ಕಾರ್ಲ : ಸಚಿವೆರ್ ಸುನಿಲ್ ಕುಮಾರ್ಗ್ ಬೊಂಬೈದ ಪೊಲೀಸ್ ಅಧಿಕಾರಿ ದಯಾನಾಯಕ್ ಅಭಿನಂದನೆ ಮಲ್ತೆರ್.
” ಕಾರ್ಕಳದ ನಮ್ಮ ಇಲ್ಲಡ್ ಕೋಡೆ ನಡತಿನ ಸಮಾರಂಭಗ್ ವೈಯಕ್ತಿಕ ನೆಲೆಟ್ ಕೊರಿನ ಆಮಂತ್ರಣಗ್ ಸೊಲ್ಮೆಲು . ಮುಂಬೈ ಪೊಲೀಸ್ ಇಲಾಖೆಡ್ ಬೇಲೆದ ಒತ್ತಡ ಜಾಸ್ತಿ ಆಯಿನೆರ್ದಾವರ ಲೇಸ್ ಡ್ ಪಾಲ್ ಪಡೆಯರೇ ಸಾಧ್ಯ ಆಯಿಜಿ . ಐಕಾದ್ ಮಾಪು ಉಪ್ಪಡ್ , ಈರ್ ಯೇಪಗ್ಲಾ ನಮ್ಮಾರ್ . ನಮ್ಮ ಶಾಸಕೆರ್ , ನಮ್ಮನೇ ಸಚಿವೆರ್ ದುಂಬು ಒಂಜಿ ದಿನ ಈರೆನ್ ವೈಯಕ್ತಿಕವಾದ್ ಭೇಟಿಯಾಪೆ . ಎನ್ನ ಪುಟ್ಟಿನ ಊರು ಆಯಿನ ಕಾರ್ಕಳ ಕ್ಷೇತ್ರದ ಶಾಸಕೆರಾಯಿನ ಈರ್ ಇನಿ ರಾಜ್ಯದ ಗೌರವಾನ್ವಿತ ಸಚಿವೆರಾಯಿನ ಎಂಕ್ಲಾ ಪೆರ್ಮೆದ ಇಚಾರ.
ರಾಜಕೀಯದ ಒಂಜೊಂಜೆ ಮುಟ್ಟು ಏರಿನ ಈರ್ ಇತ್ತೆ ಸಾಧನೆ ಮಲ್ತಿನ ಪ್ರಗತಿ, ಏರಿನ ಎತ್ತರ ನಿಜಕ್ಲಾ ಅಭಿಮಾನ ಮೂಡಿಸಾವುನoಚ ಕ್ಷೇತ್ರದ ಎಣ್ಣೆ ಹೊಳೆಟ್ ಎನ್ನ ಅಪ್ಪೆನ ಪುದರ್ ದ ಸರಕಾರಿ ಶಾಲೆ ಉಂಡು ಪನ್ಪಿನಲ ಎಂಕ್ ಪೆರ್ಮೆದ ಇಚಾರ.ಇರ್ನ ಮುತಾಲಿಕೆಡ್ ಕಾರ್ಕಳ ಕ್ಷೇತ್ರ ಸವಾರ್ರಣ ಅಭಿವೃದ್ಧಿ ಆವೊಂದು ಉಂಡು. ಸರಕಾರದ ಯೋಜನೆಲೆನ್ ,ಜನಪರ ಸಾಧನೆನ್ ನಿಶ್ಚಿತ ಫಲಿತಾಂಶ ಬರ್ಪಿಲಕ ಮಲ್ಪುನ ಶಕ್ತಿ ಬೊಕ್ಕ ತಾಕತ್ತು ಇರೆಗ್ ಉಂಡು . ಈ ಕಾಳಜಿಯೇ ಇನಿ ಇರೆಗ್ ಗೆಲ್ಮೆ ಕಂತ್ ಕೊರೊಂದು ಉಂಡು.ಇರ್ನ ತೆಲಿಕೆ ಲ್, ಒಂಜಿ ನಮಸ್ಕಾರ, ಏಪಲಾ ಈರ್ ಪಾತೆರುನ ಎಡ್ಡೆ ಪಾತೆರ ಮಾತು, ಜನಪರ ಚಿಂತನೆ ಇಡೀ ಕ್ಷೇತ್ರದ ಜನಕ್ಲೆನ್ ಇರ್ನ ಬಗೆಟ್ ಉಪ್ಪುನ ಅಭಿಮಾನನ್ ನನಾತ್ ಜಾಸ್ತಿ ಮಲ್ಪುಲಕ ಮಲ್ದುಂಡು .
ಅಧಿಕಾರದ ಆಸೆಗಾದ್ ಯೇಪಗ್ಲಾ ಈರ್ ರಾಜಕೀಯಗ್ ಬೈದ್ಜರ್ ಪನ್ಪಿನವು ಮಾತೆರೆಗ್ಲಾ ತೆರಿದಿನ ಇಚಾರ.ರಾಜಕೀಯಡ್ ಇತ್ತೊಂದು ಜನಸೇವೆ ಮಲ್ಪೋಡು ಪಂದ್ ಪಿದಾಡಿನಾರ್ ಈರ್ , ಅಂಚಾದ್ ಇರೆಗ್ಲ ಯಶಸ್ಸು, ಕೀರ್ತಿ ಸದಾ ಇಂಚನೇ ಉಪ್ಪುಂಡು . . ಕಾರ್ಕಳ ಕ್ಷೇತ್ರದ ಶಾಸಕೆರಾದ್ ಮುಂಬೈಡ್ ಉಪ್ಪುನ ಊರುದ ಉದ್ಯಮಿಲ್ ನ ಒಟ್ಟುಗು , ಸಂಘ-ಸಂಸ್ಥೆದೊಟ್ಟುಗು ಈರ್ ಸಾಧಿಸವೊಂದು ಬೈದಿನ ಸಂಪರ್ಕ ನಿಜಕ್ಲ ಮೆಚ್ಚುನಂಚಿನ . ಪಂದ್ ಎಡ್ಡೆಪುನು ಬಯಕಿಯೆರ್.
Editorial