Sat. Nov 21st, 2026

ಊರ್ದ ಸುದ್ದಿ Regional News

ಇನಿ ಹಿಂದೂ ಯುವಸೇನೆ ಬೈರಂಪಲ್ಲಿ ಘಟಕದ ಉದಿಪನ

ಬಂಟ್ವಾಳ : ಹಿಂದೂ ಯುವ ಸೇವೆ ಸೇನೆ ಭೈರಂಪಳ್ಳಿ ಘಟಕದ ಉಧಿಪನದ ಲೇಸ್ , ಶ್ರೀ ಸತ್ಯನಾರಾಯಣ ಪೂಜೆ ಬೊಕ್ಕ ಮಹಾ ಅನ್ನಸಂತರ್ಪಣೆ ತಾರಿಕ್ ಮಾರ್ಚ್ 13 ಐತಾರ ಕಾಂಡೆ 11 ಗಂಟೆಗ್ ಶ್ರೀ ಶೀರೂರು ಮೂಲ ಮಠದ ಶ್ರೀ ವಿಠಲ ಮುಖ್ಯಪ್ರಾಣ ದೇವೆರ್ನ ದೇವಲ್ಯೊಡು ನಡಪೆರೆ ಉಂಡು ಪಂದ್ ಘಟಕದ ಗುರ್ಕಾರ್ಲಾಯಿನ ಶ್ರೀ ಸದಾಶಿವ ಸಾಲ್ಯಾನ್ ಪಂತೆರ್ .

ಲೇಸ್ ಡ್ ಕಾಣಿಯೂರು ಮಠದ ಪರಮಪೂಜ್ಯ ಶ್ರೀ ಶ್ರೀ ಶ್ರೀ ವಿದ್ಯಾವಲ್ಲಭತೀರ್ಥ ಸ್ವಾಮೀಜಿಲು ಆಶೀರ್ವಚನ ಕೊರಿಯೆರೆ ಉಲ್ಲೆರ್ , ದಕ್ಷಿಣ ಕನ್ನಡ ಬೊಕ್ಕ ಒಡಿಪು ಜಿಲ್ಲಾ ಮೀನು ಮಾರಾಟ ಫೆಡರೇಷನ್ ಗುರ್ಕಾರ್ಲಾಯಿನ ಯಶ್‌ಪಾಲ್ ಸುವರ್ಣ ಪೊಸ ಘಟಕನ್ ಉದಿಪನ ಮಲ್ಪರೆ ಉಲ್ಲೆರ್

ಜೈ ತುಲುನಾಡ್ (ರಿ.) ವತಿರ್ದ್ ಮಾಡ ತೀಯ ಸಮಾಜಡ್ ಬಲೆ ತುಲು ಲಿಪಿ ಕಲ್ಪುಗ ಕಜ್ಜ ಕೊಟ್ಯದ ಮುಗಿತಲದ ಲೇಸ್

ಜೈ ತುಲುನಾಡ್(ರಿ)ಸಂಘಟನೆ ,ಕಾಸ್ರೋಡು ಎಗ್ಗೆ ಬೊಕ ಕರ್ನಾಟಕ ತುಲು ಸಾಹಿತ್ಯ ಅಕಾಡೆಮಿದ ಒತ್ತು ಸೆರಿಗೆಡ್ ,ಮಂಜೇಶ್ವರ ದ ಉಧ್ಯಾವರ ಮಾಡದ ಕೈತಲ್ ತೀಯ ಸಮಾಜ ಭವನಡ್ ನಡತಿನ ‘ಬಲೇ ತುಲು ಲಿಪಿ ಕಲ್ಪುಗ’ ಕಜ್ಜ ಕೊಟ್ಯದ ಮುಗಿತಲದ ಲೇಸ್ ,ಉಧ್ಯಾವರ ಅರಸು ಮಂಜಿಷ್ಣಾರ್ ದೈವೊಲೆನ ಪಾತ್ರಿಲೆನ ಆಶೀರ್ವಾದದ ಬಲೊಟು ತೇದಿ.12–03–2022 ತಾನಿ ಮಾಡ ತೀಯಾ ಸಮಾಜಭವನಡ್ ನಡತ್ಂಡ್ .

