ತುಳುನಾಡ್

ನಿತ್ಯ ಪಂಚಾಂಗ :

ತಾರೀಖ್ – 18/02/22

ಶಾಲಿವಾಹನ ಶಕ ವರ್ಷ-೧೯೪೩
ಕಲಿವರ್ಷ- ೫೧೨೩
ಸಂವತ್ಸರ – ಪ್ಲವ
ಆಯಣ- ಉತ್ತರಾಯಣ
ಋತು -ಶಿಶಿರ ಋತು
ಮಾಸ(ಚಾಂದ್ರ)- ಮಾಘ
ಪಕ್ಷ – ಕೃಷ್ಣಪಕ್ಷ
ತಿಥಿ – ದ್ವಿತೀಯ 22:30
ಮಾ.ನಿ – ಗೋವಿಂದ
ಮಾಸ (ಸೌರ) – ಕುಂಭ(ಮಾಯಿ)
ದಿನ – 06
ನಕ್ಷತ್ರ – ಪೂರ್ವಫಾಲ್ಗುನ 16:42
ಯೋಗ -‌ ಸುಕರ್ಮ 18:28
ಕರಣ -‌ ತೈತುಲ 10:37
ವಿಷ – 23:57
ಅಮೃತ – 10:10
ರಾಹುಕಾಲ -11:17-12:45
ಗುಳಿಕ ಕಾಲ -07:22-09:49
ವಾರ – ಶುಕ್ರವಾರ
ಸೂರ್ಯೋದಯ – 06:56
ಸೂರ್ಯಾಸ್ತ – 06:35
ದಿನ ವಿಶೇಷ – ಷಡಶೀತಿಮುಖಂ , ಕೆಮ್ತೂರು ರಥ , ಮುಂಡ್ಕೂರು ರಥ , ಕಾಪು ಜನಾರ್ದನ ರಥ

ಹಿಜಾಬ್- ಕೇಸರಿ ಲಡಾಯಿದ ವೀಡಿಯೋ ವೈರಲ್. ಸೋಶಿಯಲ್ ಮೀಡಿಯಾಡ್ ಪಸೆರೊಂದುಂಡು ಅಲೋಶಿಯಸ್ ಕಾಲೇಜ್ ಡ್ ಆತಿನ ಘಟನೆ ಪಂದ್. ಉಂದು ಸುಳ್ಳು ಸುದ್ದಿ, ನಂಬೊರ್ಚಿ ಪಂದ್ ಪಂಡೆರ್ ಕುಡ್ಲದ ಕಮಿಷನರ್ ಎನ್. ಶಶಿಕುಮಾರ್

ಕುಡ್ಲ : ರಾಜ್ಯೋಡು ಬಾರಿ ಸುದ್ದಿ ಮಲ್ತಿನ ಹಿಜಾಬ್ ದ ಇಚಾರಡ್ ಆವೊಂದು ಉಪ್ಪುನ ಲಡಾಯಿ ದ ನಡುಟು ಕೆಲವು ಕಿಡಿ ಗೇಡಿಲು ದುಂಬುಡು ಬೇತೆ ಬೇತೆ ಕಡೆಟ್ ನಡತಿನ ಬಾರಿ ಪಿರಾಕ್ ದ ವಿಡಿಯೋ ಲೆನ್ ಇತ್ತೇ ಕುಡ್ಲದ ಸಂತ ಅಲೋಶಿಯಸ್ ಅಂಚನೆ ಕುಡ್ಲದ ಪ್ರತಿಷ್ಟಿತ ಕಾಲೇಜ್ ದ ಪುದರ್ ಪಾರ್ದ್ ಕಾಲೇಜ್ ದ ಪುದರ್ ಹಾಳ್ ಮಲ್ಪುನಚಿoನ ಬೇಲೆ ನಡತೊಂದು ಉಂಡು ಈ ಇಚಾರ ಸುಳ್ಳು ಒವುಲಾ ಸತ್ಯ ಇಚಾರ ಅತ್ತ್ ಈ ಹಿಜಾಬ್ ಇಚಾರೊಡು ಮಾತಲ ಹೈ ಕೋರ್ಟ್ ನಿಯಮಾನುಸಾರ ಶಾಂತ ರೀತಿಡ್ ನಡತೊಂದು ಉಂಡು ಸುಳ್ಳು ಸುದ್ದಿಗ್ ಕೆಬಿ ಕೊರಡೆ ಪಂದ್ ಕುಡ್ಲ ಕಮಿಷನರ್ ಎನ್. ಶಶಿಕುಮಾರ್ ಪ್ರಕಟಣೆಡ್ ಪಂತೆರ್.

