Sun. Nov 22nd, 2026

ಟೈಮ್ಸ್ ಆಫ್ ಕುಡ್ಲ ತುಳು ನ್ಯೂಸ್ Times of Kudla Tulu News

PM Modi to declare open new routes in the Bangalore metro ಇನಿ ಸಿಲಿಕಾನ್ ಸಿಟಿತ್ತ ಪೊಸ ಮೆಟ್ರೋ ಮಾರ್ಗ ಉದಿಪನ ಮಲ್ಪರೆ ಉಲ್ಲೆರ್ ಪ್ರಧಾನಿ ಮೋದಿ

ಬೆಂಗ್ಲೂರ್ ದ ಐಟಿ ಉದ್ಯೋಗಿಲೆನ ಬಹುನೀರಿಕ್ಷೆದ ಕೆ.ಆರ್.ಪುರ ಬೊಕ್ಕ ವೈಟ್ ಫೀಲ್ಡ್ ನಡುತ್ತ ಮೆಟ್ರೋ ಪೊಸ ಮಾರ್ಗನ್ ಇನಿ ಪ್ರಧಾನಿ ಮೋದಿ ಉದಿಪನ ಮಲ್ಪರೆ ಉಲ್ಲೆರ್.

ಮೇರ್ ಮಧ್ಯಾಹ್ನ 12.55 ಕ್ಕ್ HAL ರ್ದ್ ಮಾರ್ಗದ ಮುಖೇನ ವೈಟ್ ಫೀಲ್ಡ್ ದ ಕಾಡುಗೋಡಿ ಮೆಟ್ರೋ ನಿಲ್ದಾಣಗ್ ಬರಿಯೆರೆ ಉಲ್ಲೆರ್. ಬೊಕ್ಕ 1 ಗಂಟೆಗ್ 13.71 ಕಿ.ಮೀ ಉದ್ದದ ಮೆಟ್ರೋ ಮಾರ್ಗನ್ ಉದಿಪನ ಮಲ್ಪುವೆರ್. ಅವೆರ್ದ್ ಬೊಕ್ಕ ಕಾಡುಗೋಡಿ ನಿಲ್ದಾಣರ್ದ್ ಒಂಜಿ ಕಿ.ಮೀ‌ ದೂರಡ್ ಇಪ್ಪುನ ಚನ್ನಸಂದ್ರ ಮೆಟ್ರೋ ನಿಲ್ದಾಣ ಮುಟ್ಟ ಸಂಚಾರ ಮಲ್ಪರೆ ಉಲ್ಲೆರ್.

PM Modi to declare open new routes in the Bangalore metro

The KR Puram and Whitefield route on the Metro which will help IT professionals will be inaugurated by the prime minister today .

The 13.71 km route will be declared open at noon 1 p.m and Modi will also travel an one k.m route from Kadugodi stop to Chennasandra

The person who does the divine rituals of Eshwaragoli Panjurli honoured ಈಶ್ವರಗೋಳಿದ ಪಂಜುರ್ಲಿ ಚಾಕಿರಿದಾರ್ ದಾಮು ಬಂಗೇರ ಮೆರೆಗ್ ಬಂಗಾರ್ದ ಕಡಗ ಪಾಡ್ದ್ ಮಾನಾದಿಗೆ

ಈಶ್ವರಗೋಳಿದ ಪರಮಾತ್ಮೆ ಪಂಜುರ್ಲಿ ದೈವೊದ ಚಾಕಿರಿನ್ ಸುಮಾರ್ ವರ್ಷೊರ್ದಿಂಚ ಮಸ್ತ್ ನಿಷ್ಠೆ ಬೊಕ್ಕ ಶ್ರದ್ಧೆರ್ದ್ ದಾಮು ಬಂಗೇರ ಮೇರ್ ಮಲ್ತೊಂದು ಬರೊಂದು ಉಲ್ಲೆರ್.

ಅಂಚಾದ್ ಮೆರೆಗ್ ದೈವಜ್ಞೆರೆನ, ಗುತ್ತು ಬರ್ಕೆ ಬೊಕ್ಕ ಕಮಿಟಿದ ಮಾತ ಪದಾಧಿಕಾರಿಲೆನ ಸಮ್ಮುಖಡ್ ಶಾಲ್ ಪಾಡ್ದ್, ಪೇಟ ದೀದ್, ಪೂತ್ತ ಮಾಲೆ ಪಾಡ್ದ್, ಬಂಗಾರದ ಕಡಗ ಪಾಡ್ದ್ ಫಲ ಪುಷ್ಪ ಕೊರ್ದು ಮಾನಾದಿಗೆ ಮಲ್ದೆರ್.

