ಪಣವು

ತುಳುನಾಡ ಪೊರ್ಲು ಸೇವಾ ಟ್ರಸ್ಟ್(ರಿ.) ವತಿರ್ದ್ ಪಣವುದ ಸಾಕಾರ

ಒಡಿಪು : ಒಡಿಪು ಕುಂಜಾರಗಿರಿ ಕುರ್ಕಾಲು ಗಿರಿನಗರ ಕೈತಲ್ಡ್ ಉಪ್ಪುನ ಶಂಕರ ಮೆರೆನ ಬೊಡೆದಿ ಸರಸ್ವತಿ ಮೇರ್ ಕಿಡ್ನಿ ವೈಫಲ್ಯರ್ದ್ ಉಪ್ಪುನೆರ್ದಾವರ ಮೆರ್ನ ಮರ್ದ್ ದ ಖರ್ಚ್ ಗ್ ರೂ. 20,000 ಚೆಕ್ ದ ಪಣವುದ ಸಾಕಾರ , ತುಳುನಾಡ ಪೊರ್ಲು ಸೇವಾ ಟ್ರಸ್ಟ್(ರಿ.) ದಕ್ಷಿಣ ಕನ್ನಡ ತನ್ನ 61ನೇ ತಿಂಗೊಲ್ ದ ಸೇವಾ ಪಯಣಡ್ 3 ಕುಟುಂಬಗ್ ಆರ್ಥಿಕ ಸಾಕಾರ ಕೊರ್ತುಂಡು .

ಬಂಟ್ವಾಳ ತಾಲೂಕುದ ಮಣಿನಾಲ್ಕೂರು ದೇವಶ್ಯಮೂಡೂರು ಗ್ರಾಮ ವ್ಯಾಪಿದ ಪಾದೆಕೋಡಿ ನಿವಾಸಿ ಅಣ್ಣು ಮೆರೆಗ್ ಕರಿನ 10 ತಿಂಗೊಲುರ್ದು ಕಿಡ್ನಿ ಸಮಸ್ಯೆ ಉಪ್ಪುನೆರ್ದಾವರ ಮೆರ್ನ ಮರ್ದ್ ದ ಖರ್ಚ್ ಗ್ ರೂ. 10,000 ಚೆಕ್ ದ ಪಣವುದ ಸಾಕಾರ.

ಬಂಟ್ವಾಳ ತಾಲೂಕುದ ಕಾವಳಪಡೂರು ಗ್ರಾಮದ ವಗ್ಗಡ್ ಬಾಡಿಗೆ ಇಲ್ಲಡ್ ಉಪ್ಪುನ ರಮೇಶ್ ಆಚಾರ್ಯ ಮೆರೆಗ್ ಹೃದಯ ಸಂಬಂಧಿತ ಖಾಯಿಲೆರ್ದ್ ಉಪ್ಪುನೆರ್ದಾವರ , ಮೆರ್ನ ಬೊಡೆದಿಲಾ ಅನಾರೋಗ್ಯರ್ದ್ ಉಪ್ಪುನೆರ್ದಾವರ . ಮೆಕ್ಲೆನ ರಡ್ಡ್ ಜನತ ಮರ್ದ್ದ ರೂ. 10,000 ಚೆಕ್ದ ಧನ ಸಹಾಯ ಇನಿ ಶ್ರೀ ರಕ್ತೇಶ್ವರಿ ದೇವಿ ಸನ್ನಿಧಿ ಬಿ.ಸಿ ರೋಡ್ ಮುಲ್ಪ ಪಟ್ಟಿಯೆರ್ .ಈ ಪೊರ್ತುಡು ಟ್ರಸ್ಟ್ ದ ಸೇವಾ ಮಾಣಿಕ್ಯೆರ್ ಪಾಲ್ ಪಡೆದಿತ್ತೆರ್ .

