ಸುರತ್ಕಲ್ : ಸುರತ್ಕಲ್ದ ಬೈಕಂಪಾಡಿ ಯಂಗ್ ಸ್ಟಾರ್ ಕೈತಲ್ ಘನ ವಾಹನಡ್ ಯೂರಿಯಾ ಜಿಂಜಿದ್ ಪೋಪಿನ ಪೊರ್ತುಡು , ಎರ್ರಾ. ಬಿರ್ರಿಯಾದ್ ಮಾರ್ಗಗ್ ಬೂರ್ದು ಪೆತ್ತ ದ ಕಂಜಿ ಪಂತಿ ತಿನ್ಪಿನ ಪೊರ್ತುಡು ಯೂರಿಯಾ ಶೇಖರಣೆಯಾಯಿನ ಪಂತಿ ತಿಂದ್ ರಡ್ಡ್ ಕಂಜಿ ಸೈತಿನ ಘಟನೆ ನಡತುಂಡು.ಈ ಘಟನೆಗ್ ಸಂಬಂಧಿ ಹಿಂದು ಜಾಗರಣ ವೇದಿಕೆ ಸುರತ್ಕಲ್ ಘಟಕದ ಸದಸ್ಯೆರ್ ಪಶು ವೈದ್ಯೆರೆನ್ ಲೆಪ್ಪು ಕೊರ್ದು ತಕ್ಷಣ ಬರೊಡು ಪಂದ್ ಸೂಚನೆ ಕೊರ್ದು ಸೈತಿನ ಕಂಜಿದ ಅಂತಿಮ ಸಂಸ್ಕಾರ ಮಲ್ದೆರ್ .
ಈ ಘಟನೆ ಬಗ್ಗೆ ಕಠಿಣ ಕಾನೂನು ಕ್ರಮ ದೆತೊನೊಡು ಪಂದ್ ತುಳುನಾಡ ರಕ್ಷಣಾ ವೇದಿಕೆ ಯುವ ಘಟಕ ಗುರ್ಕಾರ್ಲಾಯಿನ ಕೆ.ವಿವೇಕಾನಂದ ರಾವ್, ಸುರತ್ಕಲ್ ಕ್ಷೇತ್ರದ ಗುರ್ಕಾರ್ಲಾಯಿನ ಸನತ್ ಕುಮಾರ್, ಮಹಿಳಾ ಘಟಕ ಗುರ್ಕಾರ್ಲಾಯಿನ ವರ್ಷಿತ ಸಂದೀಪ್, ಕಾರ್ಮಿಕರ ಸಂಘ ಮುಖಂಡೆರಾಯಿನ ಪೇರಿ ಡಿ’ಸೋಜಾ, ಕುಡ್ಲ ಘಟಕ ಗುರ್ಕಾರ್ಲಾಯಿನ ರಮೇಶ್ ಪೂಜಾರಿ ಆಗ್ರಹ ಮಲ್ದೆರ್ .
pallavi shetty