ಒಡಿಪು

ದೊಂದಿ ಬೊಲ್ಪು ಡು ನಡಪುನ ರಾಶಿ ಪೂಜೆಗ್ ಛಾಯಾಚಿತ್ರ ಸ್ಪರ್ಧೆದ ಸಾಂಗತ್ಯ -2021  

ಮಹತೋಬಾರ  ಕೊಡವೂರು ಶ್ರೀ ಶಂಕರನಾರಾಯಣ ರಾಶಿಪೂಜೆ ಸೇವಾ ಸಮಿತಿ ಪ್ರಾಯೋಜಕತ್ವಡ್  ಸೌತ್ ಕೆನರಾ ಫೋಟೋ ಗ್ರಾಪರ್ಸ್  ಅಸೋಷಿಯೇಷನ್  ಉಡುಪಿ ವಲಯ ಅಟ್ಟನೆ ಮಲ್ಪುನ ” ದೊಂದಿ ಬೊಲ್ಪುಡು ನಡಪುನ ರಾಶಿ ಪೂಜೆಗ್ ಛಾಯಾಚಿತ್ರ ಸ್ಪರ್ಧೆದ ಸಾಂಗತ್ಯ -2021″(ಈಶ ಸೇವೆದೊಟ್ಟುಗು ಕಲಾ ಸೇವೆ).

ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನಡ್ ಫೆಬ್ರವರಿ 4,ಗುರುವಾರ ದೊಂದಿ ಬೊಲ್ಪುಡು ನಡಪುನ ರಾಶಿ ಪೂಜಾ ಮಹೋತ್ಸವದ ಚಿತ್ತಾಕರ್ಷಕ
ದೃಶ್ಯನ್ ಛಾಯಾಗ್ರಾಹಕೆರ್ ಅಕ್ಲೆನ ಕ್ಯಾಮರಾ ಕಣ್ಣ್ ಡ್ ಸೆರೆ ಪತ್ತ್ ದ್ ಈ ಪಂಥೋ ಡು ಪಾಲ್ ಪಡೆದ್ ಇನಾಮು ಪಡೆಯರೆ ಇಂದೊಂಜಿ ಅಪೂರ್ವ ಅವಕಾಶ.
ಸುರುತ್ತ ಇನಾಮು 3,000-00 +ಸ್ಮರಣಿಕೆ
 ರಡ್ಡನೇ ಇನಾಮು  2,000-00 +ಸ್ಮರಣಿಕೆ,  
 ಮೂಜನೇ ಇನಾಮು 1,000-00 +ಸ್ಮರಣಿಕೆ ಬೊಕ್ಕ್  ರಡ್ಡ್ ಸಮಾಧಾನಕರ ಬಹುಮಾನ.

ಸ್ಪರ್ಧಾ ನಿಯಮ ಬೊಕ್ಕ ನಿಬಂಧನೆಲು :

