ಕುಡ್ಲ : ಕರಂಬಾರು ಶ್ರೀ ಮಾರಿಯಮ್ಮ ಕೋಟೆ ಬಬ್ಬುಸ್ವಾಮಿ ಬೊಕ್ಕ ಪರಿವಾರ ದೈವೊಲೆನ ದೈವಸ್ಥಾನಡ್ ನ.20-22 ಮುಟ್ಟ ವರ್ಷಾವಧಿ ಮಾರಿಪೂಜೆ ಬೊಕ್ಕ ನೇಮೋತ್ಸವ ನಡಪರೆ ಉಂಡು.
ನ.20 ಗು ರಾತ್ರಿ 9 ಗಂಟೆರ್ದ್ ಮಾರಿ ಪೂಜೆ ನಡಪರೆ ಉಂಡು. ನ. 21 ಶನಿವಾರ ರಾತ್ರೆ 10.30 ಗಂಟೆರ್ದ್ ಕೋಟೆ ಬಬ್ಬುಸ್ವಾಮಿ ದೈವದ ಗಗ್ಗರ ಸೇವೆ ಬೊಕ್ಕ 2.30 ಗಂಟೆರ್ದ್ ತನ್ನಿಮಾನಿಗ ದೈವದ ಗಗ್ಗರ ಸೇವೆ ನಡಪರೆ ಉಂಡು.
ನ.22 ಐತಾರ ರಾತ್ರೆ 7.30 ಗಂಟೆರ್ದ್ ಪಂಜುರ್ಲಿ ಗುಳಿಗ ದೈವದ ಗಗ್ಗರ ಸೇವೆ ಬೊಕ್ಕ ರಾತ್ರೆ 12 ಗಂಟೆರ್ದ್ ರಾಹು ಗುಳಿಗ ದೈವದ ಗಗ್ಗರ ಸೇವೆ ನಡಪರೆ ಉಂಡು. ಈ ಸೇವೆಡ್ ಮಾತೆರ್ಲ ಬತ್ತ್ದ್ ಪಾಲ್ ಪಡೆವೊಡು ಪಂಡ್ದ್ ಕರಂಬಾರು ಶ್ರೀ ಮಾರಿಯಮ್ಮ ಕೋಟೆ ಬಬ್ಬುಸ್ವಾಮಿ ಸೇವಾ ಸಮಿತಿದ ಅಧ್ಯಕ್ಷೆರ್, ಸರ್ವಸದಸ್ಯೆರ್, ಜೋಯಿಸೆರ್, ಕರಂಬಾರು ಗುತ್ತು ಗುರಿಕಾರೆರ್, ಅರ್ಚಕ ವೃಂದ ಬೊಕ್ಕ ಗ್ರಾಮಸ್ಥೆರ್ ಬಿನ್ನಾಪು ಮಲ್ದೆರ್.
Religious & Cultural News ಮಾತ ಧರ್ಮದ ಸುದ್ದಿ
ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ನ.20-22 : ಕರಂಬಾರು ಶ್ರೀ ಮಾರಿಯಮ್ಮ ಕೋಟೆ ಬಬ್ಬುಸ್ವಾಮಿ ದೈವಸ್ಥಾನಡ್ ವರ್ಷಾವಧಿ ಮಾರಿಪೂಜೆ, ನೇಮೋಚ್ಚಯ

