ಕುಡ್ಲದ ಅಭಿವೃದ್ಧಿಗಾದ್ ರೋಡ್ ಅಗೆಲ ಮಲ್ಪುನ ಅನಿವಾರ್ಯ, ಜನಕುಲು ಸಾಕಾರ ಕೊರೊಡು: ಶಾಸಕೆರ್ ಕಾಮತ್
ಕುಡ್ಲ ಪೇಂಟೆ ಪ್ರಸ್ತುತ ಭಾರಿ ಬೇಗೊಡು ಬುಲೆವೊಂದುಂಡು. ಜನಸಂಖ್ಯೆಲ ಜಾಸ್ತಿ ಆದ್ ಗಾಡಿಲು ಜಾಸ್ತಿ ಆವೊಂದು ಉಂಡು. ಇಂಚಿನ ಸಂದರ್ಭಡ್ ಪೇಂಟೆದ ದುಂಬುದ ಭವಿಷ್ಯಗಾದ್ ಇತ್ತೆರ್ದೆ ಕೆಲವು ಮಾರ್ಪಾಡ್ ಮಲ್ತ್ ದ್ ದುಂಬು ಪೋಪಿನ ಅನಿವಾರ್ಯ ಪಂದ್ ಶಾಸಕೆರ್ ವೇದವ್ಯಾಸ್ ಕಾಮತ್ ಸ್ಥಳೀಯೆರ್ಡ ಬಿನ್ನಾಪು ಮಲ್ತೆರ್.
ಕುಡ್ಲ ಮಹಾನಗರ ಪಾಲಿಕೆ ವ್ಯಾಪ್ತಿದ ಉರ್ವಸ್ಟೋರ್ ಜಂಕ್ಷನ್ ರ್ದ್ ಅಶೋಕನಗರದ ಹಾಸಟ್ಟಿ ಸರ್ಕಲ್ ಮುಟ್ಟ ರೋಡ್ ಅಗೆಲದ ವಿಷಯಡ್ ಆಯಿನ ಗೊಂದಲಗ್ ಸ್ವತಃ ಶಾಸಕರೇ ಖುದ್ದಾದ್ ಸ್ಥಳೀಯೆರೆನ್ ಭೇಟಿ ಮಲ್ತ್ ಮಾತುಕತೆ ಮಲ್ತೆರ್.
ಮೂಲು ಇತ್ತೆನೆ ಕೆಲವು ಭಾಗಡ್ ರೋಡ್ ಅಗೆಲ ಆವೊಂದುಂಡು. ಮಸ್ತ್ ಜನ ತನ್ನ ಜಾಗೆನ್ ಬುಡ್ದು ಕೊರಿಯೆರೆ ಒಪ್ಪಂದಿನ ಸಮಸ್ಯೆ ಆತ್ಂಡ್. ಈ ಬಗೆಟ್ಟ್ ಮಾತ ಸಮಸ್ಯೆನ್ ಪರಿಹರಿಸಾವುನ ನಿಟ್ಟ್ ಡ್ ಸ್ಥಳೀಯೆರ್ನ ಒಟ್ಟಿಗೆ ಶಾಸಕೆರ್ ಚರ್ಚೆ ಮಲ್ತ್ ದ್ ಜಾಗೆ ಬುಡ್ದು ಕೊರ್ಪುಲೆಕ ಮನವೊಲಿಸಾವುನ ಪ್ರಯತ್ನ ಮಲ್ತೆರ್.
ನಮ್ಮ ದುಂಬುದ ಪೀಳ್ಯೊದ ಭವಿಷ್ಯಗಾದ್ ಮೂಲಭೂತ ಸೌಕರ್ಯ ಅಭಿವೃದ್ಧಿ ಆವೊಡು. ಅವೆಟ್ ರೋಡ್ ಅಗೆಲಲ ಒಂಜಿ. ಒರಿ ಜವಾಬ್ದಾರಿದ ಶಾಸಕೆಯಾದ್ ಮಾತೆರೆನ ವಿಶ್ವಾಸನ್ ದೆತೊಂದು ದುಂಬುದ ಯೋಜನೆ ರೆಡಿ ಮಲ್ಪುವ ಪಂದ್ ಪಂಡೆರ್.
