ಕಾಸ್ರೋಡ್ ಸುದ್ದಿ | Kasargod News

ಪೆಟ್ರೋಲ್ ಡೀಸೆಲ್, ಬೆಲೆ ಜಾಸ್ತಿ ಆಯಿನ ನೆಲೆಟ್ಟ್ ಯುವ ಕಾಂಗ್ರೆಸ್ ವತಿರ್ದ್ ಪ್ರತಿಭಟನೆ

ಕುಡ್ಲ, ಜೂನ್ 8: ಪೆಟ್ರೋಲ್, ಡೀಸೆಲ್ ಬೆಲೆ ಏರಿಕೆ ವಿರೋಧಿಸಾದ್ ದ.ಕ. ಜಿಲ್ಲಾ ಯುವ ಕಾಂಗ್ರೆಸ್ ಮುತಾಲಿಕೆಡ್ ಕೋಡೆ ಪ್ರತಿಭಟನೆ ನಡತುಂಡು .

ದ.ಕ. ಜಿಲ್ಲಾ ಕಾಂಗ್ರೆಸ್ ಕಚೇರಿ ಎದುರು ನಡತಿನ ಪ್ರತಿಭಟನೆನ್ ಉದ್ದೇಶಿಸಾದ್ ಪಾತೆರಿನ ಪಿರಿಯಾ ಮುಖಂಡ ಇಬ್ರಾಹಿಂ ಕೋಡಿಜಾಲ್, ಪ್ರಧಾನಿ ಮೋದಿ ನೇತೃತ್ವದ ಸರಕಾರ ಗಡಿ ಗಡಿ ಡೀಸೆಲ್, ಪೆಟ್ರೋಲ್ ಒಟ್ಟುಗು ಅಡುಗೆ ಅನಿಲ ಬೆಲೆ ಜಾಸ್ತಿ ಮಲ್ತ್ ಈ ಕೊರೋನ ಸಂಕಷ್ಟಡ್ ನನಾತ್ ಕಷ್ಟ ಕೊರೊಂದು ಉಲ್ಲೆರ್ ಪಂದ್ ಪಂಡೆರ್.

ಒಂಜಿ ತಿಂಗೊಲ್ಡೇ 18 ಸಲ ತೈಲದ ಬೆಲೆ ಜಾಸ್ತಿ ಮಲ್ದೆರ್ . 30 ರೂ.ಗೆ ತಿಕ್ಕೊಡಿತ್ತಿನ ಪೆಟ್ರೋಲ್ ಬೆಲೆ 100 ರೂ. ದಾಟ್ ದುಂಡು ಪಂದ್ ಪಂಡೆರ್.

ಬರ್ಪಿನ ವಾರ ಕುಡ್ಲಡ್ ಲಾಕ್ಡೌನ್ ಬಿಗಿ : ಡಿಸಿ ರಾಜೇಂದ್ರ ಕೆವಿ

ಕುಡ್ಲ,ಜೂನ್ 8: ಲಾಕ್ ಡೌನ್ ಬಗ್ಗೆ ಜಿಲ್ಲೆಡ್ ಇತ್ತೇ ಉಪ್ಪುನ ನಿಯಮಲೆನ್ ನನಾತ್ ಬಿಗಿ ಮಲ್ಪುವ ಪಂದ್ ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ. ವಿ. ಪಂಡೆರ್ .

ಕೋಡೆ ( ಜೂನ್ 07) ತನ್ನ ಕಚೇರಿಡ್ ಮಾಧ್ಯಮಗೋಷ್ಠಿಡ್ ಪಾತೆರಿನ ಆರ್ ಅನ್ ಲಾಕ್ ಮಲ್ಪೋಡಾoಡ ಪಾಸಿಟಿವಿಟಿ ದರ ಕಡಿಮೆ ಮಲ್ಪುನ ಅಗತ್ಯ ಉಂಡು . ಅಂಚಾದ್ ದುಂಬುದ ಒಂಜಿ ವಾರ ಕಾಲ ಜನಕ್ಲೆನ ಅನಗತ್ಯ ಸಂಚಾರನ್ ನಿಯಂತ್ರಣಗ್ ಕನೆರೆ ಕಟ್ಟು ನಿಟ್ಟ್ದ ಕ್ರಮ ದೆತೊನೊಡು ಪಂದ್ ಪಂಡೆರ್.

