ಜವನೆರ್ ಡ್ರಗ್ಸ್ದ ಸುಳಿಕ್ ಬೂರೊಂದುಪ್ಪುನ ಪೊರ್ತುಡು 14 ದಿನ ಕೇರಳದ 14 ಜಿಲ್ಲೆಲೆಗ್ ಬೈಕ್ ರೈಡ್ ಮಲ್ತ್ದ್ ಡ್ರಗ್ಸ್ ಬೊಕ್ಕ ಪಸಂದ್ರೊದ ಒರಿಪುದ ಅರಿಮೆ ಪುಟ್ಟಾಯೆರೆ ಪಿದಾಡ್ದೆರ್ ತುಳುವ ಜವನೆ ವಿಷ್ಣು | Road Monk Vlogs
ಕುಡ್ಲ, ಮೇ. 28: ಸಮಾಜೊಡು ದುಂಬುರ್ದಿಂಚಿಲಾ ಒಂಜೊಂಜಿ ಕಾಲಘಟ್ಟೊಡು ಒಂಜೊಂಜಿ ಬಗೆತ ಸಮಸ್ಯೆಲು ಸಾಮಾಜಿಕ ವ್ಯವಸ್ಥೆನ್ ತೆಟ್ಟಾವರೆ ಬರೊಂದೇ ಉಲ್ಲ, ಇತ್ತೆದ ಕಾಲೊಡು ಅವು ಡ್ರಗ್ಸ್ದ ವ್ಯಸನೊದ ರೂಪೊಡು ಉಂಡು. ಅವೆ ಒಟ್ಟುಗು ನರಮಾನಿ ನಮಕ್ ಬದ್ಕ್ ಕೊರ್ತಿನ ಅಪ್ಪೆ ಪುಡಮಿನ ಉಡಲ್ಗ್ ದೊಂಕೊಂದುಪ್ಪುನವು ಇನಿ ಕೋಡೆದ ಇಸಯ ಅತ್ತ್. ಇಂಚಿನ ಸಮಸ್ಯೆಲೆನ ಬಗೆಟ್ ಲೋಕೊಗು ಅರಿಮೆ ಪುಟ್ಟಾಯೆರೆ ಬೋಡಾದ್ ರೋಡ್ ಮಾಂಕ್ ವ್ಲೋಗ್ಸ್ ಪುದರ್ಡ್ ಬೈಕ್ ರೈಡ್ ಪಿದಡ್ದೆರ್ ತುಳುವ ಜವನೆ ವಿಷ್ಣು.
“ಸೇವ್ ನೇಚರ್, ಸೇ ನೋ ಟು ಡ್ರಗ್ಸ್” ಪನ್ಪಿ ಧ್ಯೇಯೊಡು ಮೇ 28 ದಾನಿ ಬೈಕ್ ಪಯಣೊನು ಸುರು ಮಲ್ದಿನ ರೋಡ್ ಮಾಂಕ್ ವಿಷ್ಣು, 14 ದಿನೊಟು ಕೇರಳ್ದ 14 ಜಿಲ್ಲೆಲೆಗ್ ಪೋದು ಪಸಂದ್ರೊನು ಒರಿಪಾವುನೆತ ಬಗೆಟ್ ಅಂಚೆನೇ ಡ್ರಗ್ಸ್ರ್ದಾನರ ಆಪಿನ ತೊಂದರೆಲೆನ ಬಗೆಟ್ ತೆರಿಪಾವುನ ಪುನೆಪುಗು ಕೈ ಪಾಡ್ದೆರ್. ತುಳು ಕೊಡಿತ ಒಟ್ಟುಗು ಬೈಕ್ ರೈಡ್ ಮಲ್ತೊಂದುಪ್ಪುನ ತುಳುವ ಜವನಗ್ ತುಳುವೆರ್ ಬೆರಿತಾಂಗ್ ಕೊರೊಡು ಪನ್ದ್ ಕೇನೊಂದೆರ್.
ಪೋಯಿನಲ್ಪ ಟೆಂಟ್ ಪಾಡ್ದ್ ಅಲ್ಪನೇ ಉಂತೊಂದುಪ್ಪುನ ಜವನೆ ಇತ್ತೆ ಕೇರಳದ ವಯನಾಡ್ಗ್ ಎತ್ತ್ದೆರ್.