ಲೇಸ್ ದ ಗುರ್ಕರ್ಮೆನ್ ಜೈ ತುಲುನಾಡ್ ಸಂಘಟನೆ ಕಾಸ್ರೋಡು ಎಗ್ಗೆದ ಗುರಿಕಾರೆರ್ ಹರಿಕಾಂತ್ ಕಾಸ್ರೋಡು ವಯಿಸೊಂದು,ಮಲ್ಲ ಬಿನ್ನೆರಾದ್ ಸಮಾಜ ಸೇವಕೆ ಹರೀಶ್ ಶೆಟ್ಟಿ ಮಾಡ ಪಾಲ್ ಪಡೆಯೆರ್ .ಲೇಸ್ ದ ಸುರೂಕು ಮಾಡ ಪರಿಸರೊಡು ಸಮಾಜ ಸೇವೆ ಮಂತ್ದ್ ದೇವೆರೆ ಪಾದ ಸಂದಿನ ಚೈತ್ರೇಶ್ ಬೊಕ ದಿ |ಬಾಬು ಮಾಸ್ಟರ್ ಮುಕ್ಲೆಗ್ ಒಂಜಿ ನಿಮಿಷದ ಮೌನ ಸುಗಿಪು ಸಂದಾಂಡ್ .

ತುಲು ಲಿಪಿ ಪರೀಕ್ಷೆ ಬರೆದ್ ಪಾಸ್ ಆಯಿನಕ್ಲೆಗ್ ಆಜೋಲೆ ಪಟ್ಟ್ಂಡ್ ,ಕಲ್ಪಾಧಿನಕ್ಲೆಗ್ ಮಾನಾದಿಗೆ ಮಂತೆರ್. ಲೇಸ್ ನ್ ತುಲು ಲಿಪಿ ಕಲ್ಪಾಧಿ ಕಾರ್ತಿಕ್ ಪೆರ್ಲ ಎದ್ಕೊಂದು,ಕುಶಲಾಕ್ಷಿ ಕಣ್ವತೀರ್ಥ ಸೊಲ್ಮೆ ಸಂದಾಯೆರ್,ಕಲ್ಪಾಧಿ ವಿನೋದ ಪ್ರಸಾದ್ ರೈ ಲೇಸ್ ಸುಧಾರಿಕೆ ಮಂತೆರ್.

ಕುಡ್ಲಡ್ ಬೈಕ್ ಡ್ ವೀಲಿಂಗ್ ಸ್ಟಂಟ್ : 7 ಜನನ್ ಪತ್ತಿನ ಪೊಲೀಸ್ ದಕುಲು

ಕುಡ್ಲ : ಬೈಕ್‌ ಡ್ ವೀಲಿಂಗ್‌ ಸ್ಟಂಟ್‌ ಮಲ್ತಿನ ನೆಲೆಟ್ಟ್ ಕುಡ್ಲ ಸಂಚಾರ ದಕ್ಷಿಣ ಠಾಣೆದ ಪೊಲೀಸೆರ್ ಪ್ರಕರಣ ದಾಖಲ್ ಮಲ್ತ್ 7 ಜನನ್ ಪತ್ತ್ ದೆರ್ .

ತಿಕ್ಕ್ ಬೂರಿನ ಜವಣ್ಯೆರೆನ್ ಕಿಶನ್ ಶೆಟ್ಟಿ, ಇಲ್ಯಾಸ್ ಜೀಯಾನ್, ಸಫ್ವಾನ್, ಮೊಹಮ್ಮದ್ ಅನೀಜ್, ತೌಸೀಫ್ ಮೊಹಮ್ಮದ್ ಬೊಕ್ಕ ಮಹಮ್ಮದ್ ಅನೀಜ್ ಪಂದ್ ಗುರ್ತಿಸಾದೆರ್.