ಕಟ್ಟು ನಿಟ್ಟಿನ ಕ್ರಮ ಜಾರಿ ಮಲ್ಪುನ ನೆಲೆಟ್ಟ್ ಮಂಗಳೂರು ನಗರ ಪಾಲಿಕೆ ವ್ಯಾಪ್ತಿಡ್ 10 ತಂಡ ಸೇರಿನoಚ ಜಿಲ್ಲಾದ್ಯಂತ 150 ತಪಾಸಣಾ ತಂಡಲೆನ್ ರಚನೆ ಮಲ್ದೆರ್ . ನೆಕ್ಕ್ ಜನಕುಲು ಸಾಕಾರ ಕೊರೊಡು ಪಂದ್ ಪಂಡೆರ್.

“ವೈದ್ಯೆರ್ನ ನಡೆ ಹಳ್ಳಿದಡೆ ” : ಇಲ್ಲ ಇಲ್ಲಗ್ ವೈದ್ಯೆರ್ನ ಭೇಟಿ

ಬೆಳ್ತಂಗಡಿ, ಜೂನ್ 8: : ‘ಪೇಂಟೆದ ಪ್ರತಿಗ್ರಾಮದ ಜನತೆದ ಆರೋಗ್ಯದ ದೃಷ್ಟಿರ್ದ್ ಪ್ರತಿಯೊರಿ ನಾಗರಿಕೆಲಾ ಕೋವಿಡ್-19 ಸೋಂಕುದ ತಪಾಸಣೆ ಮಲ್ಪರೆ ಅನುಕೂಲ ಆಪಿಲಕ ವೈದ್ಯೆರ್ನ ನಡೆ ಹಳ್ಳಿದಾಡೆ ಪನ್ಪಿನ ವಿನೂತನ ಲೇಸ್ ನ್ ಅಟ್ಟನೆ ಮಲ್ತಿತ್ತೆರ್.

. ಕೋವಿಡ್‌ ಮುಕ್ತ ತಾಲ್ಲೂಕಾದ್ ಪರಿವರ್ತನೇ ಮಲ್ಪರೆ ಸಾರ್ವಜನಿಕೆರ್ ಈ ಅಭಿಯಾನಗ್ ಸಾಕಾರ ಕೊರೊಡು ಪಂದ್ ಶಾಸಕ ಹರೀಶ್ ಪೂಂಜ ಪಂಡೆರ್ .

ಬೆಳ್ತಂಗಡಿ ಮಿನಿವಿಧಾನಸೌಧ ಆವರಣಡ್ ತಾಲ್ಲೂಕು ಆಡಳಿತ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆ ವತಿರ್ದ್ ನಡಪುನ ಈ ಅಭಿಯಾನಗ್ ಚಾಲನೆ ಕೊರ್ದು ಆರ್ ಪಾತೆರಿಯೆರ್.

‘ಫಾದರ್ ‍ಮುಲ್ಲರ್ಸ್ ಆಸ್ಪತ್ರೆದ ವೈದ್ಯೆರ್ , ಸಿಬ್ಬಂದಿಲು ಉಪ್ಪುನ ಈ ತಂಡ ಬೇಲೆ ಮಲ್ಪರೆ ತಯಾರ್ ಆತುಂಡು. ತಾಲ್ಲೂಕುದ 13 ಪ್ರಾಥಮಿಕ ಆರೋಗ್ಯ ಕೇಂದ್ರದ ವೈದ್ಯೆರ್ ಸಿಬ್ಬಂದಿಲು ಸೇರೊಂದು ಮಾತಾ ಗ್ರಾಮ ಪಂಚಾಯಿತಿ ಬೊಕ್ಕ ತಾಲ್ಲೂಕುದ ಮಾತಾ ಅಧಿಕಾರಿಲೇನ ಸಹಕಾರಡ್ ಅಭಿಯಾನ ನಡಪುಂಡು ಪಂದ್ ಪಂಡೆರ್.

ಮೈಸೂರ್ ದ ನೂತನ ಅಧಿಕಾರಿಯಾದ್ ಡಾ. ಬಗಾದಿ ಗೌತಮ್ ಅಧಿಕಾರ ಸ್ವೀಕಾರ

ಮೈಸೂರು ಜೂ.08: ಜಿಲ್ಲೆಗ್ ನೂತನ ಜಿಲ್ಲಾಧಿಕಾರಿ ಬೈದೆರ್ .ಡಾ. ಬಗಾದಿ ಗೌತಮ್ ಮೇರ್ ಮೈಸೂರ್ ದ ಡಿಸಿ ಕಚೇರಿಡ್ ಅಪರ ಜಿಲ್ಲಾಧಿಕಾರಿ ಮಂಜುನಾಥಸ್ವಾಮಿ ಮೆರೆರ್ದ್ ಅಧಿಕಾರ ಸ್ವೀಕಾರ ಮಲ್ತೆರ್ .