ಕೋರ್ಟುಡು ಎಲ್ಲೆಗ್ ದೀತೆರ್ ಹಿಜಾಬ್ ವಿಚಾರಣೆ

ಬೆಂಗ್ಳೂರು: ರಾಜ್ಯದ ಶಾಲಾ ಕಾಲೇಜ್ದ ಹಿಜಾಬ್- ಕೇಸರಿ ಶಾಲು ಲಡಾಯಿದ ವಿಚಾರಣೆನ್ ಹೈಕೋರ್ಟ್ದ ತ್ರಿಸದಸ್ಯ ವಿಸ್ತ್ರತ ಪೀಠ ಸೋಮವಾರ ವಿಚಾರಣೆ ದುಂಬರಿಕೆ ಮಲ್ತೆರ್.ಮುಖ್ಯ ನ್ಯಾ.ರಿತುರಾಜ್ ಅವಸ್ಥಿ ನ್ಯಾ.ಕೃಷ್ಣ ಎಸ್.ದೀಕ್ಷಿತ್ ಬೊಕ್ಕ ನ್ಯಾ.ಜೈಬುನ್ನಿಸಾ ಎಂ.ಖಾಜಿ ಇತ್ತಿನ ತ್ರಿಸದಸ್ಯ ಪೀಠ ಇನಿ ಮಧ್ಯಾಹ್ನ 2.30ಕ್ ಸುರು ಮಲ್ದೆರ್ .

ಐರ್ದ್ ಬೊಕ್ಕ ವಕೀಲೆರಾಯಿನ ದೇವದತ್ ಕಾಮತ್ ಮೇರ್ ವಾದ ಮಂಡನೆ ಮಲ್ತ್ ಇತ್ತೆರ್ . ಇಂಚ ಮಸ್ತ್ ವಾದ ವಿವಾದ ಆದ್ ಇತ್ತುಂಡು . ಆಂಡ ನನಾತ್ ವಿಚಾರಣೆ ಬಾಕಿ ಉಪ್ಪುನೆರ್ದಾವರ ಕಾಮತ್ ಮೇರ್ ಎಲ್ಲೆಗ್ ಅವಕಾಶ ಕೊರಿಯೆರೆ ನ್ಯಾಯಾಧೀಶೆರೆಡ ಬಿನ್ನಾಪು ಮಲ್ದೆರ್ . ಐತ ಪ್ರಕಾರ ಎಲ್ಲೆ ಮಧ್ಯಾಹ್ನ 2-30 ಕ್ ವಿಚಾರಣೆ ಆಯರೇ ಉಂಡು .

ರಾಜ್ಯೋಡು ‘ಆನ್ ಲೈನ್ ಗೇಮ್’ಗ್ ಗ್ರೀನ್ ಸಿಗ್ನಲ್: ಸರ್ಕಾರದ ಆದೇಶ ರದ್ದು ಮಲ್ತಿನ ಹೈಕೋರ್ಟ್

ಬೆಂಗ್ಳೂರು: ರಾಜ್ಯೋಡು ಆನ್ ಲೈನ್ ಗೇಮ್ ( Online Game ) ಉಂತಾಯೆರೆ ಸರ್ಕಾರ ಆದೇಶ ಕೊರ್ದು ಇತ್ತುಂಡು , ಇನಿ ಹೈಕೋರ್ಟ್ ( High Court ) ರದ್ದು ಮಲ್ದುಂಡು . ಈ ಮುಖೇನ ರಾಜ್ಯೋಡು ಆನ್ ಲೈನ್ ಗೇಮ್ ಗ್ ಗ್ರೀನ್ ಸಿಗ್ನಲ್ ಕೊರ್ತೆರ್ .

ಇನಿ ಹೈಕೋರ್ಟ್ ವಿಭಾಗಿಯ ಪೀಠೋಡು ರಾಜ್ಯ ಸರ್ಕಾರರ್ದ್ ಕೊರಿನ ಆನ್ ಲೈನ್ ಗೇಮ್ ನಿಷೇಧದ ಆದೇಶ ಪ್ರಶ್ನೆ ಮಲ್ತ್ ಕೊರಿನ ಅರ್ಜಿದ ವಿಚಾರಣೆ ಮಲ್ತೆರ್ .

