ಮುಲ್ಕಿ

ಭ್ರಷ್ಟಾಚಾರದಾಂತೆ ಆಡಳಿತೆ ಮಲ್ಪುಲೆ: ಎಂ.ಸುದರ್ಶನ್ ,ಮುಲ್ಕಿ ಬಿಲ್ಲವ ಸಂಘೊಡು ಉಚಿತ ಆಯುಷ್ಮಾನ್ ಕಾರ್ಡ್ ಪಟ್ಟುನ ಲೇಸ್

ಮುಲ್ಕಿ : ಗ್ರಾಮ ಪಂಚಾಯಿತಿಲೆಗ್
ಸದಸ್ಯೆರಾದ್ ಆಯ್ಕೆ ಆತಿನಕುಲು ಭ್ರಷ್ಟಾಚಾರ ಮಲ್ಪಂದೆ ಜನೊಕ್ಲೆನ ಸಮಸ್ಯೆಗ್ ಸ್ಪಂದಿಸಾದ್ ಆಡಳಿತೆ ಮಲ್ತ್ಂಡ ಗಾಂಧೀಜಿಯೆರ್ ಎನ್ನ್ ದಿನ ಗ್ರಾಮ ಸ್ವರಾಜ್ಯ, ರಾಮರಾಜ್ಯದ ಕನ ನನಸಾಪುಂಡು ಪಂಡ್ ದ್ ದಕ್ಷಿಣಕನ್ನಡ ಜಿಲ್ಲೆ ಬಿಜೆಪಿದ ಅಧ್ಯಕ್ಷೆರ್ ಎಂ.ಸುದರ್ಶನ್ ಮೇರ್ ಪಂಡೆರ್.

ಮುಲ್ಕಿ ಬಿಲ್ಲವ ಸಂಘ (ರಿ) ಮುಲ್ಕಿ ಉಂದೆತ್ತ ಆಶ್ರಯೊಡು ಬ್ರಹ್ಮ ಶ್ರೀ ನಾರಾಯಣ ಗುರು ಸಭಾಂಗಣೊಡು ಐತಾರ ನಡತಿನ ಆಯುಷ್ಮಾನ್ ಕಾರ್ಡ್ ನೋಂದಣಿ ಲೇಸ್ ಬೊಕ್ಕ ಗ್ರಾಮ ಪಂಚಾಯಿತಿಗ್ ಆಯ್ಕೆ ಆಯಿನ ನಮ್ಮ ಸಮಾಜದ ಸದಸ್ಯೆರ್ ಗ್ ಬೊಕ್ಕ ಮುಲ್ಕಿನಗರಸಭೆತ್ತ ಉಪಾಧ್ಯಕ್ಷೆರೆಗ್ ಮಾನಾದಿಗೆ ಲೇಸ್ ಡ್ ಆರ್ ಪಾತೆರಿಯೆರ್.
ಬಿನ್ನೆರಾದ್ ಬರೋಡ ಬ್ಯಾಂಕ್ ದ ನಿವೃತ್ತ ಅಧಿಕಾರಿ ನೀಲಯ್ಯ ಕೋಟ್ಯಾನ್, ಇಂಟಕ್ ಮುಲ್ಕಿ ಬೆದ್ರ ವಲಯದ ಅಧ್ಯಕ್ಷೆರ್ ಮೋಹನ್ ಕೋಟ್ಯಾನ್, ಭಾರತ್ ಬ್ಯಾಂಕ್ ಅಧಿಕಾರಿ ವಾಸುದೇವ ಸಾಲ್ಯಾನ್, ಉದ್ಯಮಿ ವಾಸು ಪೂಜಾರಿ ಚಿತ್ರಾಪು, ಪುರಂದರ ಸಾಲ್ಯಾನ್, ಹಿರಿಯ ಸಾಹಿತಿ ಕೆ.