ಕುಡ್ಲ : ಆಲ್ ಇಂಡಿಯಾ ಯುನೈಟೆಡ್ ಟ್ರೇಡ್ ಯೂನಿಯನ್ ಸೆಂಟರ್ (ಎಐಯುಟಿಯುಸಿ)ಗ್ ಸೇರ್ದಿನ ಕರ್ನಾಟಕ ರಾಜ್ಯ ಸಂಯುಕ್ತ ಆಶಾ ಕಾರ್ಯಕರ್ತೆಯರ ಸಂಘ, ಆಶಾ ಕಾರ್ಯಕರ್ತೆರ್‌ನ ಮಸ್ತ್ ಸಮಯದ ಬೇಡಿಕೆಲೆನ್ ಈಡೇರಿಸಾವೊಡು ಪಂಡ್‌ದ್ ಸಂಸದೆರ್ ಕ್ಯಾಪ್ಟನ್ ಬ್ರಿಜೇಶ್ ಚೌಟ, ಶಾಸಕೆರಾಯಿನ ವೇದವ್ಯಾಸ್ ಕಾಮತ್, ಡಾ. ಭರತ್ ಶೆಟ್ಟಿ ಬೊಕ್ಕ ಮಂಗಳೂರು ತಾಲೂಕು ಆರೋಗ್ಯ ಅಧಿಕಾರಿಗ್ ಮನವಿ ಪತ್ರ ಕೊರ್ದು ಒತ್ತಾಯ ಮಲ್ದೆರ್.
ಆಶಾ ಕಾರ್ಯಕರ್ತೆರೆಗ್ ಕನಿಷ್ಠ ಮಾಸಿಕ 15,000 ರೂ. ಗೌರವಧನ ಕೊರೊಡು ಪಂಡ್‌ದ್ ನವೆಂಬರ್ 17 ರ್ದ್ ಬೆಂಗಳೂರುದ ಫ್ರೀಡಂ ಪಾರ್ಕ್‌ಡ್ ರಾಜ್ಯಮಟ್ಟದ ಅನಿರ್ದಿಷ್ಟಾವಧಿ ಪ್ರತಿಭಟನೆ ಮಲ್ಪುವ ಪಂಡ್‌ದ್ ಸಂಘ ಘೋಷಣೆ ಮಲ್ದ್ಂಡ್.
ಏಪ್ರಿಲ್ 2025 ರ್ದ್ ಗೌರವಧನ 10,000 ರೂ.ಗ್ ಎಚ್ಚ ಮಲ್ಪುವ ಪಂಡ್‌ದ್ ಅಪಗದ ಸಿಎಂ ಸಿದ್ದರಾಮಯ್ಯೆರ್ ಕೊರ್ತಿನ ಭರವಸೆನ್ ಈಡೇರಿಸಾವರೆ ರಾಜ್ಯ ಸರ್ಕಾರ ವಿಫಲವಾತ್ಂಡ್ ಪಂಡ್‌ದ್ ಸಂಘ ಆರೋಪ ಮಲ್ದ್ಂಡ್.