡು. ಟೊರೊಂಟೊಡು ಉಪ್ಪುನ ಭಾರತೀಯ ಕಾನ್ಸುಲೇಟ್ ಜನರಲ್ ಕೂಟ ಸಹಾಯಗಾದ್ ತೀರ್ ಪೋಯಿನಕ್ಲೆನ ದೋಸ್ತಿ ನಕ್ಲೆನ ಒಟ್ಟುಗು ಸಂಪರ್ಕಡ್ ಉಲ್ಲೆರ್ .ಟ್ವಿಟರ್‌ಡ್ ಅಜಯ್ ಬಿಸಾರಿಯಾ ಮೇರ್ ಸಂತ್ರಸ್ತೆರ್ನ ಕುಟುಂಬಗ್ ಸಂತಾಪ ವ್ಯಕ್ತ ಮಲ್ದೆರ್ .

ನವೀನ್ ನ ಪುನ ಕನಯೆರೆ ವ್ಯವಸ್ಥೆ ಮಲ್ಪರೆ ಸೂಚನೆ ಕೊರಿನ ಪ್ರಧಾನಿ ಮೋದಿ

ಭಾರತ : ಉಕ್ರೇನ್ ಡ್ ನಡತೊಂದು ಉಪ್ಪುನ ಲಡಾಯಿದ ನೆಲೆಟ್ಟ್ ಭಾರತದ ಭದ್ರತಾ ಸನ್ನದ್ಧತೆ ಬೊಕ್ಕ ಪ್ರಚಲಿತ ಜಾಗತಿಕ ಸನ್ನಿವೇಶನ್ ಪರಿಶೀಲನೆ ಮಲ್ಪರೆ ಪ್ರಧಾನಿ ನರೇಂದ್ರ ಮೋದಿ ಗುರ್ಕಾರ್ಮೆಡ್ ಉನ್ನತ ಮಟ್ಟದ ಸಭೆ ನಡತ್oಡ್.

.

ಭದ್ರತಾ ಕುರಿತ ಸಂಪುಟ ಸಮಿತಿ ಸಭೆಟ್ ಯುದ್ಧಪೀಡಿತ ಉಕ್ರೇನ್ʼದ ಖಾರ್ಕಿವ್ಡ್ ಶೆಲ್ ದಾಳಿರ್ದ್ ತೀರ್ ಪೋಯಿನ ಎಂಬಿಬಿಎಸ್ ವಿದ್ಯಾರ್ಥಿ ನವೀನ್ ಶೇಖರಪ್ಪನ್ ಮೆರ್ನ ಪುನನ್ ಭಾರತಗ್ ಕನಯೆರೆ ಸಾಧ್ಯ ಆಪಿನ ಮಾತಾ ಪ್ರಯತ್ನ ಮಲ್ಪೊಡು ಪಂದ್ ಪ್ರಧಾನಿ ಮೋದಿ ನಿರ್ದೇಶನ ಕೊರಿಯೆರ್ .ತೀರ್ನ ವಿದ್ಯಾರ್ಥಿ ನವೀನ್ ಶೇಖರಪ್ಪ ಜ್ಞಾನಗೌಡರ್ ಹಾವೇರಿ ಜಿಲ್ಲೆದ ನಿವಾಸಿ ಆದ್ ಉಲ್ಲೆರ್ , ಕರಿನ ವಾರ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮೇರ್ ನವೀನ್ ಶೇಖರ್ ಪ್ಪನ ಕುಟುಂಬಗ್ ₹25 ಲಕ್ಷ ದ ಚೆಕ್ ಕೊರಿಯೆರ್ .

ಮೈಸೂರು ವಿ.ವಿ ರ್ದ್ ನಟ ದಿ. ಪುನೀತ್ ರಾಜ್ ಕುಮಾರ್ಗ್ ಮರಣೋತ್ತರ ಗೌರವ ಡಾಕ್ಟರೇಟ್

ಬೆಂಗ್ಳೂರು : ದಿವಂಗತ ನಟ ಪುನೀತ್ ರಾಜಕುಮಾರ್ ಗ್ ಮೈಸೂರು ವಿಶ್ವವಿದ್ಯಾನಿಲಯrd ಮರಣೋತ್ತರ ಗೌರವ ಡಾಕ್ಟರೇಟ್ ಕೊರಿಯೆರೆ ಉಲ್ಲೆರ್ ಪಂದ್ ಘೋಷಣೆ ಮಲ್ದೆರ್ . ಪುನೀತ್ ರಾಜ್ ಕುಮಾರ್ ಪುಟ್ಟು ಪರ್ಬಗ್ ಮೈಸೂರು ವಿವಿರ್ದ್ ಈ ಮುಖೇನ ಇನಾಮು ಕೊರೊಂದು ಉಲ್ಲೆರ್.