ಎಂ.ಕೋಟ್ಯಾನ್, ಕಟ್ಟಡ ಸಮಿತಿದ ಅಧ್ಯಕ್ಷೆರ್ ವಿಠಲ್ ಸಾಲ್ಯಾನ್, ಮಹಿಳಾ ಮಂಡಲದ ಅಧ್ಯಕ್ಷೆರ್ ಅಂಬಾವತಿ ಮೊಕುಲು ಮಾತ ಇತ್ತೆರ್.ಮುಲ್ಕಿ ನಗರಸಭೆತ್ತ ಉಪಾಧ್ಯಕ್ಷೆರ್ ಸತೀಶ್ ಅಂಚನ್, ಕಿಲ್ಪಾಡಿ ಗ್ರಾಮಪಂಚಾಯ್ತಿ ಅಧ್ಯಕ್ಷೆರ್ ಲೀಲಾವತಿ ಜಿ.ಕುಂದರ್, ಉಪಾಧ್ಯಕ್ಷೆರ್ ಗೋಪಿನಾಥ ಪಡಂಗ, ದಯಾನಂದ ಮಟ್ಟು, ಜಯ ಕುಮಾರ್ ಮಟ್ಟು, ಆನಂದ ಕೆ.ಪೂಜಾರಿ, ವೇದಾವತಿ ಜಯಕುಮಾರ್, ನವೀನ್ ಕೋಟ್ಯಾನ್ ಕವತ್ತಾರ್, ಮಮತಾ ಕರ್ಕೇರ, ರಾಜೇಶ್ ಕುಬೆವೂರು, ಸುಜಾತಾ ಪ್ರಭಾಕರ್, ವನಜ ಕರ್ನಿರೆ ಮೊಕಲೆಗ್ ಮಾನಾದಿಗೆ ನಡತ್ಂಡ್.ಉಂದುವೇ ಪೊರ್ತುಡು ಕರರ್ನಾಟಕ ಒನ್ ಸಕಾಯೊಡು ನಡತಿನ ಉಚಿತ ಆಯುಷ್ಮಾನ್ ಕಾರ್ಡ್ ಪಟ್ಟುನೆತ್ತ ಪ್ರಯೋಜನೊನು ೪೦೦ ದ್ದೆರ್ದ್ ಲ ಎಚ್ಚ ಜನೊಕ್ಕುಲು ಪಡೆಯೆರ್.ಬಿಲ್ಲವ ಸಂಘದ ಅಧ್ಯಕ್ಷೆರ್ ರಮೇಶ್ ಅಮೀನ್ ಕೊಕ್ಕರ್ ಕಲ್ ಲೇಸ್ ದ ಗುರ್ಕಾರ್ಮೆ ಒಯಿಸ್ ದಿತ್ತೆರ್.
ಕಾರ್ಯದರ್ಶಿ ಕಮಲಾಕ್ಷ ಬಡಗುಹಿತ್ಲು ಬಿನ್ನೆರೆನ್ ಎದುಕೊಂಡೆರ್. ವಾಮನ ನಡಿಕುದ್ರು ಸೊಲ್ಮೆ ಸಂದಾಯೆರ್ .ಬಿಲ್ಲವ ಸೇವಾ ದಳತ್ತ ಸತೀಶ್ ಕಿಲ್ಪಾಡಿ ಲೇಸ್ ಸುಧಾರಿಕೆ ಮಲ್ತೆರ್.

