ಇನಿರ್ದ್ ಕಾರ್ಲ ತುಳು ಲಿಪಿ ಪರಿಚಯ ಅಭಿಯಾನ

ಇನಿರ್ದ್ ಕಾರ್ಲ ತುಳು ಲಿಪಿ ಪರಿಚಯ ಅಭಿಯಾನ
ಕಾರ್ಲ ಯುವ ಕಾಂಗ್ರೆಸ್ ಮುತಾಲಿಕೆ

ಕಾರ್ಲ : ತುಳು ಬಾಸೆನ್ 8ನೇ ಪರಿಚ್ಛೇದಗ್ ಸೇರ್ಸಾವುನು ಬೊಕ್ಕ ರಾಜ್ಯದ ಅಧಿಕೃತ ಬಾಸೆ ಮಲ್ಪರೆ ಅಂಚನೆ ತುಳು ಲಿಪಿನ್ ತುಳುನಾಡ್ ದ ಮಾತ ಜನಕುಲು ತೆರಿಯೊಡು ಪನ್ಪಿನ ಉದ್ದೇಶಡ್ ಯುವ ಕಾಂಗ್ರೆಸ್, ಕಾರ್ಲ “ತುಳು ಲಿಪಿ ಪರಿಚಯ” ಅಭಿಯಾನ ಸುರು ಮಲ್ದ್ಂಡ್.
ಕಾರ್ಲದ ಮಾತ ಬಸ್ಸ್, ರಿಕ್ಷಾ, ಅಂಚನೆ ಟ್ಯಾಕ್ಸಿ ಕಾರ್ ಗ್ ತುಳು ಲಿಪಿ ಸ್ಟಿಕ್ಕರ್ ಪಾಡ್ದ್ ಮಾತ ತುಳುನಾಡ್ದ ಜನಕುಲೆಗ್ ತುಳು ಲಿಪಿ ಕಲ್ಪುನ ಅವಕಾಶ ಮಲ್ತೊಂದು ಉಂಡು.

ಈ ಅಭಿಯಾನಗ್ ಕಾರ್ಲ ಬ್ಲಾಕ್ ಕಾಂಗ್ರೆಸ್ ಗುರ್ಕಾರೆರಾರಾಯಿನ ಸದಾಶಿವ ದೇವಾಡಿಗೆರ್ , ಜೂ. 5 ಐತಾರ ಬಯ್ಯ 4 ಗಂಟೆದ ಪೊರ್ತುಗು ಕಾರ್ಲ ಕಾಂಗ್ರೆಸ್ ಕಚೇರಿಡ್ ಚಾಲನೆ ಕೊರಿಯೆರೆ ಉಲ್ಲೆರ್. ಪಕ್ಷದ ಮಾತ ಪದಾಧಿಕಾರಿಲು ಬೊಕ್ಕ ತುಳು ಅಭಿಮಾನಿಲು ಈ ಲೇಸ್ ಡ್ ಪಾಲ್ ಪಡೆವೊಡು ಪಂದ್ ಯುವ ಕಾಂಗ್ರೆಸ್
ಪ್ರಧಾನ ಕಾರ್ಯದರ್ಶಿ
ಪ್ರದೀಪ್ ಬೇಲಾಡಿ ಲೆಪ್ಪೋಲೆಡ್ ತೆರಿಪಾದೆರ್.