ಉಬಾರ್ (ಉಪ್ಪಿನಂಗಡಿ) : ಮುಲ್ತ ಮಠ ನಿವಾಸಿ ಆದಂ ಮೆರೆನ ಇಲ್ಲಡ್ ಬುಧಾರ ಬಯ್ಯಡ್ ಒರಾನೆ ತೂ ಪತ್ದ್ ಲಕ್ಷಾಂತರ ರೂ. ಬಿಲೆತ್ತ ಸೊತ್ತು ಪೊತುದು ಪೋತುಂಡು. ಶಾರ್ಟ್ ಸರ್ಕಿಟ್ ಆದ್ ತೂ ಪತುದುಪ್ಪು ಪಂದ್ ತೆರಿದ್ ಬೈದ್ಂಡ್.
ತೂ ಪತ್ನಗ ಆದಂ ಬೊಕ್ಕ ಅರೆನ ಬೊಡೆದಿ, ಮಗಲ್ ಉಬಾರ್ಗ್ ಮರ್ದ್ಗ್ ಪೋದಿತ್ತೆರ್. ತೂ ಪತ್ನಗ ಇಲ್ಲಡ್ ಶಾಲೆರ್ದ್ ಬೈದಿನ ಪುಲ್ಯಲ್ಲು ಮಾತ್ರ ಇತ್ತೆರ್. ತೂ ಪತಿನ ವಿಷಯೊನು ಜೋಕುಲು ಕೈತಲ್ದಕ್ಲೆಗ್ ತೆರಿಪಾದೆರ್. ಅಪಗ ಇಲ್ಲದ ಟಿವಿ ಸೇರ್ದ್ ಮಸ್ತ್ ಸೊತ್ತು ಪೊತುದು ಪೋದಿತ್ತ್ಂಡ್ ಪಂದ್ ತೆರಿದ್ ಬೈದ್ಂಡ್. ಜಾಗೆಗ್ ಮೆಸ್ಕಾಂದಕುಲು ಬತ್ತ್ದ್ ಪರಿಶೀಲನೆ ಮಲ್ದೆರ್.