ಪಿಲಿಕುಲ ಡ್ ಮೂಜಿ ಕಿನ್ನಿಲೆಗ್ ಜೀವ ಕೊರಿನ ಪಿಲಿ

ಕುಡ್ಲ ಜೂ.08: ಪಿಲಿಕುಲಡ್ ಉಪ್ಪುನ 10 ವರ್ಷದ ಪಿಲಿ ರಾಣಿ ಮೂಜಿ ಕಿನ್ನಿಲೆಗ್ ಜೀವ ಕೊರ್ತುಂಡು. ಆರೋಗ್ಯವಾದ್ ಉಪ್ಪುನ ಈ ಮೂಜಿ ಕಿನ್ನಿಲು ನನ 16 ದಿನಟ್ ಕಣ್ಣು ಬುಡ್ಪುಂಡು . 2019 ಟ್ಟ್ ರಾಣಿ ಹುಲಿ 5 ಕಿನ್ನಿಲೆಗ್ ಜನ್ಮ ಕೊರ್ದಿತ್ತುಂಡು . ಇತ್ತೇ ಪಿಲಿಕುಲಡ್ ಪಿಲಿತ ಸಂಖ್ಯೆ 13 ಕ್ ಏರಿಕೆ ಆತುಂಡು .

ಶ್ರೀ ಕ್ಷೇತ್ರ ಧರ್ಮಸ್ಥಳ ವತಿರ್ದ್ ಜಿಲ್ಲಾಡಳಿತಗ್ ರಡ್ಡ್ ಟನ್ ಆಕ್ಸಿಜನ್ ಕೊಡುಗೆ

ಚಿತ್ರದುರ್ಗ, ಜೂನ್‌.08: ಶ್ರೀಕ್ಷೇತ್ರ ಧರ್ಮಸ್ಥಳ ವತಿರ್ದ್ ಚಿತ್ರದುರ್ಗ ಸರ್ಕಾರಿ ಜಿಲ್ಲಾಸ್ಪತ್ರೆಗ್ 2 ಟನ್ ಪ್ರಾಣವಾಯು ಆಕ್ಸಿಜನ್‌ನ್ ಉಚಿತವಾದ್ ಸೋಮವಾರ ಜಿಲ್ಲಾಧಿಕಾರಿ ಕವಿತಾ ಎಸ್.ಮನ್ನಿಕೇರಿ ಮೆರ್ನ ಮುಖೇನ ಜಿಲ್ಲಾಡಳಿತಗ್ ಹಸ್ತಾಂತರ ಮಲ್ತೆರ್ .

ಪೇಂಟೆದ ಜಿಲ್ಲಾಧಿಕಾರಿಲೇನ ಕಚೇರಿ ಆವರಣಡ್ ಶ್ರೀಕ್ಷೇತ್ರ ಧರ್ಮಸ್ಥಳ ವತಿರ್ದ್ 2 ಟನ್ ಉಚಿತ ಪ್ರಾಣವಾಯು ಸ್ವೀಕರಿಸಾದ್ ಪಾತೆರಿನ ಜಿಲ್ಲಾಧಿಕಾರಿ ಕವಿತಾ ಎಸ್.ಮನ್ನಿಕೇರಿ, ಶ್ರೀಕ್ಷೇತ್ರ ಧರ್ಮಸ್ಥಳ ವತಿರ್ದ್ ಇತ್ತೇ 10 ಆಕ್ಸಿಜನ್ ಕಾನ್ಸಂಟ್ರೇಟರ್ಸ್ಗಲೆನ್ ಕೊರ್ತೆರ್ . ಇನಿ ಜಿಲ್ಲಾಡಳಿತಗ್ 2 ಟನ್ ಆಕ್ಸಿಜನ್‌ ಕೊರ್ತೆರ್ ನೆಕ್ಕ್ , ಜಿಲ್ಲಾಡಳಿತದ ಪರವಾದ್ ಸೊಲ್ಮೆ ಸಂದೈತ ಮಲ್ತೆರ್.

