ನಕಲಿ ಇ-ಮೇಲ್ ಐಡಿ ಕ್ರಿಯೇಟ್ ಮಲ್ತ್ 3.56 ಲಕ್ಷ ವಂಚನೆ

ಕುಡ್ಲ: ದೋಸ್ತಿನ ಪುದರ್‌ಡ್ ನಕಲಿ ಇ-ಮೇಲ್ ಐಡಿ ಮಲ್ತ್ ದ್ ಮೆಸೇಜ್ ಕಡಪುರ್ದ್ 3.56 ಲಕ್ಷ ರೂ ದೆತೊಂದು ವಂಚನೆ ಮಲ್ತಿನ ಘಟನೆ ಕುಡ್ಲಡ್ ನಡತ್‌ಂಡ್.

ದೂರುದಾರೆರ್ನ ದೋಸ್ತಿ ಕ್ಯಾ| ಜಾನ್ ಪ್ರಸಾದ್ ಮಿನೇಜಸ್ ಅರೆನ ಪುದರ್‌ಡ್ ನಕಲಿ ಇ ಮೇಲ್ ಐಡಿ ಸೃಷ್ಟಿ ಮಲ್ತ್ ದ್ ಯಾನ್ ಜಾನ್ ಪ್ರಸಾದ್ ಮಿನೇಜಸ್ ಪಂದ್, ಯಾನ್ ಮಗನ ಬಾಲೆನ್ ತೂವೆರೆ ಲಂಡನ್‌ಗ್ ಪೋದ್ ಇಪ್ಪುನಗ ಅಲ್ಪರ್ದ್ ಪಿರ ಬನ್ನಗ ಬುಡೆದಿನ ಅನಾರೋಗ್ಯದ ಕಾರಣ ವಿಮಾನ ತತ್ತ್ ದ್ಂಡ್.

ಅಂಚಾದ್ ಪಿರ ವಿಮಾನದ ಟಿಕೆಟ್ ಮಲ್ಪರೆ ಕಾಸ್ ಬೋಡಾಂಡ್. ಐಕ್ ಇತ್ತೆನೆ ಕಾಸ್ ಕಡಪುಡು ಪಂದ್ ಜು. 26 ದಾನಿ ಮೆಸೇಜ್ ಮಲ್ತ್ ಇತ್ತೆ. ಉಂದೆನ್ ನಂಬಿನ ದೂರುದಾರೆರ್ ಜು.26 ರ್‌ರ್ದ್ 31 ಮುಟ ಒಟ್ಟು 3.56 ಲಕ್ಷ ವರ್ಗಾವಣೆ ಮಲ್ತೆರ್.

ಬೊಕ್ಕ ಪೋದು ವಿಚಾರಣೆ ಮಲ್ಪುನಗ ಮೋಸ ಪೋತಿನ ಗೊತ್ತಾತ್‌ಂಡ್. ನೆತ್ತ ಬಗ್ಗೆ ಕುಡ್ಲದ ಸೆನ್ ಠಾಣೆಡ್ ಪ್ರಕರಣ ದಾಖಲಾತ್‌ಂಡ್.