ಇಲ್ಯಾಸ್‌ ಜಿಯಾನ್‌ ಪನ್ಪಿನಾಯೆ ಮಾ.1ರ್ದ್ 6 ತಾರಿಕ್ ಮುಟ ನೋಂದಣಿ ಸಂಖ್ಯೆ ಇಜ್ಜಂದಿನ ಬೈಕ್‌ಡ್ ರಡ್ಡ್ ಜನನ್ ಕುಲ್ಲಾವೊಂದು ತೊಕ್ಕೊಟ್ಟು ಓವರ್‌ ಬ್ರಿಡ್ಜ್ ರ್ದ್ ಉಳ್ಳಾಲ ಬೈಲ್‌ ಮುಟ ಅಂಚನೆ ನಾಗುರಿರ್ದ್ ಸಂಚಾರ ದಕ್ಷಿಣ ಪೊಲೀಸ್‌ ಠಾಣೆ ಮುಟ ವೀಲಿಂಗ್‌ ಸ್ಟಂಟ್‌ ಮಲ್ತೊಂದು ಒಟ್ಟಾರೆ ಬೇತೆ ಗಾಡಿ ಬೊಕ್ಕ ಜನಕ್ಲೆಗ್ ಬಂಗ ಆಪುಲಕ ಪೋವೊಂದು ಇತ್ತೇ ಈ ಬಗ್ಗೆ ವೀಡಿಯೋನ್ ಮಾ.10ಕ್ಕ್ ಇನ್‌ಸ್ಟಾಗ್ರಾಂಡ್ ಪಾಡ್ದ್ ಇತ್ತೇ ಅವು ವೈರಲ್ ಆದ್ ಇತ್ತೇ ಪ್ರಕರಣ ದಾಖಲ್ ಆತುಂಡು.

ಮಾ.19 ಗ್ ಕುಡ್ಲಗ್ ಬರ್ರೆ ಉಲ್ಲೆರ್ ಜ್ಞಾನಪೀಠ ಪ್ರಶಸ್ತಿ ವಿಜೇತ ಕೊಂಕಣಿ ಸಾಹಿತಿ ದಾಮೋದರ ಮೌಜೊ

ಕುಡ್ಲ : ಜ್ಞಾನಪೀಠ ಪ್ರಶಸ್ತಿ ಘೋಷಿತ ಕೊಂಕಣಿ ಲೇಖಕ ದಾಮೋದರ ಮೌಜೊ ಮಾರ್ಚ್ 19ಗ್ ಕುಡ್ಲಗ್ ಬರ್ರೆ ಉಲ್ಲೆರ್.

ವಿಶ್ವ ಕೊಂಕಣಿ ಕೇಂದ್ರಡ್ ಮಾರ್ಚ್ 20 ಗ್ ಕಾಂಡೆ 10 ಗಂಟೆಗ್ ನಡಪರೆ ಉಪ್ಪುನ
ವಿಮಲಾ ವಿ. ಪೈ ವಿಶ್ವ ಕೊಂಕಣಿ ಸಾಹಿತ್ಯ ಪುರಸ್ಕಾರ ಬೊಕ್ಕ ಬಸ್ತಿ ವಾಮನ ಶೆಣೈ ವಿಶ್ವ ಕೊಂಕಣಿ ಸೇವಾ ಪುರಸ್ಕಾರ ಪ್ರದಾನ ಲೇಸ್ ಡ್ ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆದ್ ಅಭಿನಂದನಾ ಭಾಷಣ ಕೊರಿಯೆರೆ ಉಲ್ಲೆರ್.

19 ತಾರಿಕ್ ಗ್ ವಿಶ್ವ ಕೊಂಕಣಿ ಕೇಂದ್ರ ಮಬೊಕ್ಕ ತ್ತು ಕೇಂದ್ರ ಸಾಹಿತ್ಯ ಅಕಾಡೆಮಿದ ಒಟ್ಟು ಸೇರಿಗೆಡ್ ನಡಪೆರೆ ಉಪ್ಪುನ “ಬಸ್ತಿ ವಾಮನ ಶೆಣೈ – ಜೀವನ ಬೊಕ್ಕ ಕಾರ್ಯ” ನೆತ್ತ ಬಗ್ಗೆ ಸಿಂಪೊಸಿಯಮ್ ಡ್ ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆಯೆರೆ ಉಲ್ಲೆರ್.

