ನನ “ಗೃಹಲಕ್ಷ್ಮಿ’ ದುಡ್ಡು ಬರೊಡ್ಡ ಬಯೊಮೆಟ್ರಿಕ್ ಕಡ್ಡಾಯ

ಬೆಂಗಳೂರು: ರಾಜ್ಯ ಸರಕಾರದ ಗೃಹಲಕ್ಷ್ಮಿ ಯೋಜನೆದ ದುಡ್ಡು ದುರುಪಯೋಗ ಆವೊಂದಿತ್ತಿನ ಹಿನ್ನೆಲೆಡ್ ರ‍್ಪಿನ ತಿಂಗೊಲರ‍್ದು ಬೊಕ್ಕ ಬಯೊಮೆಟ್ರಿಕ್ ಸಿಸ್ಟಮ್ ಜಾರಿಗ್ ಕನವರೆ ಸರಕಾರ ನಿರ್ಧಾರ ಮಲ್ದ್ಂಡ್. ಸರಕಾರದ 2,000 ರೂ. ದುಡ್ಡು ದೆತೊನೊಡಾಂಡ ಬಯೋ ಮೆಟ್ರಿಕ್ ಮಲ್ಪಾವೊಡು. ಬಯೊಮೆಟ್ರಿಕ್ ಮಲ್ಪರೆ 5 ರೂ. ದುಡ್ಡು ಕೊರೊಡಾಪುಂಡು !
ಮಹಿಳಾ ಬೊಕ್ಕ ಮಕ್ಕಳ ಕಲ್ಯಾಣ ಇಲಾಖೆ ಫಲಾನುಭವಿಲೆನ್ ಗೃಹಲಕ್ಷ್ಮಿ ಸೊಸೈಟಿದ ಮೆಂಬರ್ ಮಲ್ಪರೆ ತಯಾರಾತ್ಂಡ್. ಮೆಂಬರ್ ಆವೊಡ್ಡ ಪ್ರತಿ ಫಲಾನುಭವಿ ಪೊಂಜೊವು 1250 ರೂ. ಕಟ್ಟೊಡು. ಒಂಜಿ ವೇಳೆ ಮೆಂಬರ್‌ಶಿಪ್ ಬೊಡ್ಚಿಂದಾಂಡ ಕಾಲಿ ಬಯೊಮೆಟ್ರಿಕ್ ಮಾತ್ರ ಮಲ್ಪೊಡು. ನೆಕ್ಕ್ ಬೋಡಾದ್ ಬಯೊಮೆಟ್ರಿಕ್ ಆಪ್ ತಯಾರಾವೊಂದುಂಡು.
ಗ್ರಾಮ ಒನ್, ಮಂಗಳುರು ಒನ್, ಸೇವಾಸಿಂಧು ಕೇಂದ್ರಗ್ ಪೋದು ಬಯೊಮೆಟ್ರಿಕ್ ಮಲ್ಪಾವೊಡು. ಅಯಿಕ್ 5 ರೂ. ಶುಲ್ಕ ಉಂಡು. ಬಯೊಮೆಟ್ರಿಕ್ ಮಲ್ಪಾವರೆ ಪೋನಗ ಆಧಾರ್ ಕಾರ‍್ಡ್ ಬೊಕ್ಕ ರೇಷನ್ ಕಾರ‍್ಡ್ ಪತೊಂದು ಪೋವೊಡು ಪಂದ್ ಅಧಿಕಾರಿಲು ತೆರಿಪಾದೆರ್.