The person who does the divine rituals of Eshwaragoli Panjurli Hr

Damu Bangera who has been rendering services for the holy rituals of Eshwaragoli Panjurli was honoured with a gold bracelet.

ಅತ್ತೂರು ಶ್ರೀ ಅರಸು ಕುಂಜಿರಾಯ ದೈವೊಲ್ಯಡ್ ಸಾಮೂಹಿಕ ಪ್ರಾರ್ತನೆ, ಧಾರ್ಮಿಕ ಲೇಸ್

ಅತ್ತೂರು ಶ್ರೀ ಅರಸು ಕುಂಜಿರಾಯ ದೈವೊಲ್ಯಡ್ ನಡಪುನ ಬ್ರಹ್ಮಕಲಶ ಬೊಕ್ಕ ಕಲಶ ಉಚ್ಚಯದ ಅಟ್ಟಣೆಗಾದ್ ಸಾಮೂಹಿಕ ಪ್ರಾರ್ತನೆ, ಅಲಯ ಪರಿಗ್ರಹ ಪಂಚಗವ್ಯ ಪುಣ್ಯಾಹವಾಚನ ಬೊಕ್ಕ ಧಾರ್ಮಿಕ ಲೇಸ್ ಅತ್ತೂರು ಬೈಲ್ ವೆಂಕಟ ರಾಜ ಉಡುಪ ಮೆರೆನ ಮುತಾಲಿಕೆಡ್ ಸುಕ್ರಾರ ನಡತ್ಂಡ್.

ಈ ಪೊರ್ತುಡು ದೈವಸ್ಥಾನದ ಆಡಳಿತ ಮಂಡಳಿದ ಅಧ್ಯಕ್ಷೆರ್ ಕುಳಾಯಿಗುತ್ತು ಚರಣ್ ಶೆಟ್ಟಿ ಕೊಜಪಾಡಿಬಾಳಿಕೆ, ಟ್ರಸ್ಟ್ ದ ಅಧ್ಯಕ್ಷೆರ್ ರಾಜೇಂದ್ರ ಶೆಟ್ಟಿ ಕುಡ್ತಿಮಾರುಗುತ್ತು, ಅತ್ತೂರು ಭಂಡಾರ ಮನೆ ಶಂಭು ಮುಕಾಲ್ದಿ ಮೊಕುಲು ಮಾತ ಇತ್ತೆರ್.

ಮಾ.31ತ್ತ ಉಲಯಿ ಆಧಾರ್​ ಕಾರ್ಡ್ – ಪಾನ್ ಕಾರ್ಡ್ ಗ್ ಲಿಂಕ್ ಮಲ್ಪೊಡು

ಕೇಂದ್ರ ಸರ್ಕಾರ ಕರಿನ ಕೆಲವು ವರ್ಷೊದಿಂಚ ಪಾನ್​ಕಾರ್ಡ್​ಗ್ ಆಧಾರ್ ಕಾರ್ಡ್ ಲಿಂಕ್ ಮಲ್ಪೆರೆ ಸಾರ್ವಜನಿಕೆರೆಡ ಬಿನ್ನಾಪು ಮಲ್ತೊಂದು ಬೈದ್ಂಡ್‌. ನೆಕ್ಕಾದ್ ಗುಡು ವಿಸ್ತರಣೆ ಮಲ್ತೊಂದು ಉಂಡು. ಆಂಡ ಇದ ಮುಟ್ಟ ಶೇ.100 ಗುರಿ ಸಾಧ್ಯ ಆತಿಜಿ. ಅಂಚಾದ್ ಇತ್ತೆ ಮಾ.31 ತಾರೀಕ್ ಅಕೇರಿದ ಅವಕಾಶ ಕೊರ್ತುಂಡು. ಈ ಗಡುತ್ತುಲಯಿ ಲಿಂಕ್ ಮಲ್ತಿಜಿಂಡ ಪಾನ್ ಕಾರ್ಡ್ ರದ್ದಾಪುನ ಸಾಧ್ಯತೆ ಉಂಡು ಪಂದ್ ತೆರಿಪಾದ್ಂಡ್.

