ಬೊಲ್ತೆರ್ : ಸೌಜನ್ಯ ಅತ್ಯಾಚಾರ ಬೊಕ್ಕ ಕೊಲೆ ಪ್ರಕರಣದ ಪಿರ ತನಿಖೆಗ್ ಆಗಸ್ಟ್ 28 ದಾನಿ ಚಲೋ ಬೊಲ್ತೆರ್ ಕಾರ್ಯಕ್ರಮ ಬೊಕ್ಕ ಬೊಲ್ತೆರ್ ಮಿನಿ ವಿಧಾನ ಸೌಧದ ಕೈತಲ್ ಸಾಮೂಹಿಕ ಧರಣಿ ಕೂಡ ನಡಪೆರೆ ಉಂಡು ಪಂದ್ ಮಾಜಿ ಶಾಸಕೆರ್ ವಸಂತ ಬಂಗೇರ ತೆರಪಾದೆರ್.
ಪ್ರಕರಣದ ತನಿಖೆಡ್ ಕೆಲವ್ ಲೋಪದೋಷ ಬೊಕ್ಕ ಪ್ರಕರಣ ಮುಚ್ಚಿದ್ ಪಾಡೆರೆ ವ್ಯವಸ್ಥಿತ ಸಂಚ್ ನೆಟ್ಟ್ ಆತ್ಂಡ್. ಧರ್ಮಸ್ಥಳ, ಉಜಿರೆ ಭಾಗಡ್ ಆತ್ನ ಅಸಹಜ ಸಾವು ಮರುತನಿಖೆ ಬಗ್ಗೆ ವಿಶೇಷ ತನಿಖಾ ತಂಡರ್ದ್ ತನಿಖೆ ಮಲ್ಪುನಂಚ ಬೊಕ್ಕ ಮ್ಯಾಜಿಸ್ಟ್ರೇಟ್ ತನಿಖೆಗ್ ಆಗ್ರಹಿಸಾದ್ ಜನಪರ ಸಂಘಟನೆದ ಒಕ್ಕೂಟದ ಒಟ್ಟು ಸೇರಿಗೆಡ್ ಈ ಪ್ರತಿಭಟನೆ ನಡಪೆರೆ ಉಂಡು ಪಂದ್ ತೆರಿಪಾದೆರ್.
ಡಿವೈಎಫ್ಐ ರಾಜ್ಯ ಸಮಿತಿ ಅಧ್ಯಕ್ಷೆರ್ ಮುನೀರ್ ಕಾಟಿಪಳ್ಳ, ಸಿಪಿಐ(ಎಂ) ಜಿಲ್ಲಾ ಕಾರ್ಯದರ್ಶಿ ಯಾದವ ಶೆಟ್ಟಿ, ಕಾಂಗ್ರೆಸ್ ಮುಖಂಡ ಜಯವಿಕ್ರಂ , ಬಿ.ಎಂ ಭಟ್ ಬೊಕ್ಕ ಕೆಲವ್ ಪ್ರಮುಖೆರ್ ಈ ಪೊರ್ತುಡ್ ಇತ್ತೆರ್.
pallavi shetty