ಕುಡ್ಲದ ಸುದ್ದಿ | Mangalore News

ಕೊಡೆತ್ತೂರು ಗುತ್ತುಡು ಕಲಾವಿದೆರೆಗ್ ಮಾನಾದಿಗೆ

ಕಿನ್ನಿಗೋಳಿ : ಕಟೀಲ್ ಮೇಳರ್ದ್ ದೇವಸ್ಯ ಬೊಕ್ಕ ಕೊಡೆತ್ತೂರು ಗುತ್ತು ಫ್ಯಾಮಿಲಿ ಟ್ರಸ್ಟ್ ವತಿರ್ದ್ ಕೊಡೆತ್ತೂರುಗುತ್ತುಡು ನಡತಿನ ಮೇಳ ಪಿದಾರ್ದ್ ಮೂಜನೆ ದಿನತ ಸೇವೆ ಆಟದ ಪೊರ್ತುಡು
ಕಟೀಲ್ ಮೇಳದ ಭಾಗವತೆರ್ ಅಂಡಾಲ ದೇವಿಪ್ರಸಾದ ಶೆಟ್ಟಿ, ಪುಗಾರ್ತೆದ ವೇಷದಾರಿ ಕನ್ನಡಿಕಟ್ಟೆ ಗಣೇಶ ಶೆಟ್ಟಿ ಮೊಕ್ಲೆಗ್ ಮಾನಾದಿಗೆ ಮಲ್ತೆರ್.
ಕಟೀಲು ದೇವಲ್ಯದ ಅರ್ಚಕೆರ್ ಕಮಲಾದೇವಿಪ್ರಸಾದ ಆಸ್ರಣ್ಣೆರ್, ಶ್ರೀಹರಿನಾರಾಯಣದಾಸ ಆಸ್ರಣ್ಣೆರ್, ವೇದವ್ಯಾಸ ಉಡುಪ, ರಘುರಾಮ ಮಾಡ, ಪೆರಾರ ಬಾಲಕೃಷ್ಣ ಶೆಟ್ಟಿ, ಸುಧಾಕರ ಸೇನವ, ನಿತಿನ್ ಕಾವ ಎಕ್ಕಾರು, ಹರಿದಾಸ ಉಡುಪ, ಭುವನಾಭಿರಾಮ ಉಡುಪ, ದೇವಸ್ಯ ಬೊಕ್ಕ ಕೊಡೆತ್ತೂರು ಗುತ್ತು ಫ್ಯಾಮಿಲಿ ಟ್ರಸ್ಟ್ ದ ಪ್ರಮುಖೆರ್ ಗುತ್ತಿನಾರ್ ನಿತಿನ್ ಶೆಟ್ಟಿ ಕೊಡೆತ್ತೂರು ಗುತ್ತು, ಅರುಣ್ ಶೆಟ್ಟಿ, ಕೆ. ವಿ. ಶೆಟ್ಟಿ, ಬಿ. ಆರ್. ಶೆಟ್ಟಿ, ಹರಿಶ್ಚಂದ್ರ ಆಳ್ವ, ದಾಮೋದರ ಭಂಡಾರಿ ಬೊಕ್ಕ ಕೆಲವೆರ್ ಉಪಸ್ಥಿತರಿತ್ತೆರ್.
ಕೊಡೆತ್ತೂರು ದೇವಿಪ್ರಸಾದ ಶೆಟ್ಟಿ ನಿರೂಪಣೆ ಮಲ್ತೆರ್.

ತುಲು ಲಿಪಿನ್ ಒರಿಪಾಯೆರೆ ಬೊಕ್ಕ ಬುಲೆಪಾಯೆರೆ ಇಂಚಿನ ಕಜ್ಜೊಲೆನ ಪಾತ್ರ ಮಲ್ಲ :- ಕುಶ ಆರ್. ಮೂಲ್ಯ

ನಾನಿಲ್ತಾರ್: ಕುಲಾಲ ಸಂಘ (ರಿ.) ನಾನಿಲ್ತಾರ್ ಮುಲ್ಲಡ್ಕ, ಮುಂಡೇರ್ ಬೊಕ್ಕ ಜೈ ತುಲುನಾಡ್ (ರಿ.) ಕಾರ್ಲ ಎಗ್ಗೆ ದ ಒಟ್ಟು ಸೇರಿಗೆಡ್ ‘ಬಲೆ ತುಲು ಲಿಪಿ ಕಲ್ಪುಗ’ ಕಜ್ಜಕೊಟ್ಯದ ಉದಿಪನ ಲೇಸ್ ನವೆಂಬರ್ 9 ಐತಾರ ಕಾಂಡೆ ಸಂಘದ ಸಭಾಭವನೊಡು ನಡತ್ಂಡ್.