ಮುಲ್ಕಿ : ಮಾ.15 ತಾರೀಕ್ ರ್ದ್ ಷಟಲ್ ಬಸ್ ಬಂದ್

ಮುಲ್ಕಿ : ಪೆಜಮಾಡಿ ಟೋಲ್ ಗೇಟ್ ದಲ್ಪ ಉಲಯಿ ರಸ್ತೆಡ್ ಸಂಚಾರ ಮಲ್ಪುನ 32 ಷಟಲ್ ಬಸ್ ಕ್ಕ್ ಲೆನ ಸಂಚಾರೊನು ಮಾ.15 ತಾರೀಕ್ ರ್ದ್ ಬಂದ್ ಮಲ್ಪರೆ ಕೆನರಾ ಷಟಲ್ ಬಸ್ ಸರ್ವಿಸ್ , ಒಡಿಪು ಉಂದೆತ್ತ ಒಡಿಪು-ಕುಡ್ಲ ವಲಯ ಎಚ್ಚರಿಕೆ ಕೊರ್ತುಂಡು.ಮುಲ್ಕಿಡ್ ಬುಧಾರ ನಡತಿನ ಸುದ್ದಿಗೋಷ್ಠಿಡ್ ಈ ವಿಷಯೊನು ಕೆನರಾ ಬಸ್ ಮಾಲಿಕೆರ್ನ ಸಂಘದ ಉಪಾಧ್ಯಕ್ಷೆರ್, ಕಿನ್ನಿಗೋಳಿ ಬಸ್ ಮಾಲಕೆರ್ನ ಸಂಘದ ಅಧ್ಯಕ್ಷೆರ್ ದುರ್ಗಾ ಪ್ರಸಾದ್ ಹೆಗ್ಡೆ ತೆರಿಪಾಯೆರ್.ಪೆಜಮಾಡಿ ಟೋಲ್ ಗೇಟ್ ದಕುಲು ಉಲಯಿ ರಸ್ತೆಡ್ ಪೋಪಿನ ಷಟಲ್ ಬಸ್ ಕ್ಕ್ ಲೆಗ್ ಫಾಸ್ಟ್ಯಾಗ್ ಪಂಡ್ ದ್ ಪ್ರತಿ ಟ್ರಿಪ್ ಗ್ಲ ಶುಲ್ಕ ದೆತೊನುವೆರ್. ದಿನೊರ್ದು ದಿನ ಡೀಸೆಲ್ ರೇಟ್, ರೋಡ್ ಟ್ಯಾಕ್ಸ್ ಎಚ್ಚಾವೊಂದುಂಡು. ಕುಡ ಅಯಿತ ಮಿತ್ತ್ ಟೋಲ್ ಗ್ ದುಡ್ಡು ಕಟ್ಟ್ ದ್ ಎಂಕ್ಲೇಗ್ ಬಸ್ ನಡಪುಡ್ರೆ ಸಾಧ್ಯ ಇಜ್ಜಿ. ಈ ವಿಷಯೊನು ಫೆ.22 ಕ್ಕ್ ನಡತಿನ ಒಡಿಪು ಜಿಲ್ಲಾಧಿಕಾರಿಲೆನ ಸಭೆಟ್ಟ್ ಬಿನ್ನೈತ ಮಲ್ಪುನಗ ಡೀಸಿನ ಎದುರು ಟೋಲ್ ಅಧಿಕಾರಿಲು ಸಮಸ್ಯೆ ಪರಿಹಾರ ಮಲ್ಪುನ ಭರವಸೆ ಕೊರ್ತೆರ್. ಆಂಡ ಇನಿಮುಟ್ಟ ಸಮಸ್ಯೆಗ್ ಸ್ಪಂದನೆ ಮಲ್ದ್ ಜೆರ್. ಅಂಚಾದ್ ಮಾ.15 ಸೋಮಾರೊರ್ದು ಅನಿರ್ದಿಷ್ಟಾವಧಿ ಮುಟ್ಟ ಬಸ್ ಸಂಚಾರ ಬಂದ್ ಮಲ್ಪುವ ಪಂಡೆರ್.

ಒಡಿಪು-ಕುಡ್ಲ ವಲಯದ ರಾಷ್ಟ್ರೀಯ ಹೆದ್ದಾರಿ ಹೋರಾಟ ಸಮಿತಿದ ಸಂಚಾಲಕೆರ್ ಶೇಖರ್ ಹೆಜ್ಮಾಡಿ ಪಾತೆರ್ದ್, ಈ ಸಮಸ್ಯೆ ಪರಿಹಾರ ಮಲ್ತ್ ಜೆರ್ಡ ಸಾಸ್ತಾನೊರ್ದು ತೊಕ್ಕೊಟ್ಟು ಮುಟ್ಟದ ಸಂಘಟದಕಲ್ನ ಸಕಾಯೊಡು ಪೆಜಮಾಡಿ ಟೋಲ್ ಗೇಟ್ ಗ್ ಪೊಗ್ಗುದು ಪ್ರತಿಭಟನೆ ಮಲ್ಪುವ ಪಂಡೆರ್.ಮುಲ್ಕಿ ನಾಗರಿಕ ಹಿತರಕ್ಷಣೆ ಸಮಿತಿದ ಅಧ್ಯಕ್ಷೆರ್ ಹರೀಶ್ ಪುತ್ರನ್ ಪಾತೆರ್ದ್, ಬಸ್ ತಕಲ್ನ ಹೋರಾಟೊಗು ಬೆರಿಸಾಯ ಕೊರ್ಪ ಪಂಡೆರ್.ಕೆನರಾ ಬಸ್ ಮಾಲಿಕೆರ್ನ ಸಂಘದ ಕಾರ್ಯದರ್ಶಿ ರಾಜೇಶ್ ಶೆಟ್ಟಿ, ಪೆಜಮಾಡಿ ನಾಗರಿಕ ಕ್ರಿಯಾ ಸಮಿತಿದ ಅಧ್ಯಕ್ಷೆರ್ ಸುಧಾಕರ ಕರ್ಕೇರ, ಕಿಲ್ಪಾಡಿ ಗ್ರಾಮ ಪಂಚಾಯ್ತಿ ಉಪಾಧ್ಯಕ್ಷೆರ್ ಗೋಪಿನಾಥ್ ಪಡಂಗ, ಮುಲ್ಕಿ ನಾಗರಿಕ ಸಮಿತಿದ ಉಪಾಧ್ಯಕ್ಷೆರ್ ಸದಾಶಿವ ಹೊಸದುರ್ಗ, ಕೋಶಾಧಿಕಾರಿ ಸುರೇಶ್ ಶೆಟ್ಟಿ ಬೊಕ್ಕ ಬಸ್ ಮಾಲೀಕೆರ್ ಇತ್ತೆರ್.