ಚೀನಾಡ್ ಕುಡ ಕೊರೋನಾ ಸೀಕ್ ; ಕುಡ ಲಾಕ್ ಡೌನ್ !!

ಚೀನಾ : ಕೊರೊನಾ ವೈರಸ್ದ ಒಮೈಕ್ರಾನ್ ತಳಿತ ಪರಿಣಾಮ ಚೀನಾಡ್ ಕೋವಿಡ್ ಸೋಂಕು ಬಾರಿ ಬೇಗಡ್ ಪಸರೊಂದು ಉಂಡು ಪಂದ್ ವರದಿ ಆತುಂಡು.

ಈ ನೆಲೆಟ್ಟ್ ಸೋಂಕಿತೆರ್ನ ತ್ವರಿತ ಪತ್ತೆಗಾದ್ ರ‍್ಯಾ‍ಪಿಡ್‌ ಆಯಂಟಿಜೆನ್‌ ಪರೀಕ್ಷೆ ಮಲ್ತೊಂದು ಉಲ್ಲೆರ್ ಪಂದ್ ಚೀನಾ ಸರ್ಕಾರ ಪಂತುಂಡು .
ಈ ಮುಖೇನ ಸೊಂಕಿತೆರ್ನ ಪತ್ತೆಗಾದ್ ಉಂದುವೇ ಸುರುತ ಸಲ ಚೀನಾ ರ‍್ಯಾ‍ಪಿಡ್‌ ಆಯಂಟಿಜೆನ್‌ ಪರೀಕ್ಷೆ ಮಲ್ತೊಂದು ಉಂಡು.
ಮಾರ್ಚ್ 10ಕ್ಕ್ ಚೀನಾಡ್ 528ರ್ದ್ ಜಾಸ್ತಿ ಕೊರೊನಾ ಪ್ರಕರಣ ತೊಜೀದ್ ಬೈದುಂಡು .

ಭಾರತೀಯ ದೇಶಿಯ ಕ್ರಿಕೆಟ್ಗ್ ವಿದಾಯ ಪಂಡಿನ ಶ್ರೀಶಾಂತ್

ಹೊಸದಿಲ್ಲಿ,: 2011ನೇ ಐಸಿಸಿ ಏಕದಿನ ವಿಶ್ವಕಪ್ ಗೆಂದಿನ ಕೂಟದ ಸದಸ್ಯ ಎಸ್.ಶ್ರೀಶಾಂತ್ ಭಾರತದ ದೇಶೀಯ ಕ್ರಿಕೆಟ್‌ದ ಜೀವನೊಗು ವಿದಾಯ ಪಂತೆರ್ . ಕೇರಳದ ಬಾರಿ ಬೇಗದ ಬೌಲರ್ ಶ್ರೀಶಾಂತ್ ಟ್ವಿಟರ್‌ದ ಮುಖೇನ ಈ ಘೋಷಣೆ ಮಲ್ತೆರ್ .

ಶ್ರೀಶಾಂತ್ 27 ಟೆಸ್ಟ್, 53 ಏಕದಿನ ಬೊಕ್ಕ 10 ಟ್ವೆಂಟಿ-20 ಪಂಥಡ್ ಭಾರತನ್ ಪ್ರತಿನಿಧಿಸಾದ್ ಇತ್ತೆರ್ .2007ಟ್ಟ್  ಆವೃತ್ತಿದ ಟ್ವೆಂಟಿ-20 ವಿಶ್ವಕಪ್ ಗೆಂದಿನ ಭಾರತದ ಕೂಟದ ಭಾಗ ಆದ್ ಇತ್ತೆರ್ . 2013ಟ್ಟ್ ಐಪಿಎಲ್‌ ಡ್ ಸ್ಪಾಟ್‌ಫಿಕ್ಸಿಂಗ್‌ಡ್ ಪಾಲ್ ಪಡೆಯಿನ ಆರೋಪಡ್ ರಾಜಸ್ಥಾನ ರಾಯಲ್ಸ್‌ದ ಒತ್ತು ಪಂತಾರ್ತಿ ಆಯಿನ ಅಜಿತ್ ಚಾಂಡಿಲಾ ಬೊಕ್ಕ ಅಂಕಿತ್ ಚವಾಣ್‌ನ ಒಟ್ಟುಗು ಶ್ರೀಶಾಂತ್‌ಗ್ ಲಾ ಬಿಸಿಸಿಐ ಆಜೀವ ನಿಷೇಧ ಕೊರ್ದು ಇತ್ತುಂಡು .