ಆದಾಯ ತೆರಿಗೆ ವಂಚನೆ, ಬೇನಾಮಿ ಆಸ್ತಿ, ಪಿದಯಿ ದೇಶಲೆರ್ದ್ ಬರ್ಪಿನ ಕಾಸ್ ದ ಮಿತ್ತ್ ತೀವ್ರ ನಿಗಾ ಸೇರ್ಸಾದ್, ಕಲ್ವ ತಾದಿಡ್ ಬರ್ಪಿನ ಕಾಸ್ ಗ್ ಮೂಂಕುಬಲ್ಲ್ ಪಾಡಿಯೆರೆ ನೆರ್ದ್ ಸಾಧ್ಯ ಆಪುಂಡು. ಅಂದಾಜಿ 142 ಕೋಟಿಗ್ ಎಚ್ಚ ಜನಸಂಖ್ಯೆ ಇಪ್ಪುನ ಭಾರತಡ್ 61 ಕೋಟಿಗ್ ಎಚ್ಚ ಜನಟ ಪಾನ್ ಕಾರ್ಡ್ ಉಂಡು. ಅಯಿಟ್ 2023ತ್ತ ಫೆಬ್ರವರಿ ಅಕೇರಿಡ್ 48.5 ಕೋಟಿ ಜನತ್ತ ಆಧಾರ್ ಕಾರ್ಡ್​ ಸಂಖ್ಯೆ ಪಾನ್ ಕಾರ್ಡ್ ಗ್ ಲಿಂಕ್ ಆತ್ಂಡ್. ನನ ಒರಿನಕುಲು ಗಡುತ್ತ ಉಲಯಿ ಲಿಂಕ್ ಮಲ್ಪೊಡೇ ಪಂದ್ ತೆರಿಪಾದ್ಂಡ್.

ದೇಶಡ್ 2017 ಜು.1 ಕ್ಕ್ ರಡ್ಡ್ ಕಾರ್ಡ್ ದಲ ಲಿಂಕ್ ಪ್ರಕ್ರಿಯೆ ಸುರು ಆತ್ಂಡ್. ಅನಿರ್ದ್ 2022ತ್ತ ಮಾ.31 ಮುಟ್ಟ 7,8 ಸರ್ತಿ ಅವಧಿ ವಿಸ್ತರಣೆ ಮಲ್ದೆರ್. ಆಂಡಲ ಶೇ.100 ಗುರಿ ಸಾಧ್ಯ ಆತಿಜಿ. ಇಂಚಾದ್ ಮಾ.31 ಮುಟ್ಟ ಲಿಂಕ್ ಮಲ್ಪೆರೆ ಗಡುವು ಕೊರ್ತುಂಡು. ಲಿಂಕ್ ಆಯಿಜಿಂಡ ಅವೆರ್ದ್ ಬೊಕ್ಕ 10 ಸಾರ ರೂ.ಗ್ ದಂಡ ಪಾಡಿಯೆರೆ ಚಿಂತನೆ ನಡಪಾದ್ಂಡ್.

ಕುಡ ಪಾನ್ ಕಾರ್ಡ್ ಪಡೆಯೆರೆ ಸಾಧ್ಯ ಇಜ್ಜಿ?: ಒರ ಪಾನ್ ಕಾರ್ಡ್ ಪಡೆಯಿನಕುಲು ಲಿಂಕ್ ಮಲ್ಪರೆ ಉದಾಸಿನ ಮಲ್ತ್ ದ್, ಕಾರ್ಡ್ ರದ್ದಾಂಡ ಕುಡ ಪೊಸ ಪಾನ್ ಕಾರ್ಡ್ ಪಡೆಯೆರೆ ಆಪುಜಿ. ಅತ್ತಂದೆ ಲಿಂಕ್ ಆಯಿಜಿಂಡ ಸರ್ಕಾರದ ಸೌಲಭ್ಯ ಪಡೆಯರೆ ತೊಂದರೆ ಆಪುಂಡು. ಇದ ಮುಟ್ಟ ಲಿಂಕ್ ಮಲ್ಪಂದಿನಕುಲು ಉಂದುವೇ ತಿಂಗೊಲ್ದ ಉಲಯಿ ಮಲ್ಪವೊಡು.

