ಕುಡ್ಲ ಏಪೋರ್ಟ್‌ಗ್ “ ತುಳುನಾಡ್ ಇಂಟರ್‌ನ್ಯಾಷ್ನಲ್ ಎ‌ಪೋರ್ಟ್” ನಾಮಕರಣ ಮಲ್ಪರೆ ತುಳುನಾಡ ರಕ್ಷಣಾ ವೇದಿಕೆ ಆಗ್ರಹ

ತುಳುನಾಡ ರಕ್ಷಣಾ ವೇದಿಕೆ ತುಳುನಾಡ ಸಂಸ್ಕೃತಿ, ಕಲೆ, ಆಚಾರ ಇಚಾರ, ನಾಡ್ ನುಡಿ, ಜಲ, ದೈವಾರಾಧನೆ, ಸಾಮಾಜಿಕ ಹೋರಾಟದ ಮುಖೇನ ಧರ್ಮ ಕಾರ್ಯೋನು ಮಲ್ತೊಂದು ಬರೊಂದು ಉಂಡು.

ಕರಿನ 10 ವರ್ಷದ ಪಿರಾವು ರಕ್ಷಣಾ ವೇದಿಕೆ ಕುಡ್ಲ ಏರ್ಪೋರ್ಟ್‌ಗ್ “ತುಳುನಾಡ್ ಇಂಟರ್‌ನ್ಯಾಷನಲ್ ಎ‌ಪೋರ್ಟ್”, ಬೊಕ್ಕ ರೈಲ್ವೆ ನಿಲ್ದಾಣಗ್ “ಕೋಟಿ ಚೆನ್ನಯ್ಯ”, ಮಂಗಳೂರು ವಿಶ್ವ ವಿದ್ಯಾನಿಲಯಗ್ “ನಾರಾಯಣ ಗುರು” ಪುದರ್ ಡ್ ನಾಮಕರಣ ಮಲ್ಪರೆ ಮನವಿ ಕೊರ್ದು ಪೇಂಟೆಡ್ ನಿರಂತರವಾದ್ ಹೋರಾಟ ಮಲ್ತೊಂದು ಬೈದುಂಡು. ಆಂಡ ಇತ್ತೆ ಅವ್ವೆತೋ ರಾಜಕೀಯ ಪಕ್ಷಲು ಬೊಕ್ಕ ಕೆಲವು ಸಂಘ ಸಂಸ್ಥೆಲು ಅಕ್ಲೆನ ಇಚ್ಛೆದ ಪ್ರಕಾರ ಪುದರ್ ದೀಯರೆ ಅಗ್ರಹ ಮಲ್ತೊಂದು ಉಲ್ಲೆರ್.

ವೇದಿಕೆದ ಪ್ರಕಾರ ಕೋಟಿ ಚೆನ್ನಯ್ಯ ತುಳುನಾಡ್ ದ ದೈವಿಕ ಸಂಭೂತ ವೀರೆರ್ , ಅಕ್ಲೆನ್ ಜನಕುಲು ದೇವರ್ನ ರೂಪೊಡು ಪೂಜೆ ಮಲ್ಪುವೆರ್. ದೇವರ್ನ ಪುದರ್ ನ್ ದೀಯರೆ ಈತೊಂಜಿ ಹೋರಾಟ, ಒತ್ತಾಯ, ಭಿನ್ನಾಭಿಪ್ರಾಯದ ಮುಖೇನ ಆಗ್ರಹ ಮಲ್ಪುನವು ಒಂಜಿ ರೀತಿದ ಅವಮಾನ, ಜಿಲ್ಲೆದ ಆಡಳಿತ ವರ್ಗಗ್ ಬೊಕ್ಕ ರಾಜಕೀಯ ಪಕ್ಷಗ್ ನಿಜವಾದ್ ಲಾ ಕಳಕಳಿ ಇತ್ತುಂಡ ಮಾತೆರ್ಲ ಕೈ ಜೋಡಾದ್ ಪ್ರಶ್ನಾತೀತವಾದ್ ಪುದರ್ ದೀಪಿನವು ಧರ್ಮದ ಕಾರ್ಯ, ವೇದಿಕೆಗ್ ಒವ್ವೆ ಕಾರಣಗ್ಲಾ ತುಳುನಾಡ್ಡ ಮಹಾಪುರುಷೆರ್ನ ಪುದರ್ ದೀಯರೆ ಅಭ್ಯಂತರ ಇಜ್ಜಿ , ಆಂಡ ತುಳುನಾಡ್ಡ್ ಪುಟ್ಟಿನ ಮಹಾಪುರುಷೆರ್ , ತುಳುನಾಡ್ದ ಹೋರಾಟಗಾರೆರ್ , ಬೊಕ್ಕ ಅಭಿವೃದ್ಧಿಗ್ ಕಾರಣಕರ್ತೆರಾಯಿನಕ್ಲೆನ ಪುದರ್ ನೇ ದೀಯೊಡು.ನಾಮಕರಣದ ಬೇಡಿಕೆಗಾದ್ ತುಳುವೆರ್ನ ನಡುಟು ಜಾತಿ, ಮತ, ಧರ್ಮದ ಬಿರುಕು ಉಂಡು ಮಲ್ಪುನ ಬೇಲೆ ನ್ ವೇದಿಕೆ ಸಹಿಸುಜಿ ಪಂದ್ ಗುರ್ಕಾರ್ಲಾಯಿನ ಯೋಗೀಶ್ ಶೆಟ್ಟಿ ಜಪ್ಪು ಪಂಡೆರ್.

ತುಳುನಾಡ್ ಗ್  ಒವ್ವೆ ವ್ಯವಹಾರಿಕ ಕಂಪೆನಿಲು ಬತ್ತುಂಡಲ ತುಳುವೆರೆಗ್ 80% ಬೇಲೆ ಕೊರೊಡು . ತುಳುನಾಡ್ ದ ಪ್ರತಿ ಒರಿಲಾ ತಮ್ಮ ಇಲ್ಲದ , ವ್ಯವಹಾರದ, ಒವ್ವೆ ಬೋರ್ಡ್‌ಡ್ ಲಾ ಬೇತೆ ಭಾಷೆ ದೊಟ್ಟುಗು ತುಳುಟ್ಲಾ ಬರೆಪಾನಗ ತುಳುನಾಡ್ ದ ಲಿಪಿತ ಮಹಾ ಆಂದೋಲನಗ್ ಕೈ ಜೋಡಾಯಿಲಕ ಆಪುಂಡು .
ಈ ನಿಟ್ಟ್ ಡ್ ಸುರುತ್ತ ಪಜ್ಜೆ ದೀನ ಉಡುಪಿ ಕೃಷ್ಣ ಮಠ ಆಡಳಿತ ಮಂಡಳಿಗ್ ತುಳುನಾಡ ರಕ್ಷಣಾ ವೇದಿಕೆ ಸೊಲ್ಮೆ ಸಂದೈತ ಮಲ್ಪುಂಡು.