 

ಪುನೀತ್ ರಾಜಕುಮಾರ್ ಕುಟುಂಬದದಕ್ಲೆನ್ ಸಂಪರ್ಕ ಮಲ್ದ . ಪುನೀತ್ ನ ಬೊಡೆದಿ ಅಶ್ವಿನಿ ಘಟಿಕೋತ್ಸವಗ್ ಬರಿಯೆರೆ ಒಪ್ಪಿಯೆರ್ ಪಂದ್ ಮೈಸೂರು ವಿಶ್ವವಿದ್ಯಾನಿಲಯ ಕುಲಪತಿ ಪ್ರೋ ಹೇಮಂತ್ ಕುಮಾರ್ ಘೋಷಣೆ ಮಲ್ದೆರ್ .

ಮಾರ್ಚ್ 22 ಕ್ಕ್ ಮೈಸೂರು ವಿಶ್ವವಿದ್ಯಾನಿಲಯದ 102ನೇ ಘಟಿಕೋತ್ಸವ ಲೇಸ್ ನಡಪೆರೆ ಉಂಡು . ಈ ದಿನ ಮೂಜಿ ಮಹನೀಯೆರೆಗ್ ಗೌರವ ಡಾಕ್ಟರೇಟ್ ಕೊರಿಯೆರೆ ಉಲ್ಲ ಪಂದ್ ಪಂಡೆರ್. ಚಲನಚಿತ್ರ ನಟ ದಿವಂಗತ ಪುನೀತ್ ರಾಜಕುಮಾರಗ್ ಮರಣೋತ್ತರ ಡಾಕ್ಟರೇಟ್, ಪೆರಿಯ ವಿಜ್ಞಾನಿ ಡಾ ವಿ.ಎಸ್. ಅತ್ರೆ ಬೊಕ್ಕ ಜನಪದ ಗಾಯಕ ಮಳ್ಳವಳ್ಳಿ ಮಹಾದೇವಸ್ವಾಮಿ ಮೆಕ್ಲೆಗ್ ಗೌರವ ಡಾಕ್ಟರೇಟ್ ಕೊರಿಯೆರೆ ಉಲ್ಲೆರ್ ಪಂದ್ ಪಂಡೆರ್.