ಪಾನ್ ಕಾರ್ಡ್ ರದ್ದಾಂಡ ತೊಂದರೆ ದಾದ?:
ಪಾನ್ ಕಾರ್ಡ್ ರದ್ದಾಂಡ ಪಾನ್​ಗ್ ಲಿಂಕ್ ಮಲ್ತಿನ ಮಾತ ಬಗೆತ್ತ ಕಾಸ್ ದ ವೈವಾಟ್ ಉಂತುಂಡು‌. ಹೆಚ್ಚುವರಿಯಾದ್ ಆದಾಯ ತೆರಿಗೆ ಬಾಕಿ ರಿಟರ್ನ್ಸ್ ಪ್ರಕ್ರಿಯೆ ಉಂತುಂಡು. 50 ಸಾರರ್ದ್ ಎಚ್ಚ ಕಾಸ್ ದ ವೈವಾಟ್ ಬ್ಯಾಂಕ್​ದ ಮುಖೇನ ನಡಪಾಯೆರೆ ಸಾಧ್ಯ ಆಪುಜಿ. ನೆರ್ದ್ ವ್ಯವಹಾರ ಚಟುವಟಿಕೆದ ಮಿತ್ತ್ ದುಷ್ಪರಿಣಾಮ ಆಪುನ ಸಾಧ್ಯತೆ ಎಚ್ಚಾಪುಂಡು. ರಾಷ್ಟ್ರೀಕೃತ, ಪ್ರಾದೇಶಿಕ ಸೇರ್ದ್ ವಾ ಬ್ಯಾಂಕ್​ಲೆಡ್ಲಾ ಸಾಲದ ಸೌಲಭ್ಯ ತಿಕ್ಕುಜಿ ಪಂದ್ ತೆರಿಪಾದ್ಂಡ್.

ಲಿಂಕ್ ದಾಯೇ ಕಡ್ಡಾಯ?:
ಅನಧಿಕೃತ ಪಾನ್ ಸಂಖ್ಯೆನ್ ಉಪಯೋಗ ಮಲ್ತೊಂದು ವಂಚನೆ ಮಲ್ಪುನ ಕೇಸ್ ಲು ನಡತೊಂದು ಇಪ್ಪುನ ಬಗೆಟ್ ಈ ನಿರ್ಧಾರ ದೆತೊಂದುಂಡು. ಅಂಚೆನೆ, ಪೊಸ ಪಾನ್ ಕಾರ್ಡ್​ಗ್ ಅರ್ಜಿ ಸಂದಾವೊನಕುಲು ಆಧಾರ್ ಸಂಖ್ಯೆ ಲಿಂಕ್ ಮಲ್ಪುನೇ ಕಡ್ಡಾಯ ಆತ್ಂಡ್. ನೆಕ್ಕ್ ದುಂಬೇ ಪಾನ್ ಕಾರ್ಡ್ ಇಪ್ಪುನಕುಲು ಸರ್ಕಾರ ನಿಗದಿ ಮಲ್ತಿನ ಗಡುವುರ್ದ್ ದುಂಬೇ ಆಧಾರ್ ದೊಟ್ಟಿಗೆ ಪಾನ್ ಕಾರ್ಡ್ ಲಿಂಕ್ ಮಲ್ಪೊಡು. ಇಜ್ಜಿಂಡ ಪಾನ್ ಕಾರ್ಡ್ ರದ್ದಾಪುಂಡು. ಬ್ಯಾಂಕ್ ಮುಖೇನ ಕಾಸ್ ದ ಚಟುವಟಿಕೆ ನಡಪಾಯೆರೆ, ಮ್ಯೂಚುವಲ್ ಫಂಡ್​ಲೆಡ್ ಹೂಡಿಕೆ ಮಲ್ಪೆರೆ, ಆನ್​ಲೈನ್ ವೈವಾಟ್ ದ ಬಗೆಟ್ ಕೆವೈಸಿ ಮುಟ್ಟ, ಇಂಚ ಸುಮಾರ್ ಕಾಸ್ ದ ಚಟುವಟಿಕೆಲೆಗ್ ಪಾನ್ ಕಾರ್ಡ್ ಅಗತ್ಯ ಆತ್ಂಡ್.

ಪಾನ್ ಲಿಂಕ್ ಮಲ್ಪುನು ಎಂಚ?:
ಸಾರ್ವಜನಿಕೆರ್ ಆದಾಯ ತೆರಿಗೆ ಇಲಾಖೆ ವೆಬ್​ಸೈಟ್ http://bit.ly/3YMHTyMಗ್ ಭೇಟಿ ಕೊರ್ದು ಪಾನ್ ಕಾರ್ಡ್ ನ್ ಆಧಾರ್ ಸಂಖ್ಯೆದೊಟ್ಟಿಗೆ ಲಿಂಕ್ ಮಲ್ಪೊಲಿ.

ತುಳು ಭವನಡ್ 360 ಲಕ್ಷ ರೂ. ಅನುದಾನದ ಕಾಮಗಾರಿಲೆನ ಉದಿಪನ

ಕರ್ನಾಟಕ ಗಡಿ ಪ್ರದೇಶ ಅಭಿವೃದ್ಧಿ ಪ್ರಾಧಿಕಾರದ ರೂ. 360 ಲಕ್ಷ ಅನುದಾನರ್ದ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ತುಳುಭವನಡ್ ನಿರ್ಮಾಣ ಆಯಿನ ಹೆಚ್ಚುವರಿ ಕಾಮಗಾರಿದ ಉದಿಪನ ಲೇಸ್ ಮಾ.24 ಸುಕ್ರಾರ ನಡತ್ಂಡ್. ಕರ್ನಾಟಕ ಗಡಿ ಪ್ರದೇಶ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷೆರ್ ಸಿ. ಸೋಮಶೇಖರ ಲೇಸ್ ಉದಿಪನ ಮಲ್ತೆರ್.

