ಮುಲ್ಕಿ: ಮುಲ್ಕಿ ತಾಲೂಕ್ ಹಿಂದೂ ಸಂಗಮ ಸಮಿತಿದ ಮುತಾಲಿಕೆಡ್ ಬಪ್ಪನಾಡ್, ಚಿತ್ರಾಪು, ಮಾನಂಪಾಡಿ ಬೊಕ್ಕ ಕಾರ್ನಾಡ್ ಗ್ರಾಮಲೆನ ಹಿಂದೂ ಬಾಂಧವೆರೆನ ಗ್ರಾಮೋಚ್ಚಯ ಹಿಂದೂ ಸಂಗಮದ ಶೋಭಾಯಾತ್ರೆ ಐತಾರ ನಡತ್ಂಡ್.
ಮುಲ್ಕಿ ಬಸ್ ಸ್ಯಾಂಡ್ ದ ಶಿವಾಜಿ ಮಂಟಪರ್ದ್ ಸಾರರ್ದ್ ಎಚ್ಚ ಜನ ಚೆಂಡೆವಾದ್ಯ, ಭಜನಾ ಸಂಕೀರ್ತನೆ, ಭಜನಾ ನೃತ್ಯ, ನಾಸಿಕ್ ಬ್ಯಾಂಡ್, ಕೊಂಬುದೊಟ್ಟಿಗೆ ಶ್ರೀ ಭಾರತ ಮಾತೆನ ಟ್ಯಾಬ್ಲೊನ್ ದೇವಸ್ಥಾನಗ್ ಭವ್ಯ ಮೆರವಣಿಗೆದ ಮುಕೇನ ಕನತೆರ್.
ಸಭಾ ಲೇಸ್ ರ್ದ್ ದುಂಬು ಶಾಸಕೆರ್ ಉಮಾನಾಥ ಎ.ಕೋಟ್ಯಾನ್ ಉಪಸ್ಥಿತಿಡ್ ಸಾಂಪ್ರದಾಯಿಕವಾದ್ ಗೋಪೂಜೆ ನಡತ್ಂಡ್. ವೇದಮಂತ್ರ ಪನ್ಪುನೆತ್ತೊಟ್ಟಿಗೆ ಸಭಾ ಲೇಸ್ ಗ್ ಚಾಲನೆ ಕೊರಿಯೆರ್.
ಈ ಪೊರ್ತುಡು ವಂದೇಮಾತರಂ ಪಂಡೆರ್. ಬೊಕ್ಕ ಸಾಂಸ್ಕೃತಿಕ ಲೇಸ್ ದ ಲೆಕ್ಕೊಡು ರಾಣಿ ಅಬ್ಬಕ್ಕ, ಭರತನಾಟ್ಯ, ಸಾಮೂಹಿಕ ಜನಪದ ನೃತ್ಯ, ಕುಣಿತ ಭಜನೆ, ಭಾರತ ವೈಭವ ದರ್ಶಿನಿ ಪ್ರದರ್ಶನ ಬೊಕ್ಕ ದೀಪಾರಾಧನೆ’ ನಡತ್ಂಡ್.