ಬೊಲ್ತೆರ್: ಗಾಂಜಾ ಸಾಗಾಟನ್ ಮಲ್ತೊಂದಿತ್ತಿನ 2 ಜಾವನ್ಯೆರ್ ಪೊಲೀಸೆರ್ ನ ವಶಕ್ಕ್

ಬೊಲ್ತೆರ್, ಸೆ 18 : ಗಾಂಜಾ ಸಾಗಾಟನ್ ಮಲ್ತೊಂದಿತ್ತಿನ 2 ಜಾವನ್ಯೆರೆನ್ ಕುವೆಟ್ಟು ಗ್ರಾಮದ ಸಬರಬೈಲು ಪನ್ಪಿನಲ್ಪ ಬೊಲ್ತೆರ್ ಠಾಣಾ ಪೊಲೀಸೆರ್ ಬಂಧಿಸಾದೆರ್.

ಬಂಧಿತೆರೆನ್ ಮದ್ದಡ್ಕದ ಚಿಲಿಂಬಿದ ಮಹಮ್ಮದ್ ರಫೀಕ್ (35) ಅಂಚನೆ ನೌಪಾಲ್(25) ಪಂದು ಗುರ್ತಿಸಾದೆರ್.

ಆರೋಪಿಲ್ 45,850 ರೂ. ಕಾಸ್ ದ ಒಟ್ಟು 1,310 ಗ್ರಾಂ ಗಾಂಜಾನ್ ಅಂಚನೆ ಸಾಗಾಟನ್ ಬಳಸುದಿನ ಮೋಟಾರ್ ಸೈಕಲ್ ನ್ ವಶಕ್ ದೆತೊಂದೆರ್. ಬೊಲ್ತೆರ್ ಪೊಲೀಸ್ ಠಾಣೆಡ್ ಈ ಪ್ರಕರಣ ದಾಖಲಾತುಂಡ್.