ಹಳೆಯಂಗಡಿ ರಾಷ್ಟ್ರೀಯ ಹೆದ್ದಾರಿಗ್ ಮಲ್ಲ ಕಟ್ವನದ ಕುರ್ತೆಲ್ ನೀರ್ – ಹೆದ್ದಾರಿ ಇಲಾಖೆರ್ದ್ ಕಾರ್ಯಾಚರಣೆ

ಮುಲ್ಕಿ: ಹಳೆಯಂಗಡಿ ಬಸ್ ತಂಗುದಾಣದಲ್ಪ ಇಪ್ಪುನ ಮಲ್ಲ ಕಟ್ವನದ ಕುರ್ತೆಲ್ ನೀರ್ ನ್ ರಾತ್ರೋರಾತ್ರಿ ಕಟ್ವನದ ಸಿಬ್ಬಂದಿಲು ರಾಷ್ಟ್ರೀಯ ಹೆದ್ದಾರಿ 66ಕ್ಕ್ ಬುಡೊಂದುಲ್ಲೆರ್. ಈ ಕುರ್ತೆಲ್ ನೀರ್ ಡ್ ಕುರ್ತೆಲ್ ವಾಸನೆ ಸೃಷ್ಟಿಯಾತ್ಂಡ್ ಪಂದ್ ಸಾರ್ವಜನಿಕೆರ್ ಆಕ್ರೋಶ ತೋಜಾದೆರ್. ಕ್
ಈ ಹಿನ್ನೆಲೆಡ್ ಹೆದ್ದಾರಿ ಇಲಾಖೆ ಸಿಬ್ಬಂದಿಲು ಸ್ವತಹ ಕಾರ್ಯಾಚರಣೆ ಮಲ್ತ್ ದ್ ಕುರ್ತೆಲ್ ನೀರ್ ಮಾರ್ಗಗ್ ಬುಡರೆ ಬಲ್ಲಿ ಪಂದ್ ಕಟ್ವನದ ಧನಿಕ್ ಅಕೇರಿದ ಎಚ್ಚರಿಕೆ ಕೊರ್ತೆರ್.
ಬುದಾರ ಹೆದ್ದಾರಿ ಇಲಾಖೆದ ಸಿಬ್ಬಂದಿ ಜೆಸಿಬಿ ಡ್ ಮಲ್ಲ ಕಟ್ವನದ ಎದುರು ಭಾಗದ ಮಾರ್ಗನ್ ಮುಚ್ಚಿದೆರ್.
ಈ ಪೊರ್ತುಡು ಕಟ್ವನಡ್ ಇಪ್ಪುನ ನಾಗರಿಕೆರೆಗ್ ಬೊಕ್ಕ ಹೆದ್ದಾರಿ ಇಲಾಖೆ ಸಿಬ್ಬಂದಿಲೆಗ್ ಪಾತೆರಕತೆ ನಡತ್ಂಡ್.
ಹೆದ್ದಾರಿ ಇಲಾಖೆದ ಸಿಬ್ಬಂದಿ ಪಾತೆರ್ದ್ ”ಮಲ್ಲ ಕಟ್ವನದ ಕುರ್ತೆಲ್ ನೀರ್ ನ್ ಮಾರ್ಗ ಬುಡ್ಪುನ ಬಗೆಟ್ ಹೆದ್ದಾರಿ ಇಲಾಖೆ ಮನಿಪಂದೆ ಕುಲ್ದೆರ್ ಬೊಕ್ಕ ಅಕುಲು ಕೊರ್ಪುನ ಕಾಸ್ ದ ಆಸೆಗ್ ದಾಲ ಕ್ರಮ ದೆತೊನುಜೆರ್ ಪಂದ್ ಆರೋಪನ್ ಸಾರ್ವಜನಿಕೆರ್ ಮಲ್ತೊಂದುಲ್ಲೆರ್ ಅಂಚ ಇಪ್ಪಂದಿನೆನ್ ಕೇನರೆ ಆವೊಂದಿಜ್ಜಿ. ಈ ಸರ್ತಿ ಕಟ್ವನಗ್ ಪೋಪುನ ಸಾದಿನ್ ಮುಚ್ಚಿದ ಮಾರ್ಗ ಬರ್ಪುನ ಕುರ್ತೆಲ್ ನೀರ್ ನ್ ಬುಡ್ಪುನೆನ್ ಕೂಡಲೇ ಉಂತಾವೊಡು, ಇಜ್ಜಿಂಡ ದುಂಬುದ ದಿನಟ್ ಕುಡ ಸೂಕ್ತ ಕ್ರಮ ದೆತೊನುವ ಪಂದ್ ಎಚ್ಚರಿಕೆ ಕೊರ್ತೆರ್.