ಪಡ್ಡೆದ್ರ : ಬೈಕ್ ದ ಮಿತ್ತ್ ಲಾರಿ ಮಗ್ ತ್ ಬೂರ್ದು ಅಲ್ಪನೇ ಸೈತಿನ ಜವನೆ

ಪಡ್ಡೆದ್ರ : ಭಾರೀ ಬರ್ಸದ ನಡುಟ್ಟು ಲಾರಿ ಒಂಜಿ ಬೈಕ್ ದ ಮಿತ್ತ್ ಪೊರೆಲ್ದ್ ಬೂರ್ದು ಜವನೆ ಒರಿ ತೀರ್ ಪೋಯಿನ ಘಟನೆ ಪಡ್ಡೆದ್ರಡ್ ಇನಿ ನಡತ್ಂಡ್.

ಬೈಕ್ ರೈಡರ್ ಸಂಶುದ್ದೀನ್ ತೀರ್ ಪೋಯಿನಾರ್. ಲಾರಿ ಒಡಿಪು ಕಡೆರ್ದ್ ಕುಡ್ಲಗ್ ಬರೊಂದುಪ್ಪುನಗ ಪಡ್ರೆದ್ರ ಜಂಕ್ಷನ್ ಅಲ್ಪ ಲಾರಿ ಡ್ರೈವರ್ ನ ಕೈ ತತ್ತ್ ದ್ ಪೊರೆಲ್ದ್ ಬೈಕ್ ಮಿತ್ತ್ ಬೂರ್ದುಂಡು.

ಬೈಕ್ ದಾರ್ ಸಂಶುದ್ದೀನ್ ಅಲ್ಪನೇ ಪ್ರಾಣ ಬುಡ್ತೆರ್. ಪಡ್ಡೆದ್ರ ಪೊಲೀಸೆರ್ ಜಾಗೆಗ್ ಬತ್ತ್ ದ್ ತನಿಖೆ ಮಲ್ತೊಂದುಲ್ಲೆರ್. ಅಡ್ಡ ಬೂರ್ದಿನ ಲಾರಿನ್ ಕ್ರೇನ್ ಕನತ್ ದ್ ಬರಿಕ್ಕ್ ಉಂತಾದೆರ್.