ತುಳುನಾಡ ಪೊರ್ಲು ಸೇವಾ ಟ್ರಸ್ಟ್(ರಿ.) ವತಿರ್ದ್ ಅಶಕ್ತೆರೆಗ್ ಪಣವುದ ಸಾಕಾರ

ಕುಡ್ಲ, ಜೂನ್ 30: ಶ್ರೀದುರ್ಗಾಪರಮೇಶ್ವರಿ ಅಪ್ಪೆನ ಅನುಗ್ರಹರ್ದ್ ಜನ ಸೇವೆಯೇ ಜನಾರ್ಧನ ಸೇವೆ ಪನ್ಪಿನ ನೆಲೆಟ್ಟ್ ಯುವ ಮನಸ್ಸ್ ದ ಸೇವಾ ಮನೋಭಾವನೆಡ್ ಕರಿನ 57 ತಿಂಗೊಲ್ ದ ಪಿರವು ಪುಟ್ಟಿನ ತುಳುನಾಡ ಪೊರ್ಲು ಸೇವಾ ಟ್ರಸ್ಟ್(ರಿ.) ಕುಡ್ಲ ಇತ್ತೇ ತನ್ನ 58ನೇ ತಿಂಗೊಲ್ ದ ಸೇವಾ ಪಯಣಡ್ 3 ಅಶಕ್ತೆರೆಗ್ ಸಾಕಾರ ಕೊರ್ತೆರ್ .

ಕಿಡ್ನಿ ವೈಫಲ್ಯರ್ದ್ ಉಪ್ಪುನ ಬಂಟ್ವಾಳ ದ ಮೊಗರ್ನಾಡು ನರಿಕೊಂಬು ನಿವಾಸಿ ಸತೀಶ್ ಕುಲಾಲ್ ಮೆರ್ನ ಚಿಕಿತ್ಸೆಗ್ 20,000 ಚೆಕ್ದ ಪಣವುದ ಸಾಕಾಯ ,ಲಿವರ್ ಸಂಬಂಧಿತ ಖಾಯಿಲೆರ್ದ್ ಬಳಲೊಂದು ಉಪ್ಪುನ ಬಂಟ್ವಾಳ ತಾಲೂಕುದ ಬಡಗಬೆಳ್ಳೂರು ಕೈತಲ್ ದ ಕೊಳ್ತಮಜಲು ನಿವಾಸಿ ಮಾಯಿಲಪ್ಪ ಪೂಜಾರಿಲ್ ಮೆರ್ನ ಚಿಕಿತ್ಸೆಗ್ 20,000 ಚೆಕ್ ದ ಪಣವುದ ಸಾಕಾಯ ಬೊಕ್ಕ ತಾರೀಖ್ 24.05.2021ಕ್ಕ್ ಪುಟ್ಟುದು ಥೈರಾಯ್ಡ್, ಕಿಡ್ನಿ ಸಮಸ್ಯೆ ಬೊಕ್ಕ ಹೃದಯದ ಪಂಪಿಂಗ್ ಸಮಸ್ಯೆರ್ದ್ ಉಪ್ಪುನ ಒಡಿಪು ಕಾರ್ಕಳ ತಾಲೂಕುದ ಇನ್ನಾ ಗ್ರಾಮದ ಹೊಸಮನೆತ ಅಶೋಕ್ ಬೊಕ್ಕ ದಿವ್ಯ ದಂಪತಿಲೆನ ಪೊಣ್ಣು ಬಾಲೆದ ಮರ್ದ್ ದ ಖರ್ಚ್ ಗ್ 30,000 ಪಣವುದ ಸಾಕರನ್ ಬಂಟ್ವಾಳ ನಗರ ಪೊಲೀಸ್ ಠಾಣೆ ಬಿ.ಸಿ ರೋಡ್ ಡ್ ಕೊರಿಯೆರ್ .

ಈ ಪೊರ್ತುಡು ಬಂಟ್ವಾಳ ನಗರ ಪೊಲೀಸ್ ಠಾಣೆದ ಇನ್ಸ್ಪೆಕ್ಟರ್ ಚೆಲುವರಾಜ್ ಬಿ, ಸಿಬ್ಬಂದಿ ವರ್ಗ ಬೊಕ್ಕ ಟ್ರಸ್ಟ್ ದ ಸೇವಾ ಮಾಣಿಕ್ಯೆರ್ ಪಾಲ್ ಪಡೆದಿತ್ತೆರ್..