ಈ ಪೊರ್ತುಡು ಜಿಲ್ಲಾ ಶಸ್ತ್ರ ಚಿಕಿತ್ಸಕ ಡಾ.ಹೆಚ್.ಜೆ.ಬಸವರಾಜಪ್ಪ, ಜಿಲ್ಲಾ ಜನಜಾಗೃತಿ ವೇದಿಕೆದ ಸದಸ್ಯೆರಾಯಿನ ರೂಪಾಜನಾರ್ಧನ್, ನಾಗರಾಜ್ ಸಂಗಂ ಬೊಕ್ಕ ಶ್ರೀಕ್ಷೇತ್ರ ಧರ್ಮಸ್ಥಳ ಸಂಸ್ಥೆಯ ಪ್ರತಿನಿಧಿಲು ಪಾಲ್ ಪಡೆದ್ ಇತ್ತೆರ್ .

ಕೋವಿಡ್ ಸೊಂಕಿತೆರ್ನ ಆರೈಕೆಗ್ ಮಾದರಿ ಆಯಿನ ಮಿಯಾರು ಕೋವಿಡ್ ಕೆರ್ ಸೆಂಟರ್

ಒಡಿಪು , ಜೂ.8: ಕೋವಿಡ್ ಸೋಂಕಿತೆರ್ ಬೇಗ ಹುಷಾರ್ ಆಯೆರೆ ಅಕ್ಲೆನ ಜೀವದ ರೋಗನಿರೋಧಕ ಶಕ್ತಿನ್ ಜಾಸ್ತೀ ಮಲ್ಪುನವು ಅತೀ ಮುಖ್ಯ ಅಂಶ ಆತುಂಡು.ಈ ನೆಲೆಟ್ಟ್ ಅಕುಲು ಮರ್ದ್ ದೆತೊನುನೆತ್ತ ಒಟ್ಟುಗು ಪೋಷಕಾಂಶ ಭರಿತ ಅಂಚನೇ ಸತ್ವ ಭರಿತ ಆಹಾರ ಸೇವನೆ ಮಲ್ಪುನವು ಅತ್ಯಗತ್ಯ.ಸೋಂಕಿತೆರ್ ಹೋಂ ಐಸೋಲೇಶನ್ ಡ್ ಇತ್ತುಂಡ ಕುಟುಂಬದಕುಲು ಕಾಲಕಾಲಗ್ ಅಂಚಿನ ಆಹಾರನ್ ಕೊರೋಲಿ . ಆಂಡ ಸೋಂಕಿತೆರ್ ಕೋವಿಡ್ ಕೇರ್ ಸೆಂಟರ್‌ಗ್ ದಾಖಲಾoಡ ಉಂದು ಮಾತಾ ಸಾಧ್ಯನಾ ಪನ್ಪಿನ ಪ್ರಶ್ನೆಗ್ ಸಾಧ್ಯವೇ ಪೇಂಟೆದ ಕಾರ್ಕಳ ತಾಲೂಕು ಮಿಯಾರ್ದ ಮೊರಾರ್ಜಿ ದೇಸಾಯಿ ಪದವಿ ಪೂರ್ವ ವಸತಿ ವಿಜ್ಞಾನ ಕಾಲೇಜ್ ಡ್ ಜಿಲ್ಲಾಡಳಿತ ಸುರು ಮಲ್ದಿನ ಕೋವಿಡ್ ಕೇರ್ ಸೆಂಟರ್ ಪ್ರತ್ಯಕ್ಷ ಸಾಕ್ಷಿಯಾದುಂಡು .

ಈ ಕೋವಿಡ್ ಆರೈಕೆ ಕೇಂದ್ರಡ್ ದಾಖಲಾತಿನ ಸೋಂಕಿತೆರೆಗ್ ಕಾಲ ಕಾಲಗ್ ಸರಿಯಾದ್ ಅತ್ಯಂತ ಶುದ್ದ ಬೊಕ್ಕ ಪೌಷ್ಠಿಕಾಂಶಯುಕ್ತ ತೇನಸ್ ಕೊರೊಂದು ಉಲ್ಲೆರ್ ಪಂದ್
ಮಿಯಾರು ಕೋವಿಡ್ ಕೇರ್ ಸೆಂಟರ್ದ ನೋಡೆಲ್‌ಅಧಿಕಾರಿ
ಲೋಕೇಶ್ ಪಂಡೆರ್.