ಮುಲ್ಕಿ : ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನರ್ದ್ ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನೊಗು ಪೊಸತ್ತಾದ್ ನಿರ್ಮಾಣ ಆವರೆ ಇತ್ತಿನ ಧ್ವಜಸ್ತಂಭದ ಮರತ್ತ ಮೆರವಣಿಗೆ ಸನಿಯಾರ ಬಯ್ಯಡ್ ಚೆಂಡೆ, ವಾದ್ಯ, ಕೊಂಬು, ವಿಶೇಷ ವೇಷಭೂಷಣದ ಟ್ಯಾಬ್ಲೊದೊಟ್ಟುಗು ಭಾರಿ ಗೌಜಿಡ್ ನಡತ್ಂಡ್.
ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನಡ್ ದೇವಿನ ಸನ್ನಿಧಿಡ್ ಶಿಬರೂರು ಗೋಪಾಲಕೃಷ್ಣ ತಂತ್ರಿಲು ಪ್ರಾರ್ತನೆ ಮಲ್ತ್ ದ್ ಮೆರವಣಿಗೆ ಅಂಚೆನೆ ಬ್ರಹ್ಮಕಲಶದ ಉಚ್ಚಯ ಎಡ್ಡೆ ರೀತಿಡ್ ನಡಪಡ್ ಪಂದ್ ನಟ್ಟೊಂಡೆರ್.
ಅರ್ಚಕೆರಾಯಿನ ನರಸಿಂಹ ಭಟ್, ಮುಲ್ಕಿ ಸೀಮೆದ ಅರಸೆರ್ ದುಗ್ಗಣ್ಣ ಸಾವಂತೆರ್, ಬಪ್ಪನಾಡ್ ದೇವಲ್ಯದ ಆಡಳಿತ ಮೊಕ್ತೇಸರೆರ್ ಮನೋಹರ ಶೆಟ್ಟಿ, ಶಾಸಕೆರ್ ಉಮಾನಾಥ ಕೋಟ್ಯಾನ್, ಮಾಜಿ ಸಚಿವೆರ್ ಅಭಯಚಂದ್ರ ಜೈನ್, ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಮಿಥುನ್ ರೈ, ಡಾ. ರಾಜಶೇಖರ ಕೋಟ್ಯಾನ್, ತೋಕೂರು ದೇವಲ್ಯ ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್, ಧರ್ಮದರ್ಶಿ ಹರಿಕೃಷ್ಣ ಪುನರೂರು, ಧಾರ್ಮಿಕ ಪರಿಷತ್ ಸದಸ್ಯೆರಾಯಿನ ಭುವನಾಭಿರಾಮ ಉಡುಪ, ಗಿರಿಪ್ರಕಾಶ್ ತಂತ್ರಿ ಪೊಳಲಿ, ರಾಮಚಂದ್ರ ನಾಯಕ್, ತೋಕೂರು ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಹರಿದಾಸ್ ಭಟ್, ಅರ್ಚಕೆರಾಯಿನ ಮಧುಸೂದನ ಆಚಾರ್ಯ, ಜೀರ್ಣೋದ್ಧಾರ ಸಮಿತಿದ ಉಪಾಧ್ಯಕ್ಷೆ ರ್ ಮೋಹನ್ ದಾಸ್, ಗುರುರಾಜ್ ಪೂಜಾರಿ, ಸುನಿಲ್ ಆಳ್ವ, ವಿನೋದ್ ಸಾಲ್ಯಾನ್ ಬೆಳ್ಳಾಯರು, ಕಸ್ತೂರಿ ಪಂಜ, ಈಶ್ವರ ಕಟೀಲ್, ವಿನೋದ್ ಕುಮಾರ್ ಬೊಳ್ಳೂರು, ದೀಪಕ್ ಸುವರ್ಣ, ಧರ್ಮಾನಂದ ಶೆಟ್ಟಿಗಾರ್, ಸಂತೋಷ್ ದೇವಾಡಿಗ, ಹಳೆಯಂಗಡಿ ಬಿಲ್ಲವ ಸಂಘದ ಅಧ್ಯಕ್ಷೆರ್ ಗಣೇಶ್ ಬಂಗೇರ, ಚಂದ್ರಶೇಖರ ನಾನಿಲ್, ಸುಧಾಕರ ಹಳೆಯಂಗಡಿ, ನರೇಂದ್ರ ಕೆರೆಕಾಡು ಮೊಕುಲು ಮಾತ ಇತ್ತೆರ್.
ಮೆರವಣಿಗೆಡ್ ಸುತ್ತಮುತ್ತದ ಸಂಘ-ಸಂಸ್ಥೆಲೆನ ಮುತಾಲಿಕೆಡ್ ಕುಣಿತ ಭಜನಾ ತಂಡ, ಟ್ಯಾಬ್ಲೊ, ನಾಸಿಕ್ ಬ್ಯಾಂಡ್, ಕೀಲ್ ಕುದುರೆ, ಯಕ್ಷಗಾನದ ವೇಷ ಇಂಚ ಬೇತೆ ಬೇತೆ ಕಲಾವಿದೆರ್ ಪಾಲ್ ಪಡೆದಿತ್ತೆರ್.
ಧ್ವಜಸ್ತಂಭ ಮೆರವಣಿಗೆ ಮುಲ್ಕಿ ಪೇಂಟೆಗ್ ಬತ್ತ್ ದ್ ಮುಲ್ಕಿ ನಾರಾಯಣ ಗುರು ಸಂಘ ಮುಟ್ಟ ಪೋದು ಅಲ್ತ್ ರ್ದ್ ಪಡುಪಣಂಬೂರುಗು ಪೋದು ಕಲ್ಲಾಪು ಮುಕೇನ ತೋಕೂರು ಕ್ಷೇತ್ರೊಗು ಪೋದು ಮುಟುದುಂಡು.
pallavi shetty