ಜ.22: ಶ್ರೀ ಕ್ಷೇತ್ರ ಹಟ್ಟಿಯಂಗಡಿ ಮೇಳದ ಯಕ್ಷಗಾನ “ಕೃಷ್ಣ ಗಾರುಡಿ, ಜಾಂಬವತಿ” ಬೊಕ್ಕ ಯಕ್ಷ ಕುಸುಮ ಪುರಸ್ಕಾರ ಪ್ರದಾನ ಲೇಸ್

ಕುಡ್ಲ: ಬಳ್ಕೂರು ಯಕ್ಷ ಕುಸುಮ ಪ್ರತಿಷ್ಠಾನ ಬೊಕ್ಕ ಶ್ರೀ ಕ್ಷೇತ್ರ ಕುದ್ರೋಳಿ ಭಗವತೀ ದೇವಲ್ಯದ ಪ್ರೋತ್ಸಾಹದೊಟ್ಟಿಗೆ, ಕುಡ್ಲಡ್ ಸುರುತ ಸರ್ತಿ ಬಡಗು ತಿಟ್ಟುದ ಪುಗರ್ತೆದ ಶ್ರೀ ಕ್ಷೇತ್ರ ಹಟ್ಟಿಯಂಗಡಿ ಮೇಳದಕ್ಲೆರ್ದ್ ಕಾಲಮಿತಿ ಆಟದ ಪ್ರದರ್ಶನ ಕೃಷ್ಣ ಗಾರುಡಿ, ಜಾಂಬವತಿ ಅಂಚೆನೆ ಯಕ್ಷ ಕುಸುಮ, ಪುರಸ್ಕಾರ ಪ್ರದಾನ ಲೇಸ್ ಜ.22 ಐತಾರ ಬಯ್ಯಗ್4 ಗಂಟೆರ್ದ್ 10 ಮುಟ್ಟ ಕುಡ್ಲ ಶ್ರೀ ಕ್ಷೇತ್ರ ಕುದ್ರೋಳಿ ಭಗವತೀ ದೇವಲ್ಯದ ಕೂಟಕ್ಕಳ ಸಭಾಂಗಣಡ್ ನಡಪರೆ ಉಂಡು.

ಈ ಲೇಸ್ ಡ್ ಹಳ್ಳಾಡಿ ಜಯರಾಮ್ ಶೆಟ್ಟಿ ಹಾಸ್ಯ ಕಲಾವಿದೆರಾದ್ ಉಲ್ಲೆರ್. ರಂಜಿತ್ ಕುಮಾರ್ ವಕ್ವಾಡಿ ಮೇಳದ ಸಂಚಾಲಕೆರಾತೆರ್. ಅಭ್ಯಾಗತೆರಾದ್ ಕುಡ್ಲ ಶಾಸಕೆರ್ ವೇದವ್ಯಾಸ ಕಾಮತ್, ಲೆಕ್ಕ ಪರಿಶೋಧಕೆರ್ ಎಸ್ ಎಸ್ ನಾಯಕ್, ಸಿ.ಎ ಶಾಂತರಾಮ್ ಶೆಟ್ಟಿ, ರಂಗಸ್ಥಳತ ಎಸ್ ಎಲ್ ನಾಯಕ್ ಬೊಕ್ಕ ದಿನೇಶ್ ಪೈ, ಕುದ್ರೋಳಿ ದೇವಲ್ಯದ ಅಧ್ಯಕ್ಷೆರ್ ಗಣೇಶ್ ಕುಂಟಲ್ಪಾಡಿ, ಕೆ.ಎಂ.ಸಿ ಹೃದ್ರೋಗ ತಜ್ಞೆರ್ ಡಾ.ಪದ್ಮನಾಭ ಕಾಮತ್, ಉಳ್ತೂರು ಪುಟ್ಟಣ್ಣ ಕುಲಾಲ್ ಪ್ರತಿಷ್ಠಾನದ ಅಧ್ಯಕ್ಷೆರ್ ಡಾ. ಅಣ್ಣಯ್ಯ ಕುಲಾಲ್ ಉಲ್ಲೆರ್ ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.