ನೀರ್ ದ ಕಟ್ಟ ಕಟ್ಟಾಲೆ , ಬೋರ್ ವೆಲ್ ಕೈಬುಡ್ಲೆ : ಡಾ.ಜಗದೀಶ್ ಬಾಳ

ಕೊಲ್ನಾಡ್ : ನಮ್ಮ ದೇಶೊಡು ನಾಶ ಏತೋ ತುದೆಕ್ ಲ್ನ ಪಟ್ಟಿಡ್ ಗಂಗಾ ನದಿಲ ಉಂಡು. ನಮಕ್ಕ್ ಜೀವ ಉಪ್ಪುನಗಲ ನೀರ್ ಬೋಡಾಪಿನತ್ತ್. ಸೈತಿ ಬೊಕ್ಕಲ ಭಸ್ಮ ದಕ್ಕರೆ ಆಂಡಲ ತುದೆ ಬೋಡು. ನಮಕ್ಕ್ ನೀರ್ ಬೋಡುಂದಾಂಡ ಬೋರ್ ವೆಲ್ ತೋಡಾವುನತ್ತ್. ನಮ್ಮಹಿರಿಯೆರ್ ಕಟ್ಟ್ ದಿನಂಚ ಅಲ್ಪಲ್ಪ ಕಟ್ಟ ಕಟ್ಟಾಲೆ ಪಂದ್ ಡಾ. ಜಗದೀಶ್ ಬಾಳ ಪಂಡೆರ್.ಆರ್ ಕೊಲ್ನಾಡ್ ಕೃಷಿ ಸಿರಿ ಮೇಳದ ಮೂಜಿನೇ ದಿನವಾಯಿನ ಐತಾರ ನಡತಿನ “ಜಲ ಸಂರಕ್ಷಣೆ” ಪನ್ಪಿನ ತೆರಿಪು ಕೂಟದ ಸಂಪನ್ಮೂಲ ವ್ಯಕ್ತಿಯಾದ್ ಪಂಡೆರ್.
ಕೋಲಾರಡ್ ಬೋಡಾಯಿನಾತ್ ಕೆರೆಕುಲು ಉಪ್ಪುನ ಗ ನೇತ್ರಾವತಿದ ನೀರ್ ಕೊ ನೊಪಿನವು ತಪ್ಪು. ತುಳು ನಾಡ್ ಡ್ ಲ ಏತೋ ಕೆರೆಕುಲು ಉಲ್ಲ. ಅವೆನ್ ಸ್ವಚ್ಛ ಮಲ್ತ್ ದ್ ನೀರ್ ದ ಮಟ್ಟನ್ ಎಚ್ಚ ಮಲ್ಪೊಡು. ನಮ್ಮ ನೈಸರ್ಗಿಕ ನಾಗ ಬನತ್ತಲ್ಪ ನೀರ್ ದ ಸೆಲೆ ಜಾಸ್ತಿ ಒರಿವುಂಡು. ದಾಯೆ ಪಂಡ ನಾಗನ ಪುಂಚಡ್ ಎಚ್ಚಿನ ಪ್ರಮಾಣದ ನೀರ್ ಶೇಖರಣೆ ಆಪುಂಡು. ಅಂಚಾದ್ ನಿಸರ್ಗ ಕೊರ್ತಿನ ನಾಗಬನೊಕ್ಲೆನ್ ಒರಿಪುಲೆ ಪಂಡೆರ್ ಡಾ.ಜಗದೀಶ್ ಬಾಳ ಪಂಡೆರ್.


ಬರ್ಸದ ನೀರ್ ಕಡಲ್ ಗ್ ಪೋದು ವ್ಯರ್ಥ ಆಪುಂಡು ಪನ್ಪುನ ವಾದ ತಪ್ಪು. ಕಡಲ್ ಗ್ ಬೋಡಾಯಿನಾತ್ ಬರ್ಸದ ನೀರ್ ಜತ್ತ್ ಪೋಯಿಜಿಡ ಮೀನುಗಾರಿಕೆ ಗ್ ಬಾರಿ ನಷ್ಟ ಆಪುಂಡು. ಬೋಡಾಪಿನಾತ್ ಪ್ರಮಾಣದ ಬರ್ಸಲ ಬರ್ಪುಜಿ ಪಂಡೆರ್.
ಮುರ ಸದಾಶಿವ ಶೆಟ್ಟಿ ಗುರ್ಕಾರ್ಮೆ ಒಯಿಸ್ ದಿತ್ತೆರ್. ಪಿಡಿಒ ರಮೇಶ್ ನಾಯ್ಕ್ , ಪುಷ್ಪ ಯಾನೆ ಶ್ವೇತಾ, ದಯಾನಂದ ಶೆಟ್ಟಿ ಮತ್ತರ್ಮೆಡ್ ಇತ್ತೆರ್. ನವೀನ್ ಕುಮಾರ್ ಎಡ್ಮೆಮಾರ್ ಕೂಟ ಸುಧಾರಿಕೆ ಮಲ್ತೆರ್.

“ಪೊಯ್ಯೆ ದೆಪ್ಪುನ ತಪ್ಪತ್ತ್, ಆಂಡ ಮಿತಿ ತಪ್ಪರೆ ಬಲ್ಲಿ”

