ಬೊಂಬೈ : ಲೋಕಮಾನ್ಯ ತಿಲಕ್ ಟರ್ಮಿನಲ್ (ಎಲ್ಟಿಟಿ) ಡ್ ಲೈನ್ 3 ಟ್ಟ್ ರಿಪೇರಿದ ಬೇಲೆ ಇತ್ತಿನೆರ್ದಾವರ ಜನವರಿರ್ದ್ ಒಂಜಿ ತಿಂಗೊಲು ಮುಟ್ಟ ಮತ್ಸ್ಯಗಂಧ ಎಕ್ಸ್ ಪ್ರೆಸ್ ಬೊಕ್ಕ ನೇತ್ರಾವತಿ ಎಕ್ಸ್ ಪ್ರೆಸ್ ರೈಲ್ ಪನ್ವೇಲ್ ಮುಟ್ಟ ಮಾತ್ರ ಬತ್ತ್ ಪೋಪುಂಡು ಪಂದ್ ಸೆಂಟ್ರಲ್ ರೈಲ್ವೆ ಪ್ರಕಟಣೆಡ್ ತೆರಿಪಾದ್ಂಡ್.
ಈ ನಿಲೆಟ್ ಕೆಲವು ರೈಲ್ದ ಸಂಚಾರಡ್ ಬದಲಾವಣೆ ಆತ್ಂಡ್.
ಕೇರಳದ ತಿರುವನಂತಪುರ ಡ್ದ್ ಬರ್ಪಿನ ನೇತ್ರಾವತಿ ಎಕ್ಸ್ ಪ್ರೆಸ್ ಬೊಕ್ಕ ಕುಡ್ಲರ್ದ್ ಬರ್ಪಿನ ಮತ್ಸ್ಯಗಂಧ ಎಕ್ಸ್ ಪ್ರೆಸ್ ಡಿ.31 ತಾರೀಕ್ರ್ದ್ ಜನವರಿ 29 ಮುಟ್ಟ ಎಲ್ಟಿಟಿಗ್ ಪೋವಂದೆ ಪನ್ವೇಲ್ ಡ್ ಉಂತುಂಡು.ಅಲ್ತ್ ರ್ದೇ ಪಿರ ಪೋಪುಂಡು.
ಅಂಚೆನೆ ಎಲ್ಟಿಟಿರ್ದ್ ಪಿದಡುನ ಮತ್ಸ್ಯಗಂಧ ಎಕ್ಸ್ ಪ್ರೆಸ್ ಜ.1 ತಾರೀಕ್ರ್ದ್ ಜ.31 ಮುಟ್ಟ ಅಂಚೆನೆ ತಿರುವನಂತಪುರ ನೇತ್ರಾವತಿ ಎಕ್ಸ್ ಪ್ರೆಸ್ ಜ.2 ತಾರೀಕ್ರ್ದ್ ಜ.30 ಮುಟ್ಟ ಪನ್ವೇಲ್ ರ್ದ್ ಪಿದಾಡುಂಡು. ಪ್ರಯಾಣಿಕೆರ್ ಈ ಬದಲಾವಣೆನ್ ಗಮನೊಡು ದೀವೊನ್ಲೆ ಪಂದ್ ರೈಲ್ವೆ ಇಲಾಖೆ ಬಿನ್ನಾಪು ಮಲ್ದ್ಂಡ್.
ಮತ್ಸ್ಯಗಂಧ, ನೇತ್ರಾವತಿ ರೈಲ್ ಒಂಜಿ ತಿಂಗೊಲು ಪನ್ವೇಲ್ ಮುಟ್ಟ ಮಾತ್ರ!