ಅಯಿರ್ದ್ ಬೊಕ್ಕ ಪಾತೆರಿನ ಆರ್, 1994 ಟ್ ತುಳು ಸಾಹಿತ್ಯ ಅಕಾಡೆಮಿ ಸುರು ಆಂಡ್. ಸುಮಾರ್ 3 ದಶಕದ ಇತಿಹಾಸ ಇಪ್ಪುನ ಅಕಾಡೆಮಿದ ಒರ ಪಿರ ತಿರ್ಗ್‌ದ್ ತೂನಗ ಇತ್ತೆದ ತುಳು ಅಕಾಡೆಮಿ ಎಡ್ಡೆ ಉಂಡು. ಪೊರ್ಲುದ ಕಟ್ವಾನೊ ಉಂಡು. ದ್ರಾವಿಡ ಭಾಷೆಡ್ ಒಂಜಾಯಿನ ತುಳು ಭಾಷೆ ಇತ್ತೆ ಜಗತ್ತ್‌ನೇ ಪಸೆರ್ದ್ಂಡ್. ವಿಜಯನಗರದ ಕಾಲಡ್ ಇತ್ತಿನ ತುಳು ಶಾಸನನ್ ಇತ್ತೆ ನಮ ಬಾರ್ಕೂರ್‌ದ ಸುತ್ತಲ ತೂಯರೆ ತಿಕ್ಕುಂಡು. ಜಗತ್ತ್‌ಡ್ ಇತ್ತೆ 2 ಕೋಟಿರ್ದ್‌ಲ ಎಚ್ಚದ ಜನ ತುಳು ಪಾತೆರುನಕುಲು ಉಲ್ಲೆರ್. ಮುಲ್ಪದ ಜನಕುಲು ತುಳು ಭಾಷೆನ್ ಮೋಕೆ ಮಲ್ತ್‌ದ್ ಪಾತೆರುವೆರ್. ಅಂಚಾದ್ ಇನೀ ಈ ತುಳುಭವನ ನಿರ್ಮಾಣ ಆಯರೆ ಸಾಧ್ಯ ಆಂಡ್ ಪಂದ್ ಪಂಡೆರ್.

ಕುಡ್ಲ ದಕ್ಷಿಣ ವಿಧಾನಸಭಾ ಕ್ಷೇತ್ರದ ಶಾಸಕೆರ್ ಡಿ. ವೇದವ್ಯಾಸ ಕಾಮತ್ ಪಾತೆರ್ದ್, ಪ್ರತಿ ಒಂಜಿ ತುಳುನಾಡ್‌ದ ಜನಕ್ಲೆನ ಭಾವನೆ ತುಳು ಭಾಷೆ 8ನೇ ಪರಿಚ್ಛೇದಗ್ ಸೇರೊಡು. ಈ ಭಾಷೆಗ್ ಸರಿಯಾಯಿನ ಸ್ಥಾನಮಾನ ತಿಕ್ಕೊಡು ಪನ್ಪಿನವು. ಉಂದೆಕ್ಕ್ ಮಸ್ತ್ ಪೊರ್ಂಬಾಟಲ ನಡತ್ಂಡ್. ದುಂಬುದ ಸರ್ಕಾರ ಉಪ್ಪುನಗ ಈ ಇಚಾರ ಸೊನ್ನೆಯಾದ್ ಇತ್ತ್ಂಡ. ಆಂಡ ಅವೆನ್ ಶೇ.50 ದಾತ್ ಮಿತ್ತ್ ಕನಯರೆ ಎಂಕುಲು ಪ್ರಯತ್ನ ಮಲ್ತ್‌ದ. ಈ ವಿಷಯಡ್ ನಮ ಪ್ರಯತ್ನ ಬೊಕ್ಕ ಪರಿಶ್ರಮ ಪಾಡ್ದ. ಆಂಡ ಸರ್ಕಾರದ ವ್ಯವಸ್ಥೆಡ್ ಬೇತೆ ಬೇತೆ ರೀತಿಡ್ ಅಡೆ ತಡೆ ಇತ್ತ್ಂಡಲ ತುಳುನ್ ನಮ ಈತ್ ಮಿತ್ತ್ ಕನಯರೆ ಪ್ರಯತ್ನ ಮಲ್ತ್‌ದ. ಅಂಚಾದ್ ನಮ್ಮ ಪ್ರಯತ್ನ, ಪರಿಶ್ರಮ ಇತ್ತಿನೆಡ್ದಾವರ ತುಳು ಭಾಷೆ ಆಯಿನಾತ್ ಬೇಗ 8ನೇ ಪರಿಚ್ಚೇದಗ್ ಸೇರುಂಡು ಪನ್ಪಿನ ಭರವಸೆನ್ ಕೊರಿಯೆರ್.

