ಪಡ್ಡೆದ್ರ ಬ್ರಹ್ಮಕಲಶಗ್ ಪುದೆ ಕಾಣಿಕೆ

ಸುರತ್ಕಲ್ ಬಂಟರ ಸಂಘಡ್ ಅಟ್ಟಣೆದ ಸಭೆ

ಸುರತ್ಕಲ್ : ಪಡ್ಡೆದ್ರ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಸ್ಥಾನದ ಬ್ರಹ್ಮಕಲಶೋತ್ಸವದ ಪ್ರಯುಕ್ತ ಪುದೆ (ಹಸಿರುಹೊರೆ) ಕಾಣಿಕೆ ಬೊಕ್ಕ ಮೆರವಣಿಗೆದ ಬಗೆಟ್ಟ್ ತಯಾರಿ ಮಲ್ಪರೆ ಸುರತ್ಕಲ್ ಬಂಟರ ಸಂಘದ ಸಭೆ ಮಾಜಿ ಅಧ್ಯಕ್ಷೆರ್ ಉಲ್ಲಾಸ್ ಆರ್ ಶೆಟ್ಟಿ ಪೆರ್ಮುದೆ ಮೆರೆನ ನೇತೃತ್ವಡ್ ನಡತ್ಂಡ್.
ಸಭೆತ್ತ ಗುರ್ಕಾರ್ಮೆನ್ ಸಂಘದ ಅಧ್ಯಕ್ಷೆರ್ ಬಾಳ ಜಗನ್ನಾಥ ಶೆಟ್ಟಿ ವಹಿಸ್‌ದಿತ್ತೆರ್.
ಸಭೆಟ್ಟ್ ಹೊರೆ ಕಾಣಿಕೆ ಸಮಿತಿದ ದಕ್ಷಿಣ ಕನ್ನಡ ಜಿಲ್ಲಾ ಸಂಚಾಲಕೆರ್ ಚಂದ್ರಹಾಸ ಶೆಟ್ಟಿ ರಂಗೋಲಿ ಪಾತೆರ್ದ್, ಎಂಆರ್ ಜಿ ಗ್ರೂಪ್‌ದ ಚೇರ್‌ಮನ್ ಕೆ.ಪ್ರಕಾಶ್ ಶೆಟ್ರೆನ ಅಧ್ಯಕ್ಷತೆಡ್ ಪಡುಬಿದ್ರೆ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವೆರೆ‌ನ ಬ್ರಹ್ಮಕಲಶೋತ್ಸವ ನಡಪರೆ ಉಂಡು. ಆ ಪ್ರಯುಕ್ತ ದಕ್ಷಿಣ ಕನ್ನಡ, ಉಡುಪಿ, ಕಾಸರಗೋಡು ಸಹಿತ ಬೇರೆ ಜಿಲ್ಲೆರ್ದ್‌ಲ ಪಡುಬಿದ್ರೆ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಸ್ಥಾನಡ್ ನಡಪುನ ದೇವತಾ ಕಾರ್ಯಗ್ ಹೊರೆಕಾಣಿಕೆ ಕಡಪಾವರೆ ಮಾತಾ ಬಂಟರ ಸಂಘಲೆಗ್ ಮನವಿ ಪತ್ರ ಬೈದ್ಂಡ್. ಈ ನಿಲೆಟ್ಟ್ ಸುರತ್ಕಲ್ ಬಂಟರ ಸಂಘಲ ಭಾರಿ ಮುತುವರ್ಜಿ ವಹಿಸ್‌ದ್ ಸಭೆ ಮಲ್ದರ್. ಲ ಎಪ್ರಿಲ್ 26 ಕ್ಕ್ ಐತಾರ ಬಯ್ಯಡ್ 3 ಗಂಟೆಗ್ ನಡಪುನ ಹೊರೆಕಾಣಿಕೆ ಮೆರವಣಿಗೆಡ್ ಸಮಾಜ ಬಾಂಧವೆರ್ ಹೆಚ್ಚಿನ ಸಂಖ್ಯೆಡ್ ಸಕ್ರಿಯವಾದ್ ಪಾಲ್ ಪಡೆವೊಡು ಪಂದ್ ಬಿನ್ನಾಪು ಮಲ್ತೆರ್.