ಲೇಸ್‌ದ ಗುರ್ಕಾರ್ಮೆನ್ ನಾನಿಲ್ತಾರ್ ಕುಲಾಲ ಸಂಘದ ಗುರ್ಕಾರ್ಲು ಜಯರಾಮ ಕುಲಾಲ್ ಮುಲ್ಲಡ್ಕ ವೈಸೊಂದಿತ್ತೆರ್.
ಬೆಳ್ಮಣ್ ಕುಂಭನಿಧಿ ಕ್ರೆಡಿಟ್ ಕೋ-ಆಪರೇಟಿವ್‌ದ ಗುರ್ಕಾರ್ಲು ಕುಶ ಆರ್. ಮೂಲ್ಯ ಮೆರ್ ಲೇಸ್ ಉದಿಪನ ಮಲ್ತ್‌ದ್ ಪಾತೆರ್‌ದ್, ತುಲು ಲಿಪಿನ್ ಒರಿಪಾಯೆರೆ ಬೊಕ್ಕ ಬುಲೆಪಾಯೆರೆ ಇಂಚಿನ ಕಜ್ಜೊಲೆನ ಮಲ್ಲ ಪಾತ್ರ ಉಂಡು ಪಂಡೆರ್.

ಜೈ ತುಲುನಾಡ್(ರಿ.) ಕೂಟದ ಗುರ್ಕಾರ್ಲು ಉದಯ ಪೂಂಜಾ ತಾರಿಪಾಡಿ ಗುತ್ತು ಮೇರ್ ಮಲ್ಲ ಬಿನ್ನೆರಾದ್ ಇತ್ತ್‌ದ್ ತುಲು ಬಾಸೆ ಬೊಕ್ಕ ಲಿಪಿತ ಒರಿಪು-ಬುಲೆಚ್ಚಿಲ್‌ಗ್ ಸಮಾಜದ ಮಾತ ವರ್ಗೊದಕುಲು ಕೈ ಸೇರಾವುನ ಅಗತ್ಯ ಉಂಡು, ಜಾತಿ ಬೇದ ಇಜ್ಜಾಂದೆ ತುಲು ಬಾಸೆ ರಾಜ್ಯ ಬಾಸೆ ಆಯೆರೆ ಸಾಕಾರ ಮಲ್ಪೊಡು. ತುಲು ಬಾಸೆಗ್ ಬೊಕ್ಕ ತುಲುನಾಡ್‌ಗ್ ನಿರಂತರ ದಬ್ಬಾಳಿಕೆ ನಡತೊಂದು ಉಂಡು. ಇಂಚನೆ ದುಂಬರಿಂಡ ತುಲುರಾಜ್ಯ ಕೇನ್‌ಗ ಪಂಡ್‌ದ್ ಪಂಡೆರ್.

ಈ ಪೊರ್ತುಡು ಬೊಗ್ಗು ಮೂಲ್ಯ ಬೇಲಾಡಿ, ವಾರಿಜ ಬಿ. ಬೆಳ್ಮಣ್, ಜೈ ತುಲುನಾಡ್ (ರಿ.) ಕೂಟದ ಸ್ಥಾಪಕ ಸಮಿತಿದ ಪದುಕೆರ್ ಕಿರಣ್ ತುಲುವೆ, ಕುಲಾಲ ಸಂಘದ ಬೊಕ್ಕ ಜೈ ತುಲುನಾಡ್ ಸಂಘಟನೆದ ಪದಾಧಿಕಾರಿಲು ಬೊಕ್ಕ ಸದಸ್ಯೆರ್ ಉಪಸ್ಥಿತರಿತ್ತೆರ್.
ಲಿಪಿ ಕಲ್ಪಾದಿಲು ಜೈ ತುಳುನಾಡ್ (ರಿ.) ಕೂಟದ ಒತ್ತು ಪಣವುದ ಪಾಲವೆರ್ ನಿಶಿಲ್ ಶೆಟ್ಟಿ ಬೇಲಾಡಿ ಬೊಕ್ಕ ತುಲು ಲಿಪಿ ಕಲ್ಪಾದಿ ಕುಡ್ಲ ಎಗ್ಗೆದ ಶರತ್ ರಾಜ್ ಆಲಂಕಾರ್ ಮೇರ್ ತುಲು ಲಿಪಿ ಬರೆಪಿನ ಒರುಟು ಕಜ್ಜಕೊಟ್ಯಗ್ ಚಾಲನೆ ಕೊರಿಯೆರ್.
ಕಜ್ಜಕೊಟ್ಯಡ್ ಜೈ ತುಳುನಾಡ್ (ರಿ.) ಕಾರ್ಲ ಎಗ್ಗೆದ ಒತ್ತು ಗುರ್ಕಾರ್ಲು ಮಹೇಶ್ ಕುಲಾಲ್ ಬೇಲಾಡಿ ಪ್ರಸ್ತಾವನೆ ಮಲ್ತೆರ್. ದಿನೇಶ್ ಕುಮಾರ್ ಬೆಳ್ಮಣ್ ಎದ್ಕೊಂಡೆರ್, ಹರ್ಷಿತಾ ಕುಲಾಲ್ ನಾನಿಲ್ತಾರ್ ಸೊಲ್ಮೆ ಸಂದೈತ ಮಲ್ತೆರ್. ಶ್ರೀಕಾಂತ್ ಕುಲಾಲ್ ಇನ್ನಾ ಲೇಸ್ ಸುದಾರಿಕೆ ಮಲ್ತೆರ್‍.