ಅಕಾಡೆಮಿದ ಮಾಜಿ ಗುರ್ಕಾರ್ಲು ದಯಾನಂದ ಕತ್ತಲ್‌ಸಾರ್ ಪಾತೆರ್ದ್, ಕೊರೋನದಂಚಿನ ಬಂಗದ ಪೊರ್ತುಡುಲ ಸಚಿವೆರ್ ಸಿ.ಟಿ ರವಿ ಮೇರ್ ಕರ್ನಾಟಕ ಗಡಿ ಪ್ರದೇಶ ಅಭಿವೃದ್ಧಿ ಪ್ರಾಧಿಕಾರದ ಮುಕೇನ ತುಳುಭವನದ ಬಾಕಿ ಬೇಲೆಗ್ 360 ಲಕ್ಷ ಅನುದಾನನ್ ಕೊರಿಯೆರ್. ಸಿ.ಟಿ ರವಿ ಮೇರ್ ಉಂದೆಕ್ಕಾದ್ ಕೊರಿನ ಬೆರಿಬಲ ಮಲ್ಲ. ಉಂದೆಕ್ಕಾದ್ ಯಾನ್ ಮಾತ್ರ ಅತ್ತಂದೆ ಮಸ್ತ್ ಜನ ಬಂಗ ಬೈದೆರ್. ಇತ್ತೆ ತುಳುಭವನದ ಬಾಕಿ ಬೇಲೆಲ ಉದಿಪನ ಆತ್ಂಡ್. ಭಾರೀ ಸಂತೋಷ ಆವೊಂದುಂಡು ಪಂಡೆರ್.

ಈ ಪೊರ್ತುಡು ಕುಡ್ಲ ಮಹಾನಗರ ಪಾಲಿಕೆದ ಮೇಯರ್ ಜಯಾನಂದ ಅಂಚನ್, ಪೂರ್ಣಿಮಾ, ಸುಧೀರ್ ಕಲ್ಲೂರ್, ಕಾರ್ಪೋರೇಟರ್ ರಾಧಾಕೃಷ್ಣ ಇತ್ತೆರ್.

ತುಳು ಅಧಿಕೃತದ ಮೋಹನ್ ಆಳ್ವೆರ್‍ನ ವರದಿನ್ ಕೂಡ್ಲೆ ಜಾರಿಗೆ ಕನಲೆ: ತುಳು ಸಂಘಟನೆಲೆನ ಒಕ್ಕೂಟರ್ದ್ ಬರವುದ ಪಲವೆ ಪ್ರದರ್ಶನ

ತುಳುವೆರೆರ್ದ್ ಓಟು ದೆತೊಂದಿನಕುಲು ತುಳುಕ್ಕಾದ್ ದಾಲ ಬೆನೊಂದಿಜ್ಜೆರ್. ಅಂಚಾದಿಪ್ಪುನಗ ಈ ಅಧಿಕೃತದ ಮಲ್ಪುನ ಬೇಲೆನ್ ಭಾರೀ ನಿಧಾನವಾದ್ ತುಳುತ್ತ ಬೇಲೆ ಮಲ್ಪುವೆ ಮಲ್ಪುವೆ ಪಂದ್ ಇದ ಮುಟ್ಟಲ ಮಲ್ತಿದ್‌ಜೆರ್. ಅಂಚಾದ್ ತುಳು ಭಾಷೆನ್ ರಾಜ್ಯದ ಅಧಿಕೃತ ಭಾಷೆ ಮಲ್ಪುನ ನಿಲೆಟ್ ತುಳು ಸಂಘಟನೆದಕುಲು ಪೊರ್ಂಬಾಟ ಮಲ್ತೆರ್.

EPFO calls for vacancies in 2849 jobs EPFO ಡ್ 2859 ಬೇಲೆ

ಉದ್ಯೋಗಿಲೆನ ಭವಿಷ್ಯ ನಿಧಿ ಸಂಸ್ಥೆ (EPFO) ಡ್ ಖಾಲಿ ಇಪ್ಪುನ 2859 ಬೇಲೆಗ್ ಅರ್ಜಿ ಪಾಡೊಲಿ.