ರೇಡಿಯೋ ಮಣಿಪಾಲ್ 90.4 Mhz, ಎಂ.ಐ.ಸಿ ಕ್ಯಾಂಪಸ್, ಮಣಿಪಾಲ: ದೇಸಿ ಸೊಗಡು ಸಮುದಾಯ ಬಾನುಲಿ

ಮಣಿಪಾಲ್ : ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಳೂರು, ಕರ್ನಾಟಕ ಸರ್ಕಾರ ಅಟ್ಟನೆ ಮಲ್ಪುನ “ಶುದ್ಧ ಜಲ , ಸ್ವಚ್ಛ ನೆಲ , ಆರೋಗ್ಯವಾದ್ ಉಪ್ಪಡ್ ಜೀವಸಂಕುಲ” ಬಾನುಲಿ ಸರಣಿ ಲೇಸ್ ಡ್ ಮಾರ್ಚ್ ತಿಂಗೊಲ್ ದ ತಾರಿಕ್ 11ನೇ ಶುಕ್ರರ ದಾನಿ ಬಯ್ಯಗ್, 6 ಗಂಟೆಗ್ ಸಾವಯವ ಕೃಷಿ ವಿಧಾನದ ಮುಖೇನ ನೀರಿನ ಮಾಲಿನ್ಯ ಉಂತಾವುನ ಬಗ್ಗೆ, ಲೇಸ್ ನಡಪರೆ ಉಂಡು.

ಬ್ರಹ್ಮಾವರ ಕೃಷಿವಿಜ್ಞಾನ ಕೇಂದ್ರದ ಮಣ್ಣುವಿಜ್ಞಾನಿ ಡಾ.ಜಯಪ್ರಕಾಶ್ ,ಪ್ರಗತಿಪರ ಸಾವಯವ ಕೃಷಿಕೆರ್ ಬೊಕ್ಕ ಒಡಿಪು ಜಿಲ್ಲಾ ಕೃಷಿಕ ಸಂಘದ ಗುರ್ಕಾರ್ಲಾಯಿನ ಬಂಟಕಲ್ ರಾಮಕೃಷ್ಣ ಶರ್ಮ ,ಪ್ರಗತಿಪರ ಸಾವಯವ ಕೃಷಿಕಕೆರಾಯಿನ ಕುದಿ ಶ್ರೀನಿವಾಸಭಟ್,ಬೊಕ್ಕ ಮಾಧವ ಭಟ್ ಪಾಲ್
ಪಡೆಯರೇ ಉಲ್ಲೆರ್.

12 ವರ್ಷೋರ್ದು ಮಿತ್ತ್ ದ ಜೋಕ್ಲೆಗ್ ಕೋವೋವ್ಯಾಕ್ಸ್ ಕೊರಿಯೆರೆ ಅನುಮತಿ ಕೊರಿನ ಡಿಸಿಜಿಐ

ನವದೆಹಲಿ: ಸೀರಮ್ ಇನ್‌ ಸ್ಟಿಟ್ಯೂಟ್‌ ದ ಕೋವೋವ್ಯಾಕ್ಸ್ ಮರ್ದ್ ನ್ 12 ವರ್ಷರ್ದ್ ಮಿತ್ತ್ ದ ಜೋಕ್ಲೆಗ್ ತುರ್ತು ಬಳಕೆಗಾದ್ ಡಿಸಿಜಿಐ ರ್ದ್ ಅನುಮತಿ ಕೊರ್ತೆರ್.