ಈ ಪೊರ್ತುಡು ಕಾರ್ಪೊರೇಟರ್ ಜಯಲಕ್ಷ್ಮಿ ಶೆಟ್ಟಿ, ಗಣೇಶ್ ಕುಲಾಲ್, ಅಂಚೆನೆ ಮುಖಂಡೆರ್, ಅಧಿಕಾರಿಲು ಇತ್ತೆರ್.
ಮಹಾತ್ಮ ಗಾಂಧಿಜಿಗ್ ಕರ್ನಾಟಕದೊಟ್ಟಿಗೆ ಆತ್ಮೀಯ ಒಡನಾಟನ್ ಉಲ್ಲೇಖ ಮಲ್ತಿನ ಆರ್, ಹಿಂದುಸ್ತಾನಿ ಬೊಕ್ಕ ಕರ್ನಾಟಕ ಸಂಗೀತ ಕರ್ನಾಟಕಡ್ ಮುಗರ್ತೆನ್ ಪಡೆಯೊಂದುಂಡ್. ಗಂಗೂಬಾಯಿ ಹಾನಗಲ್ಲ, ಪಂಡಿತ್ ಭೀಮಸೇನ ಜೋಶಿ, ಪಾಟೀಲ ಪುಟ್ಟಪ್ಪ ಬೊಕ್ಕ ಮಸ್ತ್ ಜನ ಸಾಂಸ್ಕೃತಿಕ, ಸಾಹಿತ್ಯ ಲೋಕಗ್ ಕೊರ್ನ ಕೊಡುಗೆ ಅವಿಸ್ಮರಣೀಯ. ಇತ್ತೆಲ ಕರ್ನಾಟಕದ ಹಳ್ಳಿಹಳ್ಳಿಡ್ ಬಸವಣ್ಣನ ವಚನ ಪನೊಂದು ಇಪ್ಪುವೆರ್. ಕಲೆ, ಸಂಸ್ಕೃತಿ, ಪರಂಪರೆದ ನೆಲೆಬೀಡು ಕರ್ನಾಟಕ ಪಂದ್ ಮೆಚ್ಚುಗೆನ್ ವ್ಯಕ್ತಪಡಿಸಾಯೆರ್. ಸರ್ಕಾರದ ಮುಖ್ಯ ಕಾರ್ಯದರ್ಶಿ ಡಾ. ಅರುಣ್ ಕುಮಾರ್ ಮೆಹ್ತಾ ಪಾತೆರ್ದ್, ಎನ್ನ 35 ವರ್ಷದ ವೃತ್ತಿ ಜೀವನಡ್ ಇಂಚಿನ ಒಂಜಿ ಜಾನಪದ ಕಲಾ ಪ್ರದರ್ಶನನ್ ತೂದು ಇತ್ತಿಜಿ. ಬಾರಿ ಸೊಗಸಾದ್ ಮನಸ್ಸ್ಗ್ ಮುಟ್ಟುನಂಚ ಯಕ್ಷಗಾನ ಪ್ರದರ್ಶನ ಕೊರ್ತರ್. ಕಥೆನ್ ತೆರಿಪಾವುನ ರೀತಿ ಬಾರಿ ಪೊರ್ಲು ಪಂದ್ ಪಂಡೆರ್. ಲೆ.ಗವರ್ನಲ್ ಕಚೇರಿ ಸಲಹೆಗಾರೆರ್ ರಾಜೀವ್ ರೈ ಭಟ್ನಾಗರ್ ಪಾತೆರ್ದ್, ಯಕ್ಷಗಾನ ತೂಪುನ ನಮಕ್ಕ್ ಒಂಜಿ ಪೊಸ ಅನುಭವ. ಅವೆನ್ ಪ್ರಸ್ತುತಪಡಿಸಾಯಿನ ರೀತಿಯಂತೂ ಅದ್ಭುತ. ನೆಕ್ಕ್ ಕಾರಣಕರ್ತೆರಾಯಿನ ಮಾತೆರೆಗ್ ಸೊಲ್ಮೆ ಸಂದಾವೆ ಪಂಡೆರ್.
