ಒತ್ತು

ನರೇಂದ್ರ ಮೋದಿಜಿನ ಪಾತೆರದಲಕ ಅಪ್ಪೆ ಬಾಸೆಗ್ ಒತ್ತು ಕೊರ್ಪಿನ ನೆಲೆಟ್ಟ್ ವೇದವ್ಯಾಸ ಕಾಮತೆರೆನ ಮುತಾಲಿಕೆಡ್ ಮಂಗಳದೇವಿ ದೇವಲ್ಯಡ್ ತುಲು ಪುದರ್ ಪಲವೆ ಉದಿಪನ

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿಜಿನ ಪಾತೆರದಲಕ ಅಪ್ಪೆ ಭಾಸೆಗ್ ಒತ್ತು ಕೊರ್ಪುನ ನೆಲೆಟ್ಟ್ ಅಂಚನೇ ಸಿಶ್ಮಿತಾ ಪನ್ಪಿನ ಎಲ್ಯ ಬಾಲೆ ಕುಡ್ಲದ ತೆನ್ಕೈದ ಮಾನ್ಯ ಶಾಸಕೆರಾಯಿನ ಶ್ರೀ ಡಿ ವೇದವ್ಯಾಸ್ ಕಾಮತೆರೆಗ್ ಮಂಗಳಾದೇವಿಗ್ ಪೋಪಿನ ಸಾದಿಗ್ ತುಲು ಬರವುದ ಪಲವನೆ ಪಾಡೊಡು ಪಂದ್ ಕೊರಿನoಚಿನ ಬಿನ್ನಾಪುನು ಗೆತೊಂದು ತುಲುವೆರ್ ಕುಡ್ಲ (ರಿ) ಬೊಕ್ಕ ವೇದವ್ಯಾಸ್ ಕಾಮತ್ ಫ್ಯಾನ್ಸ್ ಕ್ಲಬ್ ಮೊಕ್ಲೆನ ಒಟ್ಟು ಸೇರಿಗೆಡ್ ಮಹತೋಭಾರ ಶ್ರೀ ಮಂಗಳಾದೇವಿ ದೇವಲ್ಯೊದ ಸಾದಿಗ್ ತುಲು ಬರವುದ ಪಲವನೆ ಪಾಡ್ದ್ ಬಾಲೆ ಸಿಶ್ಮಿತಾನ ಕೈಟ್ ಉದಿಪನ ಮಲ್ತೆರ್.

ಈ ಕಜ್ಜಡ್ ಕುಡ್ಲ ತೆನ್ಕೈ ಶಾಸಕೆರಾಯಿನ ಶ್ರೀ ಡಿ. ವೇದವ್ಯಾಸ್ ಕಾಮತ್, ಕುಡ್ಲ ಮಹಾನಗರ ಪಾಲಿಕೆದ ಮೇಯರ್ ಪ್ರೇಮಾನಂದ ಶೆಟ್ಟಿ, ತುಳು ಸಾಹಿತ್ಯ ಅಕಾಡೆಮಿ ಸದಸ್ಯೆ ಕಾಂತಿ ಶೆಟ್ಟಿ, ತುಲುವೆರ್ ಕುಡ್ಲ (ರಿ) ಸಂಘಟನೆದ ಮಾನಾದಿಗೆದ ಗುರ್ಕಾರ್ಲು ಪ್ರತೀಕ್ ಪೂಜಾರಿ, ಗುರ್ಕಾರ್ಲು ಸಂತೋಷ್ ಕುಮಾರ್,ಖಜಾಂಜಿ ಚರಿತ್ ಪೂಜಾರಿ, ಪ್ರಧಾನ ಕಾರ್ಯಂತೆರ್, ಜಯರಾಮ್ ಎಚ್, ಒತ್ತು ಕಾರ್ಯಂತೆರ್ ಪ್ರತೀಕ್ ರಾವ್, ಸಂಘಟನಾ ಸಂಚಾಲಕೆರ್ ರೋಶನ್ ರೆನೋಲ್ಡ್, ತುಲುಲಿಪಿ ಗುರುಕುಲು ಅಕ್ಷಯ್ ಪೇಜಾವರ, ಪವನ್ ಕುಮಾರ್ , ಪದುಕೆರ್ ಸುಶೀಲ್ ಪಾಲನ್ನ ,ದೀಕ್ಷಿತ್ ಬಿ , ವರುಣ್, ಯಾದವ್ ಕೋಟ್ಯಾನ್, ಜಗದೀಶ್ ಕದ್ರಿ, ಸುನಿಲ್, ಅರ್ಜುನ್ ಬೋಳಾರ್, ಒಂಜಾತ್ ತುಲುವ ಮನಸ್ಸುಲು ಪಾಲ್ ಪಡೆದಿತ್ತೆರ್ .