ಬ್ರಹ್ಮಕಲಶೋತ್ಸವ ಸಮಿತಿದ ಪದಾಧಿಕಾರಿ, ಪಡುಬಿದ್ರೆ ಬಂಟರ ಸಂಘದ ಪ್ರಧಾನ ಕಾರ್ಯದರ್ಶಿ ಪ್ರಕಾಶ್ ಶೆಟ್ಟಿ ಪಡುಹಿತ್ಲು ಪಾತೆರ್ದ್, ಮಹಾ ಅನ್ನ ಸಂತರ್ಪಣೆಗ್ ಬೋಡಾಪಿನ ಸಾಮಗ್ರಿದ ಮಾಹಿತಿ ಕೊರಿಯೆರ್. ಎ. 26 ಐತಾರ ಪಡ್ಡೆದ್ರ ಪೇಂಟೆದ ಗುಂಡ್ಲಾಡಿ ಕಟ್ಟೆರ್ದ್ ಬಯ್ಯಡ್ 3 ಗಂಟೆಗೆ ಸರಿಯಾದ್ ಶೋಭಾಯಾತ್ರೆ ಪಿದಾಡುಂಡು ಪಂದ್ ಪಂಡೆರ್.
ಸಭೆಟ್ಟ್ ಗಿರೀಶ್ ಎಂ ಶೆಟ್ಟಿ ಕಟೀಲು, ಸರೋಜ ಟಿ ಶೆಟ್ಟಿ, ರಾಜೇಶ್ವರಿ ಡಿ ಶೆಟ್ಟಿ, ಕಿರಣ್ ಪ್ರಸಾದ್ ರೈ, ಪುಷ್ಪರಾಜ ಶೆಟ್ಟಿ ಕುಡುಂಬೂರು ಅಭಿಪ್ರಾಯ ತೆರಿಪಾಯೆರ್ . ವೇದಿಕೆಡ್ ಸಂಘದ ನಿಕಟ ಪೂರ್ವಾಧ್ಯಕ್ಷೆರ್ ಲೋಕಯ್ಯ ಎಂ ಶೆಟ್ಟಿ ಮುಂಚೂರು, ಮಾಜಿ ಅಧ್ಯಕ್ಷೆರಾಯಿನ ಉಲ್ಲಾಸ್ ಶೆಟ್ಟಿ, ಸುಧಾಕರ ಎಸ್ ಪೂಂಜ, ಸಂಘದ ಉಪಾಧ್ಯಕ್ಷೆರ್ ಪ್ರವೀಣ್ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಲೀಲಾಧರ ಶೆಟ್ಟಿ ಕಟ್ಲ, ಕೋಶಾಧಿಕಾರಿ ರತ್ನಾಕರ ಶೆಟ್ಟಿ, ಗುರುಪುರ ಬಂಟರ ಮಾತೃಸಂಘದ ಅಧ್ಯಕ್ಷೆರ್ ಸಂತೋಷ್ ಶೆಟ್ಟಿ ಮೊಕುಲು ಮಾತ ಇತ್ತೆರ್.
ಉಲ್ಲಾಸ್ ಶೆಟ್ಟಿ ಸ್ವಾಗತ ಮಲ್ತೆರ್. ಲೀಲಾಧರ ಶೆಟ್ಟಿ ಕಾರ್ಯಕ್ರಮ‌ ನಿರೂಪಣೆ ಮಲ್ತ್‌ದ್ ಸೊಲ್ಮೆ ಸಂದಾಯೆರ್.