ತುಳುನಾಡ್

ಬೈಲಡ್ಕ ಆನೆಕಲ್ಲು ಬ್ರಹ್ಮ ಬೈದರ್ಕಳ ಗರಡಿ (ರಿ.): ವರ್ಷಾವದಿ ಉಚ್ಚಯ

ಕಾರ್ಲ : ತಾರೀಖ್ 15/2/20222 ನೇ ಅಂಗಾರೆ ರ್ದ್ ತಾರೀಖ್ 17/2/2022 ನೇ ಗುರುವಾರ ಮುಟ ಕಾರ್ಲ ಆನೆಕೆರೆ ಬೈಲಡ್ಕ ಆನೆಕಲ್ಲು ಶ್ರೀ ಬ್ರಹ್ಮ ಬೈದರ್ಕಳ ಗರಡಿಡ್ ವರ್ಷಾವದಿ ಉಚ್ಚಯ ನಡಪೆರೆ ಉಂಡು.

ತಾರೀಖ್ 15/2/2022 ನೇ ಅಂಗಾರೆ: 

ಕಾಂಡೆ 8-00 ಗಂಟೆಗ್ ಸ್ವಸ್ತಿ ಪುಣ್ಯಾಹ ಸ್ಥಳ ಶುದ್ಧಿ, ಗಂಟೆ 8-30ಕ್ ಗಣಹೋಮ, ಬೈದೆರ್ಲೆಗ್ ಪನಿಯಾರ ಸೇವೆ, ಗಂಟೆ 9–00ಗ್ ನಾಗದೇವೆರೆಗ್ ಪಂಚಾಮೃತ ಅಭಿಷೇಕ, ತನು ತಂಬಿಲಸೇವೆ, ಗಂಟೆ 12:15ಕ್ ನಡಪುನ ವೃಷಭ ಲಗ್ನ ಸುಮುಹೂರ್ತಡ್ ಬೈದೆರ್ಲೆನ
ದರ್ಶನ ಆದ್ ಧ್ವಜಾರೋಹಣ,
ಬೈಯ್ಯಗ್ ಗಂಟೆ 7-30ಕ್ ಶ್ರೀ ಧರ್ಮರಸು ನೇಮೋಚ್ಚಯ ರಾತ್ರಿ ಗಂಟೆ 8-30ಕ್ ಕೊಡಮಣಿತ್ತಾಯ, ಕುಕ್ಕಿನಂತಾಯ ದೈವ ನೇಮ

ತಾರೀಖ್ 16-02-2022ನೇ ಬುದಾರ

ಮಧ್ಯಾಹ್ನ ಗಂಟೆ 12,00ಕ್ಕ್ ಬೈದೆರ್ಲೆನ ಬೊಕ್ಕ ಮಹಾತ್ಮೆರೆಗ್ ಅನ್ನ ನೈವೇದ್ಯ ಪೂಜೆ ಬೊಕ್ಕ ಸಾರ್ವಜನಿಕ ಅನ್ನಸಂತರ್ಪಣೆ, ಬೈಯ್ಯಗ್ ಗಂಟೆ 6-00ಕ್ಕ್ ‘ಶ್ರೀ ಆದಿಶಕ್ತಿ ಕಾಳಿಕಾಂಬಾ ಭಜನಾ ಮಂಡಳಿ ಕೆಳಗಿನ ಮನೆ,ಎರ್ಲಪಾಡಿ ಮೆಕ್ಲೆನೆರ್ದ್ “ಕುಣಿತ ಭಜನೆ” ರಾತ್ರಿ ಗಂಟೆ 7-00ಕ್ ಸರಿಯಾದ್ ಬೈದೆರ್ಲೆನ ಒಲಿಮರೆರ್ದ್ ಪಿದಾಡೆರೆ . ಐರ್ದ್ ಬೊಕ್ಕ ಬ್ರಹ್ಮ ಬೈದೇರ್ಲೆನ ಜಾತ್ರೆ ಗಂಟೆ 9-00ಗ್ ಪಿಲಿಚಾಮುಂಡಿ ದೈವದ ನೇಮ ಗಂಟೆ 10,00ಕ್ಕ್ ಬೈದೆರ್ಲೆನ ದರ್ಶನ ಆದ್ ಬಾಕಿಮಾರು ಕಂಡಡ್ ಸುರಿಯ ಪಾಡೆರೆ .

