Details to make Tulu the second official language of the state : will submit report within a week tweets minister Sunil Kumar ತುಳುನು ರಾಜ್ಯದ ರಡ್ಡನೇ ಅಧಿಕೃತ ಭಾಷೆ ಮಲ್ಪುನ ಬಗೆಟ್ಟ್ ಒಂಜಿ ವಾರದ ಉಲಯಿ ವರದಿ ಕೊರ್ರೆ ಸಚಿವೆರ್ ಸುನಿಲ್ ಕುಮಾರ್ ಟ್ವೀಟ್

ಬೆಂಗ್ಳೂರ್ : ತುಳು ಭಾಷೆನ್ ಕರ್ನಾಟಕದ ರಡ್ಡನೇ ಅಧಿಕೃತ ಭಾಷೆಯಾದ್ ಘೋಷಿಸಾವುನ ಬಗೆಟ್ ಅಧ್ಯಯನ ಮಲ್ಪರೆ ರಾಜ್ಯ ಸರಕಾರ ದುಂಬು ಬೈದ್oಡ್.

ಈ ಬಗೆಟ್ ಸೋಮಾರ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ಸಚಿವೆರ್ ಸುನಿಲ್ ಕುಮಾರ್ ಟ್ವೀಟ್ ಮಲ್ತ್ ದೆರ್. ”ತುಳು ಭಾಷೆನ್ ಕರ್ನಾಟಕದ ರಡ್ಡನೇ ಅಧಿಕೃತ ಭಾಷೆಯಾದ್ ಘೋಷಿಸುನ ಬಗೆಟ್ ಅಧ್ಯಯನ ಮಲ್ತ್ ದ್ ಸೂಕ್ತ ಶಿಫಾರಸ್ ದೆತೊoದು ವರದಿ ಕೊರಿಯರೆ ಡಾ| ಮೋಹನ್ ಆಳ್ವ ಮುತಾಲಿಕೆಡ್ ಸಮಿತಿ ರಚನೆ ಮಲ್ತ್ ದಿತ್ತ್ ದ್ , ಈ ಸಮಿತಿಗ್ ಒಂಜಿ ವಾರಡ್ ವರದಿ ಕೊರಿಯರೆ ಸೂಚಿಸ ಕೊರ್ತ” ಪಂದ್ ಪಂತೆರ್.

ಪಂಚ ದ್ರಾವಿಡ ಭಾಷೆಲೆಡ್ ಒಂಜಾಯಿನ ತುಳು ದಕ್ಷಿಣ ಕನ್ನಡ, ಒಡಿಪು ಬೊಕ್ಕ ಕೇರಳ ರಾಜ್ಯದ ಕಾಸ್ರೋಡು ಜಿಲ್ಲೆಲೆಡ್ ಎಚ್ಚಾದ್ ಜನಕುಲು ಪಾತೆರುವೆರ್.