ಯೂರಿಯಾ

ಯೂರಿಯಾ ಮಿಶ್ರಿತ ಪಂತಿ ತಿಂದ್ ಸೈತಿನ ಕಂಜಿ , ಸಂಘಟನೆದ ಆಕ್ರೋಶ

Sep 27, 2021

ಸುರತ್ಕಲ್ : ಸುರತ್ಕಲ್ದ ಬೈಕಂಪಾಡಿ ಯಂಗ್ ಸ್ಟಾರ್ ಕೈತಲ್ ಘನ ವಾಹನಡ್ ಯೂರಿಯಾ ಜಿಂಜಿದ್ ಪೋಪಿನ ಪೊರ್ತುಡು , ಎರ್ರಾ. ಬಿರ್ರಿಯಾದ್ ಮಾರ್ಗಗ್ ಬೂರ್ದು ಪೆತ್ತ ದ ಕಂಜಿ ಪಂತಿ ತಿನ್ಪಿನ ಪೊರ್ತುಡು ಯೂರಿಯಾ ಶೇಖರಣೆಯಾಯಿನ ಪಂತಿ ತಿಂದ್ ರಡ್ಡ್ ಕಂಜಿ ಸೈತಿನ ಘಟನೆ ನಡತುಂಡು.ಈ ಘಟನೆಗ್ ಸಂಬಂಧಿ ಹಿಂದು ಜಾಗರಣ ವೇದಿಕೆ ಸುರತ್ಕಲ್ ಘಟಕದ ಸದಸ್ಯೆರ್ ಪಶು ವೈದ್ಯೆರೆನ್ ಲೆಪ್ಪು ಕೊರ್ದು ತಕ್ಷಣ ಬರೊಡು ಪಂದ್ ಸೂಚನೆ ಕೊರ್ದು ಸೈತಿನ ಕಂಜಿದ ಅಂತಿಮ ಸಂಸ್ಕಾರ ಮಲ್ದೆರ್ .

ಈ ಘಟನೆ ಬಗ್ಗೆ ಕಠಿಣ ಕಾನೂನು ಕ್ರಮ ದೆತೊನೊಡು ಪಂದ್ ತುಳುನಾಡ ರಕ್ಷಣಾ ವೇದಿಕೆ ಯುವ ಘಟಕ ಗುರ್ಕಾರ್ಲಾಯಿನ ಕೆ.ವಿವೇಕಾನಂದ ರಾವ್, ಸುರತ್ಕಲ್ ಕ್ಷೇತ್ರದ ಗುರ್ಕಾರ್ಲಾಯಿನ ಸನತ್ ಕುಮಾರ್, ಮಹಿಳಾ ಘಟಕ ಗುರ್ಕಾರ್ಲಾಯಿನ ವರ್ಷಿತ ಸಂದೀಪ್, ಕಾರ್ಮಿಕರ ಸಂಘ ಮುಖಂಡೆರಾಯಿನ ಪೇರಿ ಡಿ’ಸೋಜಾ, ಕುಡ್ಲ ಘಟಕ ಗುರ್ಕಾರ್ಲಾಯಿನ ರಮೇಶ್ ಪೂಜಾರಿ ಆಗ್ರಹ ಮಲ್ದೆರ್ .

ಜೂ.15ಕ್ಕ್ ಬರಿಯೆರೆ ಉಂಡು ಇಪ್ಕೋ ನ್ಯಾನೋ ಯೂರಿಯಾ: ಡಿ.ವಿ

Jun 1, 2021

ನವದೆಹಲಿ, ಜೂನ್ 1: ಸಹಕಾರಿ ವಲಯದ ರಸಗೊಬ್ಬರ ಕಂಪನಿ ಇಫ್ಕೋ ಅಭಿವೃದ್ಧಿಲ್ ಮಲ್ದಿನ ನ್ಯಾನೋ-ಯೂರಿಯಾ ರಸಗೊಬ್ಬರ ಕೃಷಿಕ್ಷೇತ್ರಡ್ ಪೊಸ ಕ್ರಾಂತಿ ಮಲ್ಪರೆ ಉಂಡು ಪಂದ್ ಕೇಂದ್ರ ರಾಸಾಯನಿಕ ಬೊಕ್ಕ ರಸಗೊಬ್ಬರ ಸಚಿವ ಡಿ.ವಿ. ಸದಾನಂದಗೌಡ ಪಂಡೆರ್.

ನ್ಯಾನೋ-ಯುರಿಯಾ ಉಪಯೋಗದ ಬಗ್ಗೆ ಇಫ್ಕೋ ಸಂಸ್ಥೆದಕುಲು ಶನಿವಾರ ನಡಪಾಯಿನ ವೆಬ್ಬಿನಾರ್ ಚರ್ಚೆನ್ ಉದಿಪನ ಮಲ್ತ್ ಪಾತೆರಿನ ಆರ್ ಇಂದು ಪರಿಸರ ಸ್ನೇಹಿಯಾತುಂಡು ಮಣ್ಣ್ ದ ಫಲವತ್ತತೆನ್ ಕಾಪೆರೆ ಸಹಕಾರಿಯಾದುಂಡು ಪಂದ್ ಪಂಡೆರ್.