ಒಡಿಪು

ಬಂಗಾರ್ ದ ಬ್ರೆಸ್ಲೈಟ್ ನ್ ವಾರಿಸ್ದಾರೆರೆಗ್ ಮುಟ್ಟಾಯಿನ ಘಟನೆ

ಗೋಪಾಲ್ ಕರ್ಕೇರ ಬಡನಿಡಿಯೂರು ಮೆರೆಗ್ ಮಾರ್ಗಡ್ ತಿಕ್ಕಿನ ಬಂಗಾರ್ ದ ಬ್ರೆಸ್ಲೈಟ್ ನ್ ಐತ ವಾರಿಸ್ದಾರೆರೆಗ್ ಮುಟ್ಟಾಯೆರ್.ಈ ಇಚಾರ ಕೋಡೆ ವಾಟ್ಸಪ್ ಗ್ರೂಪ್ ಲೆಡ್ ಮಾತಾ ಪಾತೆರ ಆಡಿತ್ತುಂಡು. ಆಂಡ ಇನಿ ಐತ ಅಸಿಲಿ ವಾರಿಸ್ದಾರೆರೆಗ್ ಮುಟ್ಟುನ್ಡ್.

ಲಂಡನ್ ರ್ದ್ ಬೈದಿನ 36 ಜನಕ್ಲೆನ ರಿಪೋರ್ಟ್ ನೆಗೆಟಿವ್ : ಡಿ. ಸಿ ಜಗದೀಶ್

ಒಡಿಪು : ಲಂಡನ್ ರ್ದ್ ಪಿರ ಬೈದಿನ ಸುಮಾರ್ 36 ಜನಕ್ಲೆನ ರಿಪೋರ್ಟ್ ಮಾತಾ ನೆಗೆಟಿವ್ ಬೈದುಂಡು ,ಆಂಡಲಾ ಮುನ್ನೆಚ್ಚರಿಕ ಕ್ರಮವಾದ್ 36 ಜನನ್ ಲಾ 14 ದಿನ ಕ್ವಾರಂಟೈನ್ ಮಲ್ಪರೆ ಆಪುಂಡು.ಐರ್ದ್ ಬೊಕ್ಕ ಕುಡೊರ ಅಕ್ಲೆನ ತಪಾಸಣೆ ಮಲ್ಪುವ, ಆರೋಗ್ಯ ಅಧಿಕಾರಿಲು ಅಕ್ಲೆನ ಸಂಪರ್ಕಡ್ ಉಲ್ಲೆರ್. ಅಕ್ಲೆಗ್ ಒವ್ವೆ ರೀತಿದ ಆರೋಗ್ಯ ಸಮಸ್ಯೆ ಆಂಡಲಾ ಅಕ್ಲೆನ ತಪಾಸಣೆ ಮಲ್ಪರೆ ಆಪುಂಡು, ಸದ್ಯಗ್ ಲಂಡನ್ ರ್ದ್ ಬೈದಿನಕ್ಲೆಗ್ ಕೊರೋನ ಉಂಡು ಪನ್ಪಿನ ಸುದ್ದಿರ್ದ್ ಚೂರು ನೆಮ್ಮದಿ ತಿಕ್ಕುದುಂಡು, ಆಂಡಲಾ ಜನಕುಲು ನನಾತ್ ಜಾಗ್ರತೆಡ್ ಉಪ್ಪೊಡು ಖಡ್ಡಾಯವಾದ್ ಮಾಸ್ಕ್ ಪಾಡೊಡು ಪಂದ್ ಉಡುಪಿ ಜಿಲ್ಲಾ ಡಿ. ಸಿ ಜಗದೀಶ್ ಪಂಡೆರ್.

ರಾಮಮಂದಿರ ಟ್ರಸ್ಟ್ ದ ಸೊತ್ತು ಅತ್ತ್,ಇಡೀ ದೇಶದ ಸೊತ್ತು – ಪೇಜಾವರ ಶ್ರೀ

ಅಯೋಧ್ಯೆಡ್ ಶ್ರೀ ರಾಮಮಂದಿರದ ನಿರ್ಮಾಣೊಗ್ ಒಡಿಪುದ ಗ್ರಾಮ ಗ್ರಾಮೊಡ್ ನಿಧಿ ಸಮರ್ಪಣಾ ಅಭಿಯಾನ ನಡಪರೆಗುಂಡ್..ನೆತ್ತ ವತಿಡ್ದ್ ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನೊಡ್ ನಡತಿನ ಪೂರ್ವ ಭಾವಿ ಸಭೆಟ್ ಪೇಜಾವರ ಮಠದ ಶ್ರೀ ಕುಲು ಪಾತೆರ್ದ್ ರಾಮಮಂದಿರ ಟ್ರಸ್ಟ್ ದ ಸೊತ್ತು ಅತ್ತ್,ಇಡೀ ದೇಶದ ಸೊತ್ತು.ಏರ್ ಮಾತಾ ರಾಮದೇವೆರೆನ್ ನಂಬುವೆರಾ ಅಕಲ್ನ ಸೊತ್ತು.ಅಭಿವೃದ್ಧಿ ಮಲ್ಪುನ ಜಬಾದಾರಿ ಮಾತ್ರ ಟ್ರಸ್ಟ್ ದವ್ವ್ ಪಂಡುದ್ ಪಂಡೆರ್.ನಮ್ಮ ಮಾತೆರ್ನ ರಾಮಮಂದಿರ ಆವೊಡಾಂಡ ರಾಮಭಕ್ತೆರ್ನ ಮಾತೆರ್ನ ಸಹಕಾರ ಬೋಡು.ಐಕ್ ಮಾತೆರ್ಲ ಕೈಜೋಡಿಸಾಂಡ ಮಾತ್ರ ಪೊರ್ಲುದ ರಾಮಮಂದಿರ ಅವರೆಗ್ ಸಾಧ್ಯ ಪಂಡೆರ್.ವಿಶ್ವ ಹಿಂದೂ ಪರಿಷತ್ ದ ಕಾರ್ಯಕರ್ತೆರ್ ಇಲ್ಲ ಇಲ್ಲಗ್ ರಶೀದಿ ಪಸೊಂದ್ ಬರ್ಪೆರ್ ನಿಕಲ್ಡ ಆಪಿನಾತ್ ಸಹಕಾರ ಮಲ್ಪುಲೆ ಪಂಡುದ್ ಈ ಪೊರ್ತುಡ್ ಬಿನ್ನಪ ಮಲ್ತೆರ್.

ವೇದಿಕೆಡ್ ರಾಷ್ಟ್ರೀಯ ಸ್ವಯಂ ಸೇವಾ ಸಂಘದ ನಗರ ಸಂಘ ಸಂಚಾಲಕೆರಾಯಿನ ರಾಮಚಂದ್ರ ಸನಿಲ್,ಕೊಡವೂರು ಕೇಂದ್ರ ಪ್ರಮುಖ್ ಚಂದ್ರಕಾಂತ್,ಕೊಡವೂರು ವಸತಿ ಪ್ರಮುಖ್ ರಾಜೇಶ್ ಖಾನಂಗಿ,ವಾಸುದೇವ ಭಟ್ ಉಪಸ್ಥಿತರಿತ್ತೆರ್.

ಕೆನರಾ ಬ್ಯಾಂಕ್ ಪ್ರಾದೇಶಿಕ ಕಚೇರಿ ಒಡಿಪುದ ಸಹಾಯಕ ಪ್ರಬಂಧಕೆರಾಯಿನ ಶ್ರೀ ಎಮ್.ವೈ.ಹರೀಶ್ ಮೆರೆಗ್ ಜೈ ತುಳುನಾಡ್ ಸಂಘಟನೆದ ವತಿಡ್ದ್ ತುಳು ಲಿಪಿ ಟ್ ಬೋರ್ಡ್ ಪಾಡರೆ ಬಿನ್ನಾಪು

ಜೈ ತುಳುನಾಡ್ ಸಂಘಟನೆದ ವತಿಡ್ದ್ ಕೆನರಾ ಬ್ಯಾಂಕ್ ದ ಬೋರ್ಡ್ ನ್ ತುಳು ಲಿಪಿಟ್ ಪಾಡೊಡ್ ಪಂಡುದ್ ಕೆನರಾ ಬ್ಯಾಂಕ್‌ ದ ಪ್ರಾದೇಶಿಕ ಕಚೇರಿ ಉಡುಪಿದ ಸಹಾಯಕ ಪ್ರಬಂಧಕೆರಾಯಿನ ಶ್ರೀ ಎಮ್.ವೈ.ಹರೀಶ್ ಮೆರೆಗ್ ಮನವಿ ಕೊರಿಯೆರ್.ಈ ಪೊರ್ತುಡ್ ಜೈ ತುಳುನಾಡ್ ಸಂಘಟನೆದ ಪ್ರಮುಖೆರಾಯಿನ ಶರತ್ ಕೊಡವೂರು,ರಾಜೇಶ್ ತುಳುವೆ,ರವೀಂದ್ರ,ರಾಹುಲ್,ಉಷಾ ಪೂಜಾರಿ,ಉಜ್ವಲ,ಕೊಡವೂರು ದೇವಳದ ಕಾರ್ಯಂತೆರಾಯಿನ ಜನಾರ್ದನ ಕೊಡವೂರು ಇತ್ತೆರ್.