ತುದೆಟ್ಟ್ ಸಾಂಪ್ರದಾಯಿಕ ರೀತಿಡ್ ಪೊಯ್ಯೆ ದೆಪ್ಪುನ ತಪ್ಪತ್ತ್. ಆಂಡ ಅವು ಅತಿ ಆವರೆ ಬಲ್ಲಿ ಪಂದ್ ಡಾ. ಜಗದೀಶ್ ಬಾಳ ಪಂಡೆರ್.
ತುದೆತ್ತ ಪೊಯ್ಯೆ ದೆತ್ತಿಜಿಡ ಪೊಯ್ಯೆ, ಕಜವು ಕೆಸರ್ ಸೇರ್ ದ್ ನೀರ್ ದ ಪ್ರಮಾಣ ಕಮ್ಮಿ ಆಪುಂಡು. ಆಂಡ ಅಮೃತಲ ಎಚ್ಚಾಂಡ ಇಸ ಆಪುಂಡು ಪನ್ಪಿಲೆಕ್ಕ ಇತ್ತೆದ ಪೊಯ್ಯೆ ದೆಪ್ಪುನ ಪದ್ದತಿ ರ್ದಾತ್ರ ತುದೆತ್ತ ದಂಡೆ, ಸಂಕ ಪೂರ ನಾಶ ಆಪುಂಡು. ಅಂಚಾದ್ ಮಿಷಿನ್ ಗಲಸ್ ದ್ ಪೊಯ್ಯೆ ದೆಪ್ಪುನ ಪದ್ಧತಿ ಸರಿಯತ್ತ್ ಪಂಡೆರ್. ಸಾಂಪ್ರದಾಯಿಕ ವ್ಯವಸ್ಥೆ ಡ್ ಸಕ್ರಮವಾದ್ ಪೊಯ್ಯೆ ದೆಪ್ಪುನೆಕ್ಕ್ ಸಮಸ್ಯೆ ಇಜ್ಜಿ ಪಂಡೆರ್.

ದುಂಬುದ ಪೀಳಿಗೆಗ್ ರೈತೆರ್ ರೋಲ್ ಮಾಡೆಲ್ ಆವೊಡು: ಕೇಮಾರು ಈಶ ವಿಠಲದಾಸ ಸ್ವಾಮೀಜಿ

ಕೊಲ್ನಾಡ್ : ರಾಜ್ಯ ಮಟ್ಟದ ಕೃಷಿ ಮೇಳ ಕೃಷಿ ಸಿರಿ-2022 ರಡ್ಡನೇ ದಿನ ಸನಿಯಾರ ಬಯ್ಯಡ್ ರಾಮಕೃಷ್ಣ ಪೂಂಜ ವೇದಿಕೆಡ್ ನಡತಿನ ಸಭಾ ಕಾರ್ಯಕ್ರಮ ಬೊಕ್ಕ ಸಾಧಕರೆಗ್ ಮಾನಾದಿಗೆ ಲೇಸ್ ಡ್ ಕೇಮಾರು ಸಾಂದೀಪನಿ ಮಠತ್ತ ಶ್ರೀ ಈಶ ವಿಠಲದಾಸ ಸ್ವಾಮೀಜಿ ದೀಪ ಉದಿಪನ ಮಲ್ತೆರ್.