ತಾರೀಖ್ 17-02-2022ನೇ ಗುರುವಾರ: 
ಕಾಂಡೆ ಗಂಟೆ 8-00ಕ್ ಮಾಯಂದಾಲ್ ನೇಮೋಚ್ಚಯ ಗಂಟೆ 10:00 ಕ್ಕ್ ಸ್ಥಳ ಶುದ್ದಿ, 11-00ಕ್ಕ್ ಬೈದೆರ್ಲೆನ ದರ್ಶನ ಬೊಕ್ಕ ಧ್ವಜಾವರೋಹಣ ಆದ್ ಪ್ರಸಾದ ವಿತರಣೆ, ಗಂಟೆ 12:30ಕ್ಕ್ ಅನ್ನಸಂತರ್ಪಣೆ,

ಆ ಪ್ರಯುಕ್ತ ಭಕ್ತಾಭಿಮಾನಿಲು ಈ ಉಚ್ಚಯಡ್ ಪಾಲ್ ಪಡೆದ್ ಶ್ರೀ ದೇವೆರ್ನ ಶ್ರೀ ಮುಡಿ ಗಂಧ ಪ್ರಸಾದ ಸ್ವೀಕಾರ ಮಲ್ತ್ ಬ್ರಹ್ಮ ಶ್ರೀ ಬೈದೆರ್ಲೆನ ಅನುಗ್ರಹಗ್ ಪಾತ್ರರಾವೊಡು ಪಂದ್ ಶ್ರೀ ಕ್ಷೇತ್ರದ ಆಡಳಿತ ಮೊಕ್ತೇಸೆರಾಯಿನ ಎಂ. ವಿನಾಯಕ ಚಂದರ್ ಬಿನ್ನಾಪು ಮಲ್ದೆರ್. 

ಪಿಹೆಚ್ ಡಿ ಪದವಿ ಪಡೆಯಿನ ಪೊಲೀಸ್ ಕಾನ್ಸ್ಟೇಬಲ್

ಒಡಿಪು : ಕರಾವಳಿ ಕಾವಲು ಪೊಲೀಸ್‌ದ ಮಲ್ಪೆ ಕೇಂದ್ರ ಕಚೇರಿಡ್ ಪೊಲೀಸ್ ಹೆಡ್ ಕಾನ್‌ಸ್ಟೇಬಲ್ ಆದ್ ಬೇಲೆ ಮಲ್ತೊಂದು ಇತ್ತಿನ ಸಂತೋಷ್ ಶೆಟ್ರೆಗ್ ಮೈಸೂರುದ ಪ್ರತಿಷ್ಠಿತ ಕರ್ನಾಟಕ ಮುಕ್ತ ವಿಶ್ವವಿದ್ಯಾನಿಲಯ ಪಿಎಚ್‌ಡಿ ಪದವಿ ಕೊರ್ತುಂಡು.

ಸಂತೋಷ್ ಶೆಟ್ರ್ ಕರ್ನಾಟಕ ಮುಕ್ತ ವಿವಿಯ ಪ್ರೊ.ಡಾ.ಮಹಾದೇವಿ ಮೆರೆನ ಮಾರ್ಗದರ್ಶನಡ್ ಮಂಡಣೆ ಮಲ್ತಿನ ‘ಮೈಸೂರು ಒಡೆಯೆರ್ನ ಕಾಲದಡ್ ಪೊಲೀಸ್ ವ್ಯವಸ್ಥೆ: ಒಂಜಿ ಅಧ್ಯಯನ’ ಪನ್ಪಿನ ವಿಷಯದ ಬಗ್ಗೆ ಬರೆತಿನ ಮಹಾ ಪ್ರಬಂದಗ್ ಪಿಎಚ್‌ಡಿ ಪದವಿ ಕೊರ್ತೆರ್.

