ಭಾರತ

ಭಾರತಗ್ ಕುಡೊಂಜಿ ಬಂಗಾರ್ದ ಪದಕ : ಜಾವೆಲಿನ್ (ಎಫ್ 64)ಡ್ ಭಾರತದ ಸುಮಿತ್ ಆಂಟಿಲ್ಗ್ ಬಂಗಾರ್ದ ಪದಕ

ಟೋಕಿಯೊ : ಟೋಕಿಯೋಡು ನಡತೊಂದು ಉಪ್ಪುನ ಪ್ಯಾರಾಲಿಂಪಿಕ್ಸ್ ಡ್ ( Tokyo Paralympics ) ನಡತಿನ ಜವಣ್ಯೆರ್ನ ಜಾವೆಲಿನ್ (ಎಫ್ 64)ಡ್ ಭಾರತದ ಸುಮಿತ್ ಆಂಟಿಲ್ ( Sumit Antil ) 68.55 ಮೀ. ಪೊಸ ವಿಶ್ವ ದಾಖಲೆದ ಎಸೆತದೊಟ್ಟುಗು ಬಂಗಾರ್ದ ಪದಕ ಗೆಂದಿಯೆರ್.

ಟೋಕಿಯೊಡು ನಡತಿನ ಫೈನಲ್ ಡ್ ಸುಮಿತ್ ಆಂಟಿಲ್ ಮೂಜಿ ಸಲ ದಾಖಲೆನ್ ಬರೆತೆರ್ .

ಆಸ್ಟ್ರೇಲಿಯಾದ ಮಿಚಲ್ ಬುರಿಯನ್ 66.29 ಮೀ.ತ ಅತ್ಯುತ್ತಮ ಪ್ರಯತ್ನದೊಟ್ಟುಗು ಬೊಳ್ಳಿ ಪದಕ , ಶ್ರೀಲಂಕಾದ ದುಲನ್ ಕೊಡಿತುವಾಕ್ಕು ಕಂಚ್ ದ ಪದಕಗೆಂದ್ದೆರ್.

ಇನಿ ಭಾರತಗ್ ಕುಡ ರಡ್ಡ್ ಪದಕದ ನಿರೀಕ್ಷೆ

ಟೋಕಿಯೋ: ಒಲಿಂಪಿಕ್ಸ್ ಡ್ ಪುಲ್ಯ ಕಾಂಡೆನೇ ಕಂಚ್ ದ ಪದಕ ಪಡೆದ್ ಭಾರತೀಯೆರೆಗ್ ಎಡ್ಡೆ ಸುದ್ದಿ ಕೊರಿನ ಆಣ್ಜೊವ್ಲೆನ ಹಾಕಿ ಕೂಟರ್ದ್ ಬೊಕ್ಕ ಇನಿ ಕುಡ ರಡ್ಡ್ ಮಹತ್ವದ ಗೊಬ್ಬು ಉಂಡು .

ಇನಿ ಭಾರತ ಕುಡ ರಡ್ಡ್  ಪದಕದ ನಿರೀಕ್ಷೇಡ್ ಉಂಡು . ಕುಸ್ತಿ ಫೈನಲ್ಡ್ ರವಿಕುಮಾರ್ ದಹಿಯಾ ಗೊಬ್ಬರೇ ಉಲ್ಲೆರ್ , ಈ ಗೊಬ್ಬುಡು ಬಂಗಾರ್ ಇಜ್ಜಿಡ ಬೊಳ್ಳಿದ ಪದಕ ಖಚಿತ ಆತುಂಡು.

ಆತೆ ಅತ್ತoದೆ , ಕೋಡೆ ಸೆಮಿಫೈನಲ್ ಡ್ ಸೋತಿನ ಕುಸ್ತಿಪಟು ದೀಪಕ್ ಪೂನಿಯಾ ಇನಿ ಕಂಚ್ ದ ಪದಕಗಾದ್ ಗೊಬ್ಬರೇ ಉಲ್ಲೆರ್.

ಭಾರತದ ಪೊಂಜೊವ್ಲೆನ ಹಾಕಿ ಕೂಟಗ್ ಇನಾಮು ಘೋಷಣೆ ಮಲ್ತಿನ ಗುಜರಾತ್ದ ಸಾವ್ಜಿ ಧೋಲಾಕಿಯಾ

ಟೋಕಿಯೋ : ಒಲಿಂಪಿಕ್ ಪುರಾಪುಡು (Tokyo Olympics) ಇಂದುವೆ ಸುರುತ ಸಲ ಹಾಕಿದ ಸೆಮಿ ಫೈನಲ್ ಬತ್ದ್ ಪುರಾಪು ಬರೆಯಿನ ಭಾರತದ ಪೊಂಜೊವ್ಲೆನ ಕೂಟ ಫೈನಲ್​ ಪೋಯೆರೆ ವಿಫಲಲ್ ಆಂಡ್ . ಬುಧವಾರ ಅರ್ಜೇಂಟಿನಾ ವಿರುದ್ಧ ನಡತಿನ ಸೆಮಿ ಫೈನಲ್ ಪಂತೋಡು ಭಾರತ 1-2 ಗೋಲ್ ದ ಅಂತರಡ್ ಸೋತುಂಡು . ಆಂಡ , ಭಾರತಗ್ ಕಂಚು ಗೆಂದುನ ಅವಕಾಶ ಉಂಡು , ನನೊಂಜಿ ಸೆಮಿ ಫೈನಲ್​ಡ್ ಸೋಪುನ ಕೂಟದ ವಿರುದ್ಧ ಗೊಬ್ಬು ನಡಪರೆ ಉಂಡು . ನೆಟ್ಟ್ ಭಾರತದ ಪೊಂಜೊವ್ಲೆನ ಹಾಕಿ ಕೂಟ ಗೆಂದ್ ಡ ಕಂಚ್ ದ ಪದಕ ಪಡೆಯರೇ ಉಂಡು .

ಇಂಚ ಉಪ್ಪುನಗ ಭಾರತ ಮಹಿಳಾ ಹಾಕಿ ಕೂಟ (India Women’s Hockey Team) ಟೋಕಿಯೋ ಒಲಿಂಪಿಕ್ಸ್‌ಡ್ ಒವ್ವೆ ಪದಕ ಗೆಂದ್ ಡ ಕೂಟದ ಪ್ರತಿಯೊರಿ ಸದಸ್ಯೆಗ್ಲ ಇಲ್ಲ್ ಕಟ್ಟೆರೆ ಕಾಸ್ ಬೊಕ್ಕ ಕಾರ್ ಇನಾಮು ಕೊರ್ಪ ಪಂದ್ ಗುಜರಾತ್‌ ಮೂಲದ ಉದ್ಯಮಿ ಸಾವ್ಜಿ ಧೋಲಾಕಿಯಾ (Savji Dholakia) ಘೋಷಣೆ ಮಲ್ದೆರ್.