ಭಜನಾ ಮಂದಿರೊಲೆಡ್ ಸಂಸ್ಕೃತಿ ಒರಿಪಾವುನ ಕೆಲಸ ಆವೊಂದುಂಡು :ಪೇಜಾವರ ವಿಶ್ವಪ್ರಸನ್ನ ಶ್ರೀ

ಪಂಜ ಕೊಯಿಕುಡೆ ವಿಠೋಬ ಭಜನಾ ಮಂದಿರ ಉದಿಪನ

ಮುಲ್ಕಿ : ಭಜನೆ ಮಲ್ಪುನೆರ್ದ್ ದೇವೆರೆನ ಅನುಗ್ರಹ ಆಪುಂಡು. ನಮಕ್ಕ್ ಉಷಾರಿಜ್ಜಂದಿ ಪೊರ್ತುಗು ‘ಮಲಗಿ ಪರಮಾದರದಿ ಪಾಡಲು ಕುಳಿತು ಕೇಳುವ…”ಪಂಡ ನಮಕ್ಕ್ ಉಷಾರಿಜ್ಜಿಡಲಾ ಜೈದಿನವುಲೇ ಭಜನೆ ಪಂಡಲಾ ದೇವೆರ್ ಅವೆನ್ ಕೇಂಡ್ ದ್ ನಮಕ್ ಅನುಗ್ರಹ ಮಲ್ಪುವೆರ್ ಪಂಡ್ ದ್ ಪೇಜಾವರ ಮಠತ್ತ ಶ್ರೀ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿ ಪಂಡೆರ್.
ಪಂಜ ಕೊಯಿಕುಡೆದ ಶ್ರೀ ವಿಠೋಬ ಭಜನಾ ಮಂಡಳಿದ ಮಂದಿರ ಉದಿಪನದ ಲೇಸ್ ಡ್ ಆರ್ ಆಶೀರ್ವಚನ ಮಲ್ತ್ ದ್ ಭಜನಾ ಮಂದಿರೊಲೆಡ್ ಸಂಸ್ಕೃತಿ ಒರಿಪಾವುನ ಕೆಲಸ ಆಪುಂಡು ಪಂಡೆರ್.

ಬಿಜೆಪಿದ ರಾಜ್ಯಾಧ್ಯಕ್ಷೆರ್, ಸಂಸದೆರ್ ನಳಿನ್ ಕುಮಾರ್ ಕಟೀಲ್ ಮಂದಿರ ಮಲ್ತೆರ್.
ಶಾಸಕೆರ್ ಉಮಾನಾಥ ಕೋಟ್ಯಾನ್ ಧಾರ್ಮಿಕ ಸಭೆತ್ತ ಗುರ್ಕಾರ್ಮೆ ಒಯಿಸ್ ದಿತ್ತೆರ್. ಮುಲ್ಕಿ ಸೀಮೆದ ಅರಸುಲು ದುಗ್ಗಣ್ಣ ಸಾವಂತೆರ್ ಉದಿಪನ ಮಲ್ತೆರ್. ವಿದ್ವಾನ್ ಪಂಜ ಭಾಸ್ಕರ್ ಭಟ್ ಧಾರ್ಮಿಕ ಉಪನ್ಯಾಸ ಮಲ್ತೆರ್.ಮಾಜಿ ಸಚಿವೆರ್ ಅಭಯಚಂದ್ರ ಜೈನ್ ದಾನಿಲೆಗ್ ಮಾನಾದಿಗೆ ಬೊಕ್ಕ ಪ್ರತಿಭಾ ಪುರಸ್ಕಾರ ಪಟ್ಟಿಯೆರ್.ಈ ಪೊರ್ತುಡು ಪಂಜ ಶ್ರೀ ಮಹಾಗಣಪತಿ ಮಂದಿರದ ಅರ್ಚಕೆರ್ ಸುರೇಶ್ ಭಟ್ ಅಂಚೆನೇ ದಾನಿಲೆಗ್ ಮಾನಾದಿಗೆ ನಡತ್ಂಡ್. ಕಾಂಡೆ ಉದ್ಯಮಿ ರಘುರಾಮ ಶೆಟ್ಟಿ ದಂಪತಿ ವಿಠೋಬ ದೇವೆರೆನ ನಂದಾಲ ಬೆಳಗಾಯೆರ್.