ಪ್ರಶಾಂತ್ ಪೈ ಪ್ರಸ್ತಾವನೆ ಮಲ್ತೆರ್.
ಪತ್ರಕರ್ತೆರ್ ನರೇಂದ್ರ ಕೆರೆಕಾಡ್ ಬಿನ್ನೆರೆನ್ ಎದ್ಕೊಂಡೆರ್.ಆಶೀರ್ವಚನ ಮಲ್ತ್ ಪಾತೆರಿನ ಕೇಮಾರು ಈಶ ವಿಠಲದಾಸ ಸ್ವಾಮೀಜಿ, “ನಮ ಸಾಧ್ಯ ಆಂಡ ಒರಿಯನ ದುಃಖನ್ ಕಮ್ಮಿ ಮಲ್ಪೊಡು. ಏರ್ನ ಕುಷಿನ್ ಲ ಒಯಿಪರೆ ಬಲ್ಲಿ. ನಮ ಐಟಿ ಬಿಟಿ ಕ್ಷೇತ್ರಡ್ ಮಸ್ತ್ ದುಂಬು ಉಲ್ಲ. ಆಂಡ ಅಯಿರ್ದ್ ಬಂಜಿ ದಿಂಜುಜಿ. ನಮ್ಮ ಬಂಜಿ ದಿಂಜೊಡಾಂಡ ನುಪ್ಪು ಬೋಡು. ರಾಜಕಾರಣಿಲೆಗ್ ಎಸಿ ಕಾರ್, ಗನ್ ಮ್ಯಾನ್, ಎಸ್ಕಾರ್ಟ್ ಕೊರ್ಪೆರ್. ಅಕ್ಲೆನ ಬದಲ್ ರೈತೆರೆಗ್ ಅಂಚಿನ ಸವಲತ್ತು ಕೊರ್ಪಿಲೆಕ್ಕಾವೊಡು. ನಮ್ಮ ಜೋಕುಲೆಗ್ ಸಿನಿಮಾ ಸ್ಟಾರ್ಸ್, ಕ್ರಿಕೆಟ್ ಸ್ಟಾರ್ಸ್ ರೋಲ್ ಮಾಡೆಲ್ ಆತೆರ್.ಅಯಿತ ಬದಲ್ ರೋಲ್ ಮಾಡೆಲ್ ಆವೊಡು. ಕೃಷಿ ಮೇಳದಂಚಿನ ಕಾರ್ಯಕ್ರಮ ಅಲ್ಪಲ್ಪ ಆವೊಡು. ಉಂದು ಯುವಮನಸ್ಸ್ ಲೆಗ್ ಪ್ರೇರಣೆ ಆವಡ್ ಪಂಡೆರ್.ಎಸ್ ಸಿಡಿಸಿಸಿ ಬ್ಯಾಂಕ್ ಅಧ್ಯಕ್ಷೆರ್ ಡಾ. ಎಂ. ಎನ್. ರಾಜೇಂದ್ರ ಕುಮಾರ್ ಪಾತೆರ್ದ್, ” ದುಂಬುದ ಕಾಲೊಡು ಜೈ ಜವಾನ್ ಜೈ ಕಿಸಾನ್ ಪನ್ಪಿನ ಪಾತೆರ ಇತ್ತ್ಂಡ್. ಆಂಡ ಇನಿ ದೇಶದ ರೈತೆರ್ನ ಬೆರಿಮುಲ್ಲು ಪೊಲಿದ್ಂಡ್. ಬ್ಯಾಂಕ್ ದಕುಲು ಲೋನ್ ಕೊರ್ಪುಜೆರ್. ಸರಕಾರ ಪೊರ್ತುಗು ಸರಿಯಾದ್ ಬೆಂಬಲ ಬೆಲೆ ಕೊರೊಂದಿಜ್ಜಿ. ಅಂಚಾದ್ ಕೃಷಿಕೆರ್ ಕೃಷಿರ್ದ್ ದೂರ ಪೋಪಿಲೆಕ್ಕಾ ತ್ಂಡ್. ಈ ವಿಚಾರೊಡು ಸರ್ಕಾರ ಗಮನ ಕೊರೊಡು. ಜವಣೆರೆನ್ ಕೃಷಿ ತ್ತಂಚಿ ಒಯಿಪೊಡು ಪಂಡೆರ್.
ಇಸ್ಕಾನ್, ಕುಡ್ಲ ದ ಸನಂದನಾ ದಾಸ್ ಆಶೀರ್ವಚನ ಮಲ್ತೆರ್.
ಮತ್ತರ್ಮೆಡ್ ಗಣ್ಯೆರ್ನ ಎದುರುಡು ಕೃಷಿ ಸಾಧಕೆರಾಯಿನ ಗಣಪತಿ ಭಟ್ ಎಸ್. ಕೆ. ಬಂಟ್ವಾಳ, ಸುಧಾಕರ್ ಪೂಜಾರಿ ಕೇಪು, ಚಂದ್ರಶೇಖರ ಆಚಾರ್ಯ ಕೋಟೇಶ್ವರ, ಹರಿಕೃಷ್ಣ ತೋಡಿನ್ನಾಯ ಕಿನ್ನಿಗೋಳಿ, ಕಾಳಪ್ಪ ಪಿರಿಯಾಪಟ್ಟಣ ಮೊಕ್ಲೆನ ಮಾನಾದಿಗೆ ಮಲ್ತೆರ್.
ಕೃಷಿ ಮೇಳದ ಅಧ್ಯಕ್ಷೆರ್ ವಿಜಯ ಶೆಟ್ಟಿ, ಮೂಲ್ಕಿ ಸೀಮೆದ ಅರಸೆರ್ ದುಗ್ಗಣ್ಣ ಸಾವಂತೆರ್, ಡಾ. ನಿಟ್ಟೆ ವಿಶ್ವವಿದ್ಯಾನಿಲಯ ಅಸೋಸಿಯೇಟ್ ಅಮರಶ್ರೀ ಅಮರನಾಥ್ ಶೆಟ್ಟಿ, ಹುಬ್ಬಳ್ಳಿ ಪಂಜುರ್ಲಿ ಗ್ರೂಪ್ ಆಫ್ ಹೋಟೆಲ್ಸ್ ಧಣಿ ರಾಜೇಂದ್ರ ವಿ. ಶೆಟ್ಟಿ, ಪಡುಬಿದ್ರಿ ಬಂಟರ ಸಂಘದ ಮಾಜಿ ಅಧ್ಯಕ್ಷೆರ್ ಸಾಂತೂರು ಭಾಸ್ಕರ ಶೆಟ್ಟಿ, ವೆಂಕಟರಮಣ ದೇವಸ್ಥಾನ ಆಡಳಿತ ಮೊಕ್ತೇಸರೆರ್ ಅತುಲ್ ಕುಡ್ವ, ರಾಘವೇಂದ್ರ ನೆಲ್ಲಿಕಟ್ಟೆ, ಮೂಲ್ಕಿ ಜೀವನ್ ಶೆಟ್ಟಿ, ಬೆಳಪು ದೇವಿಪ್ರಸಾದ್ ಶೆಟ್ಟಿ, ಕೃಷಿ ಇಲಾಖೆ ಸಹಾಯಕ ನಿರ್ದೇಶಕಿ ವೀಣಾ ಕೆ. ಆರ್., ಜಗದೀಶ್ ಶೆಟ್ಟಿ ಐರೋಳಿ, ಸತೀಶ್ ಶೆಟ್ಟಿ ಕೊಟ್ರಪ್ಪಾಡಿ ಇತ್ತೆರ್.
ನಿತೇಶ್ ಶೆಟ್ಟಿ ಎಕ್ಕಾರ್ ಲೇಸ್ ಸುದಾರಿಕೆ ಮಲ್ತೆರ್.