ಒರಿ 8*10 ಗಾತ್ರದ ಗರಿಷ್ಠ ಮೂಜಿ  ಛಾಯಾಚಿತ್ರ ಕಡಪಾವೊಲಿ.ಛಾಯಾಚಿತ್ರದ  ಪಿರವು ತಮ್ಮ ಪುದರ್ , ವಿಳಾಸ ಬೊಕ್ಕ ಮೊಬೈಲ್ ಸಂಖ್ಯೆನ್ ಕಡ್ಡಾಯವಾದ್ ಬರೆಯೊಡು . ಧಾರ್ಮಿಕ ವಿಧಿ ವಿಧಾನಗಲೆಗ್ ಒವ್ವೆ ರೀತಿದ ಅಡಚಣೆಯಾವಂದಿಲಕ ಛಾಯಾಚಿತ್ರನ್ ದೆಪ್ಪೊಡು. ಛಾಯಾಚಿತ್ರ ದೆಪ್ಪುನ ಪೊರ್ತು ಫೆ.4, ಗುರುವಾರ ಬೈಯ್ಯ ಗಂಟೆ 7.00ರ್ದ್ ಫೆ. 5, ಶುಕ್ರವಾರ ಕಾಂಡೆ ಗಂಟೆ 6.00 ಮುಟ ಮಾತ್ರ ಅವಕಾಶ.ನಿರ್ಣಾಯಕೆರ್ನ ತೀರ್ಮಾನನೇ ಕಡೆತವು. ಮಾತೆರೆಗ್ಲಾ ಮುಕ್ತ ಅವಕಾಶ. ಛಾಯಾಚಿತ್ರ ಕಡಪಾಯರೇ ಕಡೆತ ದಿನ ತಾರೀಖ್ 15 .02.2021, ಸೋಮವಾರ.ಮೊಬೈಲ್ಡ್ ದೆತ್ತಿನ ಛಾಯಾಚಿತ್ರನ್ ಸ್ಪರ್ಧೆಗೆ ದೆಪ್ಪುಜ.ಛಾಯಾಚಿತ್ರಲೆನ್ ಕಡಪಾವೊಡಾಯಿನ ವಿಳಾಸ-ಶಾಡೋಸ್ ಡಿಜಿಟಲ್ ಕ್ರಿಯೇಶನ್, ಕಸ್ತೂರಿ ಬಿಲ್ಡಿಂಗ್, ರಡ್ಡನೇ ಮಹಡಿ ಶಿರಿಬೀಡು, ಉಡುಪಿ.ಇನಾಮು ಪಟ್ಟುನ ಲೇಸ್ 21. 02.  2021, ಸೋಮವಾರ. ಶ್ರೀದೇವಳಡ್   @ ಛಾಯಾಚಿತ್ರಲೆನ್ ಸಾಧಾರಣ ಅಂಚೆ ಅತ್ತುಂಡ ತ್ವರಿತ ಅಂಚೆ ಇಜ್ಜಿಡ ನೋಂದಾಯಿತ ಅಂಚೆ ಮುಖೇನ ಕಡಪಾವೊಡು.

ಎಚ್ಚದ ಮಾಹಿತಿಗಾದ್  :

ಕೊಡವೂರು ಪ್ರಕಾಶ್ ಜಿ.:9880058665

ಜನಾರ್ದನ್ ಕೊಡವೂರು: 9448252363

ಪ್ರಕಾಶ್ ಕೊಡಂಕೂರು: 9880953649

ಸುಕೇಶ್ ಅಮೀನ್ : 7204146368

ಲೆಪ್ಪು ಕೊರ್ಲೆ.

ಒಡಿಪು ಡು ಜಿಲ್ಲಾಮಟ್ಟದ ರಾಷ್ಟ್ರೀಯ ಪೊಣ್ಣು ಜೋಕ್ಲೆನ ದಿನಾಚರಣೆ – ಬೇಟಿ ಬಚಾವೋ ಬೇಟಿ ಪಡಾವೋ ಅಭಿಯಾನ

ಒಡಿಪು , ಜ.25: ಉಡುಪಿ ಮಹಿಳಾ ಬೊಕ್ಕ ಮಕ್ಕಳ ಅಭಿವೃದ್ಧಿ ಇಲಾಖೆ, ರಾಜ್ಯ ಮಹಿಳಾ ಅಭಿವೃದ್ಧಿ ನಿಗಮ, ಮಹಿಳಾ ಶಕ್ತಿ ಕೇಂದ್ರ, ಜಿಲ್ಲಾ ಮಕ್ಕಳ ರಕ್ಷಣಾ ಘಟಕದ ಒಟ್ಟು ಸೇರಿಗೆಡ್ ಬೇಟಿ ಬಚಾವೋ ಬೇಟಿ ಪಡಾವೋ ಅಭಿಯಾನದ ಪರವಾದ್ ಜಿಲ್ಲಾಮಟ್ಟದ ರಾಷ್ಟ್ರೀಯ ಪೊಣ್ಣು ಜೋಕ್ಲೆನ ದಿನಾಚರಣೆನ್ ಕೋಡೆ ನಿಟ್ಟೂರು ಪೊಣ್ಣು ಜೋಕ್ಲೆನ ಬಾಲಮಂದಿರಡ್ ಅಟ್ಟನೆ ಮಲ್ತಿತ್ತೆರ್.

ಲೇಸ್ ನ್ ಪುಟಾಣಿ ಜೋಕ್ಲೆನೊಟ್ಟಿಗೆ ದೈಕ್ ನೀರ್ ಪಾಡುನ ಮುಖೇನ ಮಕ್ಕಳ ಕಲ್ಯಾಣ ಸಮಿತಿದ ಗುರ್ಕಾರ್ಲಾಯಿನ ರೊನಾಲ್ಡ್ ಫುರ್ಟಾಡೋ, ಜೋಕ್ಲೆನ ಬಾಯಿಗ್ ಜೇನು ತುಪ್ಪಹಾಕಿ ಪಾರ್ದ್ ಎಡ್ಡೆಪ್ಪುದ ಪಾತೆರ ಪಂದ್ ಉದಿಪನ ಮಲ್ತೆರ್.