ಯಕ್ಷಧ್ರುವ ಪಟ್ಲ ಫೌಂಡೇಷನ್ ಮುಖ್ಯಸ್ಥೆರ್ ಪಟ್ಲ ಸತೀಶ್ ಶೆಟ್ಟಿ ಬೊಕ್ಕ ಫೌಂಡೇಷನ್ನ ದೆಹಲಿ ಘಟಕದ ಗುರ್ಕಾರ್ಲು ವಸಂತ ಶೆಟ್ಟಿ ಬೆಳ್ಳಾರೆ ಮೊಕ್ಲೆಗ್ ಲೆ.ಗವರ್ನರ್ ಮನೋಜ್ ಸಿನ್ಹಾ ಸರ್ಕಾರದ ಮುತಾಲಿಕೆಡ್ ಮಾನಾದಿಗೆ ಮಲ್ತೆರ್. ಸುರುಕ್ಕು ಸುಳ್ಯದ ಬೆಳ್ಳಾರೆದ ನಿನಾದ ಸಾಂಸ್ಕೃತಿಕ ಕೇಂದ್ರದ ಕಲಾವಿದೆರ್ ಶಾಸ್ತ್ರೀಯ, ಜನಪದ ನೃತ್ಯ ಪ್ರದರ್ಶನ ಕೊರಿಯೆರ್. ಕಾರ್ಯಕ್ರಮದ ರೂವಾರಿ ರಾಜೇಶ್ ಪ್ರಸಾದ್, ವಸಂತ ಶೆಟ್ಟಿ ಜಮ್ಮು-ಕಾಶ್ಮೀರ ಬೊಕ್ಕ ಯಕ್ಷಗಾನ ಕಲೆ ಉಂದೊಂಜಿ ಐತಿಹಾಸಿಕ ಕಾರ್ಯಕ್ರಮ. ದಾಯೆ ಪಂಡ, ಜಮ್ಮು-ಕಾಶ್ಮೀರಡ್ ಯಕ್ಷಗಾನ ಪ್ರದರ್ಶನ ನಡಪುನ ಉಂದುವೇ ಸುರುತ ಸಲ. ಉಂದೆನ್ ನಿಜ ಮಲ್ತ್ ಪೊಸ ಇತಿಹಾಸ ಸೃಷ್ಟಿ ಮಲ್ಪೆರೆ ಕಾರಣ ಆಯಿನ ಜಮ್ಮು-ಕಾಶ್ಮೀರ ವಿದ್ಯುತ್ ಇಲಾಖೆದ ಪ್ರಿನ್ಸಿಪಲ್ ಸೆಕ್ರೆಟರಿ ರಾಜೇಶ್ ಪ್ರಸಾದ್ ಹಿರಿಯಡ್ಕ ಬೊಕ್ಕ ದಿಲ್ಲಿ ಕನ್ನಡ ಶಾಲೆ ಬೊಕ್ಕ ಕರ್ನಾಟಕ ಸಂಘದ ಮಾಜಿ ಗುರ್ಕಾರ್ಲು ವಸಂತ ಶೆಟ್ಟಿ ಬೆಳ್ಳಾರೆ ಇಂಚಿನ ಒಂಜಿ ಕಾರ್ಯಕ್ರಮ ನಡಪಾವುನ ಬಗ್ಗೆ ಲೆ.ಗವರ್ನರ್ನ ಒಟ್ಟಿಗೆ ಪಾತೆರ್ದ್, ಗಾಂಧಿ ಜಯಂತಿದಾನಿಯೆ ಯಕ್ಷಗಾನ ಕಾರ್ಯಕ್ರಮ ಏರ್ಪಡ್ ಮಲ್ತಿತ್ತೆರ್.
ಈ ಕಾರ್ಯಕ್ರಮ ತೂವೆರೆ ಪಂದೆ ದಕ್ಷಿಣ ಕನ್ನಡದ 130ರ್ದ್ ಎಚ್ಚ ಯಕ್ಷಗಾನ ಅಭಿಮಾನಿಲ ಶ್ರೀನಗರಗ್ ಬೈದೆರ್. ವಿಶೇಷ ಪಂಡ, ಕಾರ್ಯಕ್ರಮ ತೂಯಿನ ಲೆ.ಗ. ಮನೋಜ್ ಸಿನ್ಹಾ, ಪಿರ ಒರ ಕೇಂದ್ರಾಡಳಿತ ಪ್ರದೇಶಗ್ ಬರಿಯೆರೆ ಲೆತ್ತ್ದ್, ವೈಷ್ಣೋದೇವಿ ಮಂದಿರಡ್ ದೇವಿ ಮಹಾತ್ಮೆ ಯಕ್ಷಗಾನ ಪ್ರದರ್ಶನ ಆವೊಡು ಪಂದ್ ನಿರ್ದೇಶನ ಕೊರಿಯೆರ್.