ಸರ್ಕಾರ ಕೊರಿನ ಆನ್ ಲೈನ್ ಗೇಮ್ ಆದೇಶನ್ ರದ್ದು ಮಲ್ದೆರ್ . ಈ ಮುಖೇನ ರಾಜ್ಯರಾಜ್ಯೊಡು ಆನ್ ಲೈನ್ ಗೇಮ್ ಗೊಬ್ಬೆರೆ ಅನುಮತಿ ತಿಕ್ಕುಂಡು.

Green signal for online games in the state:

Bangalore : The state government had banned online games in the state, the high court today lifted the ban on online gaming.The division bench of the high court struck down the state government ban on online gaming as unconstitutional.

So now permission has been given for online gaming in the state.

ರಾಜ್ಯ ಅತ್ಯುತ್ತಮ ಯುವ ಮಂಡಲ ಪ್ರಶಸ್ತಿ ಪುರಸ್ಕೃತ ಯುವಕ ಮಂಡಲ (ರಿ) ಸಾಣೂರು: 68ನೇ ಉಚ್ಚಯದ ಲೆಪ್ಪೋಲೆ ಬುಡುಗಡೆ

ಕಾರ್ಲ : ರಾಜ್ಯ ಅತ್ಯುತ್ತಮ ಯುವ ಮಂಡಲ ಪ್ರಶಸ್ತಿ ಪುರಸ್ಕೃತ ಯುವಕ ಮಂಡಲ (ರಿ.) ಸಾಣೂರು ಒಡಿಪು ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ, ಒಡಿಪು ಜಿಲ್ಲಾ ಅತ್ಯುತ್ತಮ ಯುವ ಮಂಡಲ ಪ್ರಶಸ್ತಿ, ಕರ್ನಾಟಕ ಸಂಘ ರತ್ನ ರಾಜ್ಯ ಪ್ರಶಸ್ತಿ ಪುರಸ್ಕೃತ ಸಂಸ್ಥೆ ನೆತ್ತ 68ನೇ ಉಚ್ಚಯದ ಲೆಪ್ಪೋಲೆ ನ್ ಯುವಕ ಮಂಡಲದ ಪ್ರಧಾನ ಮಹಾ ಪೋಷಕ ಸದಸ್ಯೆರಾಯಿನ ಶ್ರೀ ರಮೇಶ್ ಶೆಟ್ಟಿ ಮುದೆಲಾಡಿ ಮನೆ ಸಾಣೂರು ಮೇರ್ ಬುಡುಗಡೆ ಮಲ್ತೆರ್.

ಈ ಪೊರ್ತುಡು ಮಂಡಲದ ಗುರ್ಕಾರ್ಲಾಯಿನ ಪ್ರಸಾದ್ ಪೂಜಾರಿ ಕಾರ್ಯದರ್ಶಿ ಮೋಹನ್ ಶೆಟ್ಟಿ ಉಪಾಧ್ಯಕ್ಷ ಪ್ರಸಾದ್ ಶೆಟ್ಟಿ ಕೋಶಾಧಿಕಾರಿ ರಾಜೇಶ್ ಮಾಜಿ ಗುರ್ಕಾರ್ಲಾಯಿನ ಜಗದೀಶ್ ಕುಮಾರ್ ಪ್ರಕಾಶ್ ಮಡಿವಾಳ ಪದಾಧಿಕಾರಿಲಾಯಿನ ಪ್ರಮಿತ್ ಸುವರ್ಣ ಹರೀಶ್ ರಾವ್ ಪ್ರಸನ್ನ ಆಚಾರ್ಯ ಪ್ರಶಾಂತ್ ಶೆಟ್ಟಿ ಸುಮಂತ್ ಜಿತೇಶ್ ರಮೇಶ್ ಪೂಜಾರಿ ಚಂದ್ರಹಾಸ್ ಪೂಜಾರಿ ಮುರಳಿಧರ ಸುವರ್ಣ ವಿಜೇಶ್ ಕುಲಾಲ್ ಜಯನ್ ಶೆಟ್ಟಿ ತರುಣ್ ಶೆಟ್ಟಿ ವಿದ್ಯಾನಂದ್ ಕೋಟ್ಯಾನ್ ಆದರ್ಶ್ ಸುವರ್ಣ ಪಾಲ್ ಪಡೆದಿತ್ತೆರ್.