ಡಿಸೆಂಬರ್ 31 ಜೆಡ್ದ್ ಜನವರಿ 8 ಮುಟ್ಟ ಬ್ರಹ್ಮರಕೂಟ್ಲು ಶ್ರೀ ಮೂಕಾಂಬಿಕಾ ಕೃಪಾ ಶ್ರೀ ರಾಮ ಭಜನಾ ಮಂದಿರದ 50 ವರ್ಷದ ಸುವರ್ಣ ಮಹೋತ್ಸವ

ಬಂಟ್ವಾಳ ತಾಲೂಕ್ ದ ಬ್ರಹ್ಮರಕೂಟ್ಲು ಶ್ರೀ ಮೂಕಾಂಬಿಕಾ ಕೃಪಾ ಶ್ರೀ ರಾಮ ಭಜನಾ ಮಂದಿರದ 50 ವರ್ಷದ ಸುವರ್ಣ ಮಹೋತ್ಸವ ಅಂಚನೆ ಅಖಂಡ ಭಜನಾ ಸಪ್ತಾಹ ಡಿಸೆಂಬರ್ 31 ಶುಕ್ರಾರರ್ದ್ ಜನವರಿ 8 ಶನಿವಾರ ಮುಟ್ಟ ಭಾರಿ ಗೌಜಿಡ್ ನಡಪರೇ ಉಂಡು.

ಮಸ್ತ್ ಸಾಮಾಜಿಕ, ಧಾರ್ಮಿಕ, ಶೈಕ್ಷಣಿಕ ಅಂಚನೆ ಸಾಂಸ್ಕೃತಿಕ ಕಾರ್ಯಕ್ರಮ ಏಪಲ ನಡಪರೆ ಉಂಡು. ಡಿಸೆಂಬರ್ 31ಕ್ಕ್ ದೇವೆರೆಗ್ ಚಂಡಿಕಾ ಹೋಮ ಸುರುವಾದ್, ಮಹಾಪೂಜೆಯಾದ್ ಆಯಿಬೊಕ್ಕ ನುಪ್ಪು ಸೇವೆಲ ಉಂಡು. ಅವ್ವೆ ದಿನ ಕತ್ತಲೆಗ್ ಊರುದ ಜೋಕುಲೆಡ್ದ್ ನೃತ್ಯ ಕಾರ್ಯಕ್ರಮ ಅಂಚನೆ ಸುವರ್ಣ ಮಹೋತ್ಸವದ ಉದಿಪದನ ಸಮಾರಂಭ ಆಯೆರೆ ಉಂಡು. ವಿಜಯಕುಮಾರ್ ಶೆಟ್ಟಿ ಕೊಡಿಯಾಲ್ ಬೈಲ್ ನಿರ್ದೇಶನದ ಶಿವದೂತ ಗುಳಿಗೆ ಪನ್ಪಿನ ತುಳು ಪೌರಾಣಿಕ ನಾಟಕ ನಡಪರೆ ಉಂಡು. ಜನವರಿ 8 ತಾರೀಕ್ ಗ್ ಚಾ ಪರ್ಕ ಕಲಾವಿದೆರ್ದ್ ಪುಷ್ಪಕ್ಕನ ವಿಮಾನ ಪನ್ಪಿನ ಹಾಸ್ಯವಾಯಿನ ನಾಟಕಲ ನಡಪರ ಇತ್ತ್ ದ್, ಈ ಒಂಜಿ ಪೊರ್ಲ ಲೇಸ್ ಗ್ ಮಾತ ಭಕಾಧಿಮಾನಿಲು ಸಹಕರಿಸಾವೊಡು ಪಂದ್ ಆಡಳಿತ ಮಂಡಳಿ ಬಿನ್ನಾಪುನು ಮಲ್ತ್ ದೆರ್.