ಕಟೀಲ್ : ಶ್ರೀ ದುರ್ಗಾಪರಮೇಶ್ವರಿ ಯಕ್ಷಗಾನ ಮೇಳ ಉದಿಪನದ ಲೇಸ್ಗ್ ಶನಿವಾರ ಕಟೀಲು ಶ್ರೀ ದುರ್ಗಾಪೆರಮೇಶ್ವರಿ ದೇವಸ್ಥಾನಗ್ ಬತ್ತಿನ ಕೇಂದ್ರ ಸಚಿವೆರ್ ಪ್ರಹ್ಲಾದ್ ಜೋಷಿ ಮೆರೆಗ್ ಕಟೀಲ್ದ ಆನೆ ಮಹಾಲಕ್ಷೀ ಮಲ್ಲಿ್ಗೆದ ಪೂ ಮಾಲೆ ಪಾಡ್ದ್ ಸ್ವಾಗತ ಮಲ್ತ್ಂಡ್.
ಈ ಪೊರ್ತುಡು ಮಹಾಲಕ್ಷಿನ ಆಶೀರ್ವಾದ ಪಡೆಯಿನ ಕೇಂದ್ರ ಸಚಿವೆರ್ ಜೋಷಿ ಭಾರಿ ಕುಷಿ ಪಡೆಯೆರ್. ಬೊಕ್ಕ ಕಟೀಲ್ ಶ್ರೀ ದುರ್ಗಾಪರಮೇಶ್ವರಿನ ದರ್ಶನ ಮಲ್ತ್ದ್ ಫಲಾಹಾರ ಪ್ರಸಾದ ಸ್ವೀಕಾರ ಮಲ್ತೆರ್.
ಈ ಪೊರ್ತುಡು ಕಟೀಲ್ದ ಪ್ರಧಾನ ಅರ್ಚಕೆರಾಯಿನ ಅನಂತ ಅಸ್ರಣ್ಣ, ವಾಸುದೇವ ಅಸ್ರಣ್ಣ, ಮಾಜಿ ಸಂಸದೆರ್ ನಳಿನ್ ಕುಮಾರ್ ಕಟೀಲ್ , ಶಾಸಕೆರ್ ಉಮಾನಾಥ ಕೋಟ್ಯಾನ್, ಜಿಲ್ಲಾ ಬಿಜೆಪಿ ಅಧ್ಯಕ್ಷೆರ್ ಸತೀಶ್ ಕುಂಪಲ, ಮಾಜಿ ಅಧ್ಯಕ್ಷೆರ್ ಸುದರ್ಶನ ಮೂಡುಬಿದ್ರೆ,ಭುವನಾಭಿರಾಮ ಉಡುಪ, ಈಶ್ವರ ಕಟೀಲ್,
ಕಸ್ತೂರಿ ಪಂಜ,
ದೇವಪ್ರಸಾದ್ ಪುನರೂರು, ರಂಜಿತ್ ಮೂಡುಬಿದ್ರೆ ಮೊಕುಲು ಮಾತ ಇತ್ತೆರ್.