ನೆಟ್ಟ್ ಸಾಮಾಜಿಕ ಭದ್ರತಾ ಸಹಾಯಕ ಬೊಕ್ಕ ಸ್ಟೇನೋಗ್ರಾಫರ್ ಬೇಲೆ ಉಂಡು. ಸಾಮಾಜಿಕ ಭದ್ರತಾ ಸಹಾಯಕಡ್ 2674 ಬೇಲೆ ಉಂಡು. ವಿದ್ಯಾರ್ಹತೆ ಪದವಿ ಆದಿಪ್ಪೊಡು. ಬೊಕ್ಕ ಸ್ಟೇನೋಗ್ರಾಫರ್ ಡ್ 185 ಬೇಲೆ ಉಂಡು. ನೆಕ್ಕ್ ಅರ್ಜಿ ಪಾಡಿಯೆರೆ ಪಿಯುಸಿ ಆದಿಪ್ಪೊಡು. ಅತ್ತಂದೆ 18 ರ್ದ್ 27 ವರ್ಷೊದೊಲಯಿ ಇಪ್ಪೊಡು. ಎಚ್ಚದ ಪೊಲಬುಗಾದ್ epfindia.gov.in ಭೇಟಿ ಕೊರೊಲಿ.

EPFO calls for vacancies in 2849 jobs

Employees Provident Fund Organization has called for applications to fill for 2849 posts.

For details and information log on to epfindia.gov.in

Jyoti Gudde Shri Durgaparameshwari Bhajana mandali take part in Bhajana program at Shri Kukke Subramanya temple ಶ್ರೀ ಕುಕ್ಕೆ ಸುಬ್ರಹ್ಮಣ್ಯ ದೇವಲ್ಯಡ್ ನಡತಿನ ಭಜನೆ ಲೇಸ್ ಡ್ ಪಾಲ್ ಪಡೆಯಿನ ಜ್ಯೋತಿ ಗುಡ್ಡೆ ಶ್ರೀ ದುರ್ಗಾಪರಮೇಶ್ವರಿ ಭಜನಾ ಮಂಡಳಿ

ಚಂದ್ರಮಾನ ಯುಗಾದಿದ ಲೆಕ್ಕೊಡು ಶ್ರೀ ಕುಕ್ಕೆ ಸುಬ್ರಹ್ಮಣ್ಯ ದೇವಲ್ಯಡ್ ಭಜನೆ ಲೇಸ್ ನಡತ್ಂಡ್.

ಈ ಭಜನೆ ಲೇಸ್ ಡ್ ಶ್ರೀ ದುರ್ಗಾಪರಮೇಶ್ವರಿ ಭಜನಾ ಮಂಡಳಿ ಜ್ಯೋತಿ ಗುಡ್ಡೆ ಮೊಕುಲು ಪಾಲ್ ಪಡೆಯೆರ್.

Earthquake experienced in Northern parts of India ಉತ್ತರ ಭಾರತದ 2 ರಾಜ್ಯಡ್ ಭೂಕಂಪ

ಭಾರತಡ್ ಕುಡೊರ ಭೂಕಂಪ ಆತ್ಂಡ್. ದೇಶದ ಮಲ್ಲ ರಾಜ್ಯಲೆಡ್ ಒಂಜಾಯಿನ ಮಧ್ಯಪ್ರದೇಶಡ್ ಈ ಸರ್ತಿ ಭೂಕಂಪದ ಅನುಭವ ಆತ್ಂಡ್.

ಗ್ವಾಲಿಯರ್ ರ್ದ್ 28 ಕಿಮೀ ದೂರಡ್ ಭೂಕಂಪದ ಅನುಭವ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್. ನೆತ್ತ ಬಿರ್ಸ್ ರಿಕ್ಟರ್ ಮಾಪಕಡ್ 4.0 ದಾತ್ ಉಂಡು. ನೆತ್ತೊಟ್ಟಿಗೆ ಛತ್ತೀಸ್ ಗಢದ ಅಂಬಿಕಾಪುರಡ್ ಭೂಕಂಪ ನಡತ್ಂಡ್ ಪಂದ್ ವರದಿ ಆತ್ಂಡ್. ಕರಿನ 3 ದಿರ್ನೊದಿಂಚ ಭಾರತದ ಸುಮಾರ್ ಕಡೆಟ್ ಭೂಕಂಪ ನಡತ್ಂಡ್ ಪಂದ್ ತೆರಿದ್ ಬೈದ್ಂಡ್.

