ಕಟೀಲ್ : ಗ್ರಾಮೀಣ ಭಾಗದ ಜನಕ್ಲೆಗ್ ಆಧುನಿಕ ಬೊಕ್ಕ ಗುಣಮಟ್ಟದ ವೈದ್ಯಕೀಯ ಸೇವೆ ಕೊರ್ಪುನ ಕಟೀಲು ಕೆ.ಎಮ್.ಸಿ (ದುರ್ಗಾ ಸಂಜೀವನಿ ಮಣಿಪಾಲ್ ಆಸ್ಪತ್ರೆ) ಡ್ ಹೆಚ್ಚುವರಿ ಆರೋಗ್ಯ ಸೇವೆಗ್ ಚಾಲನೆ ಕೊರಿಯೆರ್. ಎಲು ಬೊಕ್ಕ ಕೀಲ್ ಚಿಕಿತ್ಸೆಡ್ ಮಲ್ಲ ಸಾಧನೆ ಮಲ್ದಿನ ಆಸ್ಪತ್ರೆ, ಇದಮುಟ್ಟ 500ರ್ದ್ ಜಾಸ್ತಿ ಶಸ್ತ್ರಚಿಕಿತ್ಸೆನ್ ಯಶಸ್ವಿಯಾದ್ ಮಲ್ದ್ಂಡ್ .
ಆಧುನಿಕ ಶಸ್ತ್ರಚಿಕಿತ್ಸೆಗ್ ಅಗತ್ಯವಾಯಿನ ದುಬಾರಿ ಅರ್ಥ್ರೋಸ್ಕೋಪಿ ಯಂತ್ರನ್ ಉದಿಪನ ಮಲ್ತೆರ್ . ಈ ಯಂತ್ರದ ಒರುಟು ಕೀಲ್ ಸಂಬಂಧಿತ ಸಮಸ್ಯೆಲೆಗ್ ಮಸ್ತ್ ನಿಖರ ಬೊಕ್ಕ ಬೇಗ ಚಿಕಿತ್ಸೆ ಕೊರಿಯರೆ ಉಂದು ಸಾಧ್ಯ ಪಂದ್ ವೈದ್ಯೆರ್ ಪಂಡೆರ್.
ಕಾರ್ಯಕ್ರಮಡ್ ಮಾಹೆದ ಉಪಕುಲಪತಿ ಡಾ. ಎಂ. ಡಿ. ವೆಂಕಟೇಶ್, ಡಾ. ಶರತ್ ರಾವ್, ಮಣಿಪಾಲ್ ವಿಶ್ವವಿದ್ಯಾಲಯದ ಸಿಇಒ ಡಾ. ಆನಂದ್ ವೇಣುಗೋಪಾಲ್, ಕುಡ್ಲ ಮಾಹೆದ ಉಪಕುಲಪತಿ ಡಾ. ದಿಲೀಪ್ ನಾಯ್ಕ್, ಕಟೀಲ್ ಕೆ.ಎಮ್.ಸಿ ಆಸ್ಪತ್ರೆದ ಮುಖ್ಯಸ್ಥರಾಯಿನ ಡಾ. ಶಿವಾನಂದ ಪ್ರಭು, ಸಾಮಾನ್ಯ ರೋಗ ತಜ್ಞರಾಯಿನ ಡಾ. ನಿತ್ಯಾನಂದ ಚೌಟ, ಡಾ. ಕೌಶಿಕ್ ಎಸ್.ಆರ್, ಎಲು ತಜ್ಞರಾಯಿನ ಡಾ. ಸುಧೀಂದ್ರ ಕಾರ್ನಾಡ್, ಕೆ.ಎಮ್.ಸಿ ಕಟೀಲು ಪ್ರಬಂಧಕೆರ್ ನಿತೇಶ್ ಶೆಟ್ಟಿ ಎಕ್ಕಾರು ಬೊಕ್ಕ ಪ್ರೀತೇಶ್ ಸಾಲಿಯಾನ್ ಉಪಸ್ಥಿತರಿತ್ತೆರ್