ಒಡಿಪು : ದುಂಬು ನಿವೃತ್ತರಾಪಿನ ಕಲ್ಪಾರ್ತಿಲೆಗ್ ಮಾನದಿಗೆ ಎಂಚ ಮಲ್ಪೊಡು ಪನ್ಪಿನೆಕ್ಕ್ ಶಾಶ್ವತ ಯೋಜನೆದ ಮುಖೇನ ಮಲ್ಲಿಕಾದೇವಿ ಟೀಚರ್ ಮೆರ್ನ ಶಿಷ್ಯೆರ್ ತೋಜಾದ್ ಕೊರ್ತೆರ್ . ಇಂದು ಮಾತೆರೆಗ್ಲಾ ಮಾದರಿ ಪಂದ್ ಶಾಸಕ ಕೆ. ರಘುಪತಿ ಭಟ್ ಪಂಡೆರ್ .
ಕೊಡವೂರು ಸರಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆಡ್ ಸುದೀರ್ಘ 36 ವರ್ಷ ಬೇಲೆ ಮಲ್ತ್ ನಿವೃತ್ತರಾಯಿನ ದೈಹಿಕ ಶಿಕ್ಷಣ ಶಿಕ್ಷಕಿ ಮಲ್ಲಿಕಾ ಟೀಚರ್ ಮೆರೆಗ್ ಆರ್ನ ದುಂಬುದ ಜೋಕುಲು , ಊರುದಕುಲು ಸೇರ್ದ್ ಐತಾರ ಅಟ್ಟನೆ ಮಲ್ತಿನ ‘ಪ್ರತಿಫಲನ’ ಅಭಿನಂದನಾ ಲೇಸ್ ಡ್ ಕೊಡವೂರುಡು ಶಾಶ್ವತ ಪರ್ಪಿನ ನೀರ್ದ ಯೋಜನೆಗ್ ಚಾಲನೆ ಕೊರ್ದು ಪಾತೆರಿಯೆರ್.
ಲೇಸ್ ಡ್ ದಕ್ಷಿಣ ಕನ್ನಡ ಜಿಲ್ಲಾ ಸಹಕಾರಿ ಹಾಲು ಉತ್ಪಾದಕರ ಒಕ್ಕೂಟದ ಗುರ್ಕಾರ್ಲಾಯಿನ ರವಿರಾಜ್ ಹೆಗ್ಡೆ, ಒಡಿಪು ನಗರಾಭವೃದ್ಧಿ ಪ್ರಾಧಿಕಾರದ ಗುರ್ಕಾರ್ಲಾಯಿನ ರಾಘವೇಂದ್ರ ಕಿಣಿ, ನಿವೃತ್ತ ಶಿಕ್ಷಕಿ ಮಲ್ಲಿಕಾ ಟೀಚರ್, ಉದ್ಯಮಿಲಾಯಿನ ಆನಂದ್ ಪಿ ಸುವರ್ಣ, ಸಾಧು ಸಾಲ್ಯಾನ್, ನಾಗರಾಜ್ ಸುವರ್ಣ, ಒಡಿಪು ಜಿಲ್ಲಾ ಕಾಂಗ್ರೆಸ್ ಗುರ್ಕಾರ್ಲಾಯಿನ ಅಶೋಕ್ ಕುಮಾರ್ ಕೊಡವೂರು, ಪಾಲ್ ಪಡೆದಿತ್ತೆರ್.
pallavi shetty