ಮಲ್ಲ ಬಿನ್ನೆರಾದ್ ಸುರಗಿರಿ ದೇವಸ್ಥಾನ ದ ಆಡಳ್ತೆ ಮೊಕ್ತೇಸರೆರ್ ಕೆ.ಸೀತಾರಾಮ್ ಶೆಟ್ಟಿ, ಜಯಶ್ರೀ ಅಮರನಾಥ ಶೆಟ್ಟಿ, ಜಿಪಂ ಉಪಾಧ್ಯಕ್ಷೆರ್ ಕಸ್ತೂರಿ ಪಂಜ, ಸದಸ್ಯೆರ್ ವಿನೋದ್ ಬೊಳ್ಳೂರು, ಬೆಂಗಳೂರು ಸತ್ಯವಾಣಿ ವಿದ್ಯಾಪೀಠ ಡಾ.ದೇವಿಪ್ರಸಾದ್ ಶೆಟ್ಟಿ, ಎಳತ್ತೂರು ದೇವಸ್ಥಾನ ದ ಮೊಕ್ತೇಸರೆರ್ ಸಂತೋಷ್ ಕುಮಾರ್ ಹೆಗ್ಡೆ, ಸೂರ್ಯ ಕುಮಾರ್, ದಕ ಯುವ ಕಾಂಗ್ರೆಸ್ ಗುರ್ಕಾರೆ ಮಿಥುನ್ ರೈ, ಉದ್ಯಮಿ ದಯಾನಂದ ಡಿ.ಶೆಟ್ಟಿ, ದಾಮೋದರ ಭಂಡಾರಿ,ತಾಪಂ ಸದಸ್ಯೆ ವಜ್ರಾಕ್ಷಿ ಶೆಟ್ಟಿ, ಕೆಮ್ರಾಲ್ ಪಂಚಾಯ್ತಿ ಮಾಜಿ ಅಧ್ಯಕ್ಷೆರ್ ನಾಗೇಶ್ ಅಂಚನ್, ವಿಠೋಬ ಭಜನಾ ಮಂದಿರದ ಅಧ್ಯಕ್ಷೆರ್ ಶಾಂತಾರಾಮ್ ಶೆಟ್ಟಿ ಪಂಜದಗುತ್ತು, ಗೌರವಾಧ್ಯಕ್ಷೆರ್ ,ಕಾರ್ಯಧ್ಯಕ್ಷೆರ್ ಸುಧಾಕರ ಎಸ್.ಪೂಂಜ ಮೊಕುಲು ಮಾತ ವೇದಿಕೆಡ್ ಇತ್ತೆರ್.ವಸಂತ ದೇವಾಡಿಗ ಬಿನ್ನೆರೆನ್ ಎದ್ಕೊಂಡೆರ್. ಶ್ರೀ ವಿಠೋಬ ಭಜನಾ ಮಂಡಳಿದ ದಿವಾಕರ ಶೆಟ್ಟಿ ಯಕ್ಷಗಾನ ಪದೊಟ್ಟು ದೇವೆರೆನ್ ಸುಗಿತೆರ್. ಸತೀಶ್ ಶೆಟ್ಟಿ ಬೈಲಗುತ್ತು ಮಂಡಳಿದ ವರದಿ ಓದಿಯೆರ್. ಮುಂಬಯಿ ಸಮಿತಿದ ಗೌರವಾಧ್ಯಕ್ಷೆರ್ ಪ್ರಕಾಶ್ ಶೆಟ್ಟಿ ನಲ್ಯಗುತ್ತು ಸೊಲ್ಮೆ ಸಂದಾಯೆರ್. ನವೀನ್ ಎಡ್ಮೆಮಾರ್ ಲೇಸ್ ಸುಧಾರಿಕೆ ಮಲ್ತೆರ್.ಮಧ್ಯಾಹ್ನ ಯಕ್ಷ ಗಾನ ವೈಭವ ಬೊಕ್ಕ ಬಯ್ಯಡ್ ಶಿವದೂತೆ ಗುಳಿಗೆ ನಾಟಕ ಪ್ರದರ್ಶನ ನಡತ್ಂಡ್.