ಸಂತೋಷ್ ಶೆಟ್ರ್ ಬ್ರಹ್ಮಾವರ ಸಾಲಿಕೇರಿದ ರಾಜೀವಿ ಶೆಡ್ತಿ ಮೆರೆನ ಮಗೆ ಬೊಕ್ಕ ಹಾರಾಡಿ ವಿದ್ಯಾಮಂದಿರ ಶಾಲೆದ ಹಳೆ ವಿದ್ಯಾರ್ಥಿಯಾದ್ ಉಲ್ಲೆರ್ .

ಹೆಜಮಾಡಿ ಕೋಡಿ ಡ್ ಬೀಚ್ ನಿರ್ಮಲ ಮಲ್ಪುನ ಅಭಿಯಾನ

ಪಡುಬಿದ್ರಿ: ಸ್ವಚ್ಚತಾ ಲೇಸ್ ನಿರಂತರವಾದ್ ಉಪ್ಪಡ್ . ತಮ್ಮ ದಿನನಿತ್ಯದ ಕಜ್ಜಡ್ ನಿರ್ಮಲ ಮಲ್ಪುನವು ತಮ್ಮ ಜೀವನದಲ್ಲಿ ಅಳವಡಿಕೆ ಮಲ್ಪೊಡು . ಈ ಬಗ್ಗೆ ಜಾಗೃತಿ ನಮ್ಮ ಇಲ್ಲರ್ದೆ ಸುರು ಆವೊಡು ಪನ್ಪಿನವು ಮಾತೆರ್ಲ ತೆರಿಯೊನೊಡು ಪಂದ್ ಲಾಲಾಜಿ ಆರ್. ಮೆಂಡನ್ ಪಂಡೆರ್ .

ಮುಲ್ಕಿದ ವಿಜಯ ಕಾಲೇಜು ಜೋಕುಲು ಪಾಲ್ ಪಡೆಯಿನ ಈ ಲೇಸ್ ಡ್ ಮಾತಾ ಜವಣ್ಯೆರೆಗಾದ್ ಜಲ ಜಾಗೃತಿ ಅಭಿಯಾನದ ತರಬೇತಿನ್ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ವಿಜೇತ ರಾಜ್ಯ ಸಂಪನ್ಮೂಲ ವ್ಯಕ್ತಿ ಜೋಸೆಫ್ ಜಿ. ಎಂ. ರೆಬೆಲ್ಲೋ ಕೊರಿಯೆರ್.

ಈ ಪೊರ್ತುಡು ಹೆಜಮಾಡಿ ಗ್ರಾಮ ಪಂಚಾಯಿತಿ ಗುರ್ಕಾರ್ಲಾಯಿನ ಪ್ರಾಣೇಶ್ ಹೆಜಮಾಡಿ, ಉಪಾಧ್ಯಕ್ಷೆ ಪವಿತ್ರಾ ಗಿರೀಶ್, ವಿಜಯಾ ಕಾಲೇಜು ಆಡಳಿತ ಮಂಡಳಿ ಸದಸ್ಯ ಮಾಧವ ಸನಿಲ್, ಅನಿವಾಸಿ ಉದ್ಯಮಿ ಹರೀಶ್ ಕೋಟ್ಯಾನ್, ಪೆರಿಯೆರಾಯಿನ ನಾರಾಯಣ ಕೆ. ಮೆಂಡನ್, ಹೇಮಾನಂದ ಕೆ. ಪುತ್ರನ್, ಗ್ರಾಮ ಪಂಚಾಯಿತಿ ಸದಸ್ಯೆರಾಯಿನ ಪಾಂಡುರಂಗ ಸಿ. ಕರ್ಕೇರ, ಲೀಲೇಶ್ ವಿ. ಸುವರ್ಣ, ರೇಶ್ಮಾ ಎ. ಮೆಂಡನ್, ಕರಾವಳಿ ಯುವಕ – ಯುವತಿ ವೃಂದದ ಗುರ್ಕಾರ್ಲಾಯಿನ ಅಶೋಕ್ ವಿ. ಕೆ. ಪಾಲ್ ಪಡೆದಿತ್ತೆರ್.