ಅಪಘಾತಡ್ ಕಣ್ಣ್ ಕಳೆಯೊಂಡಿನ ತಿಲೇಶ್ ಕುಟುಂಬಗ್ ಪಣವುದ ಸಾಕಾರ

ವಾಮದಪದವು, ಮೇ 28: ವಾಮದಪದವು ಕೊರಗಟ್ಟೆದ ನಿವಾಸಿಯಾಯಿನ ತಿಲೇಶ್ ಪೂಜಾರಿ ಗಾಡಿ ಅಪಘಾತಡ್ ಆಸ್ಪತ್ರೆ ಸೇರ್ದ್ ಇತ್ತೆರ್ ಪಣವುದ ಸಾಕಾಯ ಬೋಡು ಪನ್ಪಿನ ವರದಿನ್ ತುಳುನಾಡ ರಕ್ಷಣಾ ವೇದಿಕೆ ವಾಮದಪದವು ಘಟಕ ಸೂಕ್ತ ನ್ಯೂಸ್ ಒಟ್ಟು ಸೇರ್ದ್ ಅಪಘಾತವಾಯಿನ ಆಣನ ಇಲ್ಲಗ್ ಪೋದು ಬಡ ಕುಟುಂಬಗ್ ಪಣವುದ ಸಾಕಾಯ ಕೇಂದ್ ಪ್ರಸಾರ ಮಲ್ತಿನ ಕಾರಣರ್ದ್ ಆಣನ ಮರ್ದ್ ಗ್ ಬೋಡಾಯಿನ ಮಾತಾ ರೀತಿದ ಪನವು ತಿಲೇಶ್ ಮೆರ್ನ ಏಕೌಂಟಿಗ್ ಜಮೆ ಆತುಂಡು.

ಆತೆ ಅತ್ತoದೆ ತು.ರ.ವೇ ಸಂಘಟನೆ ಪದಾಧಿಕಾರಿಲು ವಾಮದಪದವು ಪರಿಸರಡ್ ನಿಧಿ ಸಂಗ್ರಹ ಮಲ್ತಿನ ಕಾಸ್ ಒಟ್ಟು 41285 ರೂಪಾಯಿಡ್ ತಿಲೇಶ್ ಮೆರ್ನ ಚಿಕಿತ್ಸೆಗ್ 26285 ಅಂಚನೆ ಕಣ್ಣ್ ಕಳೆಯೊಂಡಿನ ತಿಲೇಶ್ ಮೆರ್ನ ಅಕ್ಕನ ಜೀವನ ನಿರ್ವಹಣೆಗಾದ್ 15000ನ್ ಸಂಘಟನೆದ ಪದಾಧಿಕಾರಿಲು ಹಸ್ತಾಂತರ ಮಲ್ತೆರ್. ಸೂಕ್ತ ನ್ಯೂಸ್ ವರದಿರ್ದ್ ಅಂಚನೆ ತು.ರ.ವೇ ದ ಅವಿರತ ಶ್ರಮರ್ದ್ , ಸ್ವರ್ಣ ಸಂಜೀವಿನಿ ಮಡಂತ್ಯಾರು, ಸೇವಾ ಮಿತ್ರ ಕೊಲ್ಪದಬೈಲು, ತಿಲೇಶ್ ಮೆರ್ನ ಮಾಲಕೆರಾಯಿನ ಜಯಶೀಲಾ ಅಡ್ಯಾಂತಾಯ ಬೊಕ್ಕ ಹುಷಾರ್ ಆಯಿಬೊಕ್ಕ ಪಿರಬರ್ಪಿನ ಗಾಡಿದ ವ್ಯವಸ್ಥೆ ಮಲ್ತಿನ ತಾರಾನಾಥ್ ಶೆಟ್ಟಿ ಉಳಗುಡ್ಡೆ ಮೆರೆಗ್ ಲಾ ತಿಲೇಶ್ ಕುಟುಂಬ ಸೊಲ್ಮೆ ಸಂದೈತ ಮಲ್ತೆರ್.