ಸೀರಮ್ ಇನ್‌ ಸ್ಟಿಟ್ಯೂಟ್ ಆಫ್ ಇಂಡಿಯಾದ ಸಿಇಒ ಆದಾರ್ ಪೂನಾವಾಲಾ ಮೇರ್ , ತನ್ನ ಕಂಪನಿ ತಯಾರ್ ಮಲ್ತಿನ ಕೋವೊವ್ಯಾಕ್ಸ್ ಮರ್ದ್ ನ್ ಪ್ರಾಯದಕ್ಲೆಗ್ ಬೊಕ್ಕ 12 ವರ್ಷರ್ದ್ ಮಿತ್ತ್ ದ ಜೋಕ್ಲೆಗ್ ತುರ್ತು ಬಳಕೆಗಾದ್ ಡಿಸಿಜಿಐರ್ದ್ ಅವಕಾಶ ಕೊರ್ತೆರ್ ಪಂದ್ ಪಂಡೆರ್.

ಸ್ವಾಮಿಲೆರ್ದ್ ಗೋಪೂಜೆ, ಪಂಜುರ್ಲಿ ಚಾವಡಿ ಉದಿಪನ

ಕೊಲ್ನಾಡು : ರಾಜ್ಯ ಮಟ್ಟದ ಕೃಷಿ ಮೇಳದ ಸುರುತ್ತ ದಿನವಾಯಿನ ಸುಕ್ರಾರ ಪೇಜಾವರ ಮಠತ್ತ ಶ್ರೀ ವಿಶ್ವ ಪ್ರಸನ್ನ ತೀರ್ಥ ಸ್ವಾಮೀಜಿ ಗೋಪೂಜೆ ಮಲ್ತ್ ದ್ ಪಂಜುರ್ಲಿ ಚಾವಡಿ ಉದಿಪನ ಮಲ್ತೆರ್. “ಕೃಷಿ ಇತ್ತೆದ ಕಾಲದ ಅಗತ್ಯ ಆದುಂಡು.

ಕೃಷಿರ್ದ್ ನಮ್ಮ ಭೂಮಿ ಫಲವತ್ತಾಪುಂಡು. ಕೃಷಿ ಒರಿಂಡ ಮಾತ್ರ ನಮ ಮಾತಾ ಒರಿವೊಲಿ ಪಂಡೆರ್. ಬೊಕ್ಕ ಪೇಜಾವರ ಸ್ವಾಮಿಲು ಪಾರಂಪರಿಕ ಗ್ರಾಮೊಗು ಭೇಟಿ ಕೊರ್ದು ಅಕ್ಲೆಡ ಪಾತೆರಿಯೆರ್.

ಭೀಕರ ಅಪಘಾತ; ತೀರ್ ಪೋಯಿನ ಸಂಸದೆರ್ನ ಮಗೆ

ಬೆಂಗ್ಳೂರು : ರಾಜ್ಯಸಭಾ ಸದಸ್ಯ ಎನ್​​.ಆರ್​. ಇಳಂಗೋವನ್ ಮೆರ್ನ ಮಗೆ ರಾಕೇಶ್​ (22) ಗುರುವಾರ ನಡತಿನ ಭೀಕರ ಕಾರು ಅಪಘಾತಡ್ ದಾರುಣವಾದ್ ತೀರ್ ಪೋಯೆರ್ .

ಸಂಸದೆರ್ನ ಮಗೆ ಪುದುಚೇರಿರ್ದ್ ಚೆನ್ನೈಗ್ ಜಾಸ್ತಿ ಜನತ ಒಟ್ಟುಗು ಕಾರ್ ಡ್ ಪೋವೊಂದು ಇತ್ತೆರ್.ನಿಯಂತ್ರಣ ತತ್ತಿನ ಕಾರ್ ಮಾರ್ಗದ ಡಿವೈಡರ್​ಗ್ ಆಕ್ ದ್ ಅಪಘಾತದ ಆತುಂಡು . ರಾಕೇಶ್​ ಅಲ್ಪನೇ ತೀರ್ ಪೋಯೆರ್ ಒಟ್ಟುಗು ಇತ್ತಿನಕ್ಲೆಗ್ ಮಸ್ತ್ ಗಾಯ ಆತುಂಡು.
‘
ಘಟನೆಗ್ ಸಂಬಂಧಿ ನನಲ ಎಚ್ಚದ ಮಾಹಿತಿ ತಿಕ್ಕಿದೀಜಿ.

You Missed