ವಿಶ್ವ ಯುದ್ಧದ ಪೋಡಿಗೆ : ರಷ್ಯಾದ ಗಡುಟು ಅಮೇರಿಕದ 12ಸಾರ ಸೈನಿಕೆರ್

ಕೀವ್‌/ಮಾಸ್ಕೋ: ಉಕ್ರೇನ್‌ ಬೊಕ್ಕ ರಷ್ಯಾ ನಡುಟು ಯುದ್ಧ ಆಯಿನಾತ್ ಬೇಗ “ಮೂಜನೇ ವಿಶ್ವ ಯುದ್ಧ’ ಆದ್ ಬದಲ್ ಆಯರೇ ಉಂಡು ಪಂದ್ ಪ್ರಶ್ನೆ ಜಾಸ್ತಿ ಆವೊಂದು ಉಂಡು.ಅಮೆರಿಕ ಅಧ್ಯಕ್ಷ ಜೋ ಬೈಡೆನ್‌ ಮೇರ್ ಶನಿವಾರ ಅಪಗನೆ ತನ್ನ 12 ಸಾರ ಸೈನಿಕೆರೆನ್ ರಷ್ಯಾದ ಗಡುಟು ಯುದ್ದಗ್ ನಿಯೋಜನೆ ಮಲ್ದೆರ್ .

ರಷ್ಯಾದೊಟ್ಟುಗು ಗಡು ಪತ್ತಿನ ಲಾಟ್ವಿಯಾ, ಎಸ್ಟೋನಿಯಾ, ಲಿಥುವೇನಿಯಾ, ರೊಮೇನಿಯಾ ದೇಶಡ್ ಅಮೆರಿಕದ ಸೇನೆ ಉಂಡು . ಐತ ಒಟ್ಟುಗು , ಉಕ್ರೇನ್‌ಡ್ ಸುರು ಮಲ್ತಿನ ಲಡಾಯಿ ಪುತಿನ್‌ ಗ್ ವಾ ಕಾರಣಗ್ಲಾ ಗೆಂದಾವುಜಿ ಪಂದ್ ಬೈಡೆನ್‌ ಪಂತೆರ್.

You Missed