Earthquake experienced in Northern parts of India

An earthquake of 4.0 density on the Richter scale was experienced at places near Gwalior in Madya Pradesh. Tremors were also felt at Ambikapur in Chattisgarh.Tremors were felt at many places in India from the past three days.

Sasihitlu: Nagadevata Punar pratistan and Ashlesha Bali and other rituals at Nagabana of Kundaran family ಸಸಿಹಿತ್ಲು ಕುಂದರನ್ ಮೂಲದ ನಾಗಬನಟ್ ಶ್ರೀ ನಾಗದೇವೆರೆಗ್ ಪುನರ್ ಪ್ರತಿಷ್ಠೆ, ಆಶ್ಲೇಷಾ ಬಲಿ

ಸಸಿಹಿತ್ಲು : ಕುಂದರನ್ ಕುಟುಂಬದ ವತಿರ್ದ್ ನೆಲ್ಲಿಕಾತೀಯ ನಾಗಮೂಲ ಸ್ಥಾನ ಆಯಿನ ಮಲೆಯಾಳಿ ತೋಟ, ಅಗ್ಗಿದಕಳಿಯ ಮುಲ್ಪದ ನಾಗಬನಟ್ ಶ್ರೀ ನಾಗದೇವೆರೆಗ್ ಪುನರ್ ಪ್ರತಿಷ್ಠೆ ಬೊಕ್ಕ ಆಶ್ಲೇಷಾ ಬಲಿ ಗುರುವಾರ ನಡತ್ಂಡ್.

ಆವೆರ್ದ್ ಬೊಕ್ಕ ಪಂಚಾಮೃತ ಅಭಿಷೇಕ, ಬ್ರಹ್ಮ ಕಲಶಾಭಿಷೇಕ, ಆಶ್ಲೇಷ ಬಲಿ, ಪ್ರಸನ್ನ ಪೂಜೆ, ಪ್ರಸಾದ ಕೊರಿಯೆರ್. ಬೊಕ್ಕ ಮಹಾ ಅನ್ನಸಂತರ್ಪಣೆ ನಡತ್ಂಡ್.

PM Narendra Modi on a tour of Karnataka tomorrow ಎಲ್ಲೆ ಕರ್ನಾಟಕಗ್ ಬರಿಯೆರೆ ಉಲ್ಲೆರ್ ಪ್ರಧಾನಿ ಮೋದಿ

ಎಲ್ಲೆ ದಾವಣಗೆರೆಟ್ಟ್ ನಡಪುನ ಬಿಜೆಪಿದ ವಿಜಯಸಂಕಲ್ಪ ಮಹಾಸಂಗಮ ಸಮಾರೋಪ ಲೇಸ್ ಗ್ ಪಿಎಂ ನರೇಂದ್ರ ಮೋದಿ ಬರಿಯೆರೆ ಉಲ್ಲೆರ್.

ಬಿಜೆಪಿದ 52 ಪೆರಿಯ ನಾಯಕೆರ್ ಮುತಾಲಿಕೆ ಒಯಿಸೊನ್ನ ಈ ರಥಯಾತ್ರೆ ಇತ್ತೆ ಬೆಣ್ಣೆನಗರಿ ಎತ್ತ್ ದ್ಂಡ್. ಅತ್ತಂದೆ ಸುಮಾರ್ 5 ಲಕ್ಷರ್ದ್ ಎಚ್ಚ ಕಾರ್ಯಕರ್ತೆರ್ ಎಲ್ಲೆದ ಲೇಸ್ ಡ್ ಪಾಲ್ ಪಡೆಪುನ ನಿರೀಕ್ಷೆ ಉಂಡು. ಜಿಎಂಐಟಿ ಮೈದಾನಡ್ ನಡಪುನ ಲೇಸ್ ಸುಮಾರ್ 400 ಎಕ್ರೆ ಪ್ರದೇಶಡ್ ನಡಪರೆ ಉಂಡು. ಕಾರ್ಯಕರ್ತೆರೆಗಾದ್ 10 ಸಾರ ಬಸ್ ವ್ಯವಸ್ಥೆ ಮಲ್ದೆರ್ ಪಂದ್ ವರದಿ ಆತ್ಂಡ್.

PM Narendra Modi on a tour of Karnataka tomorrow

PM Narendra Modi will take part in the BJP Vijayasankapa Mahasangama closing ceremony at Davangere.

The rathyatra taken up by 52 leaders of the BJP will end at Davangere and more than five lakh party workers will participate in the program.

You Missed