ಲೇಸ್ ದ ಗುರ್ಕಾರ್ಮೆ ವಯಿಸೊಂದಿನ ಮಹಿಳಾ ಬೊಕ್ಕ ಮಕ್ಕಳ ಕಲ್ಯಾಣ ಇಲಾಖೆದ ಉಪ ನಿರ್ದೇಶಕ ಆರ್.ಶೇಷಪ್ಪ ಪಾತೆರ್ದ್ , ಮಕ್ಕಳ ರಕ್ಷಣೆ, ಪೋಷಣೆ ಬೊಕ್ಕ ಸರಕಾರದ ಯೋಜನೆ ಅನುಷ್ಠಾನ ಮಲ್ಪುನ ಮುಖೇನ ಪೊಣ್ಣು ಜೋಕ್ಲೆನ ಮುಖ್ಯ ವಾಹಿನಿಗ್ ಕನವೊಡು ಪಂದ್ ಪಂಡೆರ್.

ಒಡಿಪುದ ಕ್ರಷ್ಣಮಠೊಟ್ ತುಳುಕೂಟೊಗ್ ವಿಶೇಷ ವಾದ್ ಮಾನಾದಿಗೆ

ಕರಿನ 35 ವರ್ಸೊಡಿಂಚಿ ತುಳುಬಾಸೆ ಸಂಸ್ಕ್ರತಿದ ಬುಲೆಚ್ಚಿಲ್ ಗಾದ್ ಒಡಿಪು ತುಳುಕೂಟ ಬೆನೊಂದುಂಡ್.ಸುಮಾರು 700. ಜನ ಪದುಕೆರ್ ಇತ್ತಿನ ತುಳುಕೂಟ ವರ್ಸೊದ 12 ತಿಂಗೊಲ್ ಬೇತೆ ಬೇತೆ ತುಳುಕಜ್ಜೊಲೆನ್ ಮಲ್ರೊಂದ್‌ ಜನಕ್ಲೆನ ಉಡಲ್‌ ಗೆಂದುದುಂಡ್..ತುಳುಕೂಟದ ನಿರಂತರ ಸೇವೆಗಾದ್ ಒಡಿಪುದ ಕ್ರಷ್ಣಮಠೊಟ್ ಪರ್ಯಾಯ ಮಠಾಧೀಶೆರಾಯಿನ ಅದಮಾರು ಶ್ರೀ ಕುಲ್ ತುಳುಕೂಟೊಗ್ ವಿಶೇಷ ವಾದ್  ಮಾನಾದಿಗೆ ಮಲ್ತೆರ್.

ಈ ಪೊರ್ತುಡ್ ತುಳುಕೂಟದ ಸ್ಥಾಪಕಾಧ್ಯಕ್ಷೆರಾಯಿನ ಭಾಸ್ಕರಾನಂದ ಕುಮಾರ್,ಗುರ್ಕಾರೆರಾಯಿನ ಜಯಕರ ಶೆಟ್ಟಿ ಇಂದ್ರಾಳಿ,ಕಾರ್ಯಂತೆರಾಯಿನ ಗಂಗಾಧರ ಕಿದಿಯೂರು,ಪಣವುದ ಪಾಲವೆರಾಯಿನ ಚೈತನ್ಯ ಎಮ್.ಜಿ. ,ತಾರಾ ಆಚಾರ್ಯ, ವಿವೇಕಾನಂದ, ಸರೋಜ ಯಶವಂತ್, ರಶ್ಮಿ,ಜಯಶ್ರೀ ಭಂಡಾರಿ,ಆಶಾ ಶೆಟ್ಟಿ ಉಪಸ್ಥಿತರಿತ್ತೆರ್.

ಜ.25-ಫೆ.05 ಕೊಡವೂರು ಮಹಾರಥೋತ್ಸವ, ರಾಶಿ ಪೂಜಾ ಗೌಜಿ

ಮಹತೋಬಾರ ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನಡ್ ಜ.25 ರ್ದ್ ಫೆ.05 ಮುಟ ಶ್ರೀ ದೇವೆರೆನ ಮಹಾರಥೋತ್ಸವ ಬೊಕ್ಕ ರಾಶಿ ಪೂಜೆದ ನೆಲೆಟ್ಟ್ ಬೇತೆ ಬೇತೆ ಧಾರ್ಮಿಕ ಕಾರ್ಯಕ್ರಮಲು ವೇದಮೂರ್ತಿ ಪುತ್ತೂರು ಹಯವದನ ತಂತ್ರಿಲೆನ ಮಾರ್ಗದರ್ಶನಡ್ ಸಂಪನ್ನ ಆಯರೆ ಉಂಡು .

ಧಾರ್ಮಿಕ ಕಾರ್ಯಕ್ರಮಲು ಜ.25 ತಾರೀಖ್ ಗ್ ದೇವಸ್ಥಾನ ವಾರ್ಷಿಕ ಮಹೋತ್ಸವದ ಸಪ್ತೋತ್ಸವ ಸುರು , ಬೈಯ್ಯ 4.30 ಕ್ ಸಾಮೂಹಿಕ ದೇವತಾ ಪ್ರಾರ್ಥನೆ, ಉಗ್ರಾಣ ಮುಹೂರ್ತ. ಜ.26 ಕಾಂಡೆ 8.00 ಗ್ ಗಣಯಾಗ, ಸಂಜೀವಿನಿ ಮೃತ್ಯುಂಜಯ ಯಾಗ. ಜ.27 ಕಾಂಡೆ 8.00 ಗ್ ವಿಷ್ಣುಯಾಗ, ಶಾಂತಿ ಹೋಮ, ಬೈಯ್ಯಗ್ 7.30ಕ್ ಅಂಕುರ ಬಲಿ, ಅಂಕುರಾರೋಹಣ. ಜ.28 ಕಾಂಡೆ 6.36ಕ್ ಮಕರ ಲಗ್ನಡ್ ಸಾನಿಧ್ಯ ಕಲಶಾಭಿಷೇಕ, 8.45ಕ್ ಧ್ವಜಾರೋಹಣ, ಬೈಯ್ಯ 4.30ಕ್ ಹೂ ಕಾಯಿ ಮೆರವಣಿಗೆ ಕಾನಂಗಿ ಮೆಂಕಟರಾಯೆರ್ನ ಇಲ್ಲರ್ದ್ , ರಾತ್ರಿ 10 ಗ್ , ಮಹಾರಂಗ ಪೂಜೆ. ಜ.29 ಕಾಂಡೆ 9.00 ಗ್ ನವಕ ಪ್ರಧಾನ ಹೋಮ, ಕಲಶಾಭಿಷೇಕ, ಬೈಯ್ಯ 6.30ಕ್ ಕಟ್ಟೆಪೂಜೆ. ಜ.30ಕ್ ಕಾಂಡೆ 11.00ಗ್ ರಥಾರೋಹಣ, ಮಧ್ಯಾಹ್ನ 12.10 ಕ್ ಅನ್ನಸಂತರ್ಪಣೆ, ರಾತ್ರಿ 8.00 ಗಂಟೆಗ್ ಮಹಾರಥೋತ್ಸವ, ಪಿಲಾರು ಶ್ರೀಧರ ಉಡುಪರೆರ್ದ್  ನರ್ತನ ಸೇವೆ. ಜ.31 ಕಾಂಡೆ 7.00ರ್ದ್ ಕವಾಟೋದ್ಘಾಟನೆ, ತುಲಾಭಾರ ಸೇವೆ, ಮಧ್ಯಾಹ್ನ 3.00 ಗಂಟೆಗ್ ಕಟ್ಟೆಪೂಜೆ, ಬೈಯ್ಯ 6.00 ಗಂಟೆಗ್ ಕೆರೆಮಠದ ಸರೋವರಡ್ ತೆಪ್ಪೋತ್ಸವ, ಅವಭೃತ.
ಫೆ.01 ಕಾಂಡೆ 8.00 ಗಂಟೆಗ್ ಗಣಯಾಗ, ಸಂಪ್ರೋಕ್ಷಣೆ, ವರಮಹಾಲಕ್ಷ್ಮೀ ಪೂಜೆ, ಮಹಾಮಂತ್ರಾಕ್ಷತೆ. ಫೆ.02 ಗೋಳಿಕಟ್ಟೆ ನಾಗಬನ, ಶ್ರೀ ದೇವಳದ ನಾಗಬನಟ್ ಆಶ್ಲೇಷ ಬಲಿ, ಬೈಯ್ಯ 7.00ರ್ದ್ ಗೋಳಿಕಟ್ಟೆ ನಾಗಬನಟ್ ಹಾಲಿಟ್ಟು ಸೇವೆ, ಶ್ರೀ ದೇವಳಡ್ ಢಕ್ಕೆ ಬಲಿ. ಫೆ.03 ಕಾಂಡೆ 8.30ಕ್ ರಾಶಿಪೂಜಾ ಪ್ರಯುಕ್ತ ದೇವತಾ ಪ್ರಾರ್ಥನೆ, ನವಕ ಪ್ರಧಾನ ಹೋಮ, ಬೈಯ್ಯ 5.00ಕ್ಕೆ ರಾಶಿಪೂಜಾ ಮಂಡಲ ರಚನೆ ಪ್ರಾರಂಭ, ರಂಗಪೂಜೆ. ಫೆ.04 ಕಾಂಡೆ 4.00ಕ್ಕ್ ರಾಶಿ ಪೂಜಾ ಕಲಶಾಧಿವಾಸ, ಅಧಿವಾಸ ಯಾಗ, 5.30 ಕ್ ಸಂಕಲ್ಪ ,ಭಾರತೀ ಪೂಜೆ, ದೇವರ ನಾಮ ಸಂಕೀರ್ತನೆ ಪ್ರಾರಂಭ, 6.56ಕ್ ಮಕರ ಲಗ್ನಡ್ ರಾಶಿ ಪೂಜೆ ಸುರು , ಮಧ್ಯಾಹ್ನ 12.00ಕ್ಕ್ ಮಹಾಪೂಜೆ. ಫೆ.05ಕ್ಕ್ ಕಾಂಡೆ 06.00ಕ್ ಉದ್ಯಾಪನಾ ಬಲಿ, ಪ್ರಸನ್ನ ಪೂಜೆ. ಪ್ರಸಾದ ವಿತರಣೆ,ಹೊರೆಕಾಣಿಕೆ , ಮಹಾ ಅನ್ನಸಂತರ್ಪಣೆ ಫೆ.01 ಬೈಯ್ಯ 4.00ಕ್ ಬೃಹತ್ ಹಸಿರು ಹೊರೆಕಾಣಿಕೆ ಮೆರವಣಿಗೆ ಮಲ್ಪೆ ಅಯ್ಯಪ್ಪ ಮಂದಿರರ್ದ್ ಪಿದಾಡರೆ ಉಂಡು . ಫೆ.04 ಮಧ್ಯಾಹ್ನ 12.15 ಕ್ಕ್ ರಾಶಿಪೂಜಾ ಪ್ರಯುಕ್ತ ಮಹಾ ಅನ್ನಸಂತರ್ಪಣೆ ನಡಪರೆ ಉಂಡು .

ಧಾರ್ಮಿಕ ಸಭಾ ಕಾರ್ಯಕ್ರಮ, ಸಾಂಸ್ಕೃತಿಕ ಕಾರ್ಯಕ್ರಮ: ಜ.30 ತಾರೀಖ್ ಗ್ ನಡಪುನ ಧಾರ್ಮಿಕ ಸಭಾ ಕಾರ್ಯಕ್ರಮಡ್ ವೇದಮೂರ್ತಿ ಪುತ್ತೂರು ಹಯವದನ ತಂತ್ರಿಲು ಆಶೀರ್ವಚನ ಕೊರ್ರೆ ಉಲ್ಲೆರ್ , ದೇವಳದ ವ್ಯವಸ್ಥಾಪನಾ ಸಮಿತಿ ಗುರ್ಕಾರ್ಲಾಯಿನ ಕೊಡವೂರು  ಪ್ರಕಾಶ್ ಜಿ. ಗುರ್ಕಾರ್ಮೆ ವಹಿಸೊಂದೆರ್ , ಮಲ್ಲ ಬಿನ್ನೆರ್ ಆದ್ ಗಾಂಧಿ ಆಸ್ಪತ್ರೆದ ಆಡಳಿತ ನಿರ್ದೇಶಕರಾಯಿನ ಡಾ| ಹರಿಶ್ಚಂದ್ರ, ಉದ್ಯಮಿ ಮಂಜುನಾಥ್ ಭಟ್ ಮೂಡುಬೆಟ್ಟು ಪಾಲ್ ಪಡೆಯರೆ ಉಲ್ಲೆರ್ . ಶ್ರೀ ದೇವಳಡ್ ಅನನ್ಯ ಸೇವೆ ಮಲ್ದಿನ ಕಾಂತಪ್ಪ ಕರ್ಕೇರ, ಪಿ.ರತ್ನ ಬಾಯರಿ, ಶ್ರೀಶ ಬಲ್ಲಾಳ್, ರತ್ನಾಕರ ಆಚಾರ್ಯ, ವಿಶ್ವನಾಥ್ ಭಟ್ ಹಾಗು ಪರ್ಸಿನ್ ಬೋಟ್ ಮಾಲಕರ ಸಂಘ ಮೆಕ್ಲೆಗ್   “ಶ್ರೀ ಶಂಕರನಾರಾಯಣಾನುಗ್ರಹ” ಪ್ರಶಸ್ತಿ ಮಾನದಿಗೆ ನಡಪರೆ ಉಂಡು.

ಸಾಂಸ್ಕೃತಿಕ ಕಾರ್ಯಕ್ರಮದ ಪರವಾದ್ ಜ.30 ತಾರೀಖ್ ಗ್ ಕಾಂಡೆ 11.50ಕ್ ಕೊಡವೂರು ಸದಾನಂದ ಸೇರಿಗಾರ ಬೊಕ್ಕ ಬಳಗರ್ದ್ ಸಾಕ್ಸೋಫೋನ್ ವಾದನ, ಬೈಯ್ಯ 5.30ಕ್  ಬೆಂಗಳೂರ್ದ ಜಯಶ್ರೀ ಅರವಿಂದ ಕೂಟರ್ದ್ ಭಕ್ತಿಗಾನ ಸುಧೆ ನಡಪರೆ ಉಂಡು . ಜ.31 ತಾರೀಖ್ ಗ್ ರಾತ್ರಿ 9.00ಗ್ ಬಂಟ್ವಾಳ ದೇಂತಡ್ಕ ಮೇಳರ್ದ್ “ಬ್ರಹ್ಮಬೈದ್ಯೆರ್” ತುಳು ಯಕ್ಷಗಾನ ನಡಪರೆ ಉಂಡು ನೆಟ್ಟ್ ಖ್ಯಾತ ಹಾಸ್ಯನಟರಾಯಿನ ಭೋಜರಾಜ್ ವಾಮಂಜೂರು, ಅರವಿಂದ ಬೋಳಾರ್ ಅತಿಥಿ ಕಲಾವಿದರಾದ್ ಪಾಲ್ ಪಡೆಪೆರ್.
ಫೆ.04 ತಾರೀಖ್ ಗ್ ಮಧ್ಯಾಹ್ನ 12.15ಕ್ ರೋಹಿತ್ ಮಲ್ಪೆ ಬೊಕ್ಕ ಕೂಟರ್ದ್ ಭಾವಯಾನ ಸುಗಮ ಸಂಗೀತ, ರಾತ್ರಿ ಗಂಟೆ 7.30ರ್ದ್ ಹಟ್ಟಿಯಂಗಡಿ ಶ್ರೀ ಕ್ರಪಾ ಪೋಷಿತ ಯಕ್ಷಗಾನ ಮಂಡಳಿ ಮೆಕ್ಲೆನೆರ್ದ್ ಪೌರಾಣಿಕ ಕಥಾನಕ ಕಾಲಮಿತಿ ಯಕ್ಷಗಾನ ಬಯಲಾಟ ನಡಪರೆ ಉಂಡು ಪಂದ್ ದೇವಳದ ವ್ಯವಸ್ಥಾಪನಾ ಸಮಿತಿ ಗುರ್ಕಾರ್ಲಾಯಿನ ಪ್ರಕಾಶ್ ಜಿ.ಕೊಡವೂರು ಬೊಕ್ಕ ರಾಶಿ ಪೂಜಾ ಮಹೋತ್ಸವ ಸೇವಾ ಸಮಿತಿ ಗುರ್ಕಾರ್ಲಾಯಿನ ಸಾಧು ಸಾಲಿಯಾನ್ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.