ಒಡಿಪು

ನಿವೃತ್ತ ಪೊಲೀಸೆರೆಗ್ ಆರೋಗ್ಯ ಭಾಗ್ಯ ಯೋಜನೆ

ಒಡಿಪು , ಎ.3: ನಿವೃತ್ತ ಪೊಲೀಸೆರೆಗ್ ಪೇಂಟೆದ ಪ್ರಮುಖ ಆಸ್ಪತ್ರೆಡ್ ಆರೋಗ್ಯ ಭಾಗ್ಯ ಯೋಜನೆದ ಪ್ರಯೋಜನ ತಿಕ್ಕೊಡು ಪಂದ್ ಸಶಸ್ತ್ರ ಮೀಸಲು ಪಡೆತ ನಿವೃತ್ತ ಸಹಾಯಕ ಪೊಲೀಸ್ ಉಪನಿರೀಕ್ಷಕೆರಾಯಿನ ಎ. ಚಂದ್ರಶೇಖರ್ ಪಂಡೆರ್ .

ಶುಕ್ರವಾರ ಪೇಂಟೆದ ಪೊಲೀಸ್ ಕವಾಯತು ಮೈದಾನ (ಚಂದು ಮೈದಾನ)ಡ್ ಉಡುಪಿ ಜಿಲ್ಲಾ ಪೊಲೀಸ್ ಇಲಾಖೆರ್ದ್ ನಡತಿನ ಕರ್ನಾಟಕ ರಾಜ್ಯ ಪೊಲೀಸ್ ಧ್ವಜ ದಿನಾಚರಣೆಡ್ ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆದ್ ಮಾನದಿಗೆ ದೆತೊಂದು ಪಾತೆರಿಯೆರ್.

ನಿವೃತ್ತ ಪೊಲೀಸೆರೆಗ್ ಆರೋಗ್ಯ ಭಾಗ್ಯ ಯೋಜನೆ ಕೆಲವು ನಿಗದಿತ ಆಸ್ಪತ್ರೆಡ್ ಮಾತ್ರ ಚಿಕಿತ್ಸೆ ತಿಕ್ಕೊಂದು ಉಂಡು , ಆಂಡ ಮಾತಾ ಆಸ್ಪತ್ರೆಡ್ ಲಾ ಚಿಕಿತ್ಸೆ ಬೋಡು ಪಂಡ ಅವು ಸಾಧ್ಯ ಇಜ್ಜಿ ಈ ನೆಲೆಟ್ಟ್ ಪೊಲೀಸ್ ವರಿಷ್ಠಾಧಿಕಾರಿಲು ಗಮನ ಕೊರೊಡು ಪಂದ್ ಚಂದ್ರಶೇಖರ್ ಬಿನ್ನಾಪು ಮಲ್ತೆರ್.

ಬಿಎಡ್ ಪದವಿ ಪರೀಕ್ಷೆಡ್ ಒಡಿಪುದ ಡಾ.ಟಿಎಂಎ ಪೈ ಮಹಾವಿದ್ಯಾಲಯದ ಅನುಷಾ ಎಸ್.ಶೆಟ್ಟಿ ಗ್ ಸುರುತ್ತ ರ್ಯಾಂಕ್

ಒಡಿಪು, ಮಾರ್ಚ್ 30: ಮಂಗಳೂರು ವಿಶ್ವವಿದ್ಯಾನಿಲಯ 2020ರ ಫೆಬ್ರವರಿ ತಿಂಗೊಲ್ ಡ್ ನಡಪಾಯಿನ ಬಿಎಡ್ ಪದವಿ ಪರೀಕ್ಷೆಡ್ ಒಡಿಪುದ ಡಾ.ಟಿಎಂಎ ಪೈ ಮಹಾವಿದ್ಯಾಲಯದ ಅನುಷಾ ಎಸ್.ಶೆಟ್ಟಿ ಸುರುತ್ತ ರ್ಯಾಂಕ್ ಪಡೆತೆರ್ .ಉದಯೋನ್ಮುಖ ಬರಹಗಾರ್ತಿಯಾತಿನ ಮೆರ್ನ ಕೆಲವು ಲೇಖನಲು ಪ್ರಮುಖ ಪತ್ರಿಕೆಡ್ ಪ್ರಕಟ ಆತ್oಡ್ .

ಒಡಿಪು ಪೆರಿಯ ನಾಗರಿಕ ಸಂಸ್ಥೆದ ಗುರ್ಕಾರ್ಲಾದ್ ಎಚ್.ವಿಶ್ವನಾಥ ಹೆಗ್ಡೆ ಆಯ್ಕೆ

ಒಡಿಪು : ಒಡಿಪು ದ ಪೆರಿಯ ನಾಗರಿಕರ ಸಂಸ್ಥೆದ ಗುರ್ಕಾರ್ಲಾದ್ ಎಚ್. ವಿಶ್ವನಾಥ ಹೆಗ್ಡೆ ಆಯ್ಕೆಯಾತೆರ್ .

ಗೌರವಾಧ್ಯಕ್ಷರಾದ್ ಸಿ.ಎಸ್.ರಾವ್, ಕಾರ್ಯದರ್ಶಿ ಮರಳೀಧರ್, ಒತ್ತು ಗುರ್ಕಾರ್ಲಾದ್ ಕೆ. ಸದಾನಂದ ಹೆಗ್ಡೆ ಖಜಾಂಚಿ ಎಸ್. ಹರಿದಾಸ್ ನಾಯಕ್, ಜ, ಕಾರ್ಯದರ್ಶಿ ಯು, ಸದಾನಂದ ಆರ್. ಶೆಟ್ಟಿ ಆಡಳಿತ ಮಂಡಳಿ ಸದಸ್ಯರಾದ್ ಡಾ| ತಲ್ಲೂರು ಶಿವರಾಮ ಶೆಟ್ಟಿ ಬಿ.ಭುವನ ಪ್ರಸಾದ್ ಹೆಗ್ಡೆ ಎಸ್. ರಮೇಶ್ ನಾಯಕ್, ಅಮಿತ್ ಕುಮಾರ್ ಶೆಟ್ಟಿ ಪಿ. ನಾಗರಾಜ್ ರಾವ್, ಡಾ| ರವಿಚಂದ್ರ ಉಚ್ಚಿಲ, ಬಿ. ಪ್ರಭಾಕರ್, ಪದ್ಮಾಕಿಣಿ, ಮಾಲತಿ ಕೆ., ಜಯರಾಮ ಆಚಾರ್ಯ ಸಾಲಿಗ್ರಾಮ, ಶ್ರೀಧರ್‌ ಶೆಟ್ಟಿಪಿ. ಸತೀಶ್ ರಾವ್, ಕೊಕ್ರಾಡಿ ಸುರೇಶ್ ರಾವ್ ಆಯ್ಕೆಯಾತೆರ್ .

ರಾಜ್ಯಮಟ್ಟದ ವಾಲಿಬಾಲ್ ಕ್ರೀಡಾಪಟು ನಿಧನ

ಕಾಪು, ಮಾ.28: ಮೈದಾನಡ್ ಗೊಬ್ಬನ್ದು ಇತ್ತಿಲಕನೇ ಬೂರ್ದು ರಾಜ್ಯಮಟ್ಟದ ವಾಲಿಬಾಲ್ ಆಟಗಾರೆ ತೀರ್ ಪೋಯಿನ ಘಟನೆ ಕಾಪುದ ಇನ್ನಂಜೆ ಮೈದಾನಡ್ ಶನಿವಾರ ನಡು ರಾತ್ರಿ ನಡತ್oಡ್ .

ಕಾಪುದ ಕುರ್ಕಾಲು ಸುಭಾಸ್ ನಗರ ನಿವಾಸಿ ದೇವು ಯಾನೆ ದೇವರಾಜ್ ಅಂಚನ್(33) ತೀರ್ ಪೋಯಿನಾರ್ . ರಾಜ್ಯ ಮಟ್ಟದ ಅವ್ವೆತೋ ಗೊಬ್ಬಿನ ಮೇರ್ ಶನಿವಾರ ರಾತ್ರಿ ಇನ್ನಂಜೆ ಮೈದಾನಡ್ ನಡತಿನ ವಾಲಿಬಾಲ್ ಪಂದ್ಯಾಟಡ್ ಗೊಬ್ಬೊನ್ದು ಇತ್ತೆರ್. ರಾತ್ರಿ ಒಂಜಿ ಗಂಟೆದ ಪೊರ್ತುಗು ಗೊಬ್ಬೊಡು ಇತ್ತಿಲಕನೇ ಹೃದಯಾಘಾತ ಆದ್ ಏಕಾಏಕಿ ತಿರ್ತ್ ಬೂರ್ದೆರ್. ಅಪಗನೆ ಮೆರೆನ್ ಉಡುಪಿ ಆಸ್ಪತ್ರೆಗ್ ಲೆತೊಂದು ಪೊಂಡಲ ಆತ್ ಪೊರ್ತುಗು ಆರ್ ತೀರ್ ಪೋದಿತ್ತೆರ್.

ಆರೋಗ್ಯ ಬೊಕ್ಕ ಪೌಷ್ಠಿಕತೆ ಬಗ್ಗೆ ಜಾಗೃತಿ : ಬೀದಿ ನಾಟಕ

ಉಡುಪಿ, ಮಾ.26: ಮಹಿಳಾ ಬೊಕ್ಕ ಮಕ್ಕಳ ಅಭಿವೃದ್ಧಿ ಇಲಾಖೆ ಅಂಚನೇ ಶಿಶು ಅಭಿವೃದ್ಧಿ ಯೋಜನೆ ಒಡಿಪು ವತಿರ್ದ್ ಪೋಷಣ್ ಅಭಿಯಾನ ಯೋಜನೆದಡಿ ಸಮನ್ವಯ ಟ್ರಸ್ಟ್ ಶಿವಮೊಗ್ಗ ಮೆಕ್ಲೆನೆರ್ದ್ ಸಾರ್ವಜನಿಕೆರ್ ಬೊಕ್ಕ ಫಲಾನುಭವಿಲೆಗ್ ಆರೋಗ್ಯ ಬೊಕ್ಕ ಪೌಷ್ಠಿಕತೆ ಬಗ್ಗೆ ಎಚ್ಚದ ಜಾಗೃತಿ ಶಿಕ್ಷಣ ಕೊರ್ಪಿನ ಬಗ್ಗೆ ಬೀದಿ ನಾಟಕನ್ ಸಿಟಿ ಬಸ್ ನಿಲ್ದಾಣದ ಕೈತಲ್ ಮಲ್ತೆರ್.

ಪೋಷಣ್ ಅಭಿಯಾನ ಕಾರ್ಯಕ್ರಮದ ಪ್ರಮುಖ ಉದ್ದೇಶ ಪೌಷ್ಠಿಕತೆ ಬೊಕ್ಕ ಆರೋಗ್ಯ ಉತ್ತಮ ಮಲ್ಪುನೆಟ್ಟ್ ಇಲಾಖೆದ ಸೇವೆಲು ಸೇರಿನಂಚ ಅಪೌಷ್ಠಿಕ ಜೋಕ್ಲೆನ ಆರೋಗ್ಯ ಸುಧಾರಿಸುವಿಕೆ, ಗರ್ಭಿಣಿ ಬಾಣಂತಿ ಪೌಷ್ಠಿಕತೆಗ್ ಪ್ರಾಮುಖ್ಯತೆ, ಸ್ತನ್ಯಪಾನದ ಮಹತ್ವ, ರಕ್ತಹೀನತೆ ಉಂತಾವುನ , ಬಾಲ್ಯವಿವಾಹ ನಿಷೇಧ ಬೊಕ್ಕ ಅಂಗನವಾಡಿದ ಸೇವೆದ ವಿಷಯದ ಬಗ್ಗೆ ಅರಿವು ಮೂಡಾಯೆರ್.