ಕೆ.ಎಂ.ಎಫ್ ದ ರಾಯಭಾರಿ ಶಿವರಾಜ್ ಕುಮಾರ್

ಬೆಂಗ್ಲೂರು: ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಮೇರ್ ಕೆಎಂಎಫ್ ಉತ್ಪನ್ನದ ರಾಯಭಾರಿಯಾದ್ ತೋಜಿದ್ ಬರಿಯರೆ ಉಲ್ಲೆರ್.

ನೆತ್ತ ಬಗೆಟ್ಟ್ ಕೆಎಂಎಫ್ ಅಧ್ಯಕ್ಷೆರ್ ಭೀಮಾ ನಾಯ್ಕ ಬೊಕ್ಕ ವ್ಯವಸ್ಥಾಪಕ ನಿರ್ದೇಶಕೆರ್ ಎಂ.ಕೆ.ಜಗದೀಶ್ ಅಂಗಾರೆ ಶಿವರಾಜ್ ಕುಮಾರ್ ಅರೆನ ಇಲ್ಲಗ್ ಪೋದು ಸಮಾಲೋಚನೆ ಮಲ್ತೆರ್. ಈ ಪೊರ್ತುಡ್ ಶಿವರಾಜ್ ಕುಮಾರ್ ನಂದಿನಿ ಉತ್ಪನ್ನದ ರಾಯಭಾರಿ ಆವರೆ ಒಪ್ಪಿಗೆ ಕೊರ್ತೆರ್.

ನೆತ್ತ ಬಗ್ಗೆ ಪಾತೆರ್ನ ಭೀಮಾ ನಾಯ್ಕ, ಕೆಎಂಎಫ್‌ ನಂದಿನಿ ಪೇರ್ ಬೊಕ್ಕ ಐತ ಉತ್ಪನ್ನದ ಪ್ರಚಾರ ಮಲ್ಪರೆ ಶಿವಣ್ಣ ಒಪ್ಪಿನೆಕ್ಕ್ ಅರೆಗ್ ಪೇರ್ ದ ಒಕ್ಕೂಟದ ಲೆಕ್ಕಡ್ ಅಭಿನಂದನೆ ಸಲ್ಲಿಸಾಯೆರ್.

ನೆರ್ದ್ ದುಂಬ್ ನಟ ಪುನೀತ್ ರಾಜ್‌ಕುಮಾರ್ ಕೆಎಂಎಫ್ ಉತ್ಪನ್ನದ ರಾಯಬಾರಿ ಆದ್ ಇತ್ತೆರ್. ಪ್ರಚಾರಗ್ ಒವ್ವೆ ರೀತಿದ ಸಂಭಾವನೆ ದೆತೊಂದು ಇಜ್ಜಾಂಡ್.

ರೈತೆರೆಗ್ ಅನುಕೂಲ ಆಪುಂಡ್ ಪಂದ್ ನೆರ್ದ್ ದುಂಬು ಕೆಎಂಎಫ್ ರಾಯಭಾರಿಯಾದಿತ್ತಿನ ಡಾ. ರಾಜ್‌ಕುಮಾರ್‌ಲ ಸಂಭಾವನೆ ದೆತೊಂದು ಇಜ್ಜಾಂಡ್. ಡಾ. ರಾಜ್ ಕುಮಾರ್ ನ ಸಾದಿಡೆ ಪುನೀತ್ ರಾಜ್‌ಕುಮಾರ್ ಪೋವೊಂದು ಇತ್ತೆರ್. ಇತ್ತೆ ಶಿವರಾಜ್ ಕುಮಾರ್ ಲ ಅವ್ವೇ ಸಾದಿಡ್ ಪೋವೊಂದುಲ್ಲೆರ್ ಪಂದ್ ತೆರಿಪಾದೆರ್.