ತುಳು ಲಿಪಿ ಪರೀಕ್ಷೆ ಬರೆಯೊಂದುಪ್ಪುನ 400 ಜನ.

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ ಜೈ ತುಳುನಾಡ್ (ರಿ.) ಸಂಘಟನೆ ಒಟ್ಟು ಸೇರಿಗೆಡ್ “ಬಲೆ ತುಳು ಲಿಪಿ ಕಲ್ಪುಗ” ಪನ್ಪಿನ ಕಜ್ಜಕೊಟ್ಯೊಡು ತುಳು ಲಿಪಿ ಕಲ್ಪರೆ ಉಮೇದ್ ಉಪ್ಪುನಕಲೆಗ್ ಆನ್ ಲೈನ್ ಡ್ ತುಳು ಲಿಪಿ ಕಲ್ಪಾವುನ ಬೇಲೆ ಮಲ್ತೊಂದು ಬರೊಂದುಂಡು. ಸುಮಾರ್ 75ರ್ದ್ ಜಾಸ್ತಿ ಜೈ ತುಳುನಾಡ್ (ರಿ.)ದ ತುಳು ಲಿಪಿ ಶಿಕ್ಷಕೆರ್ ನಿಸ್ವಾರ್ಥೊವಾದ್ ತುಳು ಲಿಪಿ ಕಲ್ಪಾವುನ ಕಜ್ಜಕೊಟ್ಯೊಗು ತುಳು ಲಿಪಿ ಕಲ್ಪಾವೊಂದುಲ್ಲೆರ್. ಸುಮಾರ್ 2000 ರ್ದ್ ಜಾಸ್ತಿ ಜನ ತುಳು ಲಿಪಿ ಕಲ್ತೊಂದುಲ್ಲೆರ್, ಒಂತೆ ಜನ ಉಂದೆರ್ದ್ ದುಂಬು ಪರೀಕ್ಷೆ ಬರೆತೆರ್. ಇತ್ತೆ ತುಳು ಲಿಪಿ ಕಲ್ದಿನ ಸುಮಾರ್ 400 ಜನಕ್ಲೆಗ್ ಅಕ್ಟೋಬರ್ 18 ತಾರೀಕ್ ಗ್ 2 ಗಂಟೆಗ್ ಪರೀಕ್ಷೆ ನಡೊತ್ತೊಂದು. ದೇಶ ವಿದೇಶೊಡು ಉಪ್ಪುನ ತುಳು ಅಭಿಮಾನಿಲು ಈ ತುಳು ಲಿಪಿ ಪರೀಕ್ಷೆ ಬರೆಯೊಂದುಲ್ಲೆರ್. ನವೆಂಬರ್ ತಿಂಗೊಲುಡು ಪರೀಕ್ಷೆ ಬರೆಯರೆ ಆವಂದಿನಕಲೆಗ್ ಕುಡಾ ಪರೀಕ್ಷೆ ನಡಪುಂಡು ಪಂದ್ ಜೈ ತುಳುನಾಡ್ (ರಿ.) ದ ಗುರ್ಕಾರ್ಲು ಆಯಿನ ಶ್ರೀ ಸುದರ್ಶನ್ ಸುರತ್ಕಲ್ ಪ್ರಕಟಣೆಡ